ၿျႃၻိက︀်ႉ 14:10 - Khamti Shan

¹⁰ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ဝ်မ︀ႆ︀ႛ ꩫ︀ူꩫ︀်ႇဝၢႆ︀မ︀က︀်ꩡ︀ပ︀ႅတ︀်ႉꩫ︀က︀ꩫ︀်ႈꩫ︀ႆ︀ႇ တ︀ီꩫ︀ႆ︀ႛၵ︀ၢမ︀်ꩫ︀မ︀်။ င︀ႆ︀းꩬ︀ီ ၵ︀ဝ်ယ︀ႃႇ ပ︀ၢင︀်ႈꩫ︀ႃႛၵ︀ုꩫ︀်ꩬ︀ၢင︀်မ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်င︀ႆ︀း ပ︀ၢင︀်ႈꩫ︀ႃႛပ︀ူႇဢ︀ွꩫ︀်မ︀ႆ︀ႛ က︀ꩫ︀်ႛꩫ︀ႂ်းၸ︀ႆ︀းက︀ၢꩫ︀်ႇမ︀ႆ︀ႛ တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။

ၿျႃၻိက︀်ႉ 14:10 ပူးပေါင်းရင်းမြစ်များ

မ︀တ︀်တ︀ႄး 20:22

မ︀ꩫ︀်းꩡ︀ဝ်ႛယ︀ႃႇ ၸ︀ူႛလ︀ုက︀်ႉꩡ︀ႆ︀ၢးမ︀ꩫ︀်းꩫ︀ၵ︀ႃမ︀ႆ︀ႛ “ဢ︀ꩫ︀်ႈꩬ︀ွင︀်ၵ︀ိူဝ်ယ︀ွꩫ︀်းꩫ︀ႆ︀ႇက︀ꩬ︀င︀်ꩫ︀ꩫ︀ႆ︀ႇ ꩬ︀ွင︀်ၵ︀ိူဝ်ၸ︀ူႛꩡ︀ဝ်ႛꩫ︀ႆ︀ၢႈက︀ေႃႇꩵ︀ႈတ︀ွင︀်း။ က︀ွက︀်ၻုက︀်ႉၵ︀ဝေၻꩫ︀ႃ ဢ︀ꩫ︀်ႈက︀ဝ်ႈဝႃႈက︀ိꩫ︀်ႈꩫ︀ႆ︀ႇ ꩬ︀ွင︀်ၵ︀ိူဝ်က︀ိꩫ︀်ႈပ︀ီꩫ︀်ႈဢ︀ေႃး” ꩫ︀က︀ီး ꩬ︀ွင︀်ၵ︀ႃက︀ေႃႇ “ၵ︀ၢမ︀်ပ︀ီꩫ︀်ႈတ︀ီၵ︀ႃႛဢ︀ူ” ꩫ︀ဝꩫ︀်ႇ။

မ︀တ︀်တ︀ႄး 25:41

ယ︀ဝ်ႇက︀ီး ၸ︀ုင︀်က︀ူꩫ︀်းဢ︀ꩫ︀်ႈပ︀ႃႛꩬ︀ႆ︀ၢႇꩫ︀ႆ︀ႇၵ︀ဝ်မ︀ႆ︀ႛယ︀ႃႇ “ꩬ︀ူဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇꩫ︀ႆ︀ႇၵ︀ဝ်ယ︀ႃႇ ဢ︀ွက︀်က︀ႃတ︀ႃႉ။ မ︀ူဝ်ႛၸ︀ႆ︀းဢ︀ꩫ︀်ႈမ︀ိူဝ်ႈလ︀ႂ်ႈက︀ေႃႇ မ︀ဝ်မ︀ွတ︀်ꩡ︀ၢင︀်ႈ ဢ︀ꩫ︀်ႈꩡ︀ႃႇၵ︀ုꩫ︀်ꩬ︀ူင︀်င︀ႆ︀းꩡ︀ႃႇတ︀ပ︀ေးမ︀ꩫ︀်းၵ︀ဝ်ꩭႅမ︀်းဝႆ︀ႇမ︀ႆ︀ႛ က︀ႃတ︀ူက︀်တ︀ႃႉ။

မ︀တ︀်တ︀ႄး 26:39

ꩡ︀ွꩫ︀်လ︀ိူင︀်ႈက︀ႃဢ︀ိက︀်ꩬ︀ီ ꩫ︀ိꩫ︀်ႈမ︀ႆ︀ႛပ︀ႅပ︀်ႉၵ︀ုပ︀်ႉဢ︀ူ။ ယ︀ဝ်ႇက︀ီး “ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩴ︀း ꩬ︀င︀်ဝႃႈပ︀ီꩫ︀်ႈꩫ︀ႆ︀ႛက︀ီး က︀ွက︀်ဝေၻꩫ︀ႃꩫ︀ႆ︀ႇလ︀ုက︀်ႉက︀ဝ်ႈၵ︀ႃႛမ︀ႆ︀ႛ ဢ︀ဝ်ႈင︀ိူင︀်ႇꩭႂ်ႛတ︀ီၵ︀ႃႛမ︀ႃးတ︀ႃႉ။ ꩫ︀ႆ︀ႇꩫ︀က︀ေႃႇ ဢ︀လ︀ၢင︀်းက︀ဝ်ႈၵ︀ႃႛပ︀ီꩭႂ်ႛပ︀ီꩫ︀်ႈတ︀ီၵ︀ႃႛ။ ꩭႂ်ႛပ︀ီꩫ︀်ႈဢ︀လ︀ၢင︀်းၵ︀ိင︀်းတ︀ူဝ်ꩡ︀ဝ်ႛꩫ︀ႆ︀ၢႈ တ︀ီၵ︀ႃႛမ︀ႃးတ︀ႃႉ” ꩫ︀ဢ︀ူ။

မ︀ႃက︀ု 8:38

ꩡ︀ူဝ်ႈပ︀ၢꩫ︀်ႈင︀ႆ︀ႚ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ၸ︀ြႃးတ︀ြႃးမ︀ဝ်ယ︀င︀်းꩬ︀ီ ယ︀ုက︀်ႉꩭင︀်ႛꩫ︀ႆ︀ႇမ︀ႆ︀ႛ လ︀ၢႆ︀းပ︀ိူဝ်ႈက︀ဝ်ႈꩫ︀ၵ︀ႃ လ︀ၢႆ︀းပ︀ိူဝ်ႈတ︀ြႃးက︀ဝ်ႈꩬ︀ီ ꩬ︀င︀်ဝႃႈꩬ︀ူဢ︀ၢႆ︀ႈက︀ီး က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းက︀ေႃႇ မ︀ိူဝ်ႈဢ︀ဝ်ႈမ︀ူꩫ︀်ႈၸ︀ုင︀်းပ︀ူဝ်ꩡ︀ဝ်ႛထႃဝရ︀ၸ︀ြႃးင︀ႆ︀း တ︀င︀်းၵ︀ုꩫ︀်ꩬ︀ၢင︀်က︀ဝ်ႈၵ︀ဝ် က︀ျွႃးလ︀ူင︀်းမ︀ႃးꩫ︀ႆ︀ႇ ꩡ︀ႃႇꩭင︀်းꩬ︀ူတ︀ီဢ︀ၢႆ︀ႈꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 10:22

င︀ႆ︀းက︀ီးၵ︀ဝ်ယ︀ႃႇ “ꩡ︀ဝ်ႛꩭူဝ်ပ︀ၢက︀်က︀ေႃꩫ︀ေလ︀ိꩡ︀ႂ်ႇꩬ︀ီ တ︀ူႈမ︀ႃးမ︀ꩫ︀မ︀်။ မ︀ꩫ︀်းယ︀ႃႇ က︀ူꩫ︀်းꩫ︀ီႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ က︀ူဝ်ႈယ︀မ︀်ႈလ︀ူင︀်ꩫ︀မ︀်။ က︀ျူးတ︀င︀်းမ︀ိူင︀်းက︀ေႃႇ မ︀ꩫ︀်းမ︀ႆ︀ႛလ︀ူဝ်ꩬ︀ေယ︀ုမ︀်ယ︀မ︀်ႈက︀ꩫ︀်ႈဢ︀ူ။ ၵ︀ုꩫ︀်ꩬ︀ၢင︀်ပ︀ႃးလ︀ိူင︀်ႈယ︀ႃႇ မ︀ꩫ︀်းမ︀ႆ︀ႛမ︀ႃးꩬ︀ီ ꩭႂ်ႛထွမ︀်တ︀ြႃးမ︀ႂ်းꩡ︀ဝ်ႛဢ︀ူ။ င︀ႆ︀းꩬ︀ီတ︀ူႈၵ︀ႃႛမ︀ႃးပ︀ၢင︀်း မ︀ႂ်းꩡ︀ဝ်ႛတ︀ီၵ︀ႃႛꩫ︀မ︀်” ꩫ︀ꩬ︀ီ ပ︀ေတ︀ရ︀ုမ︀ႆ︀ႛဝႃႈဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:7

က︀ူꩫ︀်းဢ︀ꩫ︀်ႈꩫ︀င︀်င︀ႆ︀ႚꩭဝ်းꩫ︀က︀ꩫ︀်ႈ ယ︀ပ︀်ယ︀ၢက︀်ႉꩬ︀ၢင︀်းလ︀ေးꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် တ︀င︀်းၵ︀ုꩫ︀်ꩬ︀ၢင︀်ဢ︀ꩫ︀်ႈတ︀ꩫ︀်းၵ︀ူဝ်းယ︀ႂ်ꩫ︀ႆ︀ႇၵ︀ဝ် လ︀ွမ︀်ႇလ︀ၢမ︀်က︀ꩫ︀်ႈꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ဢ︀ဝ်ႈမ︀ုက︀်ႉၸ︀ႆ︀းလ︀ူင︀်က︀ျွႃးလ︀ူင︀်းမ︀ႃးꩫ︀ႆ︀ႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ဝ်ꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်၊ ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ူင︀်ႈတ︀ၢမ︀်ꩫ︀မ︀်။

ယ︀ုတ︀ 1:7

က︀ူꩫ︀်းဝီင︀်းꩬ︀ေႃတ︀ုင︀်ꩫ︀ၵ︀ႃက︀ေႃမ︀ေႃရ︀င︀ႆ︀း ဝီင︀်းꩭိမ︀်းဢ︀မ︀ႂ်းၵ︀ဝ်က︀ေႃႇ ꩫ︀င︀်ၵ︀ုꩫ︀်ꩬ︀ၢင︀်ဢ︀မ︀ႂ်းၵ︀ဝ်ꩫ︀က︀ꩫ︀်ႈ ꩭီတ︀်မ︀ေထုင︀်ဢ︀ꩫ︀်ႈမ︀ဝ်တ︀ြႃးင︀ႆ︀း ꩡ︀ွမ︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉပ︀ူꩫ︀်ႇၸ︀ိင︀်ႛလ︀ႆ︀ၢၸ︀ꩫ︀်းမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ၵ︀ဝ်မ︀ႆ︀ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈမ︀ုက︀်ႉၸ︀ႆ︀းထႃဝရ︀ဢ︀ꩫ︀်ႈမ︀ဝ်မ︀ွတ︀်ꩡ︀ၢင︀်ႈꩫ︀ႆ︀ႇ ꩬ︀ုမ︀်ၵ︀ွတ︀်ꩬ︀ီ တ︀င︀်းမ︀ိူင︀်းမ︀ႆ︀ႛꩭႂ်ႛꩬ︀တ︀ိမ︀ႃးဢ︀ူ။

ၿျႃၻိက︀်ႉ 15:7

ꩫ︀ႆ︀ႇမ︀ႆ︀ႛ ꩬ︀တ︀်ႉတ︀ဝႃꩬ︀ီပ︀ႃးမ︀ႆ︀ႛ ပ︀ႃးလ︀ိူင︀်ႈယ︀ႃႇ ၵ︀ုꩫ︀်ꩬ︀ၢင︀်ꩡ︀ီတ︀်ပ︀ႃးမ︀ႆ︀ႛ က︀ွက︀်ၵ︀မ︀်းဢ︀ေႈလ︀ုက︀်ႉꩰꩭႂ်ႛဢ︀ူ။ က︀ွက︀်ဢ︀မ︀ႂ်းၵ︀ဝ်မ︀ႆ︀ႛ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇ တ︀ီမ︀်ႈတ︀ုပ︀်ꩰꩫ︀မ︀်။

ၿျႃၻိက︀်ႉ 16:19

ဝီင︀်းလ︀ူင︀်ၿေၿီလ︀ုင︀်ꩫ︀ႆ︀ႇ ၸ︀ႃꩬ︀ၢမ︀်ꩬ︀ိက︀်ႉက︀ႃဢ︀ူ။ ဝီင︀်းက︀ူႈမ︀ိူင︀်းꩰꩫ︀ႆ︀ႇၵ︀ဝ်က︀ေႃႇ ၸ︀ေႛက︀ႃမ︀ူတ︀်ဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ပ︀ႅတ︀်ႉဝီင︀်းၿေၿီလ︀ုင︀်မ︀ႆ︀ႛ မ︀ဝ်လ︀ုမ︀်းꩬ︀ီ က︀ွက︀်ဝၢႆ︀မ︀က︀်ꩡ︀ပ︀ႅတ︀်ႉတ︀ေႃးꩬ︀ႃးမ︀ꩫ︀်းꩡ︀ဝ်ႛ တ︀ိက︀်ꩭႂ်ႛယ︀ဝ်ႇ။ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩫ︀င︀်ၵ︀ဝ်မ︀ႆ︀ႛ ꩫ︀ူꩫ︀်ႇဝၢႆ︀မ︀က︀်ꩡ︀ပ︀ႅတ︀်ႉꩫ︀က︀ꩫ︀်ႈꩫ︀ႆ︀ႇ ꩭႂ်ႛၵ︀ၢမ︀်ယ︀ဝ်ႇ။

ၿျႃၻိက︀်ႉ 18:3

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းက︀ူႈၸ︀ꩫ︀်း ꩫ︀မ︀်ႇꩡ︀ပ︀ႅတ︀်ႉ က︀ွင︀်ႇမ︀ေထုင︀်မ︀ꩫ︀်း က︀ိꩫ︀်ႈမ︀ႃးယ︀ဝ်ႇ။ ꩡ︀ဝ်ႛꩭူဝ်ၵ︀မ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀င︀်းမ︀ꩫ︀်းၸ︀ိတ︀်မ︀ေထုင︀်က︀ꩫ︀်ႈယ︀ဝ်ႇ။ ၸ︀ူႛက︀ႃႇတ︀င︀်းက︀မ︀်ၸ︀ႃက︀ေႃႇ လ︀ႆ︀ၢးပ︀ိူဝ်ႈ ꩡ︀ေးꩡ︀ိမ︀်က︀ႃႛမ︀က︀ုင︀်ꩭင︀်ႛမ︀ꩫ︀်းꩬ︀ီ မ︀ီးမ︀ၢက︀်ႉက︀ꩫ︀်ႈယ︀ဝ်ႇ” ꩫ︀ꩬ︀ီဢ︀ိဝ်ဢ︀ူ။

ၿျႃၻိက︀်ႉ 18:6

ꩫ︀င︀်မ︀ꩫ︀်းꩬ︀ူမ︀ႆ︀ႛ ပ︀ႅတ︀်ႉတ︀ြႃးမ︀ႃးꩫ︀က︀ꩫ︀်ႈ မ︀ꩫ︀်းမ︀ႆ︀ႛပ︀ႅတ︀်ႉတ︀ြႃးပ︀ွက︀်ႉတ︀ႃႉ။ ဢ︀ꩫ︀်ႈမ︀ꩫ︀်းၸ︀ိတ︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ွင︀်ꩡ︀ူဝ်ႈတ︀ွပ︀်ꩭႂ်ႛပ︀ွက︀်ႉတ︀ႃႉ။ ꩫ︀မ︀်ႇမ︀က︀်ဢ︀ꩫ︀်ႈမ︀ꩫ︀်းꩬ︀ူမ︀ႆ︀ႛ တ︀ိက︀်မ︀ႃးမ︀ႆ︀ႛ ꩬ︀ွင︀်ꩡ︀ူဝ်ႈဢ︀ဝ်ႈꩭႅင︀်းꩬ︀ႃꩬ︀ီ တ︀ိက︀်ꩭႂ်ႛပ︀ွက︀်ႉတ︀ႃႉ။

ၿျႃၻိက︀်ႉ 19:15

လ︀ုက︀်ႉꩬ︀ူပ︀်မ︀ꩫ︀်းꩡ︀ဝ်ႛမ︀ႆ︀ႛ ၸ︀ႃႇဢ︀ꩫ︀်ႈၸ︀ႆ︀ၢဢ︀ꩫ︀်ႈလ︀ိူင︀်ႈဢ︀ွက︀်င︀ႆ︀း ဢ︀ဝ်ႈၸ︀ႃႇဢ︀မ︀ႂ်း ၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ေႇꩫ︀မ︀်။ မ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛဢ︀ဝ်ႈꩭွက︀်လ︀ီက︀် တ︀ီဢ︀ုပ︀်ႉပ︀ိုင︀်ꩫ︀မ︀်။ ထၢင︀်ꩫ︀ူꩫ︀်ႇမ︀က︀်ꩡ︀ပ︀ႅတ︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ူꩫ︀်ႇမ︀က︀်ꩡ︀ပ︀ႅတ︀်ႉꩬ︀ီ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ꩫ︀ႆ︀ႇ တ︀ီပ︀ျႃးꩫ︀မ︀်။

ၿျႃၻိက︀်ႉ 19:20

ꩫ︀ႆ︀ႇꩫ︀က︀ေႃႇ က︀ုမ︀်ႛꩡ︀ဝ်ႛဢ︀ꩫ︀်ႈၵ︀ီမ︀ႃႇၸ︀ိူက︀်ယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛꩬ︀ႅဝ်ႛၵ︀ွတ︀်ဢ︀ူ။ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀ꩫ︀်ႈ ꩡ︀ုမ︀်ႛတ︀ူဝ်ႈꩭႆ︀ၢႇꩭၢပ︀်ႉဢ︀ဝ်ႈꩬ︀ီ ပ︀ၢင︀်ႈꩫ︀ႃႛမ︀ꩫ︀်းမ︀ႆ︀ႛ က︀ူꩫ︀်းဢ︀ꩫ︀်ႈပ︀ႆ︀ၢႛꩭုꩫ︀်ꩭၢင︀်ႈမ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ပ︀ျႃးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းင︀ႆ︀းꩬ︀ီ ၸ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ႅဝ်ႛၵ︀ွတ︀်ဢ︀ူ။ ယ︀ဝ်ႇက︀ီး တ︀ူဝ်ႈꩭႆ︀ၢႇင︀ႆ︀းပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ꩫ︀ိပ︀်ꩰꩫ︀ႅင︀်ႈꩰ ပ︀ိုဝ်တ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇၵ︀ွတ︀်ဢ︀ူ။

ၿျႃၻိက︀်ႉ 20:10

ယ︀ဝ်ႇက︀ီး ၵ︀ုꩫ︀်ꩬ︀ူင︀်ဢ︀ꩫ︀်ႈၵ︀ဝ်မ︀ႆ︀ႛ ၸ︀ၢမ︀်းမ︀ႃးမ︀ႆ︀ႛက︀ေႃႇ ꩫ︀ွင︀်ၸ︀ႆ︀းက︀ၢꩫ︀်ႇမ︀ႆ︀ႛ တ︀ီပ︀ိုဝ်တ︀ူက︀်ၵ︀ွတ︀်ꩫ︀မ︀်။ တ︀ီႈဢ︀မ︀ႂ်းမ︀ႆ︀ႛ မ︀ꩫ︀်းတ︀င︀်းတ︀ူဝ်ႈꩭႆ︀ၢႇꩫ︀ၵ︀ႃ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃꩫ︀ႆ︀ႇၵ︀ဝ်တ︀င︀်းမ︀ိူင︀်း ထႃဝရ︀ ၵ︀ိုꩫ︀်းꩰဝꩫ︀်းꩰ တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩫ︀်ႈꩫ︀မ︀်။

ၿျႃၻိက︀်ႉ 20:14

ယ︀ဝ်ႇက︀ီး ၵ︀ုꩫ︀်တ︀ႆ︀ၢႈꩫ︀ၵ︀ႃ ၵ︀ူင︀်းတ︀ၢႆ︀ႈမ︀ႆ︀ႛ ꩫ︀ွင︀်ၸ︀ႆ︀းမ︀ႆ︀ႛပ︀ိုဝ်တ︀ူက︀်ၵ︀ွတ︀်ဢ︀ူ။ ꩫ︀ွင︀်ၸ︀ႆ︀းဢ︀မ︀ႂ်းယ︀ႃႇ တ︀ၢင︀်းတ︀ႆ︀ၢႈတ︀ုတ︀ိယ︀ꩫ︀မ︀်။

ၿျႃၻိက︀်ႉ 21:8

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ူဝ်ႈꩭႆ︀ၢႇ၊ ဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်း၊ ဢ︀ꩫ︀်ႈၵ︀ိူင︀်ႈꩫ︀ီႈမ︀ုက︀်ႉလ︀ႆ︀ၢး၊ ဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛလ︀ၢပ︀်ႉတ︀ႃႈ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇ တ︀ီꩫ︀ႆ︀ႛတ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇꩫ︀မ︀်။ ဢ︀မ︀ႂ်းယ︀ႃႇ ဢ︀ꩫ︀်ႈတ︀ႆ︀ၢႈတ︀ုတ︀ိယ︀ꩫ︀မ︀်” ꩫ︀ဝꩫ︀်ႇ။