ၿျႃၻိက︀်ႉ 11:18 - Khamti Shan

¹⁸ က︀ူꩫ︀်းဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩫ︀ႆ︀ႇၵ︀ဝ် တ︀ေႃးꩬ︀ႃးက︀ꩫ︀်ႈꩬ︀ီ ယ︀ၢမ︀်းဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛတ︀ေႃးꩬ︀ႃးက︀ေႃႇ ထိုင︀်မ︀ႃးယ︀ဝ်ႇ။ ယ︀ၢမ︀်းဢ︀ꩫ︀်ႈၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ပ︀ႅတ︀်ႉတ︀ြႃးꩬ︀ီ ၸ︀ူႛꩡ︀ႂ်ႇၵ︀ိင︀်းတ︀ူဝ်ꩡ︀ဝ်ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်၊ ၸ︀ူႛယ︀ႂ် ၸ︀ူႛꩡ︀ႂ်ႇမ︀ဝ်ဝႃႈ က︀ူꩫ︀်းဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ပ︀ူင︀်ႈꩬ︀ူးꩭႂ်ႛင︀ႆ︀း ယ︀ၢမ︀်းဢ︀ꩫ︀်ႈ ၸ︀ူႛဢ︀ဝ်ႈတ︀ႆ︀ၢႈက︀ူꩫ︀်းက︀မ︀်ၸ︀ႃꩫ︀ႆ︀ႇၵ︀ဝ်က︀ူႈက︀ူဝ်ႇမ︀ႆ︀ႛ ဢ︀ဝ်ႈလ︀ူႇပ︀ႅက︀်ႉꩫ︀ႆ︀ႇက︀ေႃႇထိုင︀်မ︀ႃးယ︀ဝ်ႇ” ꩫ︀ꩬ︀ီဝႃႈက︀ꩫ︀်ႈဢ︀ူ။

ၿျႃၻိက︀်ႉ 11:18 ပူးပေါင်းရင်းမြစ်များ

မ︀တ︀်တ︀ႄး 5:12

မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူးလ︀ူင︀်ꩡ︀ႃႇꩬ︀ူꩭႅမ︀်းဝႆ︀ႇယ︀ဝ်ႇꩰꩫ︀ႆ︀ႇꩬ︀ီ ꩭုမ︀်ꩡ︀ူမ︀်းက︀ꩫ︀်ႈတ︀ႃႉ။ ပ︀ရ︀ေႃးၸ︀ႅတ︀်ႉဢ︀ꩫ︀်ႈက︀ꩫ︀်ႛꩫ︀ႃႛꩬ︀ူꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩫ︀ိက︀်ႉꩬ︀ၢက︀်ႉမ︀ႃးယ︀ဝ်ႇ။

လ︀ုက︀ႃ 1:50

မ︀ꩫ︀်းꩡ︀ဝ်ႛယ︀ႃႇ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀မ︀်ႈင︀ဝ်းꩫ︀ႆ︀ႇၵ︀ဝ်မ︀ႆ︀ႛ က︀ူႈꩡ︀ူဝ်ႈလ︀ႆ︀ၢၵ︀ႃး ဢ︀ီꩫ︀ူႈꩭႂ်ႛဢ︀ူ။

ꩭေပ︀ရ︀ူး 9:27

က︀ူꩫ︀်းꩫ︀ꩫ︀ႆ︀ႇ ပ︀ၢꩫ︀်ႈလ︀ိူင︀်ႈꩫ︀ၢႆ︀ႈꩫ︀မ︀်ဝႃႈတ︀ႆ︀ၢႈꩫ︀ႆ︀ႇ။ ယ︀ဝ်ႇက︀ီး ဝႃႈၵ︀ၢမ︀်ပ︀ႅတ︀်ႉတ︀ြႃးꩫ︀မ︀်။

ၿျႃၻိက︀်ႉ 10:7

ၵ︀ုꩫ︀်ꩬ︀ၢင︀်တ︀တ︀်ႉတ︀မ︀တ︀ုတ︀်တ︀ီပ︀ဝ်က︀ီး ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ တ︀ႅဝ်မ︀ႃးꩫ︀ႆ︀ႇꩫ︀က︀ꩫ︀်ႈ လ︀ွင︀်ႈလ︀ိူက︀်ႉလ︀မ︀်မ︀ꩫ︀်းꩡ︀ဝ်ႛ တ︀ီယ︀ဝ်ႇက︀ႃꩫ︀မ︀်။

ၿျႃၻိက︀်ႉ 11:2

တ︀ႃဢ︀ုတ︀်ႉꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛယ︀ႃႇ ပ︀ီတ︀ႅက︀်ႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႂ်းယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ဝ်တ︀ွင︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛယ︀ဝ်ႇ။ ၵ︀ဝ်ယ︀ႃႇ ဝီင︀်းမ︀ူတ︀်ꩡ︀ၢင︀်မ︀ႆ︀ႛ ꩬ︀ီꩬ︀ိပ︀်ꩬ︀ွင︀်ꩫ︀ိူꩫ︀်ႈ တ︀ီပ︀ူꩫ︀်ꩫ︀မ︀်။

ၿျႃၻိက︀်ႉ 13:10

က︀ူဝ်ႇဢ︀ꩫ︀်ႈပ︀ိူꩫ︀်ႈဝႃႈꩬ︀ႅဝ်ႛက︀ႃꩫ︀ႆ︀ႇယ︀ႃႇ ဝႃႈꩫ︀ႆ︀ႛꩬ︀ႅဝ်ႛက︀ႃꩫ︀မ︀်။ က︀ူဝ်ႇဢ︀ꩫ︀်ႈပ︀ိူꩫ︀်ႈဝႃႈတ︀ႅပ︀်တ︀ႆ︀ၢႈꩫ︀ႆ︀ႇက︀ေႃႇ ဝႃႈꩫ︀ႆ︀ႛတ︀ႅပ︀်တ︀ႆ︀ၢႈꩫ︀မ︀်။ င︀ႆ︀းꩫ︀ႆ︀ႇꩬ︀ီ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ ဝႃႈက︀ꩫ︀်ႛပ︀ီꩫ︀်ႈ ဝႃႈꩬ︀ႅတ︀်ႉꩡ︀ႃယ︀င︀်းက︀ꩫ︀်ႈꩫ︀မ︀်။

ၿျႃၻိက︀်ႉ 13:16

တ︀ူဝ်ႈꩭႆ︀ၢႇဢ︀မ︀ႂ်းယ︀ႃႇ ၸ︀ူႛယ︀ႂ် ၸ︀ူႛꩡ︀ႂ်ႇမ︀ဝ်ဝႃႈ၊ ၸ︀ူႛမ︀ီး ၸ︀ူႛၸ︀ၢꩫ︀်မ︀ဝ်ဝႃႈ၊ ၸ︀ူႛၵ︀ႃႛ ၸ︀ူႛလ︀ွတ︀်ႉမ︀ဝ်ဝႃႈ က︀ူꩫ︀်းတ︀င︀်းမ︀ိူင︀်းမ︀ႆ︀ႛ မ︀ိုဝ်းပ︀ႃႛၵ︀ႃၵ︀ဝ်မ︀ႆ︀ႛ မ︀ဝ်ꩡ︀ႂ်ႈက︀ီး ꩫ︀ႃႛၸ︀က︀်ၵ︀ဝ်မ︀ႆ︀ႛ ꩭႅပ︀်ႉꩬ︀ီꩭႂ်ႛမ︀တ︀်ႉမ︀ႆ︀ၢဢ︀ူ။

ၿျႃၻိက︀်ႉ 14:10

တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ဝ်မ︀ႆ︀ႛ ꩫ︀ူꩫ︀်ႇဝၢႆ︀မ︀က︀်ꩡ︀ပ︀ႅတ︀်ႉꩫ︀က︀ꩫ︀်ႈꩫ︀ႆ︀ႇ တ︀ီꩫ︀ႆ︀ႛၵ︀ၢမ︀်ꩫ︀မ︀်။ င︀ႆ︀းꩬ︀ီ ၵ︀ဝ်ယ︀ႃႇ ပ︀ၢင︀်ႈꩫ︀ႃႛၵ︀ုꩫ︀်ꩬ︀ၢင︀်မ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်င︀ႆ︀း ပ︀ၢင︀်ႈꩫ︀ႃႛပ︀ူႇဢ︀ွꩫ︀်မ︀ႆ︀ႛ က︀ꩫ︀်ႛꩫ︀ႂ်းၸ︀ႆ︀းက︀ၢꩫ︀်ႇမ︀ႆ︀ႛ တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။

ၿျႃၻိက︀်ႉ 15:1

ထတ︀်ꩫ︀ႆ︀ႇ က︀ဝ်ႈ က︀ꩫ︀်ႛꩫ︀ိူဝ်က︀ၢင︀်ႈၸ︀ႃႇမ︀ႆ︀ႛ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈယ︀ႂ်လ︀ူင︀်ဢ︀ꩫ︀်ႈလ︀ိူင︀်ႈ ꩭꩫ︀်ꩫ︀ႆ︀ႇယ︀ႃႇ ၵ︀ုꩫ︀်ꩬ︀ၢင︀်ꩡ︀ီတ︀်ပ︀ႃးꩫ︀ၵ︀ႃ ၸ︀ေးပ︀ႆ︀ၢႈꩭၢင︀်လ︀ေႚလ︀ေႚꩡ︀ီတ︀်ဢ︀ꩫ︀်ႈꩫ︀မ︀်။ ၸ︀ေးဢ︀မ︀ႂ်းယ︀ႃႇ ၸ︀ေးဢ︀ꩫ︀်ႈပ︀ႆ︀ၢႈꩭၢင︀်လ︀ေႚလ︀ေႚ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ီမ︀်ႈက︀ုမ︀်တ︀ေႃးꩬ︀ႃးမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။

ၿျႃၻိက︀်ႉ 15:7

ꩫ︀ႆ︀ႇမ︀ႆ︀ႛ ꩬ︀တ︀်ႉတ︀ဝႃꩬ︀ီပ︀ႃးမ︀ႆ︀ႛ ပ︀ႃးလ︀ိူင︀်ႈယ︀ႃႇ ၵ︀ုꩫ︀်ꩬ︀ၢင︀်ꩡ︀ီတ︀်ပ︀ႃးမ︀ႆ︀ႛ က︀ွက︀်ၵ︀မ︀်းဢ︀ေႈလ︀ုက︀်ႉꩰꩭႂ်ႛဢ︀ူ။ က︀ွက︀်ဢ︀မ︀ႂ်းၵ︀ဝ်မ︀ႆ︀ႛ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇ တ︀ီမ︀်ႈတ︀ုပ︀်ꩰꩫ︀မ︀်။

ၿျႃၻိက︀်ႉ 18:6

ꩫ︀င︀်မ︀ꩫ︀်းꩬ︀ူမ︀ႆ︀ႛ ပ︀ႅတ︀်ႉတ︀ြႃးမ︀ႃးꩫ︀က︀ꩫ︀်ႈ မ︀ꩫ︀်းမ︀ႆ︀ႛပ︀ႅတ︀်ႉတ︀ြႃးပ︀ွက︀်ႉတ︀ႃႉ။ ဢ︀ꩫ︀်ႈမ︀ꩫ︀်းၸ︀ိတ︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ွင︀်ꩡ︀ူဝ်ႈတ︀ွပ︀်ꩭႂ်ႛပ︀ွက︀်ႉတ︀ႃႉ။ ꩫ︀မ︀်ႇမ︀က︀်ဢ︀ꩫ︀်ႈမ︀ꩫ︀်းꩬ︀ူမ︀ႆ︀ႛ တ︀ိက︀်မ︀ႃးမ︀ႆ︀ႛ ꩬ︀ွင︀်ꩡ︀ူဝ်ႈဢ︀ဝ်ႈꩭႅင︀်းꩬ︀ႃꩬ︀ီ တ︀ိက︀်ꩭႂ်ႛပ︀ွက︀်ႉတ︀ႃႉ။

ၿျႃၻိက︀်ႉ 19:15

လ︀ုက︀်ႉꩬ︀ူပ︀်မ︀ꩫ︀်းꩡ︀ဝ်ႛမ︀ႆ︀ႛ ၸ︀ႃႇဢ︀ꩫ︀်ႈၸ︀ႆ︀ၢဢ︀ꩫ︀်ႈလ︀ိူင︀်ႈဢ︀ွက︀်င︀ႆ︀း ဢ︀ဝ်ႈၸ︀ႃႇဢ︀မ︀ႂ်း ၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ေႇꩫ︀မ︀်။ မ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛဢ︀ဝ်ႈꩭွက︀်လ︀ီက︀် တ︀ီဢ︀ုပ︀်ႉပ︀ိုင︀်ꩫ︀မ︀်။ ထၢင︀်ꩫ︀ူꩫ︀်ႇမ︀က︀်ꩡ︀ပ︀ႅတ︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ူꩫ︀်ႇမ︀က︀်ꩡ︀ပ︀ႅတ︀်ႉꩬ︀ီ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ꩫ︀ႆ︀ႇ တ︀ီပ︀ျႃးꩫ︀မ︀်။

ၿျႃၻိက︀်ႉ 19:18

ꩫ︀ိူဝ်ႇꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ်၊ ꩡ︀ဝ်ႛꩭူဝ်ꩬ︀ိူက︀်ꩫ︀ႆ︀ႇၵ︀ဝ်၊ လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်၊ မ︀ႃႇꩫ︀ၵ︀ႃၸ︀ူႛၵ︀ီမ︀ႃႇꩫ︀ႆ︀ႇၵ︀ဝ်၊ က︀ူꩫ︀်းꩫ︀ႆ︀ႇၵ︀ဝ်၊ ၸ︀ူႛၵ︀ႃႛက︀ူꩫ︀်းလ︀ွတ︀်ႉꩫ︀ႆ︀ႇၵ︀ဝ်င︀ႆ︀း ꩫ︀ိူဝ်ႇၸ︀ူႛလ︀ီက︀်ႉၸ︀ူႛယ︀ႂ်တ︀င︀်းလ︀ုင︀်မ︀ႆ︀ႛ မ︀ႃးက︀ိꩫ︀်ႈက︀ꩫ︀်ႈလ︀ိူဝ်း” ꩫ︀ꩬ︀ီဢ︀ိဝ်ဢ︀ူ။

ၿျႃၻိက︀်ႉ 19:5

ꩫ︀ႆ︀ႇမ︀ႆ︀ႛ “က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်၊ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛၵ︀ဝ်၊ ၸ︀ူႛလ︀ီက︀်ႉၸ︀ူႛယ︀ႂ်မ︀ဝ်ဝႃႈ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛꩭဝ်းမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ” ꩫ︀ꩬ︀ီ လ︀ုက︀်ႉပ︀လ︀ၢင︀်မ︀ႆ︀ႛ ꩬ︀ီင︀်ဢ︀ွက︀်မ︀ႃးဢ︀ူ။

ၿျႃၻိက︀်ႉ 20:12

ပ︀ၢင︀်ႈꩫ︀ႃႛပ︀လ︀ၢင︀်ဢ︀မ︀ႂ်းမ︀ႆ︀ႛ က︀ူꩫ︀်းဢ︀ꩫ︀်ႈတ︀ႆ︀ၢႈပ︀ူꩫ︀်ႇက︀ႃꩫ︀ႆ︀ႇၵ︀ဝ် ၸ︀ူႛယ︀ႂ် ၸ︀ူႛꩡ︀ႂ်ႇမ︀ဝ်ဝႃႈ တ︀င︀်းမ︀ိူင︀်းꩬ︀ဝ်းက︀ꩫ︀်ႈꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ဢ︀မ︀ႂ်းမ︀ႆ︀ႛ ပ︀ၢပ︀်ႉꩫ︀ႆ︀ႇၵ︀ဝ် ပ︀ုတ︀်ဝႆ︀ႇဢ︀ူ။ ပ︀ၢပ︀်ႉတ︀ၢင︀်ဢ︀ꩫ︀်ႈ ဢ︀ꩫ︀်ႈꩡ︀ိုဝ်ႈၸ︀ူႛꩫ︀ႆ︀ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇၵ︀ဝ် တ︀ႅမ︀်ႛဝႆ︀ႇꩫ︀ႆ︀ႇက︀ေႃႇ ပ︀ုတ︀်ဝႆ︀ႇဢ︀ူ။ က︀ူꩫ︀်းဢ︀ꩫ︀်ႈတ︀ႆ︀ၢႈက︀ႃꩫ︀ႆ︀ႇၵ︀ဝ်မ︀ႆ︀ႛယ︀ႃႇ ဢ︀ꩫ︀်ႈꩫ︀င︀်ၵ︀ဝ်ꩭီတ︀်မ︀ႃး၊ ဢ︀ꩫ︀်ႈꩫ︀င︀်ပ︀ၢပ︀်ႉဢ︀မ︀ႂ်းၵ︀ဝ်မ︀ႆ︀ႛ လ︀ွေႛꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။

ၿျႃၻိက︀်ႉ 20:15

က︀ူꩫ︀်းဢ︀ꩫ︀်ႈ ပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛယ︀ႃႇ ꩫ︀ွင︀်ၸ︀ႆ︀းမ︀ႆ︀ႛပ︀ိုဝ်တ︀ူက︀်ၵ︀ွတ︀်မ︀ူတ︀်ဢ︀ူ။

ၿျႃၻိက︀်ႉ 22:12

ꩡ︀ဝ်ႛယ︀ေꩬ︀ုဝႃႈꩫ︀ႆ︀ႇ “ထွမ︀်တ︀ႃႉ။ က︀ဝ်ႈꩡ︀ိဝ်းꩰတ︀ီမ︀ႃးꩫ︀မ︀်။ မ︀ိူဝ်ႈက︀ဝ်ႈမ︀ႃးꩫ︀ႆ︀ႇ က︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းꩭီတ︀်မ︀ႃးꩫ︀ႆ︀ႇ က︀ဝ်ႈဢ︀က︀ိဝ်းဢ︀ပ︀ႅတ︀်ႉ တ︀ီပ︀ူင︀်ႈꩭႂ်ႛပ︀ွက︀်ႉꩫ︀မ︀်။