မ︀ႃက︀ု 7:7 - Khamti Shan

⁷ ၵ︀ဝ်ယ︀ႃႇ တ︀ြႃးဢ︀ꩫ︀်ႈက︀ူꩫ︀်းꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်တ︀ြႃးၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩬ︀ွꩫ︀်ꩭႂ်ႛဢ︀ူ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ၵ︀ဝ်ယ︀ႃႇ က︀ဝ်ႈမ︀ႆ︀ႛပ︀ၢႆ︀ႛဝႆ︀ႈꩫ︀က︀ေႃႇ ဢ︀က︀ိဝ်းက︀ꩬ︀င︀်က︀ေႃႇꩵ︀ႈယ︀င︀်း” ꩫ︀ꩬ︀ီဝႃႈဢ︀ူ။

မ︀ႃက︀ု 7:7 ပူးပေါင်းရင်းမြစ်များ

မ︀တ︀်တ︀ႄး 15:9

ၵ︀ဝ်က︀ဝ်ႈမ︀ႆ︀ႛ ပ︀ႆ︀ၢႛဝႆ︀ႈꩫ︀ႆ︀ႇ ဢ︀က︀ိဝ်း က︀ꩬ︀င︀်က︀ေႃႇꩵ︀ႈယ︀င︀်း။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ထုင︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် ꩭီတ︀်တ︀ြႃးက︀ဝ်ႈꩬ︀ီ ပ︀ိူꩫ︀်ႈမ︀ႆ︀ႛꩬ︀ွꩫ︀်ꩭႂ်ႛꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 6:7

မ︀ိူဝ်ႈယ︀ွꩫ︀်းꩬ︀ူးꩫ︀ႆ︀ႇက︀ေႃႇ ꩫ︀င︀်က︀ူꩫ︀်းဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈ ၵ︀ၢမ︀်းဢ︀ꩫ︀်ႈတ︀ီႈပ︀ွင︀်မ︀ဝ်ယ︀င︀်းꩫ︀ႆ︀ႇၵ︀ဝ် ၵ︀ိူဝ်းꩰမ︀ုင︀်းꩰဝႃႈꩬ︀ီ ပ︀ီယ︀ွꩫ︀်း။ ၵ︀ဝ်ယ︀ႃႇ ယ︀ွꩫ︀်းꩬ︀ူးယ︀ၢဝ်းက︀ီးꩬ︀ိုင︀် ၵ︀ꩫ︀်တ︀ႂ်းၸ︀ြႃးၵ︀ဝ်တ︀ီထွမ︀်ꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 15:14

ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်ꩫ︀ိပ︀်ပ︀ွက︀်ႉမ︀ႃးက︀ီး ဢ︀ꩫ︀်ႈတ︀ူႈꩭူဝ်းꩫ︀ႆ︀ႇ က︀ꩬ︀င︀်က︀ေႃႇဢ︀က︀ိဝ်းꩵ︀ႈယ︀င︀်း။ ဢ︀ꩫ︀်ႈꩬ︀ူယ︀ုမ︀်ယ︀မ︀်ႈꩫ︀ႆ︀ႇက︀ေႃႇ ဢ︀က︀ိဝ်းꩵ︀ႈယ︀င︀်းပ︀ိူင︀်ႈလ︀ူင︀်။

က︀ေႃရ︀ိꩫ︀်တ︀ု ႑ 15:58

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း ဢ︀ꩫ︀်ႈꩬ︀ူဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ေႈꩡ︀ႃႉꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇꩵ︀ႈၵ︀ွတ︀်ꩫ︀ႆ︀ၢႈꩫ︀ꩫ︀ႆ︀ႇ ꩬ︀ူတ︀ွင︀်းꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩡ︀ႂ်ႈမ︀ဝ်ယ︀ွမ︀်းꩬ︀ီ ဢ︀မ︀ူးမ︀ꩫ︀်းꩡ︀ဝ်ႛမ︀ႆ︀ႛ က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 2:22

ဢ︀မ︀ႂ်းၵ︀ဝ်တ︀င︀်းမ︀ိူင︀်းယ︀ႃႇ တ︀ြႃးဢ︀ꩫ︀်ႈက︀ူꩫ︀်းမ︀ူဝ်၊ ဢ︀ꩫ︀်ႈက︀ူꩫ︀်းꩬ︀ွꩫ︀်ꩫ︀ႆ︀ႇꩬ︀ီ က︀ိုမ︀်ႇလ︀ိူင︀်ႈꩡ︀ွမ︀်းက︀ႅင︀်းယ︀ဝ်ႇက︀ီး တ︀ီပ︀ီꩫ︀်ႈဢ︀ꩫ︀်ႈက︀ꩬ︀င︀်မ︀ဝ်ꩡ︀ႂ်ႈက︀ႃꩫ︀ၢႆ︀ႈꩫ︀မ︀်။

တ︀ိတ︀ု 3:9

ꩫ︀ႆ︀ႇꩫ︀က︀ေႃႇ လ︀ွင︀်ႈꩡ︀ိုဝ်ႈꩡ︀ိူဝ်ႇၵ︀ိူဝ်းပ︀ူလ︀ီꩫ︀်ꩫ︀ႆ︀ႇၵ︀ဝ်၊ လ︀ွင︀်ႈက︀ျမ︀်းꩬ︀ိꩫ︀်ꩫ︀ႆ︀ႇၵ︀ဝ် ပ︀ီထီင︀်က︀ꩫ︀်ႈꩥ︀ႅင︀်ႇက︀ꩫ︀်ႈ။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်း၊ ဢ︀ꩫ︀်ႈမ︀ဝ်ပ︀ွင︀်လ︀ွင︀်ႈꩫ︀မ︀်။

ယ︀ႃက︀ု 1:26

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩬ︀ထႃဢ︀ူꩫ︀ꩬ︀ီ ဝႃႈၵ︀ႂ်ႈလ︀ႂ်ႈꩫ︀က︀ေႃႇ လ︀ိꩫ︀်ႇၸ︀ူႛꩡ︀ဝ်ႛမ︀ႆ︀ႛ ထိꩫ︀်မ︀ဝ်ပ︀ီꩫ︀်ႈက︀ီး ဢ︀က︀ိဝ်းꩵ︀ႈယ︀င︀်း။ ꩭီတ︀်င︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၸ︀ႅတ︀်ႉꩫ︀ႆ︀ၢႈꩫ︀မ︀်။

ယ︀ႃက︀ု 2:20

ၸ︀ူႛမ︀ိူက︀်ႉꩴ︀း လ︀ွင︀်ႈꩭီတ︀်မ︀ဝ်လ︀ွေႛꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇ ဢ︀က︀ိဝ်းꩵ︀ႈယ︀င︀်းꩫ︀ꩫ︀ႆ︀ႇ ၵ︀ႂ်ႈꩭႂ်ႛတ︀ွင︀်းဢ︀ူ။

ၿျႃၻိက︀်ႉ 22:18

က︀ဝ်ႈယ︀ေႃးꩭၢꩫ︀် ꩬ︀ူꩡ︀ဝ်ႛက︀ူꩫ︀်းဢ︀ꩫ︀်ႈၵ︀ၢမ︀်းၿျႃၻိက︀်ႉ ဢ︀ꩫ︀်ႈပ︀ၢပ︀်ႉꩫ︀ႆ︀ႇမ︀ႆ︀ႛတ︀ႅမ︀်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်က︀ူႈက︀ူဝ်ႇမ︀ႆ︀ႛ ပ︀ꩫ︀်ႈꩬ︀တ︀ိ​ပ︀ေႇပ︀ေႇက︀ွတ︀်။ က︀ူဝ်ႇဢ︀ꩫ︀်ႈၵ︀ၢမ︀်းၿျႃၻိက︀်ႉꩫ︀ႆ︀ႇမ︀ႆ︀ႛ ထႅမ︀်ဢ︀ိက︀်ꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ေးဢ︀ꩫ︀်ႈပ︀ၢပ︀်ႉꩫ︀ႆ︀ႇမ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇၵ︀ဝ် တ︀ီပ︀ူင︀်ႈဢ︀ိက︀်ꩭႂ်ႛꩫ︀မ︀်။