ၿျႃၻိက︀်ႉ 14:13 - Khamti Shan

¹³ င︀ႆ︀းꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ “တ︀ႅမ︀်ႛဝႆ︀ႇတ︀ႃႉ။ လ︀ုက︀်ႉင︀ႆ︀ႚက︀ူဝ်ꩬ︀ီ က︀ူဝ်ႇဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈꩬ︀ီတ︀ႆ︀ၢႈက︀ႃꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀က︀ိဝ်းတ︀ီပ︀ူင︀်ႈꩭႂ်ႛꩫ︀မ︀်” ꩫ︀ꩬ︀ီဝႃႈꩫ︀ႆ︀ႇမ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ “ꩡ︀ႂ်ႈတ︀ေႇတ︀ေႇဢ︀ူ။ ၵ︀ဝ်ယ︀ႃႇ လ︀ုက︀်ႉဢ︀ꩫ︀်ႈဝႃႈꩬ︀ေႈꩡ︀ႃႉꩬ︀ီ ꩭီတ︀်ဢ︀မ︀ူးမ︀ႆ︀ႛ တ︀ီꩫ︀ႆ︀ႛꩫ︀ႂ်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ႃႇလ︀ွင︀်ႈꩫ︀ီႈ ဢ︀ꩫ︀်ႈၵ︀ဝ်ꩭီတ︀်မ︀ႃးꩫ︀ႆ︀ႇၵ︀ဝ်က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ ဢ︀က︀ိဝ်းတ︀ီပ︀ူင︀်ႈꩭႂ်ႛꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 14:13 ပူးပေါင်းရင်းမြစ်များ

မ︀တ︀်တ︀ႄး 3:17

မ︀ိူဝ်ႈဢ︀မ︀ႂ်း လ︀ုက︀်ႉက︀ၢင︀်ႈꩭၢဝ်မ︀ႆ︀ႛ “က︀ူဝ်ႇꩫ︀ႆ︀ႇယ︀ႃႇ လ︀ုက︀်ႉꩭၢက︀်ႉက︀ဝ်ႈꩫ︀မ︀်။ မ︀ꩫ︀်းမ︀ႆ︀ႛက︀ဝ်ႈမ︀ႃးꩡ︀ႂ်ႈလ︀ူင︀်ꩫ︀မ︀်” ꩫ︀ꩬ︀ီ ꩬ︀ီင︀်တ︀ၢꩫ︀်ႛဢ︀ွက︀်မ︀ႃးဢ︀ူ။

လ︀ုက︀ႃ 16:25

ꩫ︀ႆ︀ႇꩫ︀က︀ေႃႇ ဢ︀ႃပ︀ြႃꩭၢမ︀်ယ︀ႃႇ “လ︀ုက︀်ႉက︀ဝ်ႈꩴ︀း မ︀ိူဝ်ႈမ︀ႂ်းဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇ မ︀ႂ်းၵ︀ႅမ︀်းꩬ︀ႃတ︀ီမ︀်ႈက︀ုမ︀်မ︀ႃးꩫ︀ႆ︀ႇမ︀ႆ︀ႛင︀ႆ︀း လ︀ႃꩡ︀ရ︀ုꩬ︀ၢင︀်းလ︀ေးမ︀ႃးꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈတ︀ႃႉ။ င︀ႆ︀ႚယ︀ႃႇ မ︀ႆ︀ႛ မ︀ꩫ︀်းၵ︀ႅမ︀်းꩬ︀ႃꩬ︀ီ မ︀ႂ်းꩫ︀ႆ︀ႛၻုက︀်ႉၵ︀လ︀ူင︀်ယ︀ဝ်ႇ။

လ︀ုက︀ႃ 16:9

ꩡ︀ဝ်ႛယ︀ေꩬ︀ု က︀ၢပ︀်ꩬ︀ီဝႃႈꩫ︀ႆ︀ႇယ︀ႃႇ “က︀ဝ်ႈဝႃႈက︀ွတ︀်။ ဢ︀ဝ်ႈꩡ︀ေးꩡ︀ိမ︀်မ︀ိူင︀်းက︀ၢင︀်ႈꩬ︀ူ ပ︀ိူꩫ︀်ႈမ︀ႆ︀ႛꩡ︀ွႆ︀ႈꩬ︀ီ တ︀ႆ︀းက︀ူဝ်ႇꩫ︀မ︀်ꩰဢ︀ဝ်ႈꩫ︀ႆ︀ႛတ︀ႃႉ။ င︀ႆ︀းက︀ီး မ︀ိူဝ်ႈꩡ︀ေးꩡ︀ိမ︀်ꩬ︀ူမ︀ူတ︀်က︀ႃꩫ︀ႆ︀ႇ ꩬ︀ူမ︀ႆ︀ႛၵ︀ဝ် မ︀ိူင︀်းထႃဝရ︀မ︀ႆ︀ႛ တ︀ီꩭၢပ︀်ႉတ︀ွꩫ︀်ႛက︀ꩫ︀်ႈꩫ︀မ︀်။

ရ︀ေႃမ︀ 14:8

ꩭဝ်းဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇ ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ တ︀ႆ︀ၢႈက︀ီးက︀ေႃႇꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ꩭဝ်းတ︀ႆ︀ၢႈပ︀တ︀ု ꩫ︀ိပ︀်ပ︀တ︀ု တ︀င︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်ꩬ︀ႅင︀်ꩫ︀ႆ︀ႇ။

က︀ေႃရ︀ိꩫ︀်တ︀ု ႑ 15:18

င︀ႆ︀းꩬ︀ီက︀ူꩫ︀်းဢ︀ꩫ︀်ႈꩡ︀ဝ်ႛၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ တ︀ႆ︀ၢႈက︀ႃꩫ︀ႆ︀ႇၵ︀ဝ်ꩫ︀က︀ီးယ︀ႃႇ လ︀ူႇꩬ︀ုမ︀်းလ︀ေႚလ︀ေႚယ︀ဝ်ႇ။

က︀ေႃရ︀ိꩫ︀်တ︀ု ႑ 15:20

ꩫ︀ႆ︀ႇꩫ︀က︀ေႃႇ ꩡ︀ဝ်ႛၵ︀ရ︀ီတ︀် ꩫ︀ိပ︀်ပ︀ွက︀်ႉမ︀ႃးတ︀ေႇတ︀ေႇꩫ︀ႆ︀ႇꩬ︀ီ ၸ︀ူႛတ︀ႆ︀ၢႈꩫ︀ႆ︀ႇၵ︀ဝ် တ︀ီꩫ︀ိပ︀်ပ︀ွက︀်ႉမ︀ႃးꩫ︀မ︀် ꩫ︀ꩫ︀ႆ︀ႇမ︀ႆ︀ႛ ဢ︀ႃႛမ︀ၵ︀ၢမ︀်ꩭႂ်ႛယ︀ဝ်ႇ။

က︀ေႃရ︀ိꩫ︀်တ︀ု ႑ 15:58

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း ဢ︀ꩫ︀်ႈꩬ︀ူဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ေႈꩡ︀ႃႉꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇꩵ︀ႈၵ︀ွတ︀်ꩫ︀ႆ︀ၢႈꩫ︀ꩫ︀ႆ︀ႇ ꩬ︀ူတ︀ွင︀်းꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩡ︀ႂ်ႈမ︀ဝ်ယ︀ွမ︀်းꩬ︀ီ ဢ︀မ︀ူးမ︀ꩫ︀်းꩡ︀ဝ်ႛမ︀ႆ︀ႛ က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႒ 5:8

ꩭဝ်းယ︀ုမ︀်ယ︀မ︀်ႈတ︀မ︀်းꩡ︀ႂ်ႈꩫ︀ႆ︀ႇꩬ︀ီ လ︀ုက︀်ႉတ︀ူဝ်ႈမ︀ိူင︀်းက︀ၢင︀်ႈမ︀ႆ︀ႛၸ︀ၢက︀်ႉꩬ︀ီ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ေႈၵ︀ႅꩫ︀်းၵ︀ႂ်ႈက︀ႃဢ︀ူꩫ︀မ︀်။

ၸ︀ိလ︀ိပ︀်ပ︀ၢႆ︀ 2:17

ဢ︀ꩫ︀်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩬ︀ီꩭီတ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ုက︀်ႉꩡ︀ူဝ်ၵ︀ွင︀်လ︀ူꩫ︀က︀ꩫ︀်ႈꩫ︀မ︀်။ င︀ႆ︀းꩬ︀ီ ꩬ︀င︀်ဝႃႈꩬ︀ူၵ︀ွင︀်လ︀ူ မ︀ႆ︀ႛ ꩫ︀ိူတ︀်ႉက︀ဝ်ႈလ︀ူဝ်ꩬ︀ီ က︀ဝ်ႈꩫ︀ႆ︀ႛတ︀ႆ︀ၢႈꩫ︀က︀ေႃႇ က︀ဝ်ႈတ︀င︀်းꩬ︀ူꩡ︀ူမ︀်းလ︀ွေႛဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:14

ꩡ︀ဝ်ႛယ︀ေꩬ︀ုတ︀ႆ︀ၢႈယ︀ဝ်ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းယ︀ုမ︀်က︀ꩫ︀်ႈဢ︀ူ။ ဝꩫ︀်းလ︀ိူင︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈလ︀ူင︀်းမ︀ႃးမ︀ိူင︀်းက︀ၢင︀်ႈပ︀ွက︀်ႉꩬ︀ီ က︀ူꩫ︀်းဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ တ︀ႆ︀ၢႈက︀ႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ တ︀င︀်းꩡ︀ဝ်ႛယ︀ေꩬ︀ု တ︀ီဢ︀ဝ်ႈလ︀ူင︀်းမ︀ႃးလ︀ွေႛꩫ︀မ︀်ꩫ︀ꩫ︀ႆ︀ႇ ꩭဝ်းယ︀ုမ︀်ယ︀မ︀်ႈဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:16

ꩬ︀ီင︀်တ︀ႅဝ်၊ ꩬ︀ီင︀်ၵ︀ုꩫ︀်ꩬ︀ၢင︀်လ︀ူင︀်ဢ︀ိဝ်င︀ႆ︀း ꩬ︀ီင︀်တ︀ုတ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ဢ︀ွက︀်မ︀ႃးက︀ီး ꩡ︀ဝ်ႛယ︀ေꩬ︀ုပ︀ိူꩫ︀်ႈꩡ︀ဝ်ႛ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ က︀ျွႃးလ︀ူင︀်းမ︀ႃးꩬ︀ီ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈတ︀ႆ︀ၢႈက︀ႃꩫ︀ႆ︀ႇၵ︀ဝ် တ︀ီꩫ︀ိပ︀်ပ︀ွက︀်ႉဢ︀ွꩫ︀်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:10

ꩡ︀ဝ်ႛယ︀ေꩬ︀ုၵ︀ရ︀ီတ︀် ၵ︀ၢမ︀်တ︀ႆ︀ၢႈမ︀ႃးꩫ︀ႆ︀ႇယ︀ႃႇ မ︀ိူဝ်ႈမ︀ꩫ︀်းꩡ︀ဝ်ႛက︀ျွႃးမ︀ႃးꩫ︀ႆ︀ႇ ꩭဝ်းတ︀ႆ︀ၢႈက︀ႃꩫ︀က︀ေႃႇယ︀ႃ၊ ꩫ︀ိပ︀်ꩬ︀ီဢ︀ူꩫ︀က︀ေႃႇယ︀ႃ၊ ꩭႂ်ႛပ︀ူဝ်းတ︀င︀်းမ︀ꩫ︀်းꩡ︀ဝ်ႛꩫ︀ႆ︀ႛꩭူမ︀်ႈဢ︀ူꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 5:24

ဢ︀ပ︀ႅတ︀်ႉက︀ူꩫ︀်းက︀မ︀်ႈၸ︀ွင︀်းယ︀ႃႇ ꩡ︀ုꩫ︀်ႈꩬ︀ႃႚꩬ︀ႃႚꩬ︀ီ ၵ︀ဝ်တ︀ီꩫ︀ႆ︀ႛတ︀ၢမ︀်ဢ︀ပ︀ႅတ︀်ႉယ︀ဝ်ႇꩫ︀ꩫ︀ႆ︀ႇ ပ︀ိူꩫ︀်ႈတ︀င︀်းမ︀ိူင︀်းတ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ ဢ︀ပ︀ႅတ︀်ႉက︀ူꩫ︀်းမ︀ၢင︀်ႈၸ︀ွင︀်းꩫ︀ႆ︀ႇၵ︀ဝ်ယ︀ႃႇ က︀ꩫ︀်ႛလ︀င︀်မ︀ႆ︀ႛꩬ︀ိုင︀် ပ︀ႅꩫ︀်ႈမ︀ႃးꩫ︀မ︀်။

တ︀ိမ︀ေႃတ︀ေ ႑ 5:25

ꩫ︀င︀်ꩫ︀ႆ︀ႇꩫ︀က︀ꩫ︀်ႈ လ︀ွင︀်ႈꩫ︀ီႈဢ︀ꩫ︀်ႈက︀ူꩫ︀်းꩭဝ်းꩭီတ︀်မ︀ၢင︀်ႈၸ︀ွင︀်းယ︀ႃႇ ꩡ︀ုꩫ︀်ႈꩬ︀ႃႚꩬ︀ႃႚꩫ︀မ︀်။ လ︀ွင︀်ႈꩫ︀ီႈဢ︀ꩫ︀်ႈမ︀ဝ်ပ︀ႆ︀ꩡ︀ုꩫ︀်ႈꩫ︀ႆ︀ႇၵ︀ဝ်က︀ေႃႇ က︀ꩫ︀်ႛလ︀င︀်မ︀ႆ︀ႛယ︀ႃႇ ꩡ︀ုꩫ︀်ႈꩬ︀ၢက︀်ꩰမ︀ႃးဢ︀ူ။

ၿျႃၻိက︀်ႉ 1:11

ꩬ︀ီင︀်ဢ︀မ︀ႂ်းယ︀ႃႇ က︀ဝ်ႈမ︀ႆ︀ႛ “ဢ︀ꩫ︀်ႈမ︀ႂ်းꩭꩫ︀်ꩫ︀ႆ︀ႇတ︀င︀်းမ︀ိူင︀်း ပ︀ၢပ︀်ႉမ︀ႆ︀ႛတ︀ႅမ︀်ႛဝႆ︀ႇꩬ︀ီ ꩡ︀ိူဝ်းꩡ︀ီတ︀်ပ︀ႃး ဢ︀ꩫ︀်ႈဢ︀ူဝီင︀်းဢ︀ေၸ︀ႅတ︀်၊ ဝီင︀်းꩡ︀မ︀ုရ︀ꩫ︀၊ ဝီင︀်းပ︀ေရ︀က︀ံ၊ ဝီင︀်းတ︀ွႃတ︀ိရ︀၊ ဝီင︀်းꩬ︀ႃတ︀ိ၊ ဝီင︀်းၸ︀ိလ︀ႃတ︀ႄၸ︀ိယ︀င︀ႆ︀း ဝီင︀်းလ︀ေႃတ︀ိက︀ိၵ︀ဝ်မ︀ႆ︀ႛ ꩬ︀ူင︀်ꩭႂ်ႛတ︀ႃႉ” ꩫ︀ဝꩫ︀်ႇ။

ၿျႃၻိက︀်ႉ 10:4

မ︀ွင︀်းၸ︀ႃႇꩫ︀င︀်ႈယ︀ဝ်ႇယ︀ႃႇ က︀ဝ်ႈတ︀ႅမ︀်ႛမ︀တ︀်ႉက︀ွတ︀်ꩫ︀က︀ီး လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩬ︀ီင︀်ဢ︀ꩫ︀်ႈလ︀ိူင︀်ႈဢ︀ွက︀်မ︀ႃးꩫ︀ႆ︀ႇယ︀ႃႇ “လ︀ွင︀်ႈၸ︀ႃႇꩫ︀င︀်ႈꩫ︀ႆ︀ႇ ဢ︀ဝ်ႈမ︀ႅပ︀်ဝႆ︀ႇတ︀ႃႉ။ ပ︀ီတ︀ႅမ︀်ႛ” ꩫ︀ဝꩫ︀်ႇ။

ၿျႃၻိက︀်ႉ 11:15

ၵ︀ုꩫ︀်ꩬ︀ၢင︀်တ︀တ︀်ႉတ︀မ︀ ပ︀ဝ်တ︀ုတ︀်က︀ီး က︀ၢင︀်ႈꩭၢဝ်မ︀ႆ︀ႛ ꩬ︀ီင︀်လ︀ူင︀်ꩫ︀ႆ︀ႇၵ︀ဝ်ဢ︀ွက︀်မ︀ႃးꩬ︀ီ “လ︀ၢက︀်ႉꩫ︀ႆ︀ႇယ︀ႃႇ က︀မ︀်ၸ︀ႃꩫ︀ႆ︀ႇ ပ︀ီꩫ︀်ႈမ︀ိူင︀်းꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛမ︀ေꩬ︀ိယ︀မ︀ꩫ︀်းꩡ︀ဝ်ႛယ︀ဝ်ႇ။ မ︀ꩫ︀်းꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ီဢ︀ုပ︀်ႉပ︀ိုင︀်က︀ႃꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 11:19

ယ︀ဝ်ႇက︀ီး က︀ၢင︀်ႈꩭၢဝ်မ︀ႆ︀ႛ ꩡ︀ွင︀်းၿိက︀်ႉမ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ပ︀ုတ︀်ဝႆ︀ႇꩬ︀ီ က︀ꩫ︀်ႛꩫ︀ႂ်းꩡ︀ွင︀်းၿိက︀်ႉမ︀ၢꩫ︀်ဢ︀မ︀ႂ်းမ︀ႆ︀ႛ တ︀ႅက︀်ႉၵ︀ၢမ︀်းၵ︀တ︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ဝ်ႈꩭꩫ︀်ဢ︀ူ။ ꩫ︀ႆ︀ႇမ︀ႆ︀ႛ ၸ︀ႃႇꩫ︀င︀်ႈ၊ ꩬ︀ီင︀်ၸ︀ႃႇလ︀ူင︀်း၊ ၸ︀ႃႇမ︀ႅပ︀်ႉ၊ ဢ︀ိင︀်ႈꩬ︀ꩫ︀်ꩫ︀ႆ︀ႇၵ︀ဝ်ပ︀ီꩫ︀်ႈမ︀ႃးင︀ႆ︀း မ︀က︀်ꩭီက︀်လ︀ူင︀်ꩫ︀ႆ︀ႇၵ︀ဝ်တ︀ူက︀်မ︀ႃးက︀ꩫ︀်ႈဢ︀ူ။

ၿျႃၻိက︀်ႉ 16:17

ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်တ︀တ︀်ႉတ︀မ︀ꩫ︀ႆ︀ႇ က︀ွက︀်မ︀ꩫ︀်းက︀ၢင︀်ႈၸ︀ႃႇမ︀ႆ︀ႛ လ︀ူဝ်ၵ︀ွတ︀်ဢ︀ူ။ မ︀ိူဝ်ႈဢ︀မ︀ႂ်း လ︀ုက︀်ႉပ︀လ︀ၢင︀်ꩫ︀ႂ်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ “ယ︀ဝ်ႇꩰ” ꩫ︀ꩬ︀ီဢ︀ိဝ်မ︀ႃးဢ︀ူ။

ၿျႃၻိက︀်ႉ 19:9

ယ︀ဝ်ႇက︀ီး ၵ︀ုꩫ︀်ꩬ︀ၢင︀်ယ︀ႃႇ “က︀ူꩫ︀်းဢ︀ꩫ︀်ႈပ︀ွႆ︀းမ︀ၢင︀်က︀လ︀ႃမ︀ႆ︀ႛ ꩫ︀ႆ︀ႛၵ︀ဝ်ႛꩫ︀ႆ︀ႇၵ︀ဝ်ယ︀ႃႇ မ︀ၢင︀်က︀လ︀ႃယ︀င︀်းဢ︀ူꩫ︀ꩬ︀ီ တ︀ႅမ︀်ႛဝႆ︀ႇတ︀ႃႉ” ꩫ︀ဝꩫ︀်ႇ။ ꩡ︀ႃႇလ︀ိူင︀်ႈ “ꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇꩫ︀မ︀်” ꩫ︀ꩬ︀ီ က︀ဝ်ႈမ︀ႆ︀ႛဝႃႈဢ︀ူ။

ၿျႃၻိက︀်ႉ 2:1

“ၵ︀ုꩫ︀်ꩬ︀ၢင︀် ꩡ︀ိူဝ်းဢ︀ေၸ︀ႅတ︀်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ႆ︀ႇ တ︀ႅမ︀်ႛꩭႂ်ႛတ︀ႃႉ။ ꩡ︀ဝ်ႛဢ︀ꩫ︀်ႈမ︀ိုဝ်းပ︀ႃႛၵ︀ႃမ︀ႆ︀ႛ ꩫ︀ၢဝ်ႈꩡ︀ီတ︀်လ︀ုက︀်ႉဝၢမ︀်ႇꩬ︀ီ ဝူင︀်ႈက︀ၢင︀်ႈဝၢꩫ︀်ၸ︀ႆ︀းꩡ︀ီတ︀်ဢ︀ꩫ︀်ႈမ︀ႆ︀ႛ ၸ︀ႆ︀ၢႛꩫ︀ႆ︀ႇဝႃႈꩫ︀ႆ︀ႇယ︀ႃႇ

ၿျႃၻိက︀်ႉ 2:7

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ က︀ဝ်ႈမ︀က︀်ဢ︀ꩬ︀ၢက︀်ႉဢ︀ꩫ︀်ႈꩬ︀ူꩫ︀်ဢ︀ေတ︀ီꩫ︀်မ︀ႆ︀ႛယ︀င︀်းꩫ︀ႆ︀ႇ တ︀ီꩭႂ်ႛꩫ︀ႆ︀ႛက︀ိꩫ︀်ႈꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 20:6

က︀ူဝ်ႇဢ︀ꩫ︀်ႈ လ︀ဝ်းပ︀ထမ︀ꩫ︀ိပ︀်ပ︀ွက︀်ႉꩫ︀ႆ︀ႇမ︀ႆ︀ႛ လ︀ွေႛꩫ︀ႆ︀ႇၵ︀ဝ်ယ︀ႃႇ မ︀ၢင︀်က︀လ︀ႃယ︀င︀်းလ︀ူင︀်၊ မ︀ူတ︀်ꩡ︀ၢင︀်လ︀ူင︀်ꩫ︀မ︀်။ ၵ︀ဝ်မ︀ႆ︀ႛ တ︀ၢင︀်းတ︀ႆ︀ၢႈတ︀ုတ︀ိယ︀ ꩵ︀ႈပ︀ေႇပ︀ိူင︀်ႈလ︀ူင︀်။ ၵ︀ဝ်ယ︀ႃႇ ပ︀ီꩫ︀်ႈယ︀ီတ︀်ႉပ︀ရ︀ေႃးꩭိက︀်ႉ ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛၵ︀ရ︀ီတ︀်ꩬ︀ီ တ︀င︀်းꩡ︀ဝ်ႛၵ︀ရ︀ီတ︀်ꩭီင︀်ပ︀ီႈ တ︀ီꩫ︀ႆ︀ႛꩭူမ︀်ႈဢ︀ုပ︀်ႉပ︀ိုင︀်ꩫ︀မ︀်။

ၿျႃၻိက︀်ႉ 21:5

ꩡ︀ဝ်ႛဢ︀ꩫ︀်ႈပ︀လ︀ၢင︀်မ︀ႆ︀ႛ ꩫ︀င︀်ႈꩫ︀ႆ︀ႇက︀ေႃႇ “က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ က︀ဝ်ႈ ၸ︀ၢꩫ︀်ꩬ︀ၢင︀်းမ︀ႂ်ꩰယ︀ဝ်ႇ” ꩫ︀ꩬ︀ီဝႃႈယ︀ဝ်ႇက︀ီး “တ︀ႅမ︀်ႛဝႆ︀ႇတ︀ႃႉ။ ꩫ︀ႆ︀ႇၵ︀ဝ်ယ︀ႃႇ ꩬ︀ိုဝ်ႈꩡ︀ႂ်ႈꩬ︀ီ ၵ︀ိူင︀်ႈꩫ︀ီႈယ︀ုမ︀်ယ︀မ︀်ႈဢ︀ူ” ꩫ︀ဝꩫ︀်ႇ။

ၿျႃၻိက︀်ႉ 22:17

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၸ︀ူႛꩬ︀ၢဝ်မ︀ႂ်ပ︀ူႇဢ︀ွꩫ︀်ယ︀ႃႇ “က︀ျွႃးမ︀ႃးတ︀ီၵ︀ႃႛတ︀ႃႉ” ꩫ︀ဝꩫ︀်ႇ။ က︀ူဝ်ႇဢ︀ꩫ︀်ႈꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ “က︀ျွႃးမ︀ႃးတ︀ီၵ︀ႃႛတ︀ႃႉ” ꩫ︀ꩬ︀ီဝႃႈက︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈက︀ုတ︀်ꩫ︀မ︀်ႇꩫ︀ႆ︀ႇၵ︀ဝ် မ︀ႃးက︀ꩫ︀်ႈတ︀ႃႉ။ ၸ︀ႂ်မ︀ဝ်ဝႃႈ ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩫ︀ႆ︀ႇ ၵ︀ႂ်ႈꩫ︀ႆ︀ႛက︀ီး က︀ႃႈမ︀ဝ်ꩭႂ်ႛꩬ︀ီ မ︀ႃးဢ︀ဝ်ႈတ︀ႃႉ။

ၿျႃၻိက︀်ႉ 6:11

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛ ꩬ︀ိူဝ်ႛထမ︀ူင︀်ႇၸ︀ိူက︀်ဢ︀ေႈဢ︀ꩫ︀်ႈꩰꩭႂ်ႛꩬ︀ီ က︀ိုမ︀်ႇလ︀ိူင︀်ႈꩭႂ်ႛက︀ꩫ︀်ႛဝႆ︀ႇဢ︀ူ။ ၵ︀ဝ်မ︀ႆ︀ႛꩭႂ်ႛက︀ꩫ︀်ႛꩫ︀ႆ︀ႇယ︀ႃႇ ꩫ︀င︀်ၵ︀ဝ်မ︀ႆ︀ႛ လ︀ꩫ︀်ꩬ︀ူꩫ︀ႆ︀ႇၵ︀ဝ် ဢ︀ဝ်ႈတ︀ႆ︀ၢႈမ︀ႃးꩫ︀က︀ꩫ︀်ႈ ꩭူဝ်က︀ူꩫ︀်းၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈဝႃႈတ︀ႆ︀ၢႈꩫ︀ႆ︀ႇၵ︀ဝ် က︀ႃႈမ︀ဝ်ထူꩫ︀်ႛယ︀ႃႇ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛက︀ေႃႇ လ︀ꩫ︀်ꩬ︀ူꩫ︀ႆ︀ႇၵ︀ဝ်တ︀ီဢ︀ဝ်ႈတ︀ႆ︀ၢႈက︀ႃꩬ︀ီꩫ︀မ︀်။