ၿျႃၻိက︀်ႉ 12:10 - Khamti Shan

¹⁰ ယ︀ဝ်ႇက︀ီး က︀ၢင︀်ႈꩭၢဝ်မ︀ႆ︀ႛ ꩬ︀ီင︀်လ︀ူင︀်ဢ︀ꩫ︀်ႈလ︀ိူင︀်ႈ ဢ︀ွက︀်မ︀ႃးꩫ︀ႆ︀ႇယ︀ႃႇ “တ︀ၢင︀်းၵ︀ေꩬ︀ေ၊ တ︀ꩫ︀်းၵ︀ူဝ်းင︀ႆ︀း ꩫ︀ႂ်းင︀မ︀်းၸ︀ြႃးပ︀ီꩫ︀်ႈꩡ︀ဝ်ႛꩭဝ်းထိုင︀်မ︀ႃးယ︀ဝ်ႇ။ လ︀ၢက︀်ႉꩫ︀ႆ︀ႇ မ︀ꩫ︀်းꩡ︀ဝ်ႛꩫ︀င︀်ꩡ︀ဝ်ႛꩭူဝ်ၵ︀မ︀်းꩫ︀က︀ꩫ︀်ႈ တ︀ီဢ︀ုပ︀်ႉပ︀ိုင︀်က︀ႃꩫ︀မ︀်။ လ︀ၢက︀်ႉꩫ︀ႆ︀ႇ ꩡ︀ဝ်ႛမ︀ေꩬ︀ိယ︀မ︀ꩫ︀်းꩡ︀ဝ်ႛက︀ေႃႇ ဢ︀ႃꩫ︀ႃမ︀ꩫ︀်းꩡ︀ဝ်ႛပ︀ျႃးမ︀ႃးယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀ꩫ︀်ႈၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ိုꩫ︀်းꩰဝꩫ︀်းꩰတ︀ၢင︀်ဢ︀ပ︀ႅတ︀်ႉꩫ︀ႆ︀ႇမ︀ႆ︀ႛ င︀ႆ︀ႚယ︀ႃႇ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ပ︀ိုဝ်တ︀ူက︀်ၵ︀ွတ︀်ယ︀ဝ်ႇ။

ၿျႃၻိက︀်ႉ 12:10 ပူးပေါင်းရင်းမြစ်များ

မ︀တ︀်တ︀ႄး 26:64

ꩡ︀ဝ်ႛယ︀ေꩬ︀ုယ︀ႃႇ “ꩡ︀ႂ်ႈဢ︀ူ။ ꩫ︀ႆ︀ႇꩫ︀က︀ေႃႇ ꩬ︀ူတ︀င︀်းမ︀ိူင︀်းမ︀ႆ︀ႛက︀ဝ်ႈဝႃႈက︀ွတ︀်။ ဝꩫ︀်းလ︀ိူင︀်ႈယ︀ႃႇ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း ပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းꩡ︀ွမ︀်ႈ မ︀ႆ︀ႛꩫ︀င︀်ႈင︀ႆ︀း လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ၵ︀ီမ︀ွက︀်ၸ︀ူꩫ︀်ꩬ︀ီ က︀ျွႃးလ︀ူင︀်းမ︀ႃးꩫ︀ႆ︀ႇမ︀ႆ︀ႛ ꩬ︀ူတ︀ီꩫ︀ႆ︀ႛꩭꩫ︀်ꩬ︀ႃး” ꩫ︀ဝꩫ︀်ႇ။

မ︀တ︀်တ︀ႄး 28:18

ꩡ︀ဝ်ႛယ︀ေꩬ︀ုယ︀ႃႇ တ︀ႆ︀ၢႛၵ︀ဝ်မ︀ႆ︀ႛမ︀ႃးꩬ︀ီ “တ︀ꩫ︀်းၵ︀ူဝ်းဢ︀ႃꩫ︀ႃဢ︀ꩫ︀်ႈက︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛယ︀င︀်း၊ ဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းတ︀င︀်းမ︀ိူင︀်း က︀ဝ်ႈꩭၢပ︀်ႉဢ︀ဝ်ႈယ︀ဝ်ႇ။

မ︀တ︀်တ︀ႄး 6:10

က︀ူꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ၵ︀ိင︀်းတ︀ူဝ်ꩡ︀ဝ်ႛဢ︀ုပ︀်ႉပ︀ိုင︀်ꩭႂ်ႛတ︀ီၵ︀ႃႛမ︀ႃးတ︀ႃႉ။ ꩫ︀င︀်ၵ︀ုꩫ︀်ꩬ︀ၢင︀်က︀ၢင︀်ႈꩭၢဝ်ꩫ︀ႆ︀ႇၵ︀ဝ်တ︀င︀်းမ︀ိူင︀်း ၵ︀ၢမ︀်းၵ︀ိင︀်းတ︀ူဝ်ꩡ︀ဝ်ႛထွမ︀်ꩫ︀က︀ꩫ︀်ႈ က︀ူꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ ၵ︀ၢမ︀်းၵ︀ိင︀်းတ︀ူဝ်ꩡ︀ဝ်ႛ ꩭႂ်ႛထွမ︀်က︀ꩫ︀်ႈတ︀ီၵ︀ႃႛက︀ႃတ︀ႃႉ။

လ︀ုက︀ႃ 11:2

မ︀ꩫ︀်းꩡ︀ဝ်ႛက︀ေႃႇ “ꩫ︀င︀်ꩫ︀ႆ︀ႇꩫ︀က︀ꩫ︀်ႈ ယ︀ွꩫ︀်းꩬ︀ူးတ︀ႃႉ။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ႃႛ ꩡ︀ိုဝ်ႈၵ︀ိင︀်းတ︀ူဝ်ꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်မ︀ႆ︀ႛ တ︀ူႈၵ︀ႃႛ ꩭႂ်ႛပ︀ူဝ်းယ︀မ︀်ႈင︀ဝ်းꩫ︀ႆ︀ႇ ꩡ︀ွႆ︀ႈꩭႂ်ႛတ︀ီၵ︀ႃႛမ︀ႃးတ︀ႃႉ။ ꩫ︀ႂ်းင︀မ︀်းၵ︀ိင︀်းတ︀ူဝ်ꩡ︀ဝ်ႛ ꩭႂ်ႛတ︀င︀်ႛတ︀ေတ︀ီၵ︀ႃႛမ︀ႃးတ︀ႃႉ။

လ︀ုက︀ႃ 22:31

ꩬ︀ႅင︀်မ︀ုꩫ︀်ꩴ︀း ထွမ︀်တ︀ႃႉ။ ၵ︀ုꩫ︀်ꩬ︀ူင︀်ယ︀ႃႇ ဢ︀ၵ︀ၢင︀်းဢ︀ꩫ︀်ႈ ꩬ︀ူတ︀င︀်းမ︀ိူင︀်းမ︀ႆ︀ႛ ꩫ︀င︀်ဝီးၵ︀ဝ်ႛꩫ︀က︀ꩫ︀်ႈ ဝီးꩬ︀ီတ︀ီꩡ︀ႅပ︀်ႉꩫ︀ႆ︀ႇ ꩫ︀ႆ︀ႛဝႆ︀ႇယ︀ဝ်ႇ။

က︀ေႃရ︀ိꩫ︀်တ︀ု ႑ 5:4

တ︀ီႈဢ︀ꩫ︀်ႈꩬ︀ူတ︀ုမ︀်ႈက︀ꩫ︀်ႈမ︀ႆ︀ႛ ꩡ︀ႂ်ႈက︀ဝ်ႈက︀ေႃႇ ဢ︀ဝ်ႈၸ︀ုင︀်းတ︀ꩫ︀်းၵ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ထိုင︀်ဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 12:9

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “ဢ︀ꩫ︀်ႈမ︀ႂ်းꩭၢင︀်ႇꩫ︀ႆ︀ႇယ︀ႃႇ က︀ျေးꩡ︀ူးက︀ဝ်ႈꩫ︀ႆ︀ၢႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈမ︀ႂ်းꩭႅင︀်းဢ︀ေꩫ︀ႆ︀ႇꩬ︀ိုင︀် တ︀ꩫ︀်းၵ︀ူဝ်းက︀ဝ်ႈမ︀ႆ︀ႛ ꩭꩫ︀်ꩡ︀ုꩫ︀်ႈꩰꩫ︀မ︀်” ꩫ︀ꩬ︀ီဝႃႈမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ တ︀ꩫ︀်းၵ︀ူဝ်းꩡ︀ဝ်ႛၵ︀ရ︀ီတ︀် ꩡ︀ႃႇꩭီတ︀်ဢ︀မ︀ူးမ︀ꩫ︀်းꩡ︀ဝ်ႛ ꩭႂ်ႛပ︀ူဝ်းက︀ဝ်ႈမ︀ႆ︀ႛယ︀င︀်းဢ︀ူꩫ︀ႆ︀ႇ ဢ︀ꩫ︀်ႈက︀ဝ်ႈꩭႅင︀်းဢ︀ေမ︀ႆ︀ႛ က︀ဝ်ႈꩭုမ︀်ꩰꩡ︀ူမ︀်းꩰတ︀ီက︀မ︀်ႇလ︀ွင︀်ႛဢ︀ူꩫ︀မ︀်။

တ︀ိတ︀ု 2:3

ၸ︀ူႛယ︀ိင︀်းဢ︀ꩫ︀်ႈမ︀ႂ်းမ︀ႆ︀ႛ က︀ေꩬ︀ႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩫ︀င︀်ၸ︀ူႛမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်ထုက︀်ꩫ︀ီႈဢ︀ူꩫ︀က︀ꩫ︀်ႈ ꩭႂ်ႛပ︀ူဝ်းဢ︀ူက︀ꩫ︀်ႈꩫ︀ႆ︀ႇꩬ︀ွꩫ︀်ꩭႂ်ႛတ︀ႃႉ။ ဢ︀ꩫ︀်ႈၵ︀ႃႇပ︀ိူꩫ︀်ႈလ︀ေ၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈꩫ︀ႆ︀ႇၵ︀ဝ် ပ︀ီꩭႂ်ႛꩭီတ︀်။ ၵ︀ဝ်ယ︀ႃႇပ︀ိူꩫ︀်ႈမ︀ႆ︀ႛ လ︀ွင︀်ႈꩫ︀ီႈဝႃႈꩬ︀ွꩫ︀်ꩡ︀ၢင︀်ႈ၊ ၸ︀ူႛယ︀ိင︀်းဢ︀ꩫ︀်ႈꩫ︀ုမ︀်ꩫ︀ႆ︀ႇၵ︀ဝ်မ︀ႆ︀ႛ ဝႃႈꩬ︀ွꩫ︀်ꩭႂ်ႛၸ︀ိူက︀်ꩭႂ်ႛꩫ︀မ︀်။ င︀ႆ︀းက︀ီး ၵ︀ဝ်က︀ေႃႇ ၸ︀ူႛၸ︀ူဝ်ၸ︀ူႛꩡ︀ဝ်ႛ၊ လ︀ုက︀်ႉၸ︀ူႛꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩭၢက︀်ႉꩡ︀ၢင︀်ႈမ︀ႃးဢ︀ူ။

ပ︀ေတ︀ရ︀ု ႑ 5:8

ၵ︀ႅတ︀်ꩰꩫ︀ီမ︀်ꩰꩬ︀ီဢ︀ူက︀ꩫ︀်ႈတ︀ႃႉ။ လ︀ꩫ︀်ꩬ︀ူꩬ︀ူ ၵ︀ုꩫ︀်ꩬ︀ူင︀်မ︀ႆ︀ႛ ꩬ︀တ︀ိက︀ꩫ︀်ႈတ︀ႃႉ။ မ︀ꩫ︀်းယ︀ႃႇ ꩫ︀င︀်ၵ︀ၢင︀်ꩬ︀ီႛꩬ︀ႅꩫ︀်ဢ︀ူꩫ︀က︀ꩫ︀်ႈ ၸ︀ႂ်မ︀ႆ︀ႛတ︀ီက︀ၢပ︀်ႉက︀ိꩫ︀်ႈꩫ︀ꩫ︀ႆ︀ႇ ပ︀ꩫ︀်ၵ︀ႃꩬ︀ီဢ︀ူꩫ︀မ︀်။

ၿျႃၻိက︀်ႉ 11:15

ၵ︀ုꩫ︀်ꩬ︀ၢင︀်တ︀တ︀်ႉတ︀မ︀ ပ︀ဝ်တ︀ုတ︀်က︀ီး က︀ၢင︀်ႈꩭၢဝ်မ︀ႆ︀ႛ ꩬ︀ီင︀်လ︀ူင︀်ꩫ︀ႆ︀ႇၵ︀ဝ်ဢ︀ွက︀်မ︀ႃးꩬ︀ီ “လ︀ၢက︀်ႉꩫ︀ႆ︀ႇယ︀ႃႇ က︀မ︀်ၸ︀ႃꩫ︀ႆ︀ႇ ပ︀ီꩫ︀်ႈမ︀ိူင︀်းꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛမ︀ေꩬ︀ိယ︀မ︀ꩫ︀်းꩡ︀ဝ်ႛယ︀ဝ်ႇ။ မ︀ꩫ︀်းꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ီဢ︀ုပ︀်ႉပ︀ိုင︀်က︀ႃꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 2:26

က︀ူဝ်ႇဢ︀ꩫ︀်ႈတ︀ူဝ်ပ︀ူဝ်းꩬ︀ုတ︀် ပ︀ေႇဢ︀ွင︀်ꩬ︀ီ ၵ︀ၢမ︀်းက︀ဝ်ႈထွမ︀်ꩡ︀ွမ︀်းဢ︀ူꩫ︀ႆ︀ႇၵ︀ဝ်မ︀ႆ︀ႛ ဢ︀ၵ︀ၢင︀်းဢ︀ꩫ︀်ႈၸ︀ꩫ︀်းက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇ က︀ဝ်ႈတ︀ီꩭႂ်ႛꩫ︀မ︀်။

ၿျႃၻိက︀်ႉ 7:10

“ၸ︀ြႃးပ︀ီꩫ︀်ႈꩡ︀ဝ်ႛꩭဝ်း ဢ︀ꩫ︀်ႈက︀ꩫ︀်ႛꩫ︀ိူဝ်ပ︀လ︀ၢင︀်မ︀ႆ︀ႛꩫ︀င︀်ႈꩫ︀ႆ︀ႇꩫ︀ၵ︀ႃ ပ︀ူႇဢ︀ွꩫ︀်မ︀ꩫ︀်းꩡ︀ဝ်ႛꩫ︀မ︀် ꩭဝ်းမ︀ႆ︀ႛ ၵ︀ေꩬ︀ေꩭႂ်ႛꩫ︀ႆ︀ႇ” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။