မ︀ႃက︀ု 8:6 - Khamti Shan

⁶ င︀ႆ︀းက︀ီးမ︀ꩫ︀်းꩡ︀ဝ်ႛယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩭႂ်ႛꩫ︀င︀်ႈင︀ႆ︀း ၵ︀ဝ်ႛမ︀ုꩫ︀်းꩡ︀ီတ︀်ၵ︀ႅပ︀်ဢ︀မ︀ႂ်းဢ︀ဝ်ႈꩬ︀ီ ယ︀ူဝ်းယ︀ွင︀်ႛက︀ျေးꩡ︀ူး ၸ︀ြႃးပ︀ီꩫ︀်ႈꩡ︀ဝ်ႛဢ︀ူ။ ယ︀ဝ်ႇက︀ီး ၵ︀ဝ်ႛမ︀ုꩫ︀်းဢ︀မ︀ႂ်းၵ︀ဝ်မ︀ိꩫ︀်ႛင︀ႆ︀း တ︀ပ︀ေးꩡ︀ဝ်ႛၵ︀ဝ်မ︀ႆ︀ႛꩭႂ်ႛꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ꩫ︀်ႈဢ︀ူ။ တ︀ပ︀ေးꩡ︀ဝ်ႛၵ︀ဝ်က︀ေႃႇပ︀ꩫ︀်ႈꩭႂ်ႛဢ︀ူ။

မ︀ႃက︀ု 8:6 ပူးပေါင်းရင်းမြစ်များ

မ︀တ︀်တ︀ႄး 26:26

မ︀ိူဝ်ႈၵ︀ဝ်ꩡ︀ဝ်ႛက︀ိꩫ︀်ႈၵ︀ဝ်ႛꩬ︀ီဢ︀ူꩫ︀ႆ︀ႇ ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်ႛမ︀ုꩫ︀်းဢ︀ဝ်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛဢ︀ူ။ ယ︀ဝ်ႇက︀ီး ၵ︀ဝ်ႛမ︀ုꩫ︀်းဢ︀မ︀ႂ်းမ︀ိꩫ︀်ႛင︀ႆ︀း “ဢ︀ꩫ︀်ႈꩫ︀ႆ︀ႇတ︀ူဝ်ႈက︀ဝ်ႈꩫ︀မ︀်၊ ဢ︀ဝ်ႈꩬ︀ီက︀ိꩫ︀်ႈက︀ꩫ︀်ႈလ︀ႃး” ꩫ︀ꩬ︀ီ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛဢ︀ူ။

မ︀ႃက︀ု 8:20

မ︀ꩫ︀်းꩡ︀ဝ်ႛက︀ၢပ︀်ꩬ︀ီ “မ︀ိူဝ်ႈက︀ဝ်ႈ က︀ူꩫ︀်းꩬ︀ီꩭီင︀်မ︀ႆ︀ႛ ဢ︀ဝ်ႈၵ︀ဝ်ႛမ︀ုꩫ︀်းꩡ︀ီတ︀်ၵ︀ႅပ︀်လ︀ီင︀်ႇꩭႂ်ႛꩫ︀ႆ︀ႇ ꩬ︀ၢက︀်ႉက︀ိꩫ︀်ႈက︀ီမ︀ုင︀်ႈꩫ︀ႆ︀ꩬ︀ူက︀ီပ︀်ꩫ︀ႆ︀ႛမ︀ႃးꩫ︀ႆ︀ႇ” ꩫ︀က︀ီး ၵ︀ဝ်ယ︀ႃႇ “ꩡ︀ီတ︀်မ︀ုင︀်ႈတ︀ီၵ︀ႃႛꩫ︀မ︀်” ꩫ︀ဝꩫ︀်ႇ။

မ︀ႃက︀ု 8:5

မ︀ꩫ︀်းꩡ︀ဝ်ႛယ︀ႃႇ “ꩬ︀ူမ︀ႆ︀ႛၵ︀ဝ်ႛမ︀ုꩫ︀်းၵ︀ႂ်ႈလ︀ႂ်ႈꩫ︀ႆ︀ယ︀င︀်းꩫ︀ႆ︀ႇ” ꩫ︀ꩬ︀ီ ထၢမ︀်က︀ီး ၵ︀ဝ်ယ︀ႃႇ “ꩡ︀ီတ︀်ၵ︀ႅပ︀်ယ︀င︀်းတ︀ီၵ︀ႃႛဢ︀ူ” ꩫ︀ဝꩫ︀်ႇ။

မ︀ႃက︀ု 8:7

ယ︀ဝ်ႇက︀ီး ပ︀ႃႈꩡ︀ွꩫ︀်လ︀ိူင︀်ႈဢ︀ꩫ︀်ႈၵ︀ဝ်မ︀ႆ︀ႛ ယ︀င︀်းꩫ︀ႆ︀ႇက︀ေႃႇ မ︀ꩫ︀်းꩡ︀ဝ်ႛ ဢ︀ဝ်ႈꩬ︀ီ ယ︀ူဝ်းယ︀ွင︀်ႛက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ဝ်ႇက︀ီး တ︀ပ︀ေးꩡ︀ဝ်ႛၵ︀ဝ်မ︀ႆ︀ႛꩭႂ်ႛꩬ︀ီ ꩭႂ်ႛပ︀ꩫ︀်ႈဢ︀ူ။

လ︀ုက︀ႃ 12:37

မ︀ိူဝ်ႈꩡ︀ဝ်ႛၵ︀ဝ်ပ︀ွက︀်ႉမ︀ႃးꩫ︀ႆ︀ႇ ၸ︀ူႛꩡ︀ႂ်ႇဢ︀မ︀ႂ်းၵ︀ဝ် ꩭႅမ︀်းထုက︀်ꩰဝႆ︀ႇꩬ︀ီ ထႃႛဢ︀ူꩫ︀ႆ︀ႇမ︀ႆ︀ႛꩭꩫ︀်က︀ီး ꩡ︀ႃႇၵ︀ဝ်ယ︀ႃႇꩫ︀ီႈလ︀ူင︀်ꩫ︀မ︀်။ က︀ဝ်ႈဝႃႈက︀ွတ︀်။ ꩡ︀ဝ်ႛꩫ︀ႆ︀ႇ မ︀ꩫ︀်းၸ︀ူႛꩡ︀ဝ်ႛꩬ︀ိုင︀် ၵ︀ိူင︀်ႈၸ︀ူႛမ︀ိုင︀်ႇၸ︀ိူꩫ︀်ꩫ︀ုင︀်ႈꩬ︀ီ ၸ︀ူႛꩡ︀ႂ်ႇဢ︀မ︀ႂ်းၵ︀ဝ်မ︀ႆ︀ႛ ၸ︀ိူꩫ︀်မ︀ႆ︀ႛꩭႂ်ႛꩫ︀င︀်ႈင︀ႆ︀း ꩭီတ︀်ဢ︀ၵ︀ႅက︀်ႉဢ︀ၵ︀ျႃ တ︀ီလ︀ီင︀်ႇဢ︀ွႆ︀ꩫ︀မ︀်။

လ︀ုက︀ႃ 24:30

ၵ︀ဝ်ꩡ︀ဝ်ႛၸ︀ိူꩫ︀်မ︀ႆ︀ႛ ꩭူမ︀်ႈꩫ︀င︀်ႈꩬ︀ီ ꩭႅမ︀်းဢ︀ꩫ︀်ႈက︀ိꩫ︀်ႈက︀ီး ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်ႛမ︀ုꩫ︀်းဢ︀ဝ်ႈင︀ႆ︀းမ︀ိꩫ︀်ႛꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛယ︀ဝ်ႇက︀ီး ꩬ︀ွင︀်ၵ︀ႃမ︀ႆ︀ႛပ︀ꩫ︀်ႈꩭႂ်ႛဢ︀ူ။

ယ︀ေႃးꩭၢꩫ︀် 2:5

ꩫ︀ႆ︀ႇꩫ︀က︀ေႃႇ ၸ︀ူႛမ︀ေႈမ︀ꩫ︀်းꩡ︀ဝ်ႛယ︀ႃႇ ၸ︀ူႛꩡ︀ႂ်ႇꩫ︀ႆ︀ႇၵ︀ဝ်မ︀ႆ︀ႛ “ဢ︀ꩫ︀်ႈꩫ︀င︀်မ︀ꩫ︀်းꩡ︀ႂ်ႇꩫ︀ႆ︀ႇꩭီတ︀်က︀ꩫ︀်ႈလ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 6:23

ꩫ︀ႆ︀ႇꩫ︀က︀ေႃႇ ꩭိူဝ်းတ︀ၢင︀်ဢ︀ꩫ︀်ႈ ဢ︀ꩫ︀်ႈလ︀ုက︀်ႉဝီင︀်းတ︀ိၿေရ︀ိမ︀ႆ︀ႛ မ︀ႃးꩫ︀ႆ︀ႇၵ︀ဝ်ယ︀ႃႇ ၸ︀ၢက︀်ႉꩫ︀ွင︀်တ︀ႆ︀ၢႛတ︀ီႈဢ︀ꩫ︀်ႈꩡ︀ဝ်ႛယ︀ေꩬ︀ု ယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛꩬ︀ီ လ︀ီင︀်ႇက︀ူꩫ︀်းꩭႃႛꩭီင︀်မ︀ႃးꩫ︀ႆ︀ႇမ︀ႆ︀ႛ ထိုင︀်မ︀ႃးက︀ꩫ︀်ႈဢ︀ူ။

ရ︀ေႃမ︀ 14:6

က︀ူဝ်ႇဢ︀ꩫ︀်ႈဝꩫ︀်းမ︀ႅတ︀်ႉဝꩫ︀်းထွတ︀်ႉမ︀ႆ︀ႛ က︀မ︀်ႈꩬ︀ိꩫ︀်ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩬ︀ီ က︀မ︀်ႈꩬ︀ိꩫ︀်ꩫ︀မ︀်။ က︀ူဝ်ႇဢ︀ꩫ︀်ႈတ︀ၢင︀်းက︀ိꩫ︀်ႈက︀ꩬ︀င︀်မ︀ႆ︀ႛက︀ေႃႇ မ︀ဝ်င︀ိူင︀်ႇꩬ︀ီ က︀ိꩫ︀်ႈꩫ︀ႆ︀ႇက︀ေႃႇ ယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛꩬ︀ီ က︀ိꩫ︀်ႈꩫ︀မ︀်။ က︀ူဝ်ႇဢ︀ꩫ︀်ႈတ︀ၢင︀်းက︀ိꩫ︀်ႈက︀မ︀်ႈၸ︀ွင︀်းမ︀ႆ︀ႛ င︀ိူင︀်ႇꩫ︀ႆ︀ႇက︀ေႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩬ︀ီ င︀ိူင︀်ႇꩫ︀မ︀်။ ၵ︀ဝ်ꩭီတ︀်င︀ႆ︀းꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩬ︀ီꩭီတ︀်ꩫ︀မ︀်။

က︀ေႃလ︀ေႃတ︀ႄ 3:17

ꩬ︀ူယ︀ႃႇ ပ︀ီꩫ︀်ႈၸ︀ူႛတ︀ၢင︀်ႈတ︀ူဝ်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩭီတ︀်က︀ꩬ︀င︀်၊ ဝႃႈက︀ꩬ︀င︀်ꩫ︀က︀ေႃႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ꩭီတ︀်တ︀ႃႉ။ လ︀ၢႆ︀းပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။