မ︀ႃက︀ု 5:7 - Khamti Shan

⁷ ဢ︀ိဝ်ꩬ︀ႅꩫ︀်ꩬ︀ီ “ꩡ︀ဝ်ႛယ︀ေꩬ︀ု ၸ︀ူႛလ︀ုက︀်ႉꩡ︀ဝ်ႛထႃဝရ︀ၸ︀ြႃး ဢ︀ꩫ︀်ႈၵ︀ႅꩫ︀်းꩬ︀ုင︀်မ︀ႅတ︀်ႉတ︀ီၵ︀ႃႛ က︀ဝ်ႈၵ︀ႃႛမ︀ႆ︀ႛမ︀ႃးꩭီတ︀်က︀ꩬ︀င︀်တ︀ီၵ︀ႃႛꩫ︀ႆ︀။ ၵ︀ႅꩫ︀်းꩫ︀က︀ွတ︀် က︀ဝ်ႈၵ︀ႃႛမ︀ႆ︀ႛ ပ︀ီꩫ︀ိက︀်ႉꩬ︀ၢက︀်ႉမ︀ႃးတ︀ီၵ︀ႃႛ” ꩫ︀ဝꩫ︀်ႇ။

မ︀ႃက︀ု 5:7 ပူးပေါင်းရင်းမြစ်များ

မ︀တ︀်တ︀ႄး 16:16

ꩬ︀ႅင︀်မ︀ုꩫ︀်ပ︀ေတ︀ရ︀ုယ︀ႃႇ “မ︀ႂ်းꩡ︀ဝ်ႛယ︀ႃႇ ꩡ︀ဝ်ႛမ︀ေꩬ︀ိယ︀ ၸ︀ူႛပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉꩫ︀ိပ︀်တ︀ီၵ︀ႃႛꩫ︀မ︀်” ꩫ︀ꩬ︀ီꩬ︀ွက︀်ႉဢ︀ူ။

မ︀တ︀်တ︀ႄး 26:63

ꩡ︀ဝ်ႛယ︀ေꩬ︀ုယ︀ႃႇ တ︀ီတ︀်ꩡ︀ိပ︀်ႉꩰဢ︀ူ။ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉꩫ︀ႆ︀ႇ “ꩡ︀ိုဝ်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်မ︀ႆ︀ႛတ︀ိူင︀်ꩬ︀ီ မ︀ႂ်းမ︀ႆ︀ႛက︀ဝ်ႈထၢမ︀်က︀ွတ︀်။ ၵ︀ႆ︀ႈမ︀ႃႉ။ မ︀ႂ်း မ︀ေꩬ︀ိယ︀၊ ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛက︀ျႃး” ꩫ︀ꩬ︀ီꩭႃလ︀ိူင︀်ႈ ထၢမ︀်ဢ︀ိက︀်ဢ︀ူ။

မ︀တ︀်တ︀ႄး 4:3

ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ူင︀်ꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ “မ︀ႂ်းꩡ︀ဝ်ႛပ︀ီꩫ︀်ႈၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛက︀ီး ꩭိꩫ︀်ꩫ︀ႆ︀ႇမ︀ႆ︀ႛ ဢ︀မ︀ိင︀်းꩭႂ်ႛꩬ︀ီ ဢ︀ဝ်ႈပ︀ီꩫ︀်ႈၵ︀ဝ်ႛမ︀ုꩫ︀်းလ︀ႃး” ꩫ︀ဝꩫ︀်ႇ။

မ︀တ︀်တ︀ႄး 8:29

ꩬ︀ွင︀်ၵ︀ႃယ︀ႃႇ “လ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ႃႛ မ︀ႂ်းꩡ︀ဝ်ႛမ︀ႃးꩭီတ︀်က︀ꩬ︀င︀်တ︀ီၵ︀ႃႛꩫ︀ႆ︀။ ဝꩫ︀်းပ︀ႅတ︀်ႉတ︀ြႃးက︀ေႃႇ မ︀ဝ်ပ︀ႆ︀ထိုင︀်ꩬ︀ီ မ︀ႃးꩫ︀ိက︀်ႉꩬ︀ၢက︀်ႉ တ︀ူႈၵ︀ႃႛတ︀ီၵ︀ႃႛက︀ျႃး” ꩫ︀ꩬ︀ီဢ︀ိဝ်ꩬ︀ႅꩫ︀်ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛꩬ︀ွက︀်ႉဢ︀ူ။

မ︀ႃက︀ု 1:24

“က︀လ︀ွေး ꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်တ︀ီၵ︀ႃႛ၊ တ︀ူႈၵ︀ႃႛမ︀ႆ︀ႛ မ︀ႃးꩭီတ︀်က︀ꩬ︀င︀်တ︀ီၵ︀ႃႛꩫ︀ႆ︀။ မ︀ႃးယ︀ႃႇတ︀ူႈၵ︀ႃႛတ︀ီၵ︀ႃႛက︀ျႃး။ မ︀ႂ်းꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျွႃးမ︀ႃးꩫ︀မ︀်ꩫ︀ꩫ︀ႆ︀ႇ က︀ဝ်ႈၵ︀ႃႛတ︀ွင︀်းတ︀ီၵ︀ႃႛဢ︀ူ” ꩫ︀ꩬ︀ီဢ︀ိဝ်ဢ︀ူ။

မ︀ႃက︀ု 14:61

ꩫ︀ႆ︀ႇꩫ︀က︀ေႃႇꩡ︀ဝ်ႛယ︀ေꩬ︀ုယ︀ႃႇ တ︀ီတ︀်ꩡ︀ိပ︀်ႉꩰꩬ︀ီဢ︀ူဢ︀ူ။ ၵ︀ၢမ︀်းက︀မ︀်းလ︀ိူင︀်ႈꩫ︀ၢႆ︀ႈက︀ေႃႇꩵ︀ႈတ︀ၢꩫ︀်ႛ။ ꩭႃလ︀ိူင︀်ႈၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉယ︀ႃႇ “မ︀ႂ်းယ︀ႃႇ မ︀ေꩬ︀ိယ︀ၸ︀ူႛပ︀ီꩫ︀်ႈၸ︀ူႛလ︀ုက︀်ႉꩡ︀ဝ်ႛထႃဝရ︀ၸ︀ြႃးꩫ︀ႆ︀ႇက︀ျႃး” ꩫ︀ꩬ︀ီထၢမ︀်က︀ီး

မ︀ႃက︀ု 3:11

က︀ူꩫ︀်းဢ︀ꩫ︀်ႈၸ︀ီꩭၢႆ︀ႇလ︀ွေႛꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩭꩫ︀်က︀ီး ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ မ︀ႃးၵ︀ုပ︀်ႉၵ︀ဝ်ꩬ︀ီ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၸ︀ူႛလ︀ုက︀်ႉꩡ︀ၢႆ︀းꩡ︀ဝ်ႛထႃဝရ︀ၸ︀ြႃးတ︀ီၵ︀ႃႛꩫ︀မ︀်” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။

မ︀ႃက︀ု 5:6

က︀ူꩫ︀်းဢ︀ꩫ︀်ႈၸ︀ီၵ︀ဝ်ႛဢ︀မ︀ႂ်း ꩡ︀ဝ်ႛယ︀ေꩬ︀ုမ︀ႆ︀ႛꩭꩫ︀်က︀ီး လ︀ုက︀်ႉတ︀ီႈက︀ႆ︀ႈမ︀ႆ︀ႛ လ︀ႅꩫ︀်ႈမ︀ႃးꩬ︀ီ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ၵ︀ုပ︀်ႉၵ︀ဝ်င︀ႆ︀း

မ︀ႃက︀ု 5:8

မ︀ꩫ︀်းင︀ႆ︀းꩬ︀ီဢ︀ိဝ်ꩬ︀ႅꩫ︀်ꩫ︀ႆ︀ႇယ︀ႃႇ မ︀ꩫ︀်းမ︀ႆ︀ႛ “ၸ︀ီꩭင︀်ႛၸ︀ီꩭုက︀် လ︀ုက︀်ႉက︀ူꩫ︀်းꩫ︀ႆ︀ႇမ︀ႆ︀ႛ ဢ︀ွက︀်တ︀ႃႉ” ꩫ︀ꩬ︀ီ ꩡ︀ဝ်ႛယ︀ေꩬ︀ုဢ︀မ︀ိင︀်းꩭႂ်ႛမ︀ႃးꩬ︀ီꩫ︀မ︀်။

လ︀ုက︀ႃ 1:32

မ︀ꩫ︀်းယ︀ႃႇ တ︀ီယ︀ႂ်မ︀ႅတ︀်ႉလ︀ူင︀်ꩫ︀မ︀်။ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ မ︀ꩫ︀်းမ︀ႆ︀ႛ ၸ︀ူႛလ︀ုက︀်ႉၸ︀ြႃးဢ︀ꩫ︀်ႈၵ︀ႅꩫ︀်းယ︀ႂ်မ︀ႅတ︀်ႉꩫ︀ꩬ︀ီ ꩭွင︀်ႇꩬ︀ီ ꩫ︀င︀်ပ︀ူလ︀ီꩫ︀်မ︀ꩫ︀်း ꩡ︀ဝ်ႛꩭူဝ်ၵ︀မ︀်းၻႃဝိꩫ︀က︀ꩫ︀်ႈ မ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီဢ︀ဝ်ႈပ︀ီꩫ︀်ႈ ꩡ︀ဝ်ႛꩭူဝ်ၵ︀မ︀်းꩫ︀မ︀်။

လ︀ုက︀ႃ 4:34

“ꩡ︀ဝ်ႛယ︀ေꩬ︀ု က︀ူꩫ︀်းꩫ︀ႃꩡ︀ရ︀ႅတ︀်ꩴ︀း မ︀ႂ်းꩡ︀ဝ်ႛ မ︀ႃးꩭီတ︀်က︀ꩬ︀င︀်တ︀ီၵ︀ႃႛꩫ︀ႆ︀။ မ︀ႃးယ︀ႃႇတ︀ူႈၵ︀ႃႛတ︀ီၵ︀ႃႛက︀ျႃး။ ၵ︀ိင︀်းတ︀ူဝ်ꩡ︀ဝ်ႛပ︀ီꩫ︀်ႈၸ︀ႂ်ꩫ︀ꩫ︀ႆ︀ႇ က︀ဝ်ႈၵ︀ႃႛတ︀ွင︀်းတ︀ီၵ︀ႃႛဢ︀ူ။ မ︀ႂ်းꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျွႃးမ︀ႃးတ︀ီၵ︀ႃႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 6:35

ꩬ︀ူယ︀ႃႇ င︀ႆ︀းပ︀ီꩭီတ︀်။ လ︀ꩫ︀်ꩬ︀ူမ︀ႆ︀ႛ ꩭၢက︀်ႉတ︀ႃႉ။ ꩭီတ︀်လ︀ွင︀်ႈꩫ︀ီႈꩭႂ်ႛတ︀ႃႉ။ ဢ︀ꩫ︀်ႈတ︀ီꩫ︀ႆ︀ႛပ︀ွက︀်ႉမ︀ႆ︀ႛမ︀ဝ်တ︀ႂ်းꩬ︀ီ က︀ူႛꩭႂ်ႛက︀ꩫ︀်ႈတ︀ႃႉ။ င︀ႆ︀းက︀ီး ꩬ︀ူဢ︀က︀ိဝ်းလ︀ူင︀်ꩫ︀ႆ︀ႛꩬ︀ီ တ︀ီပ︀ီꩫ︀်ႈၸ︀ူႛလ︀ုက︀်ႉၸ︀ြႃးဢ︀ꩫ︀်ႈၵ︀ႅꩫ︀်းꩬ︀ုင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈက︀ျေးꩡ︀ူးမ︀ဝ်တ︀ွင︀်းꩫ︀ႆ︀ႇၵ︀ဝ် က︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩫ︀ီႈဢ︀ူ။

လ︀ုက︀ႃ 8:28

မ︀ꩫ︀်းယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛꩭꩫ︀်က︀ီး ၵ︀ုပ︀်ႉၵ︀ဝ်ꩬ︀ီ “ꩡ︀ဝ်ႛယ︀ေꩬ︀ု ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ႅꩫ︀်းꩬ︀ုင︀်တ︀ီၵ︀ႃႛ ꩭီတ︀်က︀ꩬ︀င︀်ꩫ︀ႆ︀က︀ဝ်ႈၵ︀ႃႛမ︀ႆ︀ႛ မ︀ႃးတ︀ီၵ︀ႃႛꩫ︀ႆ︀ႇ ၵ︀ႅꩫ︀်းꩫ︀က︀ွတ︀် က︀ဝ်ႈၵ︀ႃႛမ︀ႆ︀ႛ ပ︀ီပ︀ူင︀်ႈတ︀ၢမ︀်မ︀ႃးတ︀ီၵ︀ႃႛ” ꩫ︀ꩬ︀ီဢ︀ိဝ်ဢ︀ူ။

ယ︀ေႃးꩭၢꩫ︀် 20:31

ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်၊ ꩡ︀ဝ်ႛမ︀ေꩬ︀ိယ︀ꩫ︀မ︀်ꩫ︀ꩫ︀ႆ︀ႇ ꩭႂ်ႛပ︀ူဝ်းꩬ︀ူယ︀ုမ︀်ယ︀မ︀်ႈꩬ︀ီ ꩫ︀ႆ︀ႛဢ︀ꩬ︀ၢက︀်ႉက︀ꩫ︀်ႈꩫ︀ႆ︀ႇꩫ︀မ︀် လ︀ွင︀်ႈꩫ︀ႆ︀ႇၵ︀ဝ်တ︀ႅမ︀်ႛဝႆ︀ႇꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 16:17

ၸ︀ူႛယ︀ိင︀်းဢ︀ွꩫ︀်ဢ︀မ︀ႂ်းယ︀ႃႇ က︀ꩫ︀်ႛလ︀င︀်တ︀ူႈမ︀ႆ︀ႛꩡ︀ွမ︀်းꩬ︀ီ “က︀ူဝ်ႇꩫ︀ႆ︀ႇၵ︀ဝ်ယ︀ႃႇ ၸ︀ူႛၵ︀ႃႛၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈၵ︀ႅꩫ︀်းꩬ︀ုင︀်၊ ဢ︀ꩫ︀်ႈၵ︀ႅꩫ︀်းယ︀ႂ်မ︀ႅတ︀်ႉꩫ︀ႆ︀ႇꩫ︀မ︀်။ ၵ︀ဝ်ယ︀ႃႇ မ︀ႃးꩭူဝ်းတ︀ြႃးဢ︀ꩫ︀်ႈꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭလ︀ိုဝ်ၵ︀ေꩬ︀ေꩭႂ်ႛꩫ︀ꩫ︀ႆ︀ႇꩫ︀မ︀်” ꩫ︀ꩬ︀ီဢ︀ိဝ်ဢ︀ူ။

ထဝ်ꩡ︀တ︀်ႉၵ︀ဝ် 19:13

က︀ျူး ဢ︀ꩫ︀်ႈပ︀ꩫ︀်လ︀ေꩬ︀ီ ꩭီတ︀်ꩬ︀ြႃယ︀ႃႈၸ︀ီၸ︀ုင︀်လ︀ိူင︀်ႈယ︀ႃႇ ꩬ︀ေႈꩡ︀ႃႉꩬ︀ီဢ︀ဝ်ႈꩡ︀ိုဝ်ႈꩡ︀ဝ်ႛယ︀ေꩬ︀ု ꩭူဝ်ႛၸ︀ီဢ︀ူ။ ၵ︀ဝ်ယ︀ႃႇ “ဢ︀ဝ်ႈꩡ︀ိုဝ်ႈꩡ︀ဝ်ႛယ︀ေꩬ︀ု ဢ︀ꩫ︀်ႈပ︀ေႃလ︀ုꩭူဝ်းꩫ︀ႆ︀ႇ မ︀ႂ်းမ︀ႆ︀ႛက︀ဝ်ႈဢ︀မ︀ိင︀်းꩭႂ်ႛဢ︀ူ။ ဢ︀ွက︀်တ︀ႃႉ” ꩫ︀ꩬ︀ီ ၸ︀ီꩭၢႆ︀ႇꩫ︀ႆ︀ႇၵ︀ဝ်မ︀ႆ︀ႛဝႃႈဢ︀ူ။

ထဝ်ꩡ︀တ︀်ႉၵ︀ဝ် 8:36

ꩬ︀ွင︀်ၵ︀ႃက︀ၢပ︀်က︀ႃဢ︀ိက︀်က︀ီး တ︀ီႈဢ︀ꩫ︀်ႈꩫ︀မ︀်ႇယ︀င︀်းမ︀ႆ︀ႛ ထိုင︀်က︀ႃဢ︀ူ။ ꩫ︀ႆ︀ႇမ︀ႆ︀ႛ က︀ူꩫ︀်းယ︀ႂ်ဢ︀မ︀ႂ်းယ︀ႃႇ “ပ︀လ︀ေႃး မ︀ႆ︀ႛꩫ︀မ︀်ႇယ︀င︀်းဢ︀ူ။ က︀ဝ်ႈꩭၢပ︀်ႉမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇက︀ီး မ︀ဝ်ꩫ︀ႆ︀ႛက︀ျႃး” ꩫ︀ဝꩫ︀်ႇ။

ရ︀ေႃမ︀ 16:20

ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀ႆ︀ႇ ၵ︀ုꩫ︀်ꩬ︀ူင︀်မ︀ႆ︀ႛ မ︀ဝ်ꩭိုင︀်က︀ꩬ︀င︀် က︀ꩫ︀်ႛတ︀ႂ်ႛတ︀ိꩫ︀်ႈꩬ︀ူမ︀ႆ︀ႛ တ︀ီꩫ︀ူꩫ︀်ႇၵ︀ွတ︀်ꩫ︀မ︀်။ ꩬ︀ူမ︀ႆ︀ႛꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ꩭႂ်ႛဢ︀ီꩫ︀ူႈꩭၢက︀်ႉꩭွမ︀်က︀တ︀ႃႉ။

ꩭေပ︀ရ︀ူး 2:14

ꩭဝ်းၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ပ︀ီꩫ︀်ႈက︀ူꩫ︀်းဢ︀ꩫ︀်ႈꩫ︀ိူဝ်ႇꩫ︀ိူတ︀်ႉယ︀င︀်းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုက︀ေႃႇ မ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ၵ︀ုꩫ︀်ꩬ︀ူင︀်ဢ︀ꩫ︀်ႈတ︀ꩫ︀်းၵ︀ူဝ်းတ︀ၢင︀်းတ︀ႆ︀ၢႈယ︀င︀်းမ︀ႆ︀ႛ ယ︀ႃႇၵ︀ွတ︀်င︀ႆ︀း က︀ူꩫ︀်းꩭဝ်းဢ︀ꩫ︀်ႈက︀ူႈမ︀ိုဝ်ႇ တ︀ၢင︀်းတ︀ႆ︀ၢႈမ︀ႆ︀ႛ ꩫ︀င︀်ၵ︀ႃႛꩫ︀က︀ꩫ︀်ႈ ꩫ︀ႆ︀ႛက︀ူဝ်ႈꩬ︀ီဢ︀ူꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛက︀ွတ︀်ꩫ︀ꩬ︀ီ ꩫ︀င︀်ꩭဝ်းꩫ︀က︀ꩫ︀်ႈ ပ︀ီꩫ︀်ႈꩫ︀ိူဝ်ႇꩫ︀ိူတ︀်ႉမ︀ႃးꩫ︀မ︀်။

ꩭေပ︀ရ︀ူး 7:1

မ︀ေလ︀ၵ︀ိꩡ︀ေတ︀ိက︀်ꩫ︀ႆ︀ႇယ︀ႃႇ ꩡ︀ဝ်ႛꩭူဝ်ၵ︀မ︀်းꩬ︀ႃလ︀ိမ︀် ယ︀ီတ︀်ႉပ︀ရ︀ေႃးꩭိက︀်ႉၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈၵ︀ႅꩫ︀်းꩬ︀ုင︀်မ︀ႅတ︀်ႉꩫ︀မ︀်။ မ︀ꩫ︀်းယ︀ႃႇ မ︀ိူဝ်ႈဢ︀ႃပ︀ြႃꩭၢမ︀် ꩡ︀ဝ်ႛꩭူဝ်ၵ︀မ︀်းꩬ︀ီပ︀ႃးမ︀ႆ︀ႛတ︀ိက︀်ပ︀ေႇꩬ︀ီ ပ︀ွက︀်ႉမ︀ႃးꩫ︀ႆ︀ႇ ဢ︀ႃပ︀ြႃꩭၢမ︀်မ︀ႆ︀ႛꩭၢပ︀်ႉတ︀ွꩫ︀်ႛꩬ︀ီ ဢ︀က︀ိဝ်းပ︀ူင︀်ႈꩭႂ်ႛမ︀ႃးဢ︀ူ။

ယ︀ႃက︀ု 2:19

ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူလ︀ိဝ်ႈꩫ︀ၢႆ︀ႈꩫ︀မ︀်ယ︀င︀်းꩫ︀ႆ︀ႇꩫ︀ꩬ︀ီ ယ︀ုမ︀်ယ︀မ︀်ႈꩫ︀ႆ︀ႇꩫ︀ီႈဢ︀ူ။ ꩫ︀ႆ︀ႇꩫ︀က︀ေႃႇ ၸ︀ီꩭၢႆ︀ႇꩫ︀ႆ︀ႇၵ︀ဝ် ꩫ︀ႆ︀ၢႈက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ꩬ︀ီ က︀ူဝ်ႈတ︀ႆ︀ၢႈꩰက︀ꩫ︀်ႈဢ︀ူ။

ပ︀ေတ︀ရ︀ု ႒ 2:4

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ုꩫ︀်ꩬ︀ၢင︀်ဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ႃးꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈက︀ေႃႇ ꩵ︀ႈပ︀ွႆ︀လ︀ွတ︀်ႉꩭႂ်ႛ။ ၵ︀ဝ်မ︀ႆ︀ႛ ပ︀ွႆ︀တ︀ူက︀်မ︀ိူင︀်းၵ︀ုꩫ︀်တ︀ႆ︀ၢႈၵ︀ွတ︀်ꩬ︀ီ က︀ႃႈဝꩫ︀်းဢ︀ꩫ︀်ႈၵ︀ဝ်မ︀ႆ︀ႛပ︀ႅတ︀်ႉတ︀ြႃးမ︀ဝ်ထိုင︀်ယ︀ႃႇ ဢ︀ꩫ︀်ႈꩫ︀မ︀်ႈꩬ︀ိင︀်လ︀ူင︀်မ︀ႆ︀ႛ ဢ︀ဝ်ႈꩬ︀ႆ︀ၢလ︀ီက︀်ၸ︀ုက︀်ဝႆ︀ႇဢ︀ူ။

ယ︀ေႃးꩭၢꩫ︀် ႑ 3:8

က︀ူဝ်ႇဢ︀ꩫ︀်ႈက︀ၢပ︀်ꩭီတ︀်ဢ︀ပ︀ႅတ︀်ႉꩫ︀ႆ︀ႇယ︀ႃႇ က︀ူꩫ︀်းၵ︀ုꩫ︀်ꩬ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ုꩫ︀်ꩬ︀ူင︀်ယ︀ႃႇ ဢ︀ꩫ︀်ႈလ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ꩭီတ︀်ဢ︀ပ︀ႅတ︀်ႉမ︀ႃးꩫ︀မ︀်။ လ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛ က︀ျွႃးမ︀ႃးꩫ︀ႆ︀ႇယ︀ႃႇ မ︀ႃးယ︀ႃႇဢ︀မ︀ူးၵ︀ုꩫ︀်ꩬ︀ူင︀်ꩫ︀မ︀်။

ယ︀ုတ︀ 1:6

ꩡ︀ႃႇလ︀ိူင︀်ႈ ၵ︀ုꩫ︀်ꩬ︀ၢင︀်ဢ︀ꩫ︀်ႈ ꩡ︀ꩫ︀်ႇၸ︀ူႛꩡ︀ဝ်ႛမ︀ႆ︀ႛ မ︀ဝ်ဢ︀ူꩫ︀ီႈꩫ︀ီႈꩬ︀ီ လ︀ုက︀်ႉဢ︀ွင︀်ႛၸ︀ူႛꩡ︀ဝ်ႛမ︀ႆ︀ႛ ဢ︀ွက︀်က︀ႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီႈဢ︀ꩫ︀်ႈꩫ︀မ︀်ႈꩬ︀ိင︀်လ︀ူင︀်မ︀ႆ︀ႛ ꩡ︀ႃႇꩭၢင︀်းဝꩫ︀်းပ︀ႅတ︀်ႉတ︀ြႃး ၸ︀ုက︀်ဝႆ︀ႇလ︀ေႚလ︀ေႚꩬ︀ီ ၵ︀င︀်ဝႆ︀ႇဢ︀ူ။

ၿျႃၻိက︀်ႉ 12:12

င︀ႆ︀းꩫ︀ႆ︀ႇꩬ︀ီ က︀ၢင︀်ႈꩭၢဝ်ꩫ︀ၵ︀ႃ ဢ︀ꩫ︀်ႈက︀ႃႈꩡ︀ိုဝ်ႈက︀ၢင︀်ႈꩭၢဝ်မ︀ႆ︀ႛဢ︀ူꩫ︀ႆ︀ႇၵ︀ဝ် ꩡ︀ူမ︀်းက︀ꩫ︀်ႈတ︀ႃႉ။ ꩭလ︀ိုဝ်ꩫ︀က︀ေႃႇ ꩡ︀ႃႇလ︀င︀်ꩫ︀ိꩫ︀်ႈꩫ︀ၵ︀ႃပ︀ၢင︀်လ︀ႆ︀ၢယ︀ႃႇ ဢ︀မ︀ၢင︀်က︀လ︀ႃဢ︀ꩫ︀်ႈ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ုꩫ︀်ꩬ︀ူင︀်မ︀ႆ︀ႛ တ︀ီႈဢ︀ꩫ︀်ႈꩬ︀ူဢ︀ူမ︀ႆ︀ႛ ပ︀ိုဝ်တ︀ူက︀်ၵ︀ွတ︀်ယ︀ဝ်ႇ။ မ︀ꩫ︀်းယ︀ႃႇ ယ︀ၢမ︀်းဢ︀ꩫ︀်ႈမ︀ꩫ︀်းဝႃႈဢ︀ူꩫ︀ႆ︀ႇ က︀ိုမ︀်ႇလ︀ိူင︀်ႈꩫ︀ႆ︀ၢႈက︀ိူတ︀်ꩫ︀ႆ︀ႇꩬ︀ီ တ︀ေႃးꩬ︀ႃးလ︀ူင︀်ꩫ︀မ︀်” ꩫ︀ဝꩫ︀်ႇ။