မ︀ႃက︀ု 8:35 - Khamti Shan

³⁵ ꩬ︀ူၵ︀ႂ်ႈၵ︀ေꩬ︀ေဢ︀ꩬ︀ၢက︀်ႉၸ︀ူႛꩡ︀ဝ်ႛက︀ီး ဢ︀ꩬ︀ၢက︀်ႉꩬ︀ူꩬ︀ုမ︀်းဢ︀ူ။ ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈꩬ︀ူ ꩡ︀ႃႇက︀ဝ်ႈꩫ︀ၵ︀ႃ ꩡ︀ႃႇၵ︀ၢဝ်ႈၵ︀ၢမ︀်းꩫ︀ီႈ ၵ︀ွတ︀်ဢ︀ꩬ︀ၢက︀်ႉက︀ီး ဢ︀ꩬ︀ၢက︀်ႉꩬ︀ူꩫ︀ႆ︀ႛပ︀ွက︀်ႉဢ︀ူ။

မ︀ႃက︀ု 8:35 ပူးပေါင်းရင်းမြစ်များ

မ︀တ︀်တ︀ႄး 10:22

လ︀ႆ︀ၢးပ︀ိူဝ်ႈꩬ︀ူပ︀ီꩫ︀်ႈတ︀ပ︀ေးက︀ဝ်ႈꩫ︀ႆ︀ႇꩬ︀ီ ပ︀ိူꩫ︀်ႈတ︀င︀်းမ︀ိူင︀်း ꩬ︀ူမ︀ႆ︀ႛတ︀ီꩡ︀င︀်းက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ တ︀ူဝ်ပ︀ူဝ်းတ︀ႆ︀ၢႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ေꩬ︀ေꩭႂ်ႛꩫ︀မ︀်။

မ︀တ︀်တ︀ႄး 10:39

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛပ︀ူꩫ︀်ႇလ︀ိူဝ်ꩬ︀ီ ဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛလ︀ႅင︀်ႇꩬ︀ႃꩫ︀ႆ︀ႇ ဢ︀ꩬ︀ၢက︀်ႉꩬ︀ုမ︀်းဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ႃႇက︀ဝ်ႈꩬ︀ီ ဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛမ︀ဝ်လ︀ႅင︀်ႇꩫ︀ႆ︀ႇယ︀ႃႇ ဢ︀ꩬ︀ၢက︀်ႉꩫ︀ႆ︀ႛဢ︀ူ။

မ︀တ︀်တ︀ႄး 16:25

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩬ︀ၢက︀်ႉꩬ︀ူၸ︀ူႛꩡ︀ဝ်ႛမ︀ႆ︀ႛ ၵ︀ႂ်ႈက︀ုမ︀်ႇက︀ီး ဢ︀ꩬ︀ၢက︀်ႉꩬ︀ူꩬ︀ုမ︀်းဢ︀ူ။ က︀ွပ︀်ႉပ︀ိူဝ်ႈထွမ︀်ၵ︀ၢမ︀်းက︀ဝ်ႈꩬ︀ီ ꩬ︀ူꩫ︀ႆ︀ႛတ︀ႆ︀ၢႈက︀ီး ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။

မ︀တ︀်တ︀ႄး 19:29

ꩡ︀ႃႇလ︀ိူင︀်ႈ က︀ူဝ်ႇဢ︀ꩫ︀်ႈလ︀ႆ︀ၢးပ︀ိူဝ်ႈထွမ︀်ၵ︀ၢမ︀်းက︀ဝ်ႈꩬ︀ီ ပ︀ူဝ်မ︀ေ၊ ပ︀ီႈꩫ︀ွင︀်ႇ၊ လ︀ုက︀်ႉလ︀ၢင︀်းꩫ︀ႆ︀ႇၵ︀ဝ်၊ ꩭိူꩫ︀်း၊ ꩫ︀ႃးꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛၵ︀ွတ︀်ꩫ︀ႆ︀ႇယ︀ႃႇ ဢ︀က︀ိဝ်းပ︀ၢက︀်ꩡ︀ူးꩫ︀ႆ︀ႛပ︀ွက︀်ႉꩬ︀ေႇမ︀ဝ်က︀ႃးဢ︀ꩬ︀ၢက︀်ႉထႃဝရ︀တ︀မ︀ိူင︀်းꩫ︀ႆ︀ႛဢ︀ူ။

မ︀ႃက︀ု 8:36

က︀မ︀်ၸ︀ႃတ︀င︀်းလ︀ုက︀်ႉမ︀ႆ︀ႛ ꩫ︀ႆ︀ႛꩫ︀က︀ေႃႇ ဢ︀ꩬ︀ၢက︀်ႉၸ︀ူႛꩡ︀ဝ်ႛꩬ︀ုမ︀်းက︀ီး ဢ︀က︀ိဝ်းက︀ꩬ︀င︀်ꩫ︀ႆ︀ယ︀င︀်းꩫ︀ႆ︀ႇ။ ဢ︀က︀ိဝ်းက︀ꩬ︀င︀်က︀ေႃႇꩵ︀ႈယ︀င︀်း။

လ︀ုက︀ႃ 17:33

က︀ူဝ်ႇဢ︀ꩫ︀်ႈၵ︀ႂ်ႈၵ︀ေꩬ︀ေဢ︀ꩬ︀ၢက︀်ႉၸ︀ူႛꩡ︀ဝ်ႛꩫ︀ႆ︀ႇ ဢ︀ꩬ︀ၢက︀်ႉတ︀ီꩬ︀ုမ︀်းꩫ︀မ︀်။ က︀ူဝ်ႇဢ︀ꩫ︀်ႈဢ︀ꩬ︀ၢက︀်ႉၸ︀ူႛꩡ︀ဝ်ႛꩫ︀ႆ︀ႛꩬ︀ုမ︀်းꩫ︀ႆ︀ႇယ︀ႃႇ ဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛ တ︀ီၵ︀ေꩬ︀ေꩫ︀မ︀်။

လ︀ုက︀ႃ 9:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူၵ︀ႂ်ႈၵ︀ေꩬ︀ေၸ︀ူႛꩡ︀ဝ်ႛက︀ီး ဢ︀ꩬ︀ၢက︀်ႉတ︀ီꩫ︀ႆ︀ႛꩬ︀ုမ︀်းꩫ︀မ︀်။ လ︀ႆ︀ၢးပ︀ိူဝ်ႈက︀ဝ်ႈꩬ︀ီ ꩬ︀ူဢ︀ꩬ︀ၢက︀်ႉꩬ︀ုမ︀်းက︀ီးယ︀ႃႇ ဢ︀ꩬ︀ၢက︀်ႉꩬ︀ူၸ︀ူႛꩡ︀ဝ်ႛမ︀ႆ︀ႛ တ︀ီၵ︀ေꩬ︀ေꩫ︀မ︀်။

ထဝ်ꩡ︀တ︀်ႉၵ︀ဝ် 20:24

ꩫ︀ႆ︀ႇꩫ︀က︀ေႃႇ ဢ︀ꩬ︀ၢက︀်ႉက︀ဝ်ႈမ︀ႆ︀ႛ က︀ဝ်ႈꩵ︀ႈꩬ︀ီꩫ︀ၢႆ︀ႈ။ တ︀ီႈဢ︀ꩫ︀်ႈက︀ဝ်ႈမ︀ႆ︀ႛꩡ︀ဝ်ႛယ︀ေꩬ︀ုꩡ︀ႂ်ႇမ︀ႆ︀ႛက︀ႃꩬ︀ီ ꩭႂ်ႛပ︀ူဝ်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈယ︀ဝ်ႇꩫ︀ႆ︀ႇꩬ︀ိုင︀် ၵ︀ႅꩫ︀်းဢ︀ၵ︀ႅက︀်ႉꩫ︀မ︀်။

ထဝ်ꩡ︀တ︀်ႉၵ︀ဝ် 21:13

ꩫ︀ႆ︀ႇမ︀ႆ︀ႛ ပ︀ေႃလ︀ုယ︀ႃႇ “ꩭီတ︀်က︀ꩬ︀င︀်ꩫ︀ႆ︀ꩬ︀ူယ︀ႃႇ င︀ႆ︀းꩭႆ︀ႛꩬ︀ီꩡ︀ႂ်ႈက︀ဝ်ႈမ︀ႆ︀ႛ ဢ︀ဝ်ႈꩬ︀ဝ်ႛꩫ︀ႆ︀ႇ။ က︀ွပ︀်ႉပ︀ိူဝ်ႈꩡ︀ိုဝ်ႈꩡ︀ဝ်ႛယ︀ေꩬ︀ုꩫ︀က︀ီး ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ပ︀ိူꩫ︀်ႈက︀ဝ်ႈမ︀ႆ︀ႛၸ︀ုက︀်ꩫ︀ႆ︀ႇꩬ︀ေႇမ︀ဝ်က︀ႃး ဢ︀ဝ်ႈတ︀ၢႆ︀ႈꩫ︀က︀ေႃႇꩭႂ်ႛဢ︀ဝ်ႈတ︀ၢႆ︀ႈက︀ွတ︀်။ က︀ဝ်ႈꩭႅမ︀်းယ︀ဝ်ႇꩰ” ꩫ︀ꩬ︀ီဝႃႈပ︀ွက︀်ႉဢ︀ူ။

ထဝ်ꩡ︀တ︀်ႉၵ︀ဝ် 9:16

မ︀ꩫ︀်းယ︀ႃႇ ꩡ︀ႃႇꩭၢင︀်းက︀ဝ်ႈ ၵ︀ႂ်ႈလ︀ႂ်ႈတ︀ီꩫ︀ႆ︀ႛယ︀ပ︀်တ︀ီꩫ︀ႆ︀ႛၵ︀ိူက︀်ႉꩫ︀ꩫ︀ႆ︀ႇ မ︀ꩫ︀်းမ︀ႆ︀ႛက︀ဝ်ႈꩡ︀ဝ်ႛ တ︀ီပ︀ျႃးꩭႂ်ႛꩫ︀မ︀်” ꩫ︀ဝꩫ︀်ႇ။

က︀ေႃရ︀ိꩫ︀်တ︀ု ႑ 9:23

ꩫ︀ႆ︀ႇၵ︀ဝ်တ︀င︀်းမ︀ိူင︀်း က︀ဝ်ႈꩭီတ︀်ꩫ︀ႆ︀ႇယ︀ႃႇ ꩭၢင︀်းတ︀ႅဝ်ၵ︀ၢဝ်ႈၵ︀ၢမ︀်းꩫ︀ီႈꩫ︀ၵ︀ႃ ꩭၢင︀်းတ︀င︀်းꩬ︀ူ ꩫ︀ႆ︀ႛꩭူမ︀်ႈꩭၢပ︀်ႉဢ︀က︀ိဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 12:10

လ︀ႆ︀ၢးပ︀ိူဝ်ႈꩡ︀ဝ်ႛၵ︀ရ︀ီတ︀်ꩬ︀ီ က︀ဝ်ႈမ︀ႆ︀ႛဢ︀ꩫ︀်ႈꩭႅင︀်းဢ︀ေ၊ ဢ︀ꩫ︀်ႈပ︀ိူꩫ︀်ႈꩡ︀ူဝ်က︀ႃး၊ ဢ︀ꩫ︀်ႈယ︀ပ︀်ယ︀က︀်ႉ၊ ဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩬ︀ီ တ︀ၢင︀်းယ︀ပ︀်ꩫ︀ႆ︀ႇၵ︀ဝ် က︀ꩬ︀င︀်ယ︀င︀်းပ︀တ︀ု က︀ဝ်ႈက︀ူႈမ︀ိုဝ်ႇ ပ︀ေꩡ︀ႂ်ႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈꩭႅင︀်းဢ︀ေꩫ︀ႆ︀ႇ က︀ဝ်ႈꩭႅင︀်းယ︀င︀်းဢ︀ူ။

တ︀ိမ︀ေႃတ︀ေ ႒ 1:8

င︀ႆ︀းꩫ︀ႆ︀ႇꩬ︀ီ လ︀ွင︀်ႈꩡ︀ဝ်ႛꩭဝ်း မ︀ဝ်က︀ူဝ်ႈမ︀ဝ်ဢ︀ႆ︀ၢႈꩬ︀ီ ၵ︀ႆ︀ႈတ︀ႃႉ။ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩬ︀ီ က︀ဝ်ႈတ︀ူက︀်ထွင︀်ꩫ︀ႆ︀ႇက︀ေႃႇ မ︀ႂ်းပ︀ီဢ︀ႆ︀ၢႈ။ ꩭႅင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛထႅမ︀်ꩭႂ်ႛꩫ︀ႆ︀ႇမ︀ႆ︀ႛ ဢ︀က︀မ︀်ꩬ︀ီ ꩫ︀င︀်က︀ဝ်ႈၻုက︀်ႉၵ︀ꩫ︀က︀ꩫ︀်ႈ မ︀ႂ်းက︀ေႃႇ ꩡ︀ႃႇၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛꩭဝ်း ၻုက︀်ႉၵ︀ꩫ︀က︀ေႃႇၵ︀ၢမ︀်တ︀ႃႉ။

ꩭေပ︀ရ︀ူး 11:35

ၸ︀ူႛယ︀ိင︀်းꩫ︀ႆ︀ႇၵ︀ဝ်က︀ေႃႇ ၸ︀ူႛတ︀ႆ︀ၢႈၵ︀ဝ်ဢ︀ꩫ︀်ႈꩫ︀ိပ︀်ပ︀ွက︀်ႉမ︀ႃးမ︀ႆ︀ႛ ꩫ︀ႆ︀ႛပ︀ွက︀်ႉမ︀ႃးက︀ꩫ︀်ႈဢ︀ူ။ တ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ တ︀ၢင︀်းꩫ︀ိပ︀်ပ︀ွက︀်ႉဢ︀ꩫ︀်ႈꩫ︀ီႈꩬ︀ႃမ︀ႆ︀ႛ ၵ︀ႂ်ႈꩫ︀ႆ︀ႛꩫ︀ႆ︀ႇꩬ︀ီ ဢ︀ꩫ︀်ႈပ︀ွႆ︀လ︀ွတ︀်ႉꩭႂ်ႛမ︀ႆ︀ႛ မ︀ဝ်ꩭၢပ︀်ႉဢ︀ဝ်ႈꩬ︀ီ ၵ︀ၢမ︀်ꩫ︀ိက︀်ႉꩬ︀ၢက︀်ႉ၊ ၵ︀ၢမ︀်တ︀ႆ︀ၢႈမ︀ႃးဢ︀ူ။

ၿျႃၻိက︀်ႉ 12:11

ၵ︀ုꩫ︀်ꩬ︀ူင︀်ဢ︀ꩫ︀်ႈ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ တ︀ၢင︀်ဢ︀ပ︀ႅတ︀်ႉမ︀ႆ︀ႛ ဢ︀ဝ်ႈꩫ︀ိူတ︀်ႉပ︀ူႇဢ︀ွꩫ︀်ꩫ︀ၵ︀ႃ ဢ︀ဝ်ႈၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ဝ်တ︀ႅဝ်ꩫ︀ႆ︀ႇ ပ︀ေႇဢ︀ွင︀်ယ︀ဝ်ႇ။ ၵ︀ဝ်ယ︀ႃႇ ꩬ︀င︀်ဝႃႈထုက︀်ꩫ︀ီႈတ︀ႆ︀ၢႈက︀ီး ၵ︀ၢမ︀်တ︀ႆ︀ၢႈက︀ွတ︀်ꩫ︀ꩬ︀ီတ︀မ︀ိူင︀်း ꩭႅမ︀်းဝႆ︀ႇက︀ꩫ︀်ႈဢ︀ူ။

ၿျႃၻိက︀်ႉ 2:10

မ︀ႂ်းတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩬ︀င︀်ꩫ︀က︀ေႃႇ ပ︀ီက︀ူဝ်ႈ။ က︀ူꩫ︀်းမ︀ႂ်းက︀မ︀်ႈၸ︀ွင︀်းမ︀ႆ︀ႛ ၵ︀ုꩫ︀်ꩬ︀ူင︀်ꩬ︀ႂ်ထွင︀်ꩬ︀ီ ၵ︀ꩫ︀်ꩬ︀ိပ︀်ဝꩫ︀်းလ︀ိူင︀်ႈယ︀ႃႇ မ︀ႂ်းတ︀ီꩫ︀ႆ︀ႛၵ︀ၢမ︀်က︀ဝ်း တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ူဝ်ပ︀ူဝ်းတ︀ႆ︀ၢႈꩫ︀က︀ေႃႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းမ︀ႆ︀ႛက︀ဝ်ႈ ꩬ︀ူးပ︀ွင︀်းဢ︀ꩬ︀ၢက︀်ႉတ︀ီပ︀ူင︀်ႈꩭႂ်ႛꩫ︀မ︀်။

ၿျႃၻိက︀်ႉ 7:14

ꩫ︀ႆ︀ႇမ︀ႆ︀ႛ က︀ဝ်ႈယ︀ႃႇ “ꩡ︀ဝ်ႛꩴ︀း မ︀ႂ်းꩡ︀ဝ်ႛတ︀ွင︀်းတ︀ီၵ︀ႃႛဢ︀ူ” ꩫ︀က︀ီး မ︀ꩫ︀်းယ︀ႃႇ “ၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈလ︀ုက︀်ႉၸ︀ေးဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉလ︀ူင︀်မ︀ႆ︀ႛ လ︀ွတ︀်ႉမ︀ႃးꩫ︀ႆ︀ႇၵ︀ဝ်ꩫ︀မ︀်။ ၵ︀ဝ်ယ︀ႃႇ ၵ︀ိူင︀်ႈၵ︀ဝ်မ︀ႆ︀ႛ ဢ︀ဝ်ႈꩫ︀ိူတ︀်ႉပ︀ူႇဢ︀ွꩫ︀်ꩬ︀ၢက︀်ႉၵ︀ၢဝ်ꩰယ︀ဝ်ႇ။