မ︀ႃက︀ု 9:37 - Khamti Shan

³⁷ “က︀ူဝ်ႇဢ︀ꩫ︀်ႈꩫ︀ူႈꩫ︀ႃႛက︀ဝ်ႈꩬ︀ီ လ︀ၵ︀ႃꩫ︀င︀်င︀ႆ︀းမ︀ႆ︀ႛꩭၢပ︀်ႉꩫ︀ႆ︀ႇ ဢ︀ꩫ︀်ႈꩭၢပ︀်ႉက︀ဝ်ႈꩫ︀မ︀်။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩭၢပ︀်ႉꩫ︀ႆ︀ႇက︀ေႃႇ က︀ဝ်ႈမ︀ႆ︀ႛꩫ︀ၢႆ︀ႈꩭၢပ︀်ႉꩵ︀ႈꩡ︀ႂ်ႈ၊ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႆ︀ႛက︀ေႃႇꩭၢပ︀်ႉဢ︀ူ” ꩫ︀ဝꩫ︀်ႇ။

မ︀ႃက︀ု 9:37 ပူးပေါင်းရင်းမြစ်များ

မ︀တ︀်တ︀ႄး 18:10

က︀ဝ်ႈဝႃႈက︀ွတ︀်။ ꩬ︀ူꩬ︀တ︀ိက︀ꩫ︀်ႈတ︀ႃႉ။ လ︀ၵ︀ႃꩫ︀ႆ︀ႇၵ︀ဝ်မ︀ႆ︀ႛ ပ︀ီဢ︀လ︀ွေႛ။ က︀ၢင︀်ႈꩭၢဝ်မ︀ႆ︀ႛ ၵ︀ုꩫ︀်ꩬ︀ၢင︀်ဢ︀ꩫ︀်ႈပ︀ႂ်ႇၵ︀ဝ် မ︀ိူဝ်ႈလ︀ႂ်ႈက︀ေႃႇ ပ︀ၢင︀်ႈꩫ︀ႃႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛဢ︀ူက︀ꩫ︀်ႈꩫ︀မ︀်။

မ︀တ︀်တ︀ႄး 25:40

မ︀ိူဝ်ႈဢ︀မ︀ႂ်းက︀ဝ်ႈယ︀ႃႇ “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ တ︀ပ︀ေးက︀ဝ်ႈဢ︀ꩫ︀်ႈꩫ︀ႃႛလ︀ီက︀်ႉꩫ︀ႃႛယ︀ႂ်မ︀ဝ်ဝႃႈ ၸ︀ႂ်မ︀ႆ︀ႛꩫ︀က︀ေႃႇ ဢ︀ꩫ︀်ႈꩫ︀င︀်ꩬ︀ူꩭီတ︀်မ︀ႃးꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛꩭီတ︀်ꩭႂ်ႛမ︀ႃးꩫ︀မ︀်” ꩫ︀ꩬ︀ီတ︀ီဝႃႈꩫ︀မ︀်။

မ︀ႃက︀ု 9:36

ယ︀ဝ်ႇက︀ီး လ︀ၵ︀ႃက︀ူဝ်ႇလ︀ိူင︀်ႈမ︀ႆ︀ႛꩭွင︀်ႇꩬ︀ီ ၵ︀ိူင︀်းက︀ၢင︀်ႈတ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ꩭႂ်ႛဢ︀ူင︀ႆ︀း လ︀ၵ︀ႃဢ︀ွꩫ︀်ဢ︀မ︀ႂ်းမ︀ႆ︀ႛဢ︀ုမ︀်ႛင︀ႆ︀းꩬ︀ီ

လ︀ုက︀ႃ 10:16

တ︀ပ︀ေးက︀ဝ်ႈၵ︀ဝ်ꩴ︀း က︀ူဝ်ႇဢ︀ꩫ︀်ႈၵ︀ၢမ︀်းꩬ︀ူထွမ︀်ꩫ︀ႆ︀ႇ ၵ︀ၢမ︀်းက︀ဝ်ႈက︀ေႃႇထွမ︀်ဢ︀ူ။ က︀ူဝ်ႇဢ︀ꩫ︀်ႈꩬ︀ူမ︀ႆ︀ႛ ပ︀ႆ︀ၵ︀ွတ︀်ꩫ︀ႆ︀ႇ က︀ဝ်ႈမ︀ႆ︀ႛက︀ေႃႇ ပ︀ႆ︀ၵ︀ွတ︀်ဢ︀ူ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ပ︀ႆ︀ၵ︀ွတ︀်ꩫ︀ႆ︀ႇ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ပ︀ႆ︀ၵ︀ွတ︀်ဢ︀ူ” ꩫ︀ဝꩫ︀်ႇ။

လ︀ုက︀ႃ 9:48

“လ︀ႆ︀ၢးပ︀ိူဝ်ႈက︀ဝ်ႈꩬ︀ီ လ︀ၵ︀ႃꩫ︀ႆ︀ႇမ︀ႆ︀ႛ ꩬ︀ူꩭၢပ︀်ႉက︀ီး က︀ဝ်ႈမ︀ႆ︀ႛက︀ေႃႇꩭၢပ︀်ႉယ︀ဝ်ႇ။ ꩬ︀ူက︀ဝ်ႈမ︀ႆ︀ႛꩭၢပ︀်ႉက︀ီး ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ꩭၢပ︀်ႉယ︀ဝ်ႇ။ ꩫ︀ႂ်းꩬ︀ူမ︀ႆ︀ႛ က︀ူဝ်ႇဢ︀ꩫ︀်ႈၵ︀ႅꩫ︀်းက︀ွမ︀်းꩫ︀ွမ︀်းꩫ︀ႆ︀ႇ က︀ူဝ်ႇဢ︀ꩫ︀်ႈၵ︀ႅꩫ︀်းယ︀ႂ်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 10:30

က︀ဝ်ႈꩫ︀ၵ︀ႃပ︀ူဝ်က︀ဝ်ႈယ︀ႃႇ ပ︀ႃးလ︀ိဝ်ႈꩫ︀ႆ︀ၢႈꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 13:20

က︀ဝ်ႈꩬ︀ိုဝ်ႈꩰဝႃႈက︀ွတ︀်။ က︀ူဝ်ႇဢ︀ꩫ︀်ႈꩡ︀ဝ်ႛၸ︀ူႛꩡ︀ႂ်ႇက︀ဝ်ႈမ︀ႆ︀ႛꩭၢပ︀်ႉꩫ︀ႆ︀ႇ က︀ဝ်ႈမ︀ႆ︀ႛက︀ေႃႇꩭၢပ︀်ႉဢ︀ူ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩭၢပ︀်ႉꩫ︀ႆ︀ႇ ꩡ︀ဝ်ႛၸ︀ူႛꩡ︀ႂ်ႇက︀ဝ်ႈမ︀ႆ︀ႛက︀ေႃႇꩭၢပ︀်ႉဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 5:23

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ က︀ူꩫ︀်းꩫ︀ႆ︀ႇၵ︀ဝ် ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ၢပ︀်ႉယ︀မ︀်ႈꩫ︀က︀ꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ဝႃႈꩫ︀ၢပ︀်ႉယ︀မ︀်ႈက︀ꩫ︀်ႈꩫ︀မ︀်။ က︀ူဝ်ႇဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ꩫ︀ၢပ︀်ႉယ︀မ︀်ႈꩫ︀ႆ︀ႇယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ွႆ︀ꩡ︀ႂ်ႇလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ꩵ︀ႈꩫ︀ၢပ︀်ႉယ︀မ︀်ႈ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:8

င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈတ︀ြႃးꩫ︀ႆ︀ႇမ︀ႆ︀ႛ မ︀ဝ်ꩡ︀ွမ︀်းꩫ︀ႆ︀ႇယ︀ႃႇ ဢ︀ꩫ︀်ႈတ︀ူႈမ︀ႆ︀ႛꩫ︀ႆ︀ၢႈ ပ︀ႆ︀ၵ︀ွတ︀်ꩵ︀ႈꩡ︀ႂ်ႈ၊ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩬ︀ူမ︀ႆ︀ႛပ︀ူင︀်ႈၵ︀ွꩫ︀်မ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ပ︀ႆ︀ၵ︀ွတ︀်ယ︀ဝ်ႇ။