ၿျႃၻိက︀်ႉ 14:6 - Khamti Shan

⁶ ဝၢႆ︀းꩫ︀ႆ︀ႇ က︀ꩫ︀်ႛꩫ︀ိူဝ်က︀ၢင︀်ႈၸ︀ႃႇမ︀ႆ︀ႛ ၵ︀ုꩫ︀်ꩬ︀ၢင︀်ပ︀ႃးလ︀ိူင︀်ႈမ︀ီꩫ︀်ႈဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ မ︀ꩫ︀်းယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈထႃဝရ︀ ဢ︀ꩫ︀်ႈꩡ︀ႃႇꩭၢင︀်းက︀ူꩫ︀်းက︀မ︀်ၸ︀ႃ ဢ︀ꩫ︀်ႈတ︀ၢꩫ︀်ႛၵ︀ၢမ︀်းက︀ူႈၸ︀ꩫ︀်း၊ က︀ူꩫ︀်းက︀ူႈၸ︀ꩫ︀်း၊ က︀ူႈၵ︀ိူဝ်းဢ︀ꩫ︀်ႈဢ︀ူက︀ူႈမ︀ိူင︀်းꩰꩫ︀ႆ︀ႇၵ︀ဝ်မ︀ႆ︀ႛ တ︀ႅဝ်ꩫ︀ႆ︀ႇ ဢ︀ဝ်ႈမ︀ႃးဢ︀ူ။

ၿျႃၻိက︀်ႉ 14:6 ပူးပေါင်းရင်းမြစ်များ

မ︀တ︀်တ︀ႄး 10:27

ဢ︀ꩫ︀်ႈက︀ဝ်ႈꩬ︀ူမ︀ႆ︀ႛ ပ︀ၢင︀်ႛၵ︀မ︀်ႈမ︀ႆ︀ႛဝႃႈꩫ︀ႆ︀ႇၵ︀ဝ် ꩬ︀ူက︀ၢင︀်ႈဝꩫ︀်းမ︀ႆ︀ႛ ၵ︀ႆ︀ႈပ︀ွက︀်ႉတ︀ႃႉ။ ဢ︀ꩫ︀်ႈက︀ဝ်ႈꩬ︀ူမ︀ႆ︀ႛꩫ︀ႆ︀ၢႈ တ︀ီတ︀်ꩡ︀ိပ︀်ႉꩰꩬ︀ီဝႃႈꩫ︀ႆ︀ႇၵ︀ဝ် ꩬ︀ူလ︀ုက︀်ႉꩡ︀ၢꩫ︀်းမ︀ႆ︀ႛ တ︀ႅဝ်တ︀ႃႉ။

မ︀ႃက︀ု 16:15

ယ︀ဝ်ႇက︀ီးမ︀ꩫ︀်းꩡ︀ဝ်ႛယ︀ႃႇ “ꩬ︀ူ က︀မ︀်ၸ︀ႃက︀ူႈတ︀ီႈက︀ူႈꩫ︀ႅꩫ︀်ႈမ︀ႆ︀ႛက︀ႃꩬ︀ီ က︀ူꩫ︀်းတ︀င︀်းမ︀ိူင︀်းမ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ က︀ႃတ︀ႅဝ်က︀ႃꩭူဝ်းတ︀ႃႉ။

ရ︀ေႃမ︀ 16:25

ပ︀ႆ︀ႉꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩫ︀င︀်ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈက︀ဝ်ႈꩭူဝ်းꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈꩬ︀ူယ︀ုမ︀်ယ︀မ︀်ႈဝႆ︀ႇမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛပ︀ီꩫ︀်ႈဢ︀ူ။ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းယ︀ႃႇ ꩬ︀မ︀်မ︀ႃတ︀ြႃးဢ︀ꩫ︀်ႈက︀ီလ︀ႆ︀ၢꩡ︀ူဝ်ႈပ︀ၢꩫ︀်ႈ ဢ︀ဝ်ႈမ︀ႅပ︀်ဝႆ︀ႇမ︀ႃးꩬ︀ီ င︀ႆ︀ႚꩬ︀ိုင︀်မ︀ꩫ︀်းꩡ︀ဝ်ႛ ပ︀ုတ︀်ပ︀ျႃးမ︀ႃးꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 1:23

င︀ႆ︀းꩫ︀ႆ︀ႇꩬ︀ီ ꩬ︀ူꩬ︀မ︀်မ︀ႃတ︀ြႃးꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ိုမ︀်းꩰက︀ꩫ︀်ႈတ︀ႃႉ။ ꩫ︀င︀်မ︀ိူဝ်ႈꩬ︀ူ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းမ︀ႆ︀ႛ ꩬ︀င︀်က︀ူဝ်ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ တ︀မ︀်းꩡ︀ႂ်ႈမ︀ႃးꩫ︀က︀ꩫ︀်ႈ က︀ၢပ︀်ꩬ︀ီတ︀မ︀်းꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။ ꩡ︀ႂ်ႈဢ︀မ︀ႂ်း ပ︀ီꩭႂ်ႛလ︀ႆ︀ၢႈက︀ႃ။ က︀ဝ်ႈပ︀ေႃလ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇက︀ေႃႇ တ︀င︀်းက︀မ︀်ၸ︀ႃမ︀ႆ︀ႛ ထိုင︀်က︀ႃယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:16

ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀င︀်း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛꩭၢက︀်ႉꩭွမ︀်ဢ︀ီꩫ︀ူႈꩬ︀ီ ဢ︀ꩫ︀်ႈꩭဝ်းမ︀ုင︀်ႈမ︀ွင︀်းမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛ၊ ဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃတ︀ေႇတ︀ေႇꩭႂ်ႛꩫ︀ႆ︀ႇꩭႂ်ႛပ︀ူဝ်းꩬ︀ူမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ လ︀ွင︀်ႈꩫ︀ီႈက︀ူႈၸ︀ꩫ︀်းက︀ူႈမ︀ိဝ်း တ︀ၢꩫ︀်ႛပ︀ီꩫ︀်ႈꩭီတ︀်ပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛꩭႅင︀်းꩡ︀ႂ်ႈ၊ ꩭႅင︀်းၵ︀ွꩫ︀်ꩭႂ်ႛထႅမ︀်က︀ႃတ︀ႃႉ။

ꩭေပ︀ရ︀ူး 13:20

ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃယ︀ႃႇ ꩡ︀ဝ်ႛယ︀ေꩬ︀ုꩭဝ်း ၸ︀ူႛလ︀ီင︀်ႇပ︀ူႇလ︀ူင︀် ဢ︀ꩫ︀်ႈဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ တ︀ွက︀်ꩡ︀ုမ︀်ႛလ︀ိက︀်ႉၵ︀တ︀်ႉထႃဝရ︀မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ပ︀ေတ︀ရ︀ု ႑ 1:25

ꩫ︀ႆ︀ႇꩫ︀က︀ေႃႇ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ꩫ︀်ႛတ︀ိူင︀်ႈဢ︀ူ” ꩫ︀ဝꩫ︀်ႇ။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈꩬ︀ူမ︀ႆ︀ႛ တ︀ူႈꩭူဝ်းမ︀ႃးꩫ︀ႆ︀ႇꩫ︀မ︀်။

ၿျႃၻိက︀်ႉ 10:11

ယ︀ဝ်ႇက︀ီး ၵ︀ုꩫ︀်ꩬ︀ၢင︀်ဢ︀မ︀ႂ်းယ︀ႃႇ က︀ဝ်ႈမ︀ႆ︀ႛ “ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ႃႇမ︀ိူင︀်းꩫ︀ႆ︀ႇၵ︀ဝ်၊ ၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်၊ ၵ︀ိူဝ်းက︀ူꩫ︀်းꩫ︀ႆ︀ႇၵ︀ဝ်င︀ႆ︀း ꩡ︀ႃႇꩡ︀ဝ်ႛꩭူဝ်ၵ︀မ︀်းဢ︀ၢꩫ︀်တ︀ၢꩫ︀်ꩫ︀ႆ︀ႇၵ︀ဝ် ꩬ︀ၢင︀်ဝႆ︀ႇꩫ︀ႆ︀ႇ က︀ၢပ︀်ꩬ︀ီတ︀ႅဝ်တ︀ႃႉ” ꩫ︀ဝꩫ︀်ႇ။

ၿျႃၻိက︀်ႉ 10:7

ၵ︀ုꩫ︀်ꩬ︀ၢင︀်တ︀တ︀်ႉတ︀မ︀တ︀ုတ︀်တ︀ီပ︀ဝ်က︀ီး ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ တ︀ႅဝ်မ︀ႃးꩫ︀ႆ︀ႇꩫ︀က︀ꩫ︀်ႈ လ︀ွင︀်ႈလ︀ိူက︀်ႉလ︀မ︀်မ︀ꩫ︀်းꩡ︀ဝ်ႛ တ︀ီယ︀ဝ်ႇက︀ႃꩫ︀မ︀်။

ၿျႃၻိက︀်ႉ 13:7

မ︀ꩫ︀်းယ︀ႃႇ ဢ︀ၵ︀ၢင︀်းဢ︀ꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ တ︀ိက︀်ꩬ︀ိူက︀်ပ︀ေႇꩫ︀ႆ︀ႇင︀ႆ︀း ဢ︀ၵ︀ၢင︀်းဢ︀ꩫ︀်ႈ က︀ူꩫ︀်းဢ︀ꩫ︀်ႈတ︀ၢꩫ︀်ႛၵ︀ၢမ︀်းက︀ူႈၸ︀ꩫ︀်း၊ က︀ူꩫ︀်းက︀ူႈၸ︀ꩫ︀်း၊ က︀ူႈၵ︀ိူဝ်းဢ︀ꩫ︀်ႈဢ︀ူ က︀ူႈမ︀ိူင︀်းꩰꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩫ︀ႆ︀ႛဝႆ︀ႇဢ︀ူ။

ၿျႃၻိက︀်ႉ 3:10

မ︀ႂ်းယ︀ႃႇ ၵ︀ၢမ︀်းက︀ဝ်ႈမ︀ႆ︀ႛထွမ︀်ꩬ︀ီ က︀ꩫ︀်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈက︀ူꩫ︀်းတ︀င︀်းက︀မ︀်ၸ︀ႃမ︀ႆ︀ႛ ၸ︀ေးတ︀ၢမ︀်ပ︀ူင︀်ႈꩬ︀ီꩡ︀ႅပ︀်ႉꩫ︀ႆ︀ႇ မ︀ႂ်းမ︀ႆ︀ႛယ︀ႃႇလ︀ုက︀်ႉၸ︀ေးမ︀ႆ︀ႛ က︀ဝ်ႈတ︀ီက︀ုမ︀်ႇꩭႂ်ႛꩫ︀မ︀်။

ၿျႃၻိက︀်ႉ 5:9

ၵ︀ဝ်ၵ︀ၢမ︀်းမ︀ႂ်ဢ︀ွေက︀ꩫ︀်ႈဢ︀ူ။ ၵ︀ၢမ︀်းဢ︀မ︀ႂ်းယ︀ႃႇ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈꩫ︀ိူတ︀်ႉၵ︀ိင︀်းတ︀ူဝ်ꩡ︀ဝ်ႛ က︀ူꩫ︀်းက︀ူႈၵ︀ိူဝ်း၊ က︀ူႈၸ︀ꩫ︀်း၊ က︀ူႈမ︀ိူင︀်းမ︀ႆ︀ႛ ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛꩬ︀ေထွတ︀်ဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၸ︀ုꩫ︀်လ︀ိက︀်ႉဢ︀မ︀ႂ်းဢ︀ဝ်ႈꩬ︀ီ ꩡ︀ုမ︀်ႛဢ︀မ︀ႂ်းက︀ေႛထႅက︀်ႉတ︀ီၵ︀ႃႛဢ︀ူ။

ၿျႃၻိက︀်ႉ 8:13

ဝႆ︀ၢးꩫ︀ႆ︀ႇက︀ဝ်ႈလ︀ႅမ︀်းက︀ီး က︀ၢင︀်ႈꩭၢဝ်မ︀ႆ︀ႛ ယ︀ႃႈꩭူင︀်ႇတ︀ူဝ်ႈလ︀ိူင︀်ႈမ︀ီꩫ︀်ႈင︀ႆ︀းꩬ︀ီ “ၵ︀ုꩫ︀်ꩬ︀ၢင︀်ဢ︀ꩫ︀်ႈက︀ိူတ︀်ꩬ︀ၢမ︀်ပ︀ႃး တ︀ီပ︀ဝ်တ︀ုတ︀်ꩫ︀ႆ︀ႇꩬ︀ီ ဢ︀ꩫ︀်ႈလ︀င︀်ꩫ︀ိꩫ︀်ႈမ︀ႆ︀ႛဢ︀ူꩫ︀ႆ︀ႇၵ︀ဝ် တ︀ီယ︀ၢက︀်ႉလ︀ူင︀်ယ︀ဝ်ႇ။ တ︀ီယ︀ၢက︀်ႉလ︀ူင︀်ယ︀ဝ်ႇ။ တ︀ီယ︀ၢက︀်ႉလ︀ူင︀်ယ︀ဝ်ႇ” ꩫ︀ꩬ︀ီ ဢ︀ိဝ်ꩬ︀ီဝႃႈဢ︀ူ။