ၿျႃၻိက︀်ႉ 15:4 - Khamti Shan

⁴ ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ မ︀ဝ်က︀ူဝ်ႈယ︀မ︀်ႈ၊ ꩡ︀ိုဝ်ႈၵ︀ိင︀်းꩡ︀ူဝ်ꩡ︀ဝ်ႛမ︀ႆ︀ႛ မ︀ဝ်ယ︀ူဝ်းယ︀ွင︀်ႛꩬ︀ီ ၸ︀ႂ်က︀ေႃႇဢ︀ူꩵ︀ႈပ︀ီꩫ︀်ႈတ︀ီၵ︀ႃႛ။ ၵ︀ိင︀်းတ︀ူဝ်ꩡ︀ဝ်ႛꩬ︀ူလ︀ိဝ်ႈꩫ︀ႆ︀ၢႈꩫ︀မ︀် မ︀ူတ︀်ꩡ︀ၢင︀်တ︀ီၵ︀ႃႛꩫ︀ႆ︀ႇ။ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛ ပ︀ႅတ︀်ႉတ︀ြႃးꩬ︀ိုဝ်ႈꩰꩫ︀ႆ︀ႇၵ︀ဝ်ယ︀ႃႇ ꩡ︀ုꩫ︀်ႈꩬ︀ၢက︀်ꩰꩫ︀ႆ︀ႇꩬ︀ီ က︀ူꩫ︀်းက︀ူႈၸ︀ꩫ︀်းꩫ︀ႆ︀ႇၵ︀ဝ် ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ တ︀ီမ︀ႃးပ︀ႆ︀ၢႛဝႆ︀ႈက︀ꩫ︀်ႈတ︀ီၵ︀ႃႛꩫ︀မ︀်” ꩫ︀ꩬ︀ီဝႃႈက︀ꩫ︀်ႈဢ︀ူ။

ၿျႃၻိက︀်ႉ 15:4 ပူးပေါင်းရင်းမြစ်များ

ရ︀ေႃမ︀ 15:9

မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛ “င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်မ︀ႆ︀ႛ ꩫ︀ႂ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ီယ︀ူဝ်းယ︀ွင︀်ႛꩫ︀မ︀်။ ဢ︀ဝ်ႈၵ︀ၢမ︀်းဢ︀ွေꩬ︀ီ တ︀ီယ︀ူဝ်းယ︀ွင︀်ႛꩫ︀မ︀်” ꩫ︀ꩬ︀ီဝႃႈꩫ︀ႆ︀ႇꩫ︀က︀ꩫ︀်ႈ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛဢ︀ီꩫ︀ူႈꩫ︀ႆ︀ႇꩬ︀ီ ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀မ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ူဝ်းယ︀ွင︀်ႛက︀ꩫ︀်ႈꩫ︀ႆ︀ႇꩫ︀မ︀်။

ပ︀ေတ︀ရ︀ု ႑ 1:16

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “ꩫ︀င︀်က︀ဝ်ႈမ︀ူတ︀်ꩡ︀ၢင︀်ꩫ︀က︀ꩫ︀်ႈ ꩬ︀ူက︀ေႃႇဝႃႈမ︀ူတ︀်ꩡ︀ၢင︀်ဢ︀ူ” ꩫ︀ꩬ︀ီ က︀ျမ︀်းꩬ︀ိꩫ︀်မ︀ႆ︀ႛဝႃႈဝႆ︀ႇဢ︀ူ။

ၿျႃၻိက︀်ႉ 11:15

ၵ︀ုꩫ︀်ꩬ︀ၢင︀်တ︀တ︀်ႉတ︀မ︀ ပ︀ဝ်တ︀ုတ︀်က︀ီး က︀ၢင︀်ႈꩭၢဝ်မ︀ႆ︀ႛ ꩬ︀ီင︀်လ︀ူင︀်ꩫ︀ႆ︀ႇၵ︀ဝ်ဢ︀ွက︀်မ︀ႃးꩬ︀ီ “လ︀ၢက︀်ႉꩫ︀ႆ︀ႇယ︀ႃႇ က︀မ︀်ၸ︀ႃꩫ︀ႆ︀ႇ ပ︀ီꩫ︀်ႈမ︀ိူင︀်းꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛမ︀ေꩬ︀ိယ︀မ︀ꩫ︀်းꩡ︀ဝ်ႛယ︀ဝ်ႇ။ မ︀ꩫ︀်းꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ီဢ︀ုပ︀်ႉပ︀ိုင︀်က︀ႃꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 14:7

ၵ︀ုꩫ︀်ꩬ︀ၢင︀်ဢ︀မ︀ႂ်းယ︀ႃႇ “ယ︀ၢမ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းက︀ူႈက︀ူဝ်ႇမ︀ႆ︀ႛ ပ︀ႅတ︀်ႉတ︀ြႃးꩫ︀ႆ︀ႇထိုင︀်မ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩬ︀ီ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ ꩡ︀ဝ်ႛဢ︀ꩫ︀်ႈက︀ၢင︀်ႈꩭၢဝ်၊ လ︀င︀်ꩫ︀ိꩫ︀်ႈ၊ ꩫ︀မ︀်ႇꩬ︀မ︀်မ︀ုက︀်ႉတ︀ြႃင︀ႆ︀း ꩫ︀မ︀်ႇꩭွေႛꩫ︀ႆ︀ႇၵ︀ဝ်မ︀ႆ︀ႛ ၸ︀ၢꩫ︀်ꩬ︀ၢင︀်းꩫ︀ႆ︀ႇမ︀ႆ︀ႛ ပ︀ႆ︀ၢႛဝႆ︀ႈက︀ꩫ︀်ႈတ︀ႃႉ” ꩫ︀ꩬ︀ီတ︀ႅဝ်ဢ︀ူ။

ၿျႃၻိက︀်ႉ 16:5

ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်ဢ︀ꩫ︀်ႈꩫ︀မ︀်ႇမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇယ︀ႃႇ “ꩡ︀ဝ်ႛဢ︀ꩫ︀်ႈꩡ︀ူဝ်ႈပ︀ူꩫ︀်ႇမ︀ႃး၊ ꩡ︀ူဝ်ႈင︀ႆ︀ႚက︀ေႃႇ ယ︀င︀်းဢ︀ူꩫ︀ႆ︀ႇတ︀ီၵ︀ႃႛ ၵ︀ိင︀်းတ︀ူဝ်ꩡ︀ဝ်ႛယ︀ႃႇ မ︀ူတ︀်ꩡ︀ၢင︀်တ︀ီၵ︀ႃႛဢ︀ူ။ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛ ပ︀ႅတ︀်ႉတ︀ြႃးꩫ︀ႆ︀ႇက︀ေႃႇ တ︀ြႃးတ︀ီၵ︀ႃႛဢ︀ူ။

ၿျႃၻိက︀်ႉ 16:7

ꩫ︀ႆ︀ႇမ︀ႆ︀ႛ လ︀ုက︀်ႉၵ︀ီင︀်ၵ︀ႅက︀်ꩡ︀ဝ်ႛမ︀ႆ︀ႛက︀ေႃႇ ꩬ︀ီင︀်ဢ︀ွက︀်မ︀ႃးꩬ︀ီ “ꩡ︀ႂ်ႈတ︀ီၵ︀ႃႛဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀တ︀ီၵ︀ႃႛ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇၵ︀ဝ်ယ︀ႃႇ ꩬ︀ိုဝ်ႈတ︀ူဝ်တ︀ီၵ︀ႃႛဢ︀ူ” ꩫ︀ꩬ︀ီဝႃႈꩫ︀ႆ︀ႇမ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။

ၿျႃၻိက︀်ႉ 19:2

ဢ︀ꩫ︀်ႈမ︀ꩫ︀်းꩡ︀ဝ်ႛ ပ︀ႅတ︀်ႉတ︀ြႃးꩫ︀ႆ︀ႇယ︀ႃႇ ꩬ︀ိုဝ်ႈတ︀ူဝ်တ︀ီၵ︀ႃႛဢ︀ူ။ မ︀ေႈမ︀ွက︀်ယ︀ႃႛလ︀ူင︀် ဢ︀ꩫ︀်ႈက︀ူꩫ︀်းတ︀င︀်းက︀မ︀်ၸ︀ႃမ︀ႆ︀ႛ ဢ︀ဝ်ႈမ︀ေထုင︀်မ︀ꩫ︀်း ဢ︀ဝ်ႈလ︀ူႇတ︀ၢင︀်းက︀ႅင︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ပ︀ူင︀်ႈတ︀ၢမ︀်ယ︀ဝ်ႇ။ က︀ႃႈမ︀ꩫ︀်းဢ︀ဝ်ႈတ︀ႆ︀ၢႈ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛၵ︀ဝ်ꩫ︀ႆ︀ႇ မ︀ꩫ︀်းမ︀ႆ︀ႛပ︀ူင︀်ႈတ︀ၢမ︀်ꩭႂ်ႛယ︀ဝ်ႇ” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။

ၿျႃၻိက︀်ႉ 19:8

ၸ︀ူႛꩬ︀ၢဝ်မ︀ႂ်ဢ︀မ︀ႂ်း မ︀ꩫ︀်ႛလ︀ိူမ︀်ႛဢ︀ꩫ︀်ႈꩬ︀ႅꩫ︀်ႛတ︀ွင︀် ဢ︀ꩫ︀်ႈတ︀ွင︀်လ︀ိပ︀်ႉꩰꩫ︀ႆ︀ႇ ꩫ︀ႆ︀ႛꩫ︀ုင︀်ႈယ︀ဝ်ႇ” ꩫ︀ဝꩫ︀်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်ႛလ︀ိူမ︀်ႛဢ︀မ︀ႂ်းယ︀ႃႇ တ︀ၢင︀်းက︀ႅင︀်းꩬ︀ိုဝ်ႈတ︀ူဝ် က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ꩫ︀မ︀်။

ၿျႃၻိက︀်ႉ 3:7

“ၵ︀ုꩫ︀်ꩬ︀ၢင︀် ꩡ︀ိူဝ်းၸ︀ိလ︀ႃတ︀ႄၸ︀ိယ︀မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ႆ︀ႇ တ︀ႅမ︀်ႛꩭႂ်ႛတ︀ႃႉ။ ꩫ︀ႆ︀ႇယ︀ႃႇ ၵ︀ၢဝ်ႈၵ︀ၢမ︀်းꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်၊ ဢ︀ꩫ︀်ႈꩬ︀ိုဝ်ႈတ︀ူဝ် ဢ︀ꩫ︀်ႈတ︀ိုဝ်းꩬ︀ူဝ်းပ︀တ︀ူႈꩡ︀ဝ်ႛꩭူဝ်ၵ︀မ︀်းၻႃဝိꩫ︀မ︀်။ ပ︀တ︀ူႈဢ︀ꩫ︀်ႈမ︀ꩫ︀်းꩡ︀ဝ်ႛပ︀ုတ︀်မ︀ႆ︀ႛ ၸ︀ႂ်က︀ေႃႇ ꩭၢပ︀်ꩵ︀ႈꩫ︀ႆ︀ႛ၊ ဢ︀ꩫ︀်ႈမ︀ꩫ︀်းꩡ︀ဝ်ႛꩭၢပ︀်ဝႆ︀ႇမ︀ႆ︀ႛက︀ေႃႇ ၸ︀ႂ်က︀ေႃႇ ပ︀ုတ︀်ꩵ︀ႈꩫ︀ႆ︀ႛ။

ၿျႃၻိက︀်ႉ 4:8

တ︀ူဝ်ႈꩬ︀တ︀်ႉꩬ︀ီပ︀ႃးဢ︀မ︀ႂ်းၵ︀ဝ်ယ︀ႃႇ ပ︀ိက︀်ꩭူက︀်ဢ︀ꩫ︀်ႈꩭူက︀်ဢ︀ꩫ︀်ႈယ︀င︀်းဢ︀ူ။ တ︀ူဝ်ႈၵ︀ဝ်မ︀ႆ︀ႛယ︀ႃႇ တ︀င︀်းတ︀ူဝ်ႈမ︀ႆ︀ႛ ꩭွေတ︀ႃႈꩫ︀ႆ︀ၢႈတ︀ီမ︀်ႈက︀ꩫ︀်ႈꩫ︀မ︀်။ ၵ︀ဝ်ယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ ဢ︀ꩫ︀်ႈꩡ︀ူဝ်ႈပ︀ူꩫ︀်ႇမ︀ႃး၊ ꩡ︀ူဝ်ႈꩫ︀ႆ︀ႇ၊ ꩡ︀ူဝ်ႈꩫ︀ႃႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇယ︀င︀်းဢ︀ူꩫ︀ႆ︀ႇယ︀ႃႇ မ︀ူတ︀်ꩡ︀ၢင︀်ဢ︀ူ။ မ︀ူတ︀်ꩡ︀ၢင︀်ဢ︀ူ။ မ︀ူတ︀်ꩡ︀ၢင︀်ဢ︀ူ” ꩫ︀ꩬ︀ီမ︀ဝ်ꩫ︀ႂ်မ︀ဝ်ꩬ︀ဝ်း ဢ︀ွေၵ︀ၢမ︀်းက︀ꩫ︀်ႈဢ︀ူ။

ၿျႃၻိက︀်ႉ 6:10

ၵ︀ဝ်ယ︀ႃႇ “ꩡ︀ဝ်ႛဢ︀ꩫ︀်ႈယ︀ႂ်မ︀ႅတ︀်ႉ၊ မ︀ူတ︀်ꩡ︀ၢင︀်၊ ꩬ︀ိုဝ်ႈတ︀ူဝ်တ︀ီၵ︀ႃႛ က︀ူꩫ︀်းဢ︀ꩫ︀်ႈဢ︀ူမ︀ိူင︀်းက︀ူꩫ︀်း ဢ︀ꩫ︀်ႈတ︀ူႈၵ︀ႃႛမ︀ႆ︀ႛဢ︀ဝ်ႈတ︀ႆ︀ၢႈမ︀ႃးꩫ︀ႆ︀ႇၵ︀ဝ်မ︀ႆ︀ႛ ꩡ︀ိဝ်းꩰပ︀ႅတ︀်ႉတ︀ြႃးꩬ︀ီ ပ︀ူင︀်ႈတ︀ၢမ︀်တ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။