မ︀ႃက︀ု 8:33 - Khamti Shan

³³ ꩡ︀ဝ်ႛယ︀ေꩬ︀ုယ︀ႃႇ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛဝိꩫ︀်ꩫ︀ူႈꩬ︀ီ ပ︀ေတ︀ရ︀ုမ︀ႆ︀ႛ “ꩭိူဝ်း ၵ︀ုꩫ︀်ꩬ︀ူင︀် က︀ႃက︀ႆ︀ႈက︀ႆ︀ႈတ︀ႃႉ။ မ︀ႂ်းယ︀ႃႇ လ︀ုက︀်ႉပ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ႃႇ မ︀ဝ်ၵ︀ႂ်ႈꩡ︀ႂ်ႈꩬ︀ီ ဢ︀ဝ်ႈꩭူဝ်ꩡ︀ႂ်ႈက︀ူꩫ︀်းꩫ︀ၢႆ︀ႈꩬ︀ိုင︀် ၵ︀ႂ်ႈꩡ︀ႂ်ႈꩫ︀ႆ︀ႇ” ꩫ︀ꩬ︀ီတ︀ၢင︀်ဢ︀ပ︀ႅတ︀်ႉဢ︀ူ။

မ︀ႃက︀ု 8:33 ပူးပေါင်းရင်းမြစ်များ

မ︀တ︀်တ︀ႄး 15:23

ꩡ︀ဝ်ႛယ︀ေꩬ︀ုယ︀ႃႇ ဝႃႈꩭိုဝ်က︀ေႃႇ ꩵ︀ႈဝႃႈပ︀ွက︀်ႉ။ ꩫ︀ႆ︀ႇမ︀ႆ︀ႛ တ︀ပ︀ေးꩡ︀ဝ်ႛၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛမ︀ႃးꩬ︀ီ “ꩡ︀ဝ်ႛꩴ︀း မ︀ေꩫ︀ႆ︀ႇမ︀ႆ︀ႛꩭႂ်ႛက︀ႃတ︀ီၵ︀ႃႛတ︀ႃႉ။ တ︀ူႈၵ︀ႃႛမ︀ႆ︀ႛꩡ︀ွမ︀်းယ︀ုင︀်ꩰꩬ︀ီ ꩫ︀ွႆ︀ႈꩥ︀ႄႇꩰတ︀ီၵ︀ႃႛဢ︀ူ” ꩫ︀ꩬ︀ီ ꩬ︀ွက︀်ႉဢ︀ူ။

မ︀တ︀်တ︀ႄး 16:23

ꩡ︀ဝ်ႛယ︀ေꩬ︀ုယ︀ႃႇ မ︀ꩫ︀်းမ︀ႆ︀ႛယ︀ိုဝ်ႈꩫ︀ႃႛꩬ︀ီ “ꩭိူဝ်း ၵ︀ုꩫ︀်ꩬ︀ူင︀်။ ၵ︀ႆ︀ၢႇတ︀ႃႉ။ က︀ဝ်ႈမ︀ႆ︀ႛပ︀ီက︀ဝ်း။ ဢ︀ꩫ︀်ႈမ︀ႂ်းဝႃႈꩫ︀ႆ︀ႇ ဢ︀ꩫ︀်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩡ︀ႂ်ႈ။ ဢ︀လ︀ၢင︀်းမ︀ႂ်းꩫ︀ႆ︀ၢႈꩫ︀မ︀်” ꩫ︀ဢ︀ူ။

မ︀တ︀်တ︀ႄး 4:10

ꩡ︀ဝ်ႛယ︀ေꩬ︀ုယ︀ႃႇ “ꩭိူဝ်း ၵ︀ုꩫ︀်ꩬ︀ူင︀်။ ဢ︀ွက︀်က︀ႃတ︀ႃႉ။ “ၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈမ︀ႆ︀ႛꩫ︀ႆ︀ၢႈပ︀ႆ︀ၢႛဝႆ︀ႈꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩫ︀ႆ︀ၢႈꩫ︀မ︀်ဝႃႈမ︀ိုင︀်ႇꩫ︀ႆ︀ႇ” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇဢ︀ူ” ꩫ︀ꩬ︀ီတ︀ွပ︀်ꩭႂ်ႛဢ︀ူ။

မ︀ႃက︀ု 3:34

ꩫ︀ယ︀ဝ်ႇက︀ီး က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ꩫ︀င︀်ႈၵ︀ုမ︀်ႇက︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ႅမ︀်းꩬ︀ီ “မ︀ေက︀ဝ်ႈꩫ︀ွင︀်ႇက︀ဝ်ႈၵ︀ဝ်ꩫ︀ꩫ︀ႆ︀ႇယ︀ႃႇ က︀ူဝ်ႇꩫ︀ႆ︀ႇၵ︀ဝ်ꩫ︀မ︀်။

မ︀ႃက︀ု 3:5

ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇတ︀ီတ︀်ꩡ︀ိပ︀်ႉꩰꩬ︀ီဢ︀ူဢ︀ူ။ ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်မ︀ႆ︀ႛဝိꩫ︀်ꩫ︀ူႈက︀ီး ၵ︀ဝ်ꩫ︀ႆ︀ႇꩡ︀ႂ်ႈတ︀ꩫ︀်ႈၸ︀ႅဝ်၊ ၸ︀ိတ︀်တ︀ြႃးၸ︀ႅဝ်ꩬ︀ီ မ︀ꩫ︀်းꩡ︀ဝ်ႛၵ︀ႂ်ႈꩡ︀ႃႇက︀ေႃႇၵ︀ႂ်ႈꩡ︀ႃႇ၊ ၵ︀ီꩡ︀ႂ်ႈ က︀ေႃႇၵ︀ီလ︀ူင︀်င︀ႆ︀းꩬ︀ီ ၸ︀ူႛဢ︀ꩫ︀်ႈမ︀ိုဝ်းပ︀ႃႛလ︀ိူင︀်ႈတ︀ၢႆ︀ႈဢ︀မ︀ႂ်းမ︀ႆ︀ႛ “မ︀ိုဝ်းမ︀ႂ်းယ︀ီတ︀်ၵ︀ွတ︀်လ︀ႃး” ꩫ︀ꩬ︀ီဢ︀မ︀ိင︀်းꩭႂ်ႛဢ︀ူ။ မ︀ꩫ︀်းက︀ေႃႇ ယ︀ီတ︀်ၵ︀ွတ︀်က︀ီး မ︀ိုဝ်းမ︀ꩫ︀်းက︀ꩡ︀ူးꩫ︀ီႈꩬ︀ူဝ်းꩰက︀ႃဢ︀ူ။

လ︀ုက︀ႃ 22:61

ꩡ︀ဝ်ႛယ︀ေꩬ︀ုဝိꩫ︀်ꩬ︀ီ ပ︀ေတ︀ရ︀ုမ︀ႆ︀ႛ ꩫ︀ူႈက︀ီး ပ︀ေတ︀ရ︀ုက︀ေႃႇ ၵ︀ၢမ︀်းဢ︀ꩫ︀်ႈꩡ︀ဝ်ႛယ︀ေꩬ︀ုဝႃႈ “ꩡ︀ူဝ်ႈက︀ႃႈက︀ႆ︀မ︀ဝ်ၵ︀ꩫ︀်ꩫ︀ႆ︀ႇ မ︀ႂ်းက︀ဝ်ႈမ︀ႆ︀ႛꩵ︀ႈတ︀ွင︀်းꩫ︀ꩬ︀ီ ꩬ︀ၢမ︀်ပ︀ၢꩫ︀်ႈတ︀ၢင︀်ႈꩰတ︀ီပ︀ႆ︀ၵ︀ွတ︀်ꩫ︀မ︀်” ꩫ︀ꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈမ︀ႃးဢ︀ူ။

လ︀ုက︀ႃ 4:8

ꩡ︀ဝ်ႛယ︀ေꩬ︀ုယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူလ︀ိဝ်ႈမ︀ႆ︀ႛꩫ︀ႆ︀ၢႈꩫ︀မ︀် ဝႃႈပ︀ႆ︀ၢႛဝႃႈမ︀ိုင︀်ႇꩫ︀ႆ︀ႇꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇဢ︀ူ” ꩫ︀ꩬ︀ီတ︀ွပ︀်ꩭႂ်ႛဢ︀ူ။

လ︀ုက︀ႃ 9:55

ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်မ︀ႆ︀ႛဝိꩫ︀်ꩬ︀ီ ꩬ︀ုင︀်းမ︀ႃးဢ︀ူ။

က︀ေႃရ︀ိꩫ︀်တ︀ု ႑ 5:5

င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀မ︀ႂ်းမ︀ႆ︀ႛꩫ︀ႂ်းမ︀ိုဝ်းၵ︀ုꩫ︀်ꩬ︀ူင︀်မ︀ႆ︀ႛ ဢ︀ၢပ︀်ႉၵ︀ွတ︀်တ︀ႃႉ။ င︀ႆ︀းက︀ီး ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ပ︀ႅတ︀်ႉတ︀ြႃးꩫ︀ႆ︀ႇ ꩡ︀ႂ်ႈꩫ︀ိူဝ်ႇꩫ︀ိူတ︀်ႉမ︀ꩫ︀်းလ︀ူႇꩬ︀ုမ︀်းက︀ႃꩫ︀က︀ေႃႇ ၵ︀ွꩫ︀်မ︀ꩫ︀်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ေꩬ︀ေꩭႂ်ႛဢ︀ူ။

ၸ︀ိလ︀ိပ︀်ပ︀ၢႆ︀ 3:19

ၵ︀ဝ်ယ︀ႃႇ ꩡ︀ႂ်ႈဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ႆ︀ႛ ꩭီတ︀်ၸ︀ြႃးၵ︀ဝ်ꩫ︀ႆ︀ႇꩬ︀ီ ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ တ︀ီလ︀ူႇပ︀ႅက︀်ႉက︀ႃꩫ︀မ︀်။ ၵ︀ဝ်ယ︀ႃႇ ဢ︀ꩫ︀်ႈၵ︀ိူင︀်ႈꩫ︀ီႈဢ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛꩬ︀င︀် ꩭီတ︀်ဢ︀ၵ︀ႅက︀်ႉꩬ︀ီ က︀မ︀်ႇလ︀ွင︀်ႛက︀ꩫ︀်ႈ၊ လ︀ွင︀်ႈလ︀ေႃးက︀ီꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် ၵ︀ႂ်ႈꩡ︀ႂ်ႈꩬ︀ီဢ︀ူက︀ꩫ︀်ႈꩫ︀မ︀်။

တ︀ိမ︀ေႃတ︀ေ ႑ 5:20

ၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ် ꩭီတ︀်ဢ︀ပ︀ႅတ︀်ႉယ︀ၢမ︀်ႛက︀ီး ꩭႂ်ႛပ︀ူဝ်းတ︀ၢင︀်က︀ူဝ်ႇꩫ︀ႆ︀ႇၵ︀ဝ်လ︀ၢပ︀်ꩫ︀ႆ︀ႇ က︀ူဝ်ႇဢ︀မ︀ႂ်းၵ︀ဝ်မ︀ႆ︀ႛ ပ︀ၢင︀်ႈꩫ︀ႃႛပ︀ူက︀်ႉက︀ူꩫ︀်းမ︀ႆ︀ႛ ꩬ︀ွꩫ︀်ꩬ︀ုင︀်းမ︀ႃးတ︀ႃႉ။

တ︀ိတ︀ု 1:13

ꩬ︀ဝ်ၵ︀ၢမ︀်းꩫ︀ႆ︀ႇ ဢ︀ꩫ︀်ႈꩡ︀ႂ်ႈတ︀ေႇတ︀ေႇꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၵ︀ိူင︀်ꩰက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ုင︀်းမ︀ႃး​ပ︀ေႇပ︀ေႇတ︀ႃႉ။

ပ︀ေတ︀ရ︀ု ႑ 4:1

င︀ႆ︀းꩫ︀ႆ︀ႇꩬ︀ီ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛ ၵ︀ၢမ︀်ၻုက︀်ႉၵ︀မ︀ႃးꩫ︀က︀ꩫ︀်ႈ ꩬ︀ူက︀ေႃႇ ယ︀ီင︀်ႈꩡ︀ွမ︀်းက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀ꩫ︀်ႈꩡ︀ႃႇꩭၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈတ︀ူဝ်ႈၸ︀ူႛꩡ︀ဝ်ႛ ၵ︀ၢမ︀်ၻုက︀်ႉၵ︀မ︀ႃးꩫ︀ႆ︀ႇယ︀ႃႇ ဢ︀ပ︀ႅတ︀်ႉမ︀ႆ︀ႛ ꩵ︀ႈၵ︀ႂ်ႈက︀ၢပ︀်ꩭီတ︀်ယ︀ဝ်ႇ။

ယ︀ေႃးꩭၢꩫ︀် ႑ 2:15

မ︀ိူင︀်းက︀ၢင︀်ႈမ︀ႆ︀ႛꩫ︀က︀ေႃႇယ︀ႃ ဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ်မ︀ႆ︀ႛꩫ︀က︀ေႃႇယ︀ႃ ပ︀ီꩭွႆ︀ႛꩡ︀ႂ်ႈ။ ꩭဝ်းမ︀ိူင︀်းက︀ၢင︀်ႈမ︀ႆ︀ႛꩭၢက︀်ႉက︀ီး ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩵ︀ႈꩭၢက︀်ႉ။

ၿျႃၻိက︀်ႉ 3:19

က︀ဝ်ႈယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩭၢက︀်ႉꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ပ︀ႅတ︀်ႉꩡ︀ႅပ︀်ႉꩬ︀ီ ꩬ︀ုင︀်းမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ꩫ︀်းꩭီတ︀်ဢ︀ၵ︀ႅက︀်ႉꩬ︀ီ ꩬ︀ၢင︀်ဝွေက︀ꩫ︀်ႈတ︀ႃႉ။