မ︀ႃက︀ု 2:16 - Khamti Shan

¹⁶ င︀ႆ︀းꩬ︀ီ မ︀ꩫ︀်းꩡ︀ဝ်ႛတ︀င︀်းၵ︀ဝ်ꩭူမ︀်ႈက︀ိꩫ︀်ႈꩬ︀ီဢ︀ူꩫ︀ႆ︀ႇမ︀ႆ︀ႛ ꩬ︀ြႃတ︀ြႃးဢ︀ꩫ︀်ႈပ︀ီꩫ︀်ႈၸ︀ႃရ︀ိꩬ︀ႄꩫ︀ႆ︀ႇၵ︀ဝ်ꩭꩫ︀်က︀ီး “ꩭီတ︀်က︀ꩬ︀င︀်ꩫ︀ႆ︀တ︀င︀်းက︀ူꩫ︀်းဢ︀ꩫ︀်ႈꩫ︀ႆ︀ႇၵ︀ဝ်ꩬ︀လ︀ႂ်ႈ ꩭူမ︀်ႈက︀ိꩫ︀်ႈꩫ︀ႆ︀ႇ” ꩫ︀ꩬ︀ီတ︀ပ︀ေးꩡ︀ဝ်ႛၵ︀ဝ်မ︀ႆ︀ႛထၢမ︀်ဢ︀ူ။

မ︀ႃက︀ု 2:16 ပူးပေါင်းရင်းမြစ်များ

မ︀တ︀်တ︀ႄး 18:17

ꩬ︀င︀်ဝႃႈမ︀ꩫ︀်းမ︀ဝ်ꩬ︀ၢင︀်ဝွေက︀ီး လ︀ွင︀်ႈဢ︀ꩫ︀်ႈမ︀ꩫ︀်းၸ︀ိတ︀်မ︀ႃးꩫ︀ႆ︀ႇ ꩡ︀ိူဝ်းမ︀ႆ︀ႛၵ︀ႆ︀ႈꩭႂ်ႛတ︀ႃႉ။ င︀ႆ︀းꩬ︀ီက︀ေႃႇ မ︀ꩫ︀်းမ︀ဝ်ꩬ︀ၢင︀်ဝွေက︀ီး မ︀ꩫ︀်းမ︀ႆ︀ႛꩫ︀င︀်က︀ူꩫ︀်းက︀ꩫ︀်ႛꩫ︀ွက︀်ႉꩡ︀ိူဝ်းꩫ︀က︀ꩫ︀်ႈ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩫ︀င︀်ၸ︀ူႛမ︀ၢပ︀်ႉလ︀ုပ︀်ႉꩫ︀က︀ꩫ︀်ႈမ︀တ︀်ႉၵ︀ွတ︀်တ︀ႃႉ။

မ︀တ︀်တ︀ႄး 5:46

က︀ူဝ်ႇဢ︀ꩫ︀်ႈꩬ︀ူမ︀ႆ︀ႛꩭၢက︀်ႉမ︀ႆ︀ႛꩫ︀ႆ︀ၢႈꩬ︀ိုင︀် ꩬ︀ူꩭၢက︀်ႉက︀ီး ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀က︀ိဝ်းꩵ︀ႈပ︀ူင︀်ႈꩭႂ်ႛ။ တ︀ိူက︀်ႉၵ︀ႆ︀ႇꩫ︀ႆ︀ၢႈယ︀ႃႇ ၸ︀ူႛက︀ီပ︀်ၵ︀ွꩫ︀်ꩫ︀ႆ︀ႇၵ︀ဝ်ꩫ︀ႆ︀ၢႈက︀ေႃႇꩭီတ︀်ဢ︀ူ။

မ︀တ︀်တ︀ႄး 9:11

ꩫ︀ႆ︀ႇမ︀ႆ︀ႛ ၸ︀ႃရ︀ိꩬ︀ႄꩫ︀ႆ︀ႇၵ︀ဝ် ꩭꩫ︀်က︀ီး “ꩭီတ︀်က︀ꩬ︀င︀်ꩫ︀ႆ︀ ꩬ︀ြႃꩬ︀ူယ︀ႃႇ တ︀င︀်းက︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်ꩬ︀လ︀ႂ်ႈ ꩭူမ︀်ႈက︀ိꩫ︀်ႈၵ︀ဝ်ႛꩫ︀ႆ︀ႇ” ꩫ︀ꩬ︀ီ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛထၢမ︀်ဢ︀ူ။

မ︀ႃက︀ု 2:15

ဝၢႆ︀းꩫ︀ႆ︀ႇꩡ︀ဝ်ႛယ︀ေꩬ︀ုက︀ႃꩭိူꩫ︀်းလ︀ေဝိဢ︀ူ။ ꩭိူꩫ︀်းလ︀ေဝိမ︀ႆ︀ႛ မ︀ိူဝ်ႈတ︀င︀်းတ︀ပ︀ေးꩡ︀ဝ်ႛၵ︀ဝ် က︀ိꩫ︀်ႈၵ︀ဝ်ႛက︀ꩫ︀်ႈꩬ︀ီဢ︀ူꩫ︀ႆ︀ႇ ၸ︀ူႛက︀ီပ︀်ၵ︀ွꩫ︀်ꩫ︀ႆ︀ႇၵ︀ဝ်၊ က︀ူꩫ︀်းဢ︀ꩫ︀်ႈဢ︀ပ︀ႅတ︀်ႉꩫ︀ႃꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်ꩡ︀ွမ︀်းမ︀ႃးꩬ︀ီ တ︀င︀်းၵ︀ဝ်ꩡ︀ဝ်ႛꩭူမ︀်ႈက︀ိꩫ︀်ႈဢ︀ူ။

လ︀ုက︀ႃ 18:11

ၸ︀ႃရ︀ိꩬ︀ႄꩫ︀ႆ︀ႇ လ︀ုက︀်ႉင︀ႆ︀း လ︀ွင︀်ႈမ︀ꩫ︀်းꩡ︀ဝ်ႛꩫ︀ႆ︀ၢႈဝႃႈꩬ︀ီ ယ︀ွꩫ︀်းꩬ︀ူးꩫ︀ႆ︀ႇယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ႃႛ က︀ဝ်ႈၵ︀ႃႛယ︀ႃႇ ꩫ︀င︀်ပ︀ိူꩫ︀်ႈꩫ︀က︀ꩫ︀်ႈ ဢ︀ပ︀ႅတ︀်ႉမ︀ဝ်ယ︀င︀်းꩬ︀ီ ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛတ︀ီၵ︀ႃႛဢ︀ူ။ က︀ဝ်ႈၵ︀ႃႛ ꩫ︀င︀်ပ︀ိူꩫ︀်ႈꩫ︀က︀ꩫ︀်ႈ လ︀ေႃးၸ︀ႃးꩵ︀ႈယ︀ႂ်၊ ꩵ︀ႈလ︀ိက︀်င︀ွက︀်၊ ꩭွင︀်ႛꩭိူꩫ︀်းပ︀ိူꩫ︀်ႈက︀ေႃႇ ꩵ︀ႈၸ︀ိတ︀်။ ꩫ︀င︀်ၸ︀ူႛက︀ီပ︀်ၵ︀ွꩫ︀်ပ︀ုꩫ︀်ႛꩫ︀ႆ︀ႇꩫ︀က︀ꩫ︀်ႈက︀ေႃႇ ꩵ︀ႈꩡ︀ႂ်ႈတ︀ီၵ︀ႃႛ။

လ︀ုက︀ႃ 19:10

လ︀ုက︀်ႉက︀ူꩫ︀်းယ︀ႃႇ က︀ူꩫ︀်းဢ︀ꩫ︀်ႈꩭႆ︀ၢꩫ︀ႆ︀ႇၵ︀ဝ်မ︀ႆ︀ႛ ၵ︀ႃꩬ︀ီၵ︀ေꩬ︀ေက︀ွတ︀်ꩫ︀ꩬ︀ီ က︀ျွႃးမ︀ႃးꩫ︀မ︀်” ꩫ︀ဝꩫ︀်ႇ။

လ︀ုက︀ႃ 19:7

ꩫ︀ႆ︀ႇမ︀ႆ︀ႛ ꩭꩫ︀်က︀ီး က︀ူꩫ︀်းꩫ︀ႆ︀ႇၵ︀ဝ်ယ︀ႃႇ “မ︀ꩫ︀်းꩡ︀ဝ်ႛယ︀ႃႇ ꩭလ︀ိုဝ်လ︀ိူဝ်း၊ ꩭိူꩫ︀်းက︀ူꩫ︀်းဢ︀ꩫ︀်ႈဢ︀ပ︀ႅတ︀်ႉꩫ︀ႃမ︀ႆ︀ႛꩬ︀လ︀ႂ်ႈ က︀ႃꩬ︀ဝ်းꩫ︀ႆ︀ႇ” ꩫ︀ꩬ︀ီက︀ေးလ︀ေးက︀ꩫ︀်ႈဢ︀ူ။

လ︀ုက︀ႃ 5:30

မ︀ိူဝ်ႈဢ︀မ︀ႂ်း ၸ︀ႃရ︀ိꩬ︀ႄꩫ︀ႆ︀ႇၵ︀ဝ်င︀ႆ︀း ꩬ︀ြႃတ︀ြႃးဢ︀ꩫ︀်ႈပ︀ီꩫ︀်ႈၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ တ︀ပ︀ေးꩡ︀ဝ်ႛယ︀ေꩬ︀ုၵ︀ဝ်မ︀ႆ︀ႛ “ꩭလ︀ိုဝ်ꩫ︀ႆ︀ ꩬ︀ူယ︀ႃႇတ︀င︀်းၸ︀ူႛက︀ီပ︀်ၵ︀ွꩫ︀်ꩫ︀ႆ︀ႇၵ︀ဝ်၊ တ︀င︀်းက︀ူꩫ︀်းဢ︀ꩫ︀်ႈဢ︀ပ︀ႅတ︀်ႉꩫ︀ႃꩫ︀ႆ︀ႇၵ︀ဝ်ꩬ︀လ︀ႂ်ႈ ꩭူမ︀်ႈက︀ိꩫ︀်ႈꩫ︀ႆ︀ႇ” ꩫ︀ꩬ︀ီက︀ေးလ︀ေးက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 23:9

ဢ︀ꩫ︀်ႈၵ︀ဝ်ဢ︀ုက︀်က︀ꩫ︀်ႈꩫ︀ႆ︀ႇ ဢ︀ေႈၵ︀ႅꩫ︀်းꩭႅင︀်းမ︀ႃးက︀ီး ꩬ︀ြႃတ︀ြႃးၸ︀ူႛၵ︀ဝ်ႛက︀ုမ︀်ႛၸ︀ႃရ︀ိꩬ︀ႄက︀မ︀်ႈၸ︀ွင︀်းလ︀ုက︀်ႉꩬ︀ီ “မ︀ꩫ︀်းမ︀ႆ︀ႛဢ︀ꩫ︀်ႈၸ︀ိတ︀်က︀ꩬ︀င︀်က︀ေႃႇꩵ︀ႈꩭꩫ︀်၊ ၵ︀ွꩫ︀်ပ︀ႃးလ︀ိူင︀်ႈမ︀ဝ်ꩡ︀ႂ်ႈက︀ီး ၵ︀ုꩫ︀်ꩬ︀ၢင︀်ပ︀ႃးလ︀ိူင︀်ႈ မ︀ꩫ︀်းမ︀ႆ︀ႛဝႃႈမ︀ႃးတ︀ေႇတ︀ေႇꩵ︀ထၢင︀်ႇ” ꩫ︀ꩬ︀ီထီင︀်ဢ︀ၵ︀ႅက︀်ႉက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႑ 2:15

က︀ူꩫ︀်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းယ︀ႃႇ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ တ︀ႅပ︀်ၵ︀ꩫ︀်ꩡ︀ၢင︀်ႈဢ︀ူ။ ꩫ︀ႆ︀ႇꩫ︀က︀ေႃႇ မ︀ꩫ︀်းမ︀ႆ︀ႛယ︀ႃႇၸ︀ႂ်က︀ေႃႇ တ︀ႅပ︀်ၵ︀ꩫ︀်ꩵ︀ႈပ︀ီꩫ︀်ႈ။

ꩭေပ︀ရ︀ူး 12:3

မ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းဢ︀ꩫ︀်ႈဢ︀ပ︀ႅတ︀်ႉယ︀င︀်းꩫ︀ႆ︀ႇၵ︀ဝ် ꩬ︀ၢꩫ︀်တ︀ၢꩫ︀်းမ︀ႃးꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈၵ︀ၢမ︀်မ︀ႃးꩫ︀ꩫ︀ႆ︀ႇမ︀ႆ︀ႛ ၵ︀ႂ်ႈꩡ︀ႂ်ႈက︀ꩫ︀်ႈတ︀ႃႉ။ င︀ႆ︀းက︀ီး ꩬ︀ူꩡ︀ႂ်ႈꩵ︀ႈၸ︀ေႛ၊ ꩵ︀ႈꩫ︀ုꩫ︀်း။