မ︀ႃက︀ု 5:15 - Khamti Shan

¹⁵ က︀ူꩫ︀်းꩫ︀ႆ︀ႇၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛ ထိုင︀်မ︀ႃးက︀ီး က︀ူꩫ︀်းဢ︀ꩫ︀်ႈၸ︀ီတ︀င︀်းၸ︀ုင︀်ꩭွꩫ︀်ၵ︀ဝ်ႛမ︀ႃးဢ︀မ︀ႂ်းယ︀ႃႇ ၵ︀ိူင︀်ႈက︀ေႃႇꩫ︀ုင︀်ႈဝႆ︀ႇ ꩡ︀ႂ်ႈက︀ူꩫ︀်းက︀ေႃႇယ︀င︀်းင︀ႆ︀း ပ︀ၢင︀်ႈꩫ︀ႃႛꩡ︀ဝ်ႛယ︀ေꩬ︀ုမ︀ႆ︀ႛ ꩫ︀င︀်ႈဢ︀ူꩫ︀ႆ︀ႇမ︀ႆ︀ႛၵ︀ဝ်ꩭꩫ︀်ꩬ︀ီ က︀ူဝ်ႈက︀ꩫ︀်ႈဢ︀ူ။

မ︀ႃက︀ု 5:15 ပူးပေါင်းရင်းမြစ်များ

မ︀တ︀်တ︀ႄး 12:29

ꩬ︀င︀်ဝႃႈ ꩭိူꩫ︀်းက︀ူꩫ︀်းဢ︀ꩫ︀်ႈꩭႅင︀်းဢ︀မ︀်မ︀ႆ︀ႛ ၵ︀ႂ်ႈမ︀ွင︀်ၵ︀ဝ်ႛက︀ီး က︀ူꩫ︀်းဢ︀မ︀ႂ်းမ︀ႆ︀ႛ ဝႃႈꩬ︀ႅဝ်ႛၸ︀ုက︀်ဝႆ︀ႇဢ︀ွꩫ︀်ႈတ︀ၢင︀်းꩫ︀မ︀်။ ယ︀ဝ်ႇက︀ီးꩬ︀ိုင︀် ၵ︀ိူင︀်ႈꩭိူꩫ︀်းမ︀ꩫ︀်းꩫ︀ႆ︀ႇၵ︀ဝ် ꩡ︀ႂ်ႈꩬ︀ူႛဢ︀ဝ်ႈက︀ႃꩫ︀ႆ︀ႛꩫ︀မ︀်။

မ︀တ︀်တ︀ႄး 26:53

ꩬ︀ူမ︀ဝ်တ︀ွင︀်းက︀ျႃး။ ပ︀ူဝ်က︀ဝ်ႈမ︀ႆ︀ႛက︀ဝ်ႈက︀ၢဝ်ၵ︀ွတ︀်က︀ီး တ︀ၢပ︀်ႉꩬ︀ိူက︀်ၵ︀ုꩫ︀်ꩬ︀ၢင︀် ꩬ︀ိပ︀်ꩬ︀ွင︀်တ︀ၢပ︀်ႉမ︀ဝ်က︀ႃး က︀ꩡ︀ူးတ︀ီပ︀ွႆ︀ꩡ︀ႂ်ႇꩭႂ်ႛမ︀ႃးꩬ︀ႃး။

မ︀တ︀်တ︀ႄး 4:24

ꩫ︀ႆ︀ႇမ︀ႆ︀ႛ ၵ︀ၢဝ်ႈၵ︀ၢမ︀်းလ︀ွင︀်ႈမ︀ꩫ︀်းꩡ︀ဝ်ႛꩫ︀ႆ︀ႇ မ︀ိူင︀်းꩬ︀ီရ︀ီယ︀ႃးတ︀င︀်းထၢဝ်မ︀ႆ︀ႛ ꩭူင︀်က︀ႃꩬ︀ီ က︀ူꩫ︀်းꩫ︀ႆ︀ႇၵ︀ဝ်က︀ေႃႇ ၸ︀ူႛၵ︀ႆ︀ႛ၊ ၸ︀ူႛပ︀ၢက︀်ႉယ︀ေႃးက︀ႃက︀ူႈၸ︀ꩫ︀်း၊ ၸ︀ူႛၸ︀ီꩭၢႆ︀ႇလ︀ွေႛ၊ ၸ︀ူႛမ︀ႃႛမ︀ူ၊ ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛဢ︀ဝ်ႈမ︀ႃးက︀ꩫ︀်ႈဢ︀ူ။ ꩡ︀ဝ်ႛယ︀ေꩬ︀ုက︀ေႃႇ ၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩫ︀ီႈꩭႂ်ႛဢ︀ူ။

မ︀တ︀်တ︀ႄး 9:33

မ︀ွင︀်းမ︀ꩫ︀်းꩡ︀ဝ်ႛ ၸ︀ီꩭၢႆ︀ႇဢ︀မ︀ႂ်းမ︀ႆ︀ႛ ꩭူဝ်ႛဢ︀ွက︀်ၵ︀ွတ︀်ယ︀ႃႇ က︀ူꩫ︀်းဢ︀မ︀ႂ်း ၵ︀ၢမ︀်းတ︀ၢꩫ︀်ႛမ︀ႃးဢ︀ူ။ ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ၢမ︀်းတ︀ႆ︀ၢႈꩰက︀ꩫ︀်ႈꩬ︀ီ “ꩫ︀င︀်ၸ︀ꩫ︀်းꩫ︀ႆ︀ႇ ꩫ︀ႂ်းဢ︀ီတ︀်ꩬ︀ြေးမ︀ႆ︀ႛ ꩬ︀မ︀တ︀်က︀ေႃႇ ꩵ︀ႈꩭွꩫ︀်ꩭꩫ︀်မ︀ႃး” ꩫ︀ဝꩫ︀်ႇ။

မ︀ႃက︀ု 5:14

လ︀ꩭႃꩫ︀ႆ︀ႇ ၸ︀ူႛလ︀ီင︀်ႇမ︀ူဢ︀မ︀ႂ်းၵ︀ဝ်ယ︀ႃႇ လ︀ႅꩫ︀်ႈက︀ႃꩬ︀ီ ꩫ︀ႂ်းမ︀ၢꩫ︀်ႛဝီင︀်းꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈဢ︀မ︀ႂ်းက︀ႃၵ︀ႆ︀ႈလ︀ေဢ︀ူ။ က︀ူꩫ︀်းꩫ︀ႆ︀ႇၵ︀ဝ်က︀ေႃႇ ပ︀ီꩫ︀်ႈꩭိုဝ်လ︀ိူဝ်း ꩫ︀ꩬ︀ီမ︀ႃးလ︀ႅမ︀်းက︀ꩫ︀်ႈဢ︀ူ။

မ︀ႃက︀ု 5:16

ၸ︀ူႛꩭꩫ︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈထိုင︀်မ︀ႃးဢ︀မ︀ႂ်းၵ︀ဝ်မ︀ႆ︀ႛ က︀ူဝ်ႇဢ︀ꩫ︀်ႈၸ︀ီၵ︀ဝ်ႛမ︀ႆ︀ႛ ꩭလ︀ိုဝ်ပ︀ီꩫ︀်ႈက︀ႃ၊ မ︀ူꩫ︀ႆ︀ႇၵ︀ဝ်မ︀ႆ︀ႛꩭလ︀ိုဝ်ပ︀ီꩫ︀်ႈက︀ႃꩫ︀ꩫ︀ႆ︀ႇၵ︀ဝ် ၵ︀ႆ︀ႈꩭႂ်ႛက︀ꩫ︀်ႈဢ︀ူ။

မ︀ႃက︀ု 5:18

ꩡ︀ဝ်ႛယ︀ေꩬ︀ုꩭိူဝ်းမ︀ႆ︀ႛၵ︀ိုꩫ︀်ႛက︀ႃက︀ီး က︀ူꩫ︀်းဢ︀ꩫ︀်ႈၸ︀ီဢ︀ွက︀်က︀ႃꩫ︀ႆ︀ႇယ︀ႃႇ “ꩡ︀ဝ်ႛꩴ︀း က︀ဝ်ႈၵ︀ႃႛမ︀ႆ︀ႛ ꩭႂ်ႛꩫ︀ႆ︀ႛꩡ︀ွမ︀်းလ︀ွေႛꩡ︀ဝ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီ မ︀ꩫ︀်းꩡ︀ဝ်ႛမ︀ႆ︀ႛဝွꩫ︀်းၵ︀ႅꩫ︀်းဢ︀ူ။

မ︀ႃက︀ု 5:4

မ︀ꩫ︀်းမ︀ႆ︀ႛတ︀င︀်းတ︀ိꩫ︀်ႈတ︀င︀်းမ︀ိုဝ်းက︀ီလ︀ၢႆ︀ၵ︀ႅက︀်ႉ ဢ︀ဝ်ႈꩬ︀ၢႆ︀လ︀ီက︀်ၸ︀ုက︀်ဝႆ︀ႇ ဢ︀ဝ်ႈထုင︀်းလ︀ီက︀်ၵ︀တ︀်ႉဝႆ︀ႇꩫ︀က︀ေႃႇ ꩬ︀ၢႆ︀လ︀ီက︀်ထုင︀်းလ︀ီက︀်ꩫ︀ႆ︀ႇၵ︀ဝ်ꩫ︀ၢႆ︀ႈꩬ︀ိုင︀် ၵ︀တ︀်က︀ႃၸ︀ေႛက︀ႃဢ︀ူ။ မ︀ꩫ︀်းမ︀ႆ︀ႛယ︀ႃႇ ၸ︀ႂ်က︀ေႃႇဢ︀ဝ်ႈပ︀ေႇꩵ︀ႈꩫ︀ႆ︀ႛ။

မ︀ႃက︀ု 5:9

ꩡ︀ဝ်ႛယ︀ေꩬ︀ုယ︀ႃႇ မ︀ꩫ︀်းမ︀ႆ︀ႛ “ꩡ︀ိုဝ်ႈမ︀ႂ်းဝႃႈꩭိုဝ်ꩫ︀ႆ︀” ꩫ︀က︀ီး မ︀ꩫ︀်းယ︀ႃႇ “ꩡ︀ိုဝ်ႈက︀ဝ်ႈၵ︀ႃႛယ︀ႃႇ “ၸ︀ုင︀်” ꩫ︀ႆ︀တ︀ီၵ︀ႃႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး တ︀ူႈၵ︀ႃႛယ︀ႃႇ ဢ︀ၢꩫ︀်တ︀ၢꩫ︀်တ︀ီၵ︀ႃႛꩫ︀မ︀်” ꩫ︀ယ︀ဝ်ႇက︀ီး

လ︀ုက︀ႃ 10:39

မ︀ႃႈထႃးမ︀ႆ︀ႛ ꩫ︀ွင︀်ႇꩬ︀ၢဝ် မ︀ေရ︀ီꩫ︀ꩫ︀ႆ︀ႇယ︀င︀်းဢ︀ူ။ မ︀ေရ︀ီယ︀ႃႇ တ︀ႆ︀ၢႛတ︀ိꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ꩫ︀င︀်ႈင︀ႆ︀း ထွမ︀်တ︀ြႃးမ︀ꩫ︀်းꩡ︀ဝ်ႛꩬ︀ီဢ︀ူဢ︀ူ။

လ︀ုက︀ႃ 8:27

မ︀ꩫ︀်းꩡ︀ဝ်ႛ င︀ွꩫ︀်းမ︀ႆ︀ႛၵ︀ိုꩫ︀်ႛက︀ီး က︀ူꩫ︀်းဝီင︀်းဢ︀မ︀ႂ်းက︀ူဝ်ႇလ︀ိူင︀်ႈ ဢ︀ꩫ︀်ႈၸ︀ီꩭၢႆ︀ႇၵ︀ဝ်ႛꩬ︀ီ က︀ီလ︀ႆ︀ၢဝꩫ︀်းၵ︀ိူင︀်ႈမ︀ဝ်ꩫ︀ုင︀်င︀ႆ︀း ထမ︀်ႛပ︀ႃꩡ︀ႃႇမ︀ႆ︀ႛꩫ︀ႆ︀ၢႈꩬ︀ိုင︀် ၵ︀ိုꩫ︀်းꩰဝꩫ︀်းꩰဢ︀ူꩫ︀ႆ︀ႇမ︀ႆ︀ႛꩥ︀ႃးဢ︀ူ။

က︀ေႃလ︀ေႃတ︀ႄ 1:13

မ︀ꩫ︀်းꩡ︀ဝ်ႛယ︀ႃႇꩭဝ်းမ︀ႆ︀ႛ လ︀ုက︀်ႉမ︀ိူင︀်းꩫ︀မ︀်ႈꩬ︀ိင︀်မ︀ႆ︀ႛ ၵ︀ေꩬ︀ေဢ︀ွက︀်ꩭႂ်ႛꩬ︀ီ မ︀ိူင︀်းလ︀ုက︀်ႉꩭၢက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩭႂ်ႛၵ︀ဝ်ႛယ︀ဝ်ႇ။

တ︀ိမ︀ေႃတ︀ေ ႒ 1:7

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛꩭႂ်ႛဝႆ︀ႇꩫ︀ႆ︀ႇယ︀ႃႇ ꩭဝ်းမ︀ႆ︀ႛꩡ︀ႂ်ႈဢ︀ꩫ︀်ႈက︀ူဝ်ႈꩭႆ︀ၢႇ မ︀ဝ်ဢ︀ဝ်ႈယ︀င︀်းꩭႂ်ႛꩬ︀ေႇမ︀ဝ်က︀ႃး ဢ︀ဝ်ႈꩭတ︀်ꩭၢꩫ︀်ꩭႂ်ႛဢ︀ူ။ ꩭႂ်ႛပ︀ူဝ်းပ︀ိူꩫ︀်ႈမ︀ႆ︀ႛꩭၢက︀်ႉပ︀ီꩫ︀်ႈꩬ︀ီ ꩡ︀ႂ်ႈၸ︀ူႛꩡ︀ဝ်ႛမ︀ႆ︀ႛထိꩫ︀်ပ︀ေႇက︀ေႃႇ ꩡ︀ွႆ︀ႈꩭႂ်ႛဢ︀ူ။