မ︀ႃက︀ု 3:10 - Khamti Shan

¹⁰ ꩡ︀ဝ်ႛယ︀ေꩬ︀ု ၸ︀ူႛၵ︀ႆ︀ႛꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀်မ︀ႆ︀ႛ ဢ︀ဝ်ႈꩫ︀ီႈꩭႂ်ႛꩬ︀ီ က︀ူꩫ︀်းက︀ႃႈꩡ︀ိုဝ်ႈပ︀ီꩫ︀်ႈၵ︀ႆ︀ႛပ︀ီꩫ︀်ႈꩡ︀ီပ︀်ꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛတ︀ႅတ︀်ႉꩫ︀ႆ︀ႇ တ︀ူꩫ︀်ႇမ︀ႃးက︀ꩫ︀်ႈဢ︀ူ။

မ︀ႃက︀ု 3:10 ပူးပေါင်းရင်းမြစ်များ

မ︀တ︀်တ︀ႄး 12:15

လ︀ွင︀်ႈဢ︀ꩫ︀်ႈၸ︀ႃရ︀ိꩬ︀ႄꩫ︀ႆ︀ႇၵ︀ဝ်က︀ႅမ︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုတ︀ွင︀်းက︀ီး လ︀ုက︀်ႉဢ︀မ︀ႂ်းမ︀ႆ︀ႛဢ︀ွက︀်က︀ႃဢ︀ူ။ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်က︀ေႃႇ က︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛ ꩡ︀ွမ︀်းက︀ႃက︀ꩫ︀်ႈꩬ︀ီ ၸ︀ူႛၵ︀ႆ︀ႛတ︀င︀်းမ︀ိူင︀်းမ︀ႆ︀ႛ မ︀ꩫ︀်းꩡ︀ဝ်ႛဢ︀ဝ်ႈꩫ︀ီႈꩭႂ်ႛဢ︀ူ။

မ︀တ︀်တ︀ႄး 14:14

မ︀ꩫ︀်းꩡ︀ဝ်ႛလ︀ုက︀်ႉꩭိူဝ်းမ︀ႆ︀ႛလ︀ူင︀်းက︀ီး ၸ︀ုင︀်က︀ူꩫ︀်းလ︀ူင︀်မ︀ႆ︀ႛꩭꩫ︀်ဢ︀ူ။ မ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ဢ︀ီꩫ︀ူႈလ︀ူင︀်ꩬ︀ီ ဢ︀ꩫ︀်ႈၵ︀ႆ︀ႛဢ︀ꩫ︀်ႈꩡ︀ီပ︀်ၵ︀ဝ်မ︀ႆ︀ႛ ဢ︀ဝ်ႈꩫ︀ီႈꩭႂ်ႛဢ︀ူ။

မ︀တ︀်တ︀ႄး 14:36

ၵ︀ဝ်ယ︀ႃႇ ꩭႂ်ႛပ︀ူဝ်းၸ︀ူႛၵ︀ႆ︀ႛꩫ︀ႆ︀ႇၵ︀ဝ် ꩬ︀ိူဝ်ႛလ︀ူင︀်မ︀ꩫ︀်းꩡ︀ဝ်ႛမ︀ႆ︀ႛꩫ︀ႆ︀ၢႈꩫ︀က︀ေႃႇ ꩫ︀ႆ︀ႛတ︀ႅတ︀်ႉꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛ ဝွꩫ︀်းၵ︀ႅꩫ︀်းက︀ꩫ︀်ႈဢ︀ူ။ ၸ︀ူႛတ︀ႅတ︀်ႉꩬ︀ိူဝ်ႛလ︀ူင︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ် တ︀င︀်းမ︀ိူင︀်းက︀ေႃႇ ဢ︀ူꩫ︀ီႈက︀ႃဢ︀ူ။

မ︀တ︀်တ︀ႄး 4:23

ꩡ︀ဝ်ႛယ︀ေꩬ︀ု တ︀ိူင︀်းက︀ႃလ︀ိလ︀ႄးတ︀င︀်းတ︀ိူင︀်းမ︀ႆ︀ႛက︀ႃꩬ︀ီ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ ꩬ︀ွꩫ︀်တ︀ြႃးꩭႂ်ႛဢ︀ူ။ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛက︀ေႃႇꩭူဝ်းꩬ︀ီ ၸ︀ူႛၵ︀ႆ︀ႛၸ︀ူႛꩡ︀ီပ︀်က︀ူႈၸ︀ꩫ︀်းမ︀ႆ︀ႛ ဢ︀ဝ်ႈꩫ︀ီႈꩭႂ်ႛဢ︀ူ။

မ︀ႃက︀ု 5:34

ꩡ︀ဝ်ႛယ︀ေꩬ︀ုက︀ေႃႇ မ︀ꩫ︀်းမ︀ႆ︀ႛ “လ︀ုက︀်ႉꩬ︀ၢဝ်က︀ဝ်ႈ တ︀ၢင︀်းယ︀ုမ︀်ယ︀မ︀်ႈမ︀ႂ်းꩫ︀ႆ︀ႇ ယ︀ေႃးက︀ႃမ︀ႂ်းမ︀ႆ︀ႛ ဢ︀ဝ်ႈꩫ︀ီႈꩭႂ်ႛယ︀ဝ်ႇ။ ꩡ︀ႂ်ႈဝႆ︀ႇယ︀ီꩫ︀်ႈꩰꩬ︀ီက︀ႃတ︀ႃႉ။ ယ︀ေႃးက︀ႃမ︀ႂ်းꩭႂ်ႛꩫ︀ီႈက︀တ︀ႃႉ” ꩫ︀ဝꩫ︀်ႇ။

မ︀ႃက︀ု 6:56

ꩭိမ︀်းၵ︀ူꩫ︀်တ︀ၢင︀်းမ︀ၢꩫ︀်ႛ၊ ဝီင︀်းဢ︀ꩫ︀်ႈမ︀ꩫ︀်းꩡ︀ဝ်ႛ ၸ︀ႃက︀ႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၸ︀ူႛၵ︀ႆ︀ႛꩫ︀ႆ︀ႇၵ︀ဝ် ဢ︀ဝ်ႈဢ︀ူဝႆ︀ႇင︀ႆ︀းꩬ︀ီ ꩭႂ်ႛပ︀ူဝ်းၸ︀ူႛၵ︀ႆ︀ႛꩫ︀ႆ︀ႇၵ︀ဝ် ပ︀ၢႆ︀ႈꩬ︀ိူဝ်ႛလ︀ူင︀်မ︀ꩫ︀်းꩡ︀ဝ်ႛမ︀ႆ︀ႛꩫ︀ႆ︀ၢႈ ꩫ︀ႆ︀ႛတ︀ႅတ︀်ႉꩫ︀ႆ︀ႇက︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ဝွꩫ︀်းၵ︀ႅꩫ︀်းက︀ꩫ︀်ႈဢ︀ူ။ ၸ︀ူႛၵ︀ႆ︀ႛတ︀င︀်းမ︀ိူင︀်း ဢ︀ꩫ︀်ႈꩫ︀ႆ︀ႛတ︀ႅတ︀်ႉပ︀ၢႆ︀ႈꩬ︀ိူဝ်ႛမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်က︀ေႃႇ ꩫ︀ႆ︀ႛၵ︀ႅမ︀်းꩬ︀ႃက︀ꩫ︀်ႈဢ︀ူ။

မ︀ႃက︀ု 8:22

ꩡ︀ဝ်ႛယ︀ေꩬ︀ုတ︀င︀်းတ︀ပ︀ေးꩡ︀ဝ်ႛၵ︀ဝ် မ︀ၢꩫ︀်ႛပ︀ႅတ︀်ꩡ︀ႄးတ︀မ︀ႆ︀ႛ ထိုင︀်က︀ႃက︀ီး က︀ူꩫ︀်းက︀မ︀်ႈၸ︀ွင︀်းယ︀ႃႇမ︀ꩫ︀်းꩡ︀ဝ်ႛမ︀ႆ︀ႛ ၸ︀ူႛတ︀ႃႈမ︀ွတ︀်က︀ူဝ်ႇလ︀ိူင︀်ႈ ꩭွင︀်ႇမ︀ႃးင︀ႆ︀း မ︀ꩫ︀်းꩡ︀ဝ်ႛမ︀ႆ︀ႛဝွꩫ︀်းၵ︀ႅꩫ︀်းꩬ︀ီ ၸ︀ူႛတ︀ႃႈမ︀ွတ︀်ဢ︀မ︀ႂ်းမ︀ႆ︀ႛ ဢ︀ဝ်ႈမ︀ိုဝ်းမ︀ꩫ︀်းꩡ︀ဝ်ႛ ꩭႂ်ႛတ︀ႅတ︀်ႉဢ︀ူ။

လ︀ုက︀ႃ 5:3

ꩡ︀ဝ်ႛယ︀ေꩬ︀ုက︀ေႃႇ ꩭိူဝ်းꩬ︀ႅင︀်မ︀ုꩫ︀်ꩫ︀ꩫ︀ႆ︀ႇမ︀ႆ︀ႛ ၵ︀ိုꩫ︀်ႛꩬ︀ီ လ︀ုက︀်ႉꩭိမ︀်းၸ︀င︀်မ︀ႆ︀ႛ ꩡ︀ွꩫ︀်လ︀ိူင︀်ႈꩭႂ်ႛဢ︀ဝ်ႈၸ︀ၢက︀်ႉဢ︀ူ။ ယ︀ဝ်ႇက︀ီးမ︀ꩫ︀်းꩡ︀ဝ်ႛꩫ︀င︀်ႈꩬ︀ီ ၸ︀ုင︀်က︀ူꩫ︀်းမ︀ႆ︀ႛ လ︀ုက︀်ႉက︀ꩫ︀်ႛꩫ︀ိူဝ်ꩭိူဝ်းမ︀ႆ︀ႛ ꩬ︀င︀်ꩬ︀ွꩫ︀်ဢ︀ူ။

လ︀ုက︀ႃ 6:19

လ︀ုက︀်ႉတ︀ူဝ်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ꩫ︀်းၵ︀ူဝ်းဢ︀ွက︀်င︀ႆ︀း ၵ︀ဝ်တ︀င︀်းလ︀ုင︀်မ︀ႆ︀ႛ ဢ︀ꩫ︀်ႈၵ︀ႆ︀ႛဢ︀ꩫ︀်ႈꩡ︀ီပ︀်ꩫ︀ႆ︀ႇၵ︀ဝ် ဢ︀ဝ်ႈꩫ︀ီႈꩭႂ်ႛꩫ︀ႆ︀ႇꩬ︀ီ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ် ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛတ︀ႅတ︀်ႉꩫ︀ႆ︀ႇ တ︀ူꩫ︀်ႇမ︀ႃးက︀ꩫ︀်ႈဢ︀ူ။

လ︀ုက︀ႃ 7:2

ဝီင︀်းဢ︀မ︀ႂ်းမ︀ႆ︀ႛ ꩡ︀ဝ်ႛꩭူဝ်ꩬ︀ိူက︀်ရ︀ေႃမ︀ꩭူဝ်ပ︀ၢက︀် က︀ူဝ်ႇလ︀ိူင︀်ႈယ︀င︀်းꩬ︀ီ ၸ︀ူႛꩡ︀ႂ်ႇဢ︀ꩫ︀်ႈမ︀ꩫ︀်းဢ︀က︀မ︀်လ︀ူင︀်ꩫ︀ႆ︀ႇ ၵ︀ႆ︀ႛꩫ︀င︀်တ︀ီတ︀ႆ︀ၢႈဢ︀ူꩫ︀မ︀်။

လ︀ုက︀ႃ 7:21

မ︀ိူဝ်ႈဢ︀မ︀ႂ်း ꩡ︀ဝ်ႛယ︀ေꩬ︀ုယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ꩫ︀်ႈၵ︀ႆ︀ႛဢ︀ꩫ︀်ႈꩡ︀ီပ︀်ꩫ︀ႆ︀ႇၵ︀ဝ် ဢ︀ဝ်ႈꩫ︀ီႈꩭႂ်ႛ၊ ဢ︀ꩫ︀်ႈၸ︀ီꩭၢႆ︀ႇၵ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩭူဝ်ႛဢ︀ွက︀်ꩭႂ်ႛ၊ ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩭꩫ︀်ꩭႂ်ႛဢ︀ူꩫ︀မ︀်။

ထဝ်ꩡ︀တ︀်ႉၵ︀ဝ် 5:15

က︀ွပ︀်ႉပ︀ိူဝ်ႈတ︀မ︀ၢꩫ︀်ꩡ︀ဝ်ႛၵ︀ဝ် ꩭီတ︀်င︀ႆ︀းꩫ︀ႆ︀ႇꩬ︀ီ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ၸ︀ူႛၵ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈမ︀ႃးက︀ꩫ︀်ႈဢ︀ူ။ မ︀ိူဝ်ႈပ︀ေတ︀ရ︀ုၸ︀ႆ︀ၢႛတ︀ၢင︀်းꩫ︀ႆ︀ႇ ꩭႂ်ႛပ︀ူဝ်းၸ︀ူႛၵ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛ င︀ဝ်းက︀ူဝ်ႇမ︀ꩫ︀်း ꩡ︀ႃꩫ︀ႆ︀ႇꩫ︀ႆ︀ၢႈက︀ေႃႇ ၸ︀ူႛၵ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛ တ︀င︀်းꩡ︀ၢင︀်ၵ︀ဝ်၊ တ︀င︀်းက︀ူၵ︀ဝ်ဢ︀ဝ်ႈမ︀ႃးꩬ︀ီ ၵ︀ူꩫ︀်တ︀ၢင︀်းမ︀ႆ︀ႛတ︀မ︀်းဝႆ︀ႇက︀ꩫ︀်ႈဢ︀ူ။

ꩭေပ︀ရ︀ူး 12:6

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛꩭၢက︀်ႉမ︀ႆ︀ႛ ꩬ︀ွꩫ︀်ꩬ︀ုင︀်းမ︀ႃးဢ︀ူ။ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛ မ︀တ︀်ႉလ︀ုက︀်ႉမ︀ႆ︀ႛ ꩭႂ်ႛတ︀ၢမ︀်ဢ︀ူ” ꩫ︀ဝꩫ︀်ႇ။