ၸ︀ိလ︀ေမ︀ုꩫ︀် 1:17 - Khamti Shan

¹⁷ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩫ︀ူႈꩫ︀ႃႛꩡ︀ဝ်ႛယ︀ေꩬ︀ုꩬ︀ီ က︀ဝ်ႈမ︀ႆ︀ႛ မ︀ႂ်းမ︀တ︀်ႉက︀ူဝ်ႇꩬ︀ေႛက︀ီး ꩫ︀င︀်ဢ︀ꩫ︀်ႈက︀ဝ်ႈမ︀ႆ︀ႛ တ︀ီꩭၢပ︀်ႉတ︀ွꩫ︀်ႛꩫ︀က︀ꩫ︀်ႈ မ︀ꩫ︀်းမ︀ႆ︀ႛꩭၢပ︀်ႉတ︀ွꩫ︀်ႛပ︀ွက︀်ႉမ︀ႃးတ︀ႃႉ။

ၸ︀ိလ︀ေမ︀ုꩫ︀် 1:17 ပူးပေါင်းရင်းမြစ်များ

မ︀တ︀်တ︀ႄး 10:40

က︀ူဝ်ႇဢ︀ꩫ︀်ႈ ꩬ︀ူမ︀ႆ︀ႛꩭၢပ︀်ႉꩫ︀ႆ︀ႇ က︀ဝ်ႈမ︀ႆ︀ႛက︀ေႃႇꩭၢပ︀်ႉယ︀ဝ်ႇ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ꩭၢပ︀်ႉꩫ︀ႆ︀ႇ ꩡ︀ဝ်ႛ ဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ꩭၢပ︀်ႉတ︀ွꩫ︀်ႛယ︀ဝ်ႇ။

မ︀တ︀်တ︀ႄး 18:5

က︀ူဝ်ႇဢ︀ꩫ︀်ႈꩫ︀ူႈꩫ︀ႃႛက︀ဝ်ႈꩬ︀ီ လ︀ၵ︀ႃၸ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭၢပ︀်ႉဢ︀ဝ်ႈꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛက︀ေႃႇꩭၢပ︀်ႉꩫ︀မ︀်။

မ︀တ︀်တ︀ႄး 25:40

မ︀ိူဝ်ႈဢ︀မ︀ႂ်းက︀ဝ်ႈယ︀ႃႇ “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ တ︀ပ︀ေးက︀ဝ်ႈဢ︀ꩫ︀်ႈꩫ︀ႃႛလ︀ီက︀်ႉꩫ︀ႃႛယ︀ႂ်မ︀ဝ်ဝႃႈ ၸ︀ႂ်မ︀ႆ︀ႛꩫ︀က︀ေႃႇ ဢ︀ꩫ︀်ႈꩫ︀င︀်ꩬ︀ူꩭီတ︀်မ︀ႃးꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛꩭီတ︀်ꩭႂ်ႛမ︀ႃးꩫ︀မ︀်” ꩫ︀ꩬ︀ီတ︀ီဝႃႈꩫ︀မ︀်။

ထဝ်ꩡ︀တ︀်ႉၵ︀ဝ် 16:15

င︀ႆ︀းꩬ︀ီ မ︀ꩫ︀်းင︀ႆ︀းက︀ူꩫ︀်းꩭိူꩫ︀်းမ︀ꩫ︀်းတ︀င︀်းꩭိူꩫ︀်း ꩭူမ︀်ႈꩭၢပ︀်ႉမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇဢ︀ူ။ ယ︀ဝ်ႇက︀ီးမ︀ꩫ︀်းယ︀ႃႇ “ꩬ︀င︀်ဝႃႈꩬ︀ူꩡ︀ဝ်ႛ က︀ဝ်ႈၵ︀ႃႛမ︀ႆ︀ႛ မ︀တ︀်ႉၸ︀ူႛယ︀ုမ︀်ယ︀မ︀်ႈတ︀ေႇတ︀ေႇꩫ︀မ︀်ꩫ︀က︀ီး ꩭိူꩫ︀်းတ︀ူႈၵ︀ႃႛမ︀ႆ︀ႛ မ︀ႃးꩬ︀ဝ်းတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီ တ︀ူႈမ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်းပ︀ၢင︀်းဢ︀ူ။

က︀ေႃရ︀ိꩫ︀်တ︀ု ႒ 8:23

လ︀ွင︀်ႈတ︀ိတ︀ုဝႃႈက︀ွတ︀်ꩫ︀က︀ီး မ︀ꩫ︀်းယ︀ႃႇ ဢ︀မ︀ူးဢ︀ꩫ︀်ႈꩡ︀ွႆ︀ႈꩬ︀ူမ︀ႆ︀ႛ ဢ︀ꩫ︀်ႈတ︀င︀်းက︀ဝ်ႈꩭူမ︀်ႈꩬ︀ေႈꩡ︀ႃႉꩫ︀မ︀်။ ပ︀ီႈꩫ︀ွင︀်ႇတ︀ၢင︀်က︀ူဝ်ႇ ဢ︀ꩫ︀်ႈတ︀င︀်းၵ︀ဝ်ꩭူမ︀်ႈက︀ႃꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩡ︀ိူဝ်းꩡ︀ဝ်ႛၵ︀ဝ် ပ︀ွႆ︀ꩡ︀ႂ်ႇꩫ︀ႆ︀ႇၵ︀ဝ်ꩫ︀မ︀်။ လ︀ႆ︀ၢးပ︀ိူဝ်ႈၵ︀ဝ်ꩬ︀ီ မ︀ူꩫ︀်ႈꩡ︀ဝ်ႛၵ︀ရ︀ီတ︀် ꩭိူဝ်ႈꩭိုင︀်းပ︀ိုင︀်းꩬ︀ႂ်ဢ︀ူꩫ︀မ︀်။

ဢ︀ေၸ︀ႅတ︀် 3:6

ဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ လ︀ႆ︀ၢးပ︀ိူဝ်ႈၵ︀ၢဝ်ႈၵ︀ၢမ︀်းꩫ︀ီႈꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇ တ︀င︀်းက︀ျူးꩫ︀ႆ︀ႇၵ︀ဝ် ဢ︀က︀ိဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ႆ︀ႛꩭူမ︀်ႈꩭၢပ︀်ႉꩫ︀ႆ︀ႇꩫ︀မ︀်။ ၵ︀ဝ်က︀ေႃႇ တ︀င︀်းက︀ျူးꩫ︀ႆ︀ႇၵ︀ဝ် ꩫ︀ႂ်းတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩫ︀ႆ︀ႛလ︀ွေႛꩬ︀ီ က︀တ︀ိဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛမ︀ႃးꩫ︀ႆ︀ႇ ꩫ︀ႆ︀ႛꩭၢပ︀်ႉဢ︀ဝ်ႈယ︀ဝ်ႇ။

ၸ︀ိလ︀ိပ︀်ပ︀ၢႆ︀ 1:7

က︀ဝ်ႈ ꩬ︀ူမ︀ႆ︀ႛꩭၢက︀်ႉလ︀ူင︀်ꩫ︀မ︀်။ ꩭၢက︀်ႉက︀ေႃႇထုက︀်ꩫ︀ီႈꩭၢက︀်ႉဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈင︀ႆ︀ႚတ︀ူက︀်ထွင︀်ဢ︀ူꩫ︀ႆ︀ႇတ︀မ︀ိူင︀်း မ︀ိူဝ်ႈ က︀ဝ်ႈၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ုမ︀်ႇၵ︀ႅꩫ︀်မ︀ႃး၊ ꩭူဝ်းမ︀ႃးꩫ︀ႆ︀ႇတ︀မ︀ိူင︀်း ဢ︀မ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛပ︀ူင︀်ႈဝႆ︀ႇမ︀ႃးꩫ︀ႆ︀ႇမ︀ႆ︀ႛ ꩬ︀ူက︀ေႃႇ တ︀င︀်းက︀ဝ်ႈ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ꩭူမ︀်ႈꩭၢပ︀်ႉဢ︀ဝ်ႈမ︀ႃးꩬ︀ီꩫ︀မ︀်။

တ︀ိမ︀ေႃတ︀ေ ႑ 6:2

ꩬ︀င︀်ဝႃႈꩡ︀ဝ်ႛၸ︀ူႛꩡ︀ဝ်ႛ ပ︀ီꩫ︀်ႈၸ︀ူႛယ︀ုမ︀်ယ︀မ︀်ႈက︀ီး မ︀ꩫ︀်းမ︀ႆ︀ႛ ပ︀ီမ︀ဝ်ꩫ︀ၢပ︀်ႉမ︀ဝ်ၵ︀ၢꩫ︀်း။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းက︀ေႃႇ ပ︀ီꩫ︀်ႈပ︀ီႈꩫ︀ွင︀်ႇက︀ꩫ︀်ႈꩫ︀မ︀်။ ꩡ︀ဝ်ႛဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛ ꩡ︀ႂ်ႇက︀ိꩫ︀်ႈꩬ︀ီဢ︀ူꩫ︀ႆ︀ႇ ပ︀ီꩫ︀်ႈပ︀ီႈꩫ︀ွင︀်ႇၸ︀ူႛꩡ︀ဝ်ႛꩫ︀ႆ︀ႇꩬ︀ီ ဢ︀ꩫ︀်ႈမ︀ꩫ︀်းꩡ︀ႂ်ႇꩫ︀ႆ︀ႇဢ︀ေႈၵ︀ႅꩫ︀်းဝႃႈꩭီတ︀်ꩭႂ်ႛꩫ︀မ︀်။ က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩫ︀ႆ︀ႇၵ︀ဝ်ꩬ︀ွꩫ︀်ꩭႂ်ႛတ︀ႃႉ။

ၸ︀ိလ︀ေမ︀ုꩫ︀် 1:10

င︀ႆ︀းꩫ︀ႆ︀ႇꩬ︀ီ ၵ︀ႅꩫ︀်းꩫ︀က︀ွတ︀် ဢ︀ေႃꩫ︀ေတ︀ိမ︀်မ︀ႆ︀ႛ ဢ︀ီꩫ︀ူႈမ︀ႃးတ︀ႃႉ။ မ︀ꩫ︀်းယ︀ႃႇ မ︀ႆ︀ႛမ︀ိူဝ်ႈက︀ဝ်ႈတ︀ူက︀်ထွင︀်ꩬ︀ီဢ︀ူꩫ︀ႆ︀ႇ က︀ဝ်ႈꩭူဝ်းꩰꩬ︀ွꩫ︀်ꩰꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃးꩫ︀ႆ︀ႇꩬ︀ီ လ︀ုက︀်ႉက︀ဝ်ႈꩫ︀က︀ꩫ︀်ႈꩫ︀မ︀်။

ၸ︀ိလ︀ေမ︀ုꩫ︀် 1:12

င︀ႆ︀ႚက︀ဝ်ႈ မ︀ꩫ︀်းက︀ူဝ်ႇဢ︀ꩫ︀်ႈက︀ဝ်ႈꩫ︀င︀်လ︀ုက︀်ႉၸ︀ူႛꩡ︀ဝ်ႛꩫ︀က︀ꩫ︀်ႈ ꩭၢက︀်ႉꩫ︀ႆ︀ႇမ︀ႆ︀ႛ မ︀ႂ်းမ︀ႆ︀ႛꩬ︀ူင︀်ပ︀ွက︀်ႉꩭႂ်ႛမ︀ႃးယ︀ဝ်ႇ။

ၸ︀ိလ︀ေမ︀ုꩫ︀် 1:18

ဢ︀ꩫ︀်ႈမ︀ႂ်းမ︀ႆ︀ႛမ︀ꩫ︀်းꩭီတ︀်ၸ︀ိတ︀်မ︀ႃးꩫ︀ႆ︀ႇၵ︀ဝ် ဢ︀ꩫ︀်ႈမ︀ꩫ︀်းဝႃႈꩬ︀ႆ︀ၢႛꩫ︀ႆ︀ႇၵ︀ဝ်ယ︀င︀်းက︀ီး ꩭႂ်ႛပ︀ီꩫ︀်ႈꩫ︀ႃႛတ︀ီႈက︀ဝ်ႈက︀ႃတ︀ႃႉ။

ꩭေပ︀ရ︀ူး 3:1

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၸ︀ူႛမ︀ူတ︀်ꩡ︀ၢင︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩭွင︀်ႇဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛဝႆ︀ႇꩫ︀ႆ︀ႇၵ︀ဝ်ꩴ︀း ꩡ︀ဝ်ႛယ︀ေꩬ︀ု ဢ︀ꩫ︀်ႈꩭဝ်းꩭွင︀်ႇ တ︀မ︀ၢꩫ︀်ꩡ︀ဝ်ႛꩫ︀ၵ︀ႃ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉမ︀ႆ︀ႛ ၵ︀ႂ်ႈꩡ︀ႂ်ႈꩫ︀ီႈꩫ︀ီႈ က︀ꩫ︀်ႈတ︀ႃႉ။

ꩭေပ︀ရ︀ူး 3:14

ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းတ︀မ︀်းꩡ︀ႂ်ႈဝႆ︀ႇမ︀ႆ︀ႛ ꩫ︀င︀်မ︀ိူဝ်ႈꩭူဝ်က︀ူဝ်မ︀ႆ︀ႛꩫ︀က︀ꩫ︀်ႈ တ︀ူဝ်ပ︀ူဝ်းꩬ︀ုတ︀် ပ︀ꩫ︀်ႛၵ︀ိူင︀်ꩰက︀ႃက︀ီး ꩭဝ်းတ︀င︀်းꩡ︀ဝ်ႛၵ︀ရ︀ီတ︀် ꩡ︀ၢပ︀်ႉလ︀ႅင︀်က︀ꩫ︀်ႈဢ︀ူꩫ︀မ︀်။

ယ︀ႃက︀ု 2:5

ပ︀ီႈꩫ︀ွင︀်ႇၵ︀ဝ်ꩴ︀း ထွမ︀်က︀ꩫ︀်ႈမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛ မ︀ိူင︀်းမ︀ꩫ︀်းꩡ︀ဝ်ႛꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇဢ︀ူ။ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩭႅင︀်းꩬ︀ီ ဢ︀က︀ိဝ်းဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇ ꩭႂ်ႛပ︀ူဝ်းꩫ︀ႆ︀ႛꩫ︀ႆ︀ႇလ︀ိူင︀်ႈ မ︀ိူင︀်းမ︀ꩫ︀်းꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛၵ︀ဝ်ႛꩫ︀ႆ︀ႇလ︀ိူင︀်ႈ ၵ︀ဝ်မ︀ႆ︀ႛလ︀ိူက︀်ႉဝႆ︀ႇꩫ︀မ︀်။

ပ︀ေတ︀ရ︀ု ႑ 5:1

ꩬ︀ူꩡ︀ဝ်ႛဢ︀ꩫ︀်ႈꩫ︀င︀်က︀ဝ်ႈꩫ︀က︀ꩫ︀်ႈ ပ︀ီꩫ︀်ႈၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈဝွꩫ︀်းၵ︀ႅꩫ︀်းဢ︀ူ။ က︀ဝ်ႈယ︀ႃႇၸ︀ူႛဢ︀ꩫ︀်ႈ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ႉ ꩫ︀ႆ︀ႛၵ︀ၢမ︀်ၻုက︀်ႉၵ︀မ︀ႆ︀ႛ ꩭူပ︀်ႉꩭꩫ︀်မ︀ႃးꩬ︀ီ မ︀ိူဝ်ႈမ︀ꩫ︀်းꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛက︀ျွႃးပ︀ွက︀်ႉမ︀ႃးꩫ︀ႆ︀ႇ တ︀ီꩫ︀ႆ︀ႛꩭၢပ︀်ႉမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် ႑ 1:3

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ လ︀ုက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀ူႈꩫ︀ႆ︀ႛၵ︀ဝ်ႛၵ︀ွꩫ︀်ႛက︀ꩫ︀်ႈမ︀ႃးꩫ︀က︀ꩫ︀်ႈ ꩭႂ်ႛပ︀ူဝ်းꩬ︀ူက︀ေႃႇ တ︀င︀်းတ︀ူႈꩫ︀ႆ︀ႛၵ︀ဝ်ႛၵ︀ွꩫ︀်ႛက︀ꩫ︀်ႈꩫ︀ႆ︀ႇ ဢ︀ꩫ︀်ႈတ︀ူႈꩭꩫ︀်မ︀ႃး၊ ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇၵ︀ဝ် ꩬ︀ူမ︀ႆ︀ႛတ︀ူႈၵ︀ႆ︀ႈꩭႂ်ႛꩫ︀မ︀်။