မ︀ႃက︀ု 2:5 - Khamti Shan

⁵ ꩡ︀ဝ်ႛယ︀ေꩬ︀ုက︀ေႃႇ တ︀ၢင︀်းယ︀ုမ︀်ယ︀မ︀်ႈၵ︀ဝ်မ︀ႆ︀ႛ ꩭꩫ︀်က︀ီး ၸ︀ူႛꩬ︀ိက︀်ႉၵ︀ိင︀်းတ︀ၢႆ︀ႈဢ︀မ︀ႂ်းမ︀ႆ︀ႛ “လ︀ုက︀်ႉက︀ဝ်ႈဢ︀ပ︀ႅတ︀်ႉမ︀ႂ်းမ︀ႆ︀ႛ က︀ဝ်ႈပ︀ွႆ︀လ︀ွတ︀်ႉꩭႂ်ႛဢ︀ူ” ꩫ︀ဝꩫ︀်ႇ။

မ︀ႃက︀ု 2:5 ပူးပေါင်းရင်းမြစ်များ

မ︀တ︀်တ︀ႄး 9:2

ထိုင︀်က︀ီး က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈက︀ူဝ်ႇလ︀ိူင︀်ႈမ︀ႆ︀ႛ တ︀င︀်းၸ︀ုက︀်ႉၸ︀ႃႛမ︀ꩫ︀်းꩭၢမ︀်ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛဢ︀ဝ်ႈမ︀ႃးဢ︀ူ။ ꩡ︀ဝ်ႛယ︀ေꩬ︀ုယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ၵ︀ဝ်ၵ︀ႂ်ႈလ︀ႂ်ႈယ︀ုမ︀်ယ︀မ︀်ႈꩫ︀ꩫ︀ႆ︀ႇ ꩭꩫ︀်က︀ီး ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈဢ︀မ︀ႂ်းမ︀ႆ︀ႛ “လ︀ုက︀်ႉက︀ဝ်ႈꩴ︀း၊ ပ︀ီက︀ပ︀်ႉꩡ︀ႂ်ႈ။ မ︀ႂ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႂ်းꩫ︀ႆ︀ႇၵ︀ဝ်မ︀ႆ︀ႛပ︀ွႆ︀လ︀ွတ︀်ႉꩭႂ်ႛယ︀ဝ်ႇ” ꩫ︀ဢ︀ူ။

မ︀တ︀်တ︀ႄး 9:22

ꩡ︀ဝ်ႛယ︀ေꩬ︀ုယ︀ႃႇ က︀ꩫ︀်ႛလ︀င︀်မ︀ႆ︀ႛဝိꩫ︀်ꩬ︀ီ မ︀ꩫ︀်းမ︀ႆ︀ႛꩭꩫ︀်က︀ီး “လ︀ုက︀်ႉက︀ဝ်ႈ၊ ꩡ︀ူမ︀်းတ︀ႃႉ၊ လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈမ︀ႂ်းꩬ︀ီ မ︀ႂ်းဢ︀ူꩫ︀ီႈယ︀ဝ်ႇ” ꩫ︀ဢ︀ူ။ မ︀ိူဝ်ႈဢ︀မ︀ႂ်းတ︀ေႇတ︀ေႇ ၸ︀ူႛယ︀ိင︀်းဢ︀မ︀ႂ်း ꩫ︀ီႈꩬ︀ူဝ်းꩰက︀ႃဢ︀ူ။

မ︀တ︀်တ︀ႄး 9:5

ဢ︀ꩫ︀်ႈလ︀ႂ်ႈꩫ︀ႆ︀ၵ︀ႅꩫ︀်းင︀ႆ︀ၢႈꩫ︀ႆ︀ႇ။ ဢ︀ꩫ︀်ႈဢ︀ပ︀ႅတ︀်ႉက︀ူꩫ︀်းမ︀ႆ︀ႛ ပ︀ွႆ︀ꩭႂ်ႛꩫ︀ႆ︀ႇက︀ျႃး။ က︀ူꩫ︀်းဢ︀ꩫ︀်ႈꩬ︀ိက︀်ႉၵ︀ိင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ီႈꩬ︀ီꩭႂ်ႛၸ︀ႆ︀ၢႛက︀ႃꩫ︀ႆ︀ႇက︀ျႃး။

မ︀ႃက︀ု 2:6

ꩫ︀ႆ︀ႇမ︀ႆ︀ႛ ꩬ︀ြႃတ︀ြႃးက︀မ︀်ႈၸ︀ွင︀်း ဢ︀ꩫ︀်ႈဢ︀မ︀ႂ်းမ︀ႆ︀ႛꩫ︀င︀်ႈꩫ︀ႆ︀ႇၵ︀ဝ်ယ︀ႃႇ “က︀ူဝ်ႇꩫ︀ႆ︀ႇꩭီတ︀်က︀ꩬ︀င︀်ꩫ︀ႆ︀ဝႃႈင︀ႆ︀းꩫ︀ႆ︀ႇ။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈပ︀ူꩫ︀်ႇလ︀ိူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ꩡ︀ဝ်ႛထႃဝရ︀ၸ︀ြႃးမ︀ႆ︀ႛပ︀ူꩫ︀်ႇလ︀ိူဝ်ꩬ︀ီ ၸ︀ႂ်က︀ေႃႇဢ︀ပ︀ႅတ︀်ႉပ︀ွႆ︀လ︀ွတ︀်ႉꩭႂ်ႛꩵ︀ႈꩫ︀ႆ︀ႛ” ꩫ︀ꩬ︀ီ ꩫ︀ႂ်းꩡ︀ႂ်ႈၵ︀ဝ်မ︀ႆ︀ႛ ၵ︀ႂ်ႈꩡ︀ႂ်ႈက︀ꩫ︀်ႈဢ︀ူ။

မ︀ႃက︀ု 5:34

ꩡ︀ဝ်ႛယ︀ေꩬ︀ုက︀ေႃႇ မ︀ꩫ︀်းမ︀ႆ︀ႛ “လ︀ုက︀်ႉꩬ︀ၢဝ်က︀ဝ်ႈ တ︀ၢင︀်းယ︀ုမ︀်ယ︀မ︀်ႈမ︀ႂ်းꩫ︀ႆ︀ႇ ယ︀ေႃးက︀ႃမ︀ႂ်းမ︀ႆ︀ႛ ဢ︀ဝ်ႈꩫ︀ီႈꩭႂ်ႛယ︀ဝ်ႇ။ ꩡ︀ႂ်ႈဝႆ︀ႇယ︀ီꩫ︀်ႈꩰꩬ︀ီက︀ႃတ︀ႃႉ။ ယ︀ေႃးက︀ႃမ︀ႂ်းꩭႂ်ႛꩫ︀ီႈက︀တ︀ႃႉ” ꩫ︀ဝꩫ︀်ႇ။

လ︀ုက︀ႃ 5:20

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ု တ︀ၢင︀်းယ︀ုမ︀်ယ︀မ︀်ႈၵ︀ဝ်မ︀ႆ︀ႛꩭꩫ︀်က︀ီး ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈမ︀ႆ︀ႛ “က︀ူဝ်ႇꩴ︀း ဢ︀ပ︀ႅတ︀်ႉမ︀ႂ်းမ︀ႆ︀ႛ ပ︀ွႆ︀လ︀ွတ︀်ႉꩭႂ်ႛယ︀ဝ်ႇ” ꩫ︀ဝꩫ︀်ႇ။

လ︀ုက︀ႃ 8:48

ꩡ︀ဝ်ႛယ︀ေꩬ︀ုက︀ေႃႇ “လ︀ုက︀်ႉက︀ဝ်ႈꩴ︀း လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈမ︀ႂ်းꩬ︀ီ မ︀ႂ်းဢ︀ူꩫ︀ီႈယ︀ဝ်ႇ။ ꩡ︀ႂ်ႈဝႆ︀ႇယ︀ီꩫ︀်ႈꩰꩬ︀ီက︀ႃတ︀ႃႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 2:25

ဢ︀ꩫ︀်ႈꩫ︀င︀်ꩭူဝ်ꩡ︀ႂ်ႈက︀ူꩫ︀်းမ︀ႆ︀ႛ ယ︀င︀်းꩫ︀ႆ︀ႇၵ︀ဝ် တ︀င︀်းမ︀ိူင︀်းမ︀ႆ︀ႛ မ︀ꩫ︀်းꩡ︀ဝ်ႛတ︀ွင︀်းဢ︀ူ။ မ︀ꩫ︀်းꩡ︀ဝ်ႛမ︀ႆ︀ႛ ၸ︀ႂ်က︀ေႃႇꩵ︀ႈဝႃႈၵ︀ႆ︀ႈ။

ယ︀ေႃးꩭၢꩫ︀် 5:14

ဝႆ︀ၢးဢ︀မ︀ႂ်း မ︀ꩫ︀်းမ︀ႆ︀ႛ ꩡ︀ဝ်ႛယ︀ေꩬ︀ု က︀ꩫ︀်ႛꩫ︀ႂ်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ꩭꩫ︀်ပ︀ွက︀်ႉက︀ီး “လ︀ႅမ︀်းလ︀ႃး၊ မ︀ႂ်းင︀ႆ︀ႚဢ︀ူꩫ︀ီႈမ︀ႃးယ︀ဝ်ႇ။ လ︀ႃႉꩫ︀ႆ︀ႇ ဢ︀ပ︀ႅတ︀်ႉပ︀ီꩭီတ︀်ဢ︀ိက︀်ဢ︀ိူဝ်၊ ꩫ︀ႆ︀ႇမ︀ဝ်ꩡ︀ႂ်ႈက︀ီး ၵ︀ႆ︀ႇမ︀ဝ်က︀ႃးတ︀ီပ︀ီꩫ︀်ႈꩬ︀ႃး” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 11:23

ၿႃꩫ︀ၿယ︀ႃႇ ဝီင︀်းဢ︀မ︀ႂ်းမ︀ႆ︀ႛထိုင︀်ꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ꩬ︀ီ ꩭီတ︀်က︀ျေးꩡ︀ူးꩭႂ်ႛမ︀ႃးꩫ︀ꩫ︀ႆ︀ႇꩭꩫ︀်က︀ီး ꩭုမ︀်ꩡ︀ူမ︀်းꩬ︀ီ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ဝ်တ︀င︀်းꩡ︀ႂ်ႈတ︀င︀်းၵ︀ူဝ်းယ︀ုမ︀်ယ︀မ︀်ႈꩬ︀ီ ꩬ︀ႅတ︀်ႉꩡ︀ႃယ︀င︀်းက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ႂ်ꩭႅင︀်းꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 14:9

မ︀ꩫ︀်းယ︀ႃႇ ဢ︀ꩫ︀်ႈပ︀ေႃလ︀ုꩭူဝ်းမ︀ႆ︀ႛ ꩫ︀င︀်ႈင︀ႆ︀းထွမ︀်ꩬ︀ီဢ︀ူꩰ။ မ︀ꩫ︀်းမ︀ႆ︀ႛ ပ︀ေႃလ︀ုꩫ︀ူႈꩫ︀ီႈꩫ︀ီႈက︀ီး တ︀ိꩫ︀်ႈမ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ီႈꩭႂ်ႛပ︀ီꩫ︀်ႈဢ︀ူꩫ︀ꩫ︀ႆ︀ႇမ︀ႆ︀ႛ မ︀ꩫ︀်းယ︀ုမ︀်ယ︀မ︀်ႈဢ︀ူꩫ︀ꩬ︀ီꩭꩫ︀်ဢ︀ူ။

ထဝ်ꩡ︀တ︀်ႉၵ︀ဝ် 5:31

ꩭႂ်ႛပ︀ူဝ်းဢ︀ီတ︀်ꩬ︀ြေးၵ︀ဝ် ꩬ︀ၢင︀်ဝွေꩬ︀ီ လ︀ုက︀်ႉဢ︀ပ︀ႅတ︀်ႉၵ︀ဝ်မ︀ႆ︀ႛ ꩫ︀ႆ︀ႛလ︀ွတ︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛဢ︀မ︀ႂ်းမ︀ႆ︀ႛ ꩭႂ်ႛꩡ︀ၢမ︀်ပ︀ႃႛၵ︀ႃမ︀ꩫ︀်းꩡ︀ဝ်ႛꩬ︀ီ ဢ︀ဝ်ႈပ︀ီꩫ︀်ႈꩡ︀ဝ်ႛꩡ︀ွမ︀်ႈ၊ ဢ︀ဝ်ႈပ︀ီꩫ︀်ႈꩡ︀ဝ်ႛၵ︀ေꩬ︀ေယ︀ဝ်ႇ။

က︀ေႃရ︀ိꩫ︀်တ︀ု ႑ 11:30

င︀ႆ︀းꩫ︀ႆ︀ႇꩬ︀ီ ꩬ︀ူက︀ီလ︀ႆ︀ၢက︀ူဝ်ႇၵ︀ႆ︀ႛက︀ꩫ︀်ႈ ꩭႅင︀်းဢ︀ေက︀ꩫ︀်ႈင︀ႆ︀း မ︀ၢင︀်ႈၸ︀ွင︀်းယ︀ႃႇ တ︀ႆ︀ၢႈက︀ႃယ︀ဝ်ႇ။

က︀ေႃရ︀ိꩫ︀်တ︀ု ႒ 2:10

က︀ူဝ်ႇဢ︀ꩫ︀်ႈꩬ︀ူပ︀ွႆ︀ဢ︀ပ︀ႅတ︀်ႉꩭႂ်ႛမ︀ႆ︀ႛ က︀ဝ်ႈက︀ေႃႇ ပ︀ွႆ︀ꩭႂ်ႛဢ︀ူ။ လ︀ွင︀်ႈဢ︀ွꩫ︀်လ︀ွင︀်ႈဢ︀ႅꩫ︀် ဢ︀ꩫ︀်ႈက︀ႃႈꩡ︀ိုဝ်ႈ က︀ဝ်ႈပ︀ွႆ︀ꩭႂ်ႛမ︀ႃးꩫ︀ႆ︀ႇယ︀ႃႇ ပ︀ၢင︀်ႈꩫ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩡ︀ႃႇဢ︀က︀ိဝ်းꩬ︀ူ ပ︀ွႆ︀ꩭႂ်ႛꩫ︀မ︀်။

ဢ︀ေၸ︀ႅတ︀် 2:8

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးပ︀ိူဝ်ႈက︀ျေးꩡ︀ူးꩡ︀ဝ်ႛꩬ︀ီ ဢ︀ဝ်ႈတ︀ၢင︀်းယ︀ုမ︀်ယ︀မ︀်ႈꩫ︀မ︀် ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛꩫ︀ႆ︀ႇ။ ꩭဝ်းက︀မ︀်ႈက︀ႅင︀်းပ︀ီꩫ︀်ႈꩬ︀ီꩵ︀ႈꩡ︀ႂ်ႈ။ ဢ︀ꩫ︀်ႈမ︀ꩫ︀်းꩡ︀ဝ်ႛꩭႂ်ႛꩫ︀ႆ︀ၢႈꩫ︀မ︀်။ င︀ႆ︀းꩫ︀ႆ︀ႇꩬ︀ီ ၸ︀ႂ်က︀ေႃႇ ဢ︀ꩫ︀်ႈဝႃႈက︀မ︀်ႇလ︀ွင︀်ႛꩵ︀ႈယ︀င︀်း။

က︀ေႃလ︀ေႃတ︀ႄ 3:13

က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩬ︀ေးၵ︀ၢမ︀်ꩬ︀ီ ဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉက︀ꩫ︀်ႈယ︀င︀်းꩫ︀က︀ေႃႇ ဢ︀ပ︀ႅတ︀်ႉပ︀ွႆ︀ꩭႂ်ႛက︀ꩫ︀်ႈတ︀ႃႉ။ ꩫ︀င︀်ꩬ︀ူမ︀ႆ︀ႛ ꩡ︀ဝ်ႛၵ︀ရ︀ီတ︀်ဢ︀ပ︀ႅတ︀်ႉ ပ︀ွႆ︀ꩭႂ်ႛꩫ︀က︀ꩫ︀်ႈ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဝႃႈပ︀ွႆ︀ꩭႂ်ႛက︀ꩫ︀်ႈꩫ︀မ︀်။

ယ︀ႃက︀ု 5:15

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ီႈꩫ︀ီႈ ꩬ︀ီ ယ︀ွꩫ︀်းꩬ︀ူးက︀ီး ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ၸ︀ူႛၵ︀ႆ︀ႛမ︀ႆ︀ႛ ဢ︀ဝ်ႈꩫ︀ီႈꩭႂ်ႛꩬ︀ီ ဢ︀ပ︀ႅတ︀်ႉဢ︀ꩫ︀်ႈမ︀ꩫ︀်းၸ︀ိတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛဢ︀ူ။