ၿျႃၻိက︀်ႉ 14:4 - Khamti Shan

⁴ ၵ︀ဝ်ယ︀ႃႇ ၸ︀ူႛမ︀ၢဝ်ꩡ︀ႅတ︀်ႉꩰဢ︀ꩫ︀်ႈတ︀င︀်းၸ︀ူႛယ︀ိင︀်းမ︀ဝ်ꩭွꩫ︀်ဢ︀ူꩫ︀ႆ︀ႇၵ︀ဝ်ꩫ︀မ︀်။ တ︀ီႈဢ︀ꩫ︀်ႈပ︀ူႇဢ︀ွꩫ︀်က︀ႃမ︀ႆ︀ႛ ၵ︀ဝ်ꩡ︀ွမ︀်းဢ︀ူꩫ︀မ︀်။ ၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ေႛၵ︀ျွတ︀်ႉဝႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃပ︀ူႇဢ︀ွꩫ︀်မ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚပ︀ုက︀်ႉꩡ︀ူဝ်ꩫ︀ႆ︀ႇၵ︀ဝ်ꩫ︀မ︀်။

ၿျႃၻိက︀်ႉ 14:4 ပူးပေါင်းရင်းမြစ်များ

မ︀တ︀်တ︀ႄး 19:12

က︀ူꩫ︀်းꩫ︀ႆ︀ႇၵ︀ဝ် တ︀င︀်ႛꩭိူꩫ︀်းမ︀ဝ်ပ︀ီꩫ︀်ႈꩫ︀ႆ︀ႇ လ︀ွင︀်ႈက︀ူႈၸ︀ꩫ︀်းယ︀င︀်းဢ︀ူ။ က︀မ︀်ႈၸ︀ွင︀်းယ︀ႃႇ လ︀ုက︀်ႉမ︀ိူဝ်ႈယ︀င︀်းပ︀ုꩫ︀်ႛ ꩡ︀ႂ်ႈဢ︀ꩫ︀်ႈၵ︀ႂ်ႈတ︀င︀်ႛꩭိူꩫ︀်း၊ ၵ︀ႂ်ႈပ︀ီꩫ︀်ႈꩭိူꩫ︀်း မ︀ဝ်ယ︀င︀်းမ︀ႃးꩫ︀မ︀်။ က︀မ︀်ႈၸ︀ွင︀်းယ︀ႃႇ ပ︀ိူꩫ︀်ႈꩬ︀ိုင︀်ဢ︀ဝ်ႈၸ︀ႅင︀်းꩬ︀ီ တ︀င︀်ႛꩭိူꩫ︀်းမ︀ဝ်ꩫ︀ႆ︀ႛꩫ︀မ︀်။ က︀မ︀်ႈၸ︀ွင︀်းယ︀ႃႇ ꩫ︀ူႈဢ︀က︀ိဝ်းမ︀ိူင︀်းက︀ၢင︀်ႈꩭၢဝ်ꩬ︀ီ မ︀ဝ်တ︀င︀်ႛꩭိူꩫ︀်းꩬ︀ီဢ︀ူꩫ︀မ︀်။ က︀ူဝ်ႇဢ︀ꩫ︀်ႈမ︀ဝ်တ︀င︀်ႛꩭိူꩫ︀်းꩬ︀ီ ဢ︀ူꩫ︀ႆ︀ႛꩫ︀ႆ︀ႇ ꩵ︀ႈထုက︀်တ︀င︀်ႛ” ꩫ︀ဝꩫ︀်ႇ။

မ︀တ︀်တ︀ႄး 25:1

မ︀ိူဝ်ႈဢ︀မ︀ႂ်း မ︀ိူင︀်းက︀ၢင︀်ႈꩭၢဝ်ယ︀ႃႇ ꩫ︀င︀်ပ︀ုင︀်ၸ︀ူႛꩬ︀ၢဝ်ꩬ︀ိပ︀်က︀ူဝ်ႇ ဢ︀ꩫ︀်ႈဝၢꩫ︀်ၸ︀ႆ︀းတ︀ိုဝ်းꩬ︀ီ က︀ႃꩭၢပ︀်ႉၸ︀ူႛမ︀ၢဝ်မ︀ႂ်ꩫ︀က︀ꩫ︀်ႈ တ︀ီပ︀ီꩫ︀်ႈꩫ︀မ︀်။

မ︀တ︀်တ︀ႄး 8:19

မ︀ိူဝ်ႈဢ︀မ︀ႂ်း ꩬ︀ြႃတ︀ြႃးက︀ူဝ်ႇလ︀ိူင︀်ႈမ︀ႃးꩬ︀ီ “ꩡ︀ဝ်ႛꩬ︀ြႃꩴ︀း မ︀ႂ်းꩡ︀ဝ်ႛက︀ႃဢ︀မ︀ႆ︀ႚꩫ︀က︀ေႃႇ က︀ဝ်ႈၵ︀ႃႛꩡ︀ွမ︀်းတ︀ီၵ︀ႃႛက︀ွတ︀်” ꩫ︀ꩬ︀ီꩬ︀ွက︀်ႉဢ︀ူ။

ယ︀ေႃးꩭၢꩫ︀် 10:27

ပ︀ူႇက︀ဝ်ႈၵ︀ဝ်ယ︀ႃႇ ၵ︀ၢမ︀်းက︀ဝ်ႈထွမ︀်ဢ︀ူ။ က︀ဝ်ႈက︀ေႃႇၵ︀ဝ်မ︀ႆ︀ႛတ︀ွင︀်းꩬ︀ီ ၵ︀ဝ်က︀ေႃႇ က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းက︀ꩫ︀်ႈဢ︀ူ။

ယ︀ေႃးꩭၢꩫ︀် 12:26

က︀ူဝ်ႇဢ︀ꩫ︀်ႈၵ︀ႂ်ႈꩭီတ︀်ဢ︀မ︀ူးက︀ဝ်ႈꩫ︀ႆ︀ႇ ဝႃႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀မ︀်။ င︀ႆ︀းက︀ီးꩬ︀င︀် တ︀ီႈဢ︀ꩫ︀်ႈက︀ဝ်ႈဢ︀ူမ︀ႆ︀ႛ မ︀ꩫ︀်းတ︀ီꩫ︀ႆ︀ႛဢ︀ူꩫ︀မ︀်။ က︀ူဝ်ႇဢ︀ꩫ︀်ႈꩭီတ︀်ဢ︀မ︀ူးက︀ဝ်ႈမ︀ႆ︀ႛ ပ︀ူဝ်က︀ဝ်ႈက︀ေႃႇ တ︀ီယ︀ွင︀်ႛꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 13:37

င︀ႆ︀းက︀ီးပ︀ေတ︀ရ︀ုယ︀ႃႇ “လ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ ꩡ︀ွမ︀်းမ︀ဝ်ꩫ︀ႆ︀ႛတ︀ီၵ︀ႃႛꩫ︀ႆ︀ႇꩡ︀ဝ်ႛꩴ︀း။ က︀ဝ်ႈၵ︀ႃႛ င︀ႆ︀ႚ ꩡ︀ႃႇမ︀ႂ်းꩡ︀ဝ်ႛ တ︀ႆ︀ၢႈပ︀ီꩫ︀်ႈတ︀ီၵ︀ႃႛဢ︀ူ” ꩫ︀ꩬ︀ီꩬ︀ွက︀်ႉပ︀ွက︀်ႉဢ︀ူ။

ယ︀ေႃးꩭၢꩫ︀် 8:12

ဝႆ︀ၢးဢ︀မ︀ႂ်း ꩡ︀ဝ်ႛယ︀ေꩬ︀ုယ︀ႃႇ ၸ︀ႃရ︀ိꩬ︀ႄꩫ︀ႆ︀ႇၵ︀ဝ်မ︀ႆ︀ႛ “က︀ဝ်ႈယ︀ႃႇ ဢ︀ꩫ︀်ႈလ︀ႅင︀်းမ︀ိူင︀်းက︀ၢင︀်ႈꩫ︀မ︀်။ က︀ူဝ်ႇဢ︀ꩫ︀်ႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀ႆ︀ႇ ဢ︀ꩫ︀်ႈလ︀ႅင︀်းဢ︀ꩫ︀်ႈꩡ︀ိုဝ်ႇလ︀ွင︀်ႈပ︀ျႃးတ︀ၢင︀်းပ︀ိူꩫ︀်ႈꩫ︀ႆ︀ႛꩬ︀ီ မ︀ိူဝ်ႈလ︀ႂ်ႈက︀ေႃႇ ဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ꩵ︀ႈက︀ႃ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 20:28

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း၊ ၸ︀ုင︀်ပ︀ူႇꩡ︀ဝ်ႛဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛဢ︀ၢပ︀်ႉꩭႂ်ႛꩫ︀ႆ︀ႇမ︀ႆ︀ႛတ︀မ︀ိူင︀်းမ︀ိုင︀်ႇက︀ꩫ︀်ႈတ︀ႃႉ။ ꩡ︀ိူဝ်းꩡ︀ဝ်ႛမ︀ႆ︀ႛ ꩫ︀င︀်ၸ︀ူႛလ︀ီင︀်ႇပ︀ူႇꩫ︀က︀ꩫ︀်ႈမ︀ိုင︀်ႇက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ꩬ︀ၢက︀်ႉ လ︀ုက︀်ႉမ︀ꩫ︀်းꩡ︀ဝ်ႛထွတ︀်ꩬ︀ီ ဢ︀ဝ်ႈပ︀ီꩫ︀်ႈၵ︀ွင︀်မ︀ꩫ︀်းꩡ︀ဝ်ႛယ︀ဝ်ႇ။

က︀ေႃရ︀ိꩫ︀်တ︀ု ႑ 16:15

ꩡ︀ုမ︀်ႛꩭိူꩫ︀်းꩬ︀တ︀ေၸ︀ꩫ︀်ၵ︀ဝ်မ︀ႆ︀ႛ ꩬ︀ူတ︀ွင︀်းမ︀ဝ်ꩡ︀ႂ်ႈ။ ၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉတ︀ိူင︀်းဢ︀ႃၵ︀ႃယ︀မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚယ︀ုမ︀်ယ︀မ︀်ႈမ︀ႃးꩫ︀မ︀်။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၵ︀ဝ်ꩡ︀ွႆ︀ႈလ︀ူင︀်ꩡ︀ွႆ︀ႈလ︀ၢင︀်မ︀ႃးယ︀ဝ်ႇ။ ၵ︀ႅꩫ︀်းꩫ︀က︀ွတ︀်။ ၵ︀ၢမ︀်းၵ︀ဝ်မ︀ႆ︀ႛတ︀မ︀ိူင︀်း၊ ၵ︀ၢမ︀်းက︀ူꩫ︀်းဢ︀ꩫ︀်ႈတ︀င︀်းၵ︀ဝ် ꩭူမ︀်ႈꩭီတ︀်ဢ︀မ︀ူးꩬ︀ေႈꩡ︀ႃႉꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ထွမ︀်ꩡ︀ွမ︀်းက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႑ 6:20

ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩬ︀ိုဝ်ႇဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ တ︀ူဝ်ႈꩬ︀ူမ︀ႆ︀ႛ ꩡ︀ႃႇမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် တ︀ိုဝ်းက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 7:28

က︀ူꩫ︀်းလ︀ွတ︀်ႉꩫ︀ႆ︀ႇၵ︀ဝ် တ︀င︀်ႛꩭိူꩫ︀်း၊ ပ︀ီꩫ︀်ႈꩭိူꩫ︀်းꩫ︀ႆ︀ႇ ဢ︀ပ︀ႅတ︀်ႉꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ တ︀င︀်ႛꩭိူꩫ︀်းပ︀ီꩫ︀်ႈꩭိူꩫ︀်းက︀ီး ꩬ︀ူတ︀ီꩫ︀ႆ︀ႛယ︀ပ︀်ယ︀ၢက︀်ႉꩫ︀မ︀်။ ꩬ︀ူမ︀ႆ︀ႛၵ︀ၢꩫ︀်ႇꩭႂ်ႛယ︀ပ︀်ယ︀ၢက︀်ႉꩬ︀ီꩫ︀မ︀် က︀ဝ်ႈဝႃႈꩫ︀ႆ︀ႇ။

က︀ေႃရ︀ိꩫ︀်တ︀ု ႒ 11:2

ꩬ︀ူမ︀ႆ︀ႛꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ က︀ပ︀်ႉꩡ︀ႂ်ႈꩫ︀က︀ꩫ︀်ႈ က︀ဝ်ႈက︀ေႃႇက︀ပ︀်ႉꩡ︀ႂ်ႈဢ︀ူ။ ꩬ︀ူယ︀ႃႇꩫ︀င︀်ၸ︀ူႛꩬ︀ၢဝ်မ︀ႂ်ဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈꩭၢင︀်းတ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛꩫ︀ႆ︀ၢႈ က︀ူပ︀်က︀ꩫ︀်ႈꩫ︀ꩬ︀ီ က︀ဝ်ႈလ︀ိူက︀်ႉဝႆ︀ႇꩫ︀ႆ︀ႇꩫ︀က︀ꩫ︀်ႈꩫ︀မ︀်။

ဢ︀ေၸ︀ႅတ︀် 1:14

ၵ︀ွꩫ︀်ဢ︀မ︀ႂ်းယ︀ႃႇ ဢ︀ꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩫ︀ႆ︀ႇ ꩭဝ်းတ︀ီꩫ︀ႆ︀ႛꩫ︀မ︀်ꩫ︀ꩬ︀ီ ဢ︀ဝ်ႈတ︀မ︀်းꩡ︀ႂ်ႈꩭႂ်ႛꩫ︀ႆ︀ႇꩬ︀ီ ꩭဝ်းၸ︀ူႛပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛ တ︀ီဢ︀ဝ်ႈလ︀ွတ︀်ႉလ︀ေႚလ︀ေႚꩭႂ်ႛꩫ︀မ︀်ꩫ︀ꩫ︀ႆ︀ႇ ꩭဝ်းတ︀မ︀်းꩡ︀ႂ်ႈꩫ︀ႆ︀ႛဢ︀ူ။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ဢ︀ေၸ︀ႅတ︀် 5:27

မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ မ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ꩡ︀ိူဝ်းꩡ︀ဝ်ႛ ၸ︀ူႛပ︀ီꩫ︀်ႈၸ︀ူႛꩬ︀ၢဝ်မ︀ႂ်မ︀ꩫ︀်းꩡ︀ဝ်ႛဢ︀ၢပ︀်ႉꩫ︀ႆ︀ႇ ꩭႂ်ႛပ︀ူဝ်းꩡ︀ိူဝ်းꩡ︀ဝ်ႛ မ︀ိတ︀်ႉလ︀ိူင︀်ႈꩫ︀ၢႆ︀ႈက︀ေႃႇမ︀ဝ်ꩭင︀်ႛ၊ မ︀ဝ်ꩭုꩫ︀်ႛ၊ ꩭွႆ︀းက︀ꩬ︀င︀်က︀ေႃႇ မ︀ဝ်ယ︀င︀်းꩬ︀ီ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ မ︀ူတ︀်ꩡ︀ၢင︀်င︀ႆ︀းꩬ︀ႅꩫ︀်ႛတ︀ီမ︀်ႈက︀ုမ︀်ꩬ︀ီ ဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉက︀ꩬ︀င︀်က︀ေႃႇမ︀ဝ်ယ︀င︀်းꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 4:3

ၵ︀ဝ်ယ︀ႃႇ တ︀င︀်ႛꩭိူꩫ︀်းတ︀ေယ︀ေးꩫ︀ႆ︀ႇ ꩵ︀ႈꩫ︀ီႈ၊ ဢ︀ꩫ︀်ႈက︀ိꩫ︀်ႈက︀မ︀်ႈၸ︀ွင︀်းယ︀ႃႇ ꩵ︀ႈꩫ︀ႆ︀ႛက︀ိꩫ︀်ႈꩫ︀ꩬ︀ီ ꩬ︀ွꩫ︀်လ︀ေဢ︀ူ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈက︀ိꩫ︀်ႈဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ၢꩫ︀်ꩬ︀ၢင︀်းဝႆ︀ႇꩫ︀မ︀်။ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩬ︀ီ ꩬ︀မ︀်မ︀ႃတ︀ြႃးမ︀ꩫ︀်းꩡ︀ဝ်ႛမ︀ႆ︀ႛ တ︀ွင︀်းꩫ︀ႆ︀ႇၵ︀ဝ်ယ︀ႃႇ မ︀ူꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩬ︀ီ က︀ိꩫ︀်ႈꩫ︀ႆ︀ႛဢ︀ူ။

ꩭေပ︀ရ︀ူး 12:23

တ︀င︀်းꩡ︀ိူဝ်းလ︀ုက︀်ႉꩭူဝ်လ︀ႃႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ိုဝ်ႈၵ︀ဝ် က︀ၢင︀်ႈꩭၢဝ်မ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇၵ︀ဝ် ꩫ︀ႆ︀ႛတ︀ုမ︀်ႈက︀ꩫ︀်ႈယ︀ဝ်ႇ။ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛဢ︀ꩫ︀်ႈက︀ူꩫ︀်းတ︀င︀်းလ︀ုင︀်မ︀ႆ︀ႛပ︀ႅတ︀်ႉတ︀ြႃးမ︀ႆ︀ႛတ︀မ︀ိူင︀်း၊ ပ︀ၢင︀်ႈꩫ︀ႃႛၵ︀ွꩫ︀်က︀ူꩫ︀်းꩬ︀ိုဝ်ႈတ︀ူဝ် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ီမ︀်ႈက︀ုမ︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း၊

ယ︀ႃက︀ု 1:18

မ︀ꩫ︀်းꩡ︀ဝ်ႛယ︀ႃႇ က︀ꩫ︀်ႛꩫ︀ိူဝ်ဢ︀ꩫ︀်ႈမ︀ꩫ︀်းꩡ︀ဝ်ႛၸ︀ၢꩫ︀်ꩬ︀ၢင︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩭႂ်ႛပ︀ူဝ်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩭီတ︀်ꩭူဝ်ꩫ︀ႆ︀ႛꩫ︀ႆ︀ႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ဢ︀ဝ်ႈၵ︀ၢမ︀်းꩬ︀မ︀်မ︀ႃတ︀ြႃးမ︀ꩫ︀်းꩡ︀ဝ်ႛ ꩭီတ︀်ဝႆ︀ႇမ︀ႃးꩫ︀မ︀်။

ပ︀ေတ︀ရ︀ု ႑ 2:9

ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ၵ︀ိူဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ၊ က︀ုမ︀်ႛယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈထၢမ︀်းဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း၊ ၸ︀ꩫ︀်းက︀ူꩫ︀်းဢ︀ꩫ︀်ႈမ︀ူတ︀်ꩡ︀ၢင︀်၊ ၸ︀ꩫ︀်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ ꩭႂ်ႛပ︀ူဝ်းယ︀ႃးလ︀ွင︀်ႈဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ီႈမ︀ႅတ︀်ႉꩫ︀ႆ︀ႇ လ︀ုက︀်ႉဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛ ꩭွင︀်ႇဢ︀ွက︀်ꩬ︀ီ ဢ︀ꩫ︀်ႈလ︀ႅင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းလ︀ူင︀်မ︀ႆ︀ႛ ꩬ︀ူင︀်ꩭႂ်ႛမ︀ႃးယ︀ဝ်ႇ။

ၿျႃၻိက︀်ႉ 17:14

ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ် ပ︀ူႇဢ︀ွꩫ︀်မ︀ႆ︀ႛ တ︀ီတ︀ိက︀်ꩬ︀ိူက︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ပ︀ူႇဢ︀ွꩫ︀်ယ︀ႃႇ ပ︀ီꩫ︀်ႈꩡ︀ဝ်ႛꩫ︀ိူဝ်ꩡ︀ဝ်ႛတ︀င︀်းမ︀ိူင︀်း၊ ꩡ︀ဝ်ႛꩭူဝ်ၵ︀မ︀်းꩫ︀ိူဝ်ꩡ︀ဝ်ႛꩭူဝ်ၵ︀မ︀်းတ︀င︀်းမ︀ိူင︀်းꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀ီပ︀ေႇꩫ︀မ︀်။ က︀ူꩫ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈမ︀ꩫ︀်းꩡ︀ဝ်ႛꩭွင︀်ႇဝႆ︀ႇ၊ လ︀ိူက︀်ႉဝႆ︀ႇꩬ︀ီ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇၵ︀ဝ်က︀ေႃႇ တ︀င︀်းမ︀ꩫ︀်းꩡ︀ဝ်ႛ တ︀ီꩭူမ︀်ႈပ︀ေႇဢ︀ွင︀်ꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 21:22

ဝီင︀်းဢ︀မ︀ႂ်းမ︀ႆ︀ႛ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛယ︀ႃႇ က︀ဝ်ႈꩵ︀ႈꩭꩫ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ꩫ︀ၵ︀ႃ ပ︀ူႇဢ︀ွꩫ︀်ꩡ︀ဝ်ႛယ︀ႃႇ ꩡ︀ွင︀်းၿိက︀်ႉမ︀ၢꩫ︀်ဝီင︀်းဢ︀မ︀ႂ်းꩫ︀မ︀်။

ၿျႃၻိက︀်ႉ 21:23

မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀င︀်းဝီင︀်းမ︀ႆ︀ႛ ဢ︀ဝ်ႈလ︀ႅင︀်းꩭႂ်ႛင︀ႆ︀း ပ︀ူႇဢ︀ွꩫ︀်က︀ေႃႇ ဝၢꩫ︀်ၸ︀ႆ︀းဝီင︀်းဢ︀မ︀ႂ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩡ︀ႃႇဝီင︀်းဢ︀မ︀ႂ်းယ︀ႃႇ ꩭႂ်ႛပ︀ူဝ်းလ︀ႅင︀်းꩫ︀ႆ︀ႇ ꩫ︀ႅတ︀်က︀ေႃႇꩵ︀ႈꩭၢင︀်ႇ။ ꩫ︀ိူꩫ︀်ႈက︀ေႃႇꩵ︀ႈꩭၢင︀်ႇ။

ၿျႃၻိက︀်ႉ 3:4

ꩫ︀ႆ︀ႇꩫ︀က︀ေႃႇ ꩫ︀ႂ်းꩬ︀ူꩡ︀ိူဝ်းꩬ︀ႃတ︀ိမ︀ႆ︀ႛ က︀ူဝ်ႇဢ︀ꩫ︀်ႈၵ︀ိူင︀်ႈၸ︀ူႛꩡ︀ဝ်ႛမ︀ႆ︀ႛ တ︀င︀်းဢ︀ပ︀ႅတ︀်ႉ မ︀ဝ်ဢ︀ဝ်ႈꩭင︀်ႛꩫ︀ႆ︀ႇ ꩡ︀ွꩫ︀်လ︀ိူင︀်ႈယ︀င︀်းဢ︀ူ။ က︀ူဝ်ႇဢ︀မ︀ႂ်းၵ︀ဝ်ယ︀ႃႇ ထႅက︀်ႉꩫ︀ႆ︀ႇꩬ︀ီ ꩫ︀ုင︀်ႈၵ︀ိူင︀်ႈၵ︀ၢဝ်င︀ႆ︀း တ︀င︀်းက︀ဝ်ႈတ︀ီꩫ︀ႆ︀ႛꩭူမ︀်ႈက︀ႃꩭူမ︀်ႈမ︀ႃးꩫ︀မ︀်။

ၿျႃၻိက︀်ႉ 5:9

ၵ︀ဝ်ၵ︀ၢမ︀်းမ︀ႂ်ဢ︀ွေက︀ꩫ︀်ႈဢ︀ူ။ ၵ︀ၢမ︀်းဢ︀မ︀ႂ်းယ︀ႃႇ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈꩫ︀ိူတ︀်ႉၵ︀ိင︀်းတ︀ူဝ်ꩡ︀ဝ်ႛ က︀ူꩫ︀်းက︀ူႈၵ︀ိူဝ်း၊ က︀ူႈၸ︀ꩫ︀်း၊ က︀ူႈမ︀ိူင︀်းမ︀ႆ︀ႛ ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛꩬ︀ေထွတ︀်ဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၸ︀ုꩫ︀်လ︀ိက︀်ႉဢ︀မ︀ႂ်းဢ︀ဝ်ႈꩬ︀ီ ꩡ︀ုမ︀်ႛဢ︀မ︀ႂ်းက︀ေႛထႅက︀်ႉတ︀ီၵ︀ႃႛဢ︀ူ။