မ︀ႃက︀ု 16:17 - Khamti Shan

¹⁷ က︀ူꩫ︀်းဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ တ︀ꩫ︀်းၵ︀ူဝ်းဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် တ︀ီပ︀ျႃးပ︀ီꩫ︀်ႈက︀ꩫ︀်ႈꩫ︀မ︀်။ ၵ︀ဝ်ယ︀ႃႇꩡ︀ိုဝ်ႈက︀ဝ်ႈမ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ၸ︀ီꩭၢႆ︀ႇꩫ︀ႆ︀ႇၵ︀ဝ်မ︀ႆ︀ႛ တ︀ီꩭူဝ်ႛဢ︀ွက︀်က︀ꩫ︀်ႈꩫ︀မ︀်။ ၵ︀ၢမ︀်းတ︀ၢင︀်ၸ︀ꩫ︀်းဢ︀ꩫ︀်ႈမ︀ႂ်ꩫ︀ႆ︀ႇၵ︀ဝ်က︀ေႃႇ ၵ︀ဝ်တ︀ီတ︀ၢꩫ︀်ႛက︀ꩫ︀်ႈꩫ︀မ︀်။

မ︀ႃက︀ု 16:17 ပူးပေါင်းရင်းမြစ်များ

မ︀ႃက︀ု 9:38

ယ︀ေႃးꩭၢꩫ︀်ယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ “ꩡ︀ဝ်ႛꩴ︀း က︀ူꩫ︀်းဢ︀ꩫ︀်ႈၸ︀ီꩭင︀်ႛꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩡ︀ိုဝ်ႈမ︀ႂ်းꩡ︀ဝ်ႛꩭူဝ်ႛဢ︀ွက︀်ꩫ︀ႆ︀ႇမ︀ႆ︀ႛ တ︀ူၵ︀ႃႛꩭꩫ︀်မ︀ႃးတ︀ီၵ︀ႃႛဢ︀ူ။ မ︀ꩫ︀်းယ︀ႃႇပ︀ူက︀်ႉꩭဝ်းၵ︀ႃႛမ︀ႆ︀ႛ မ︀ဝ်လ︀ွေႛꩫ︀ႆ︀ႇꩬ︀ီ ꩭႂ်ႛပ︀ူဝ်းမ︀ဝ်က︀ၢပ︀်ꩭီတ︀်င︀ႆ︀းꩫ︀ႆ︀ႇ မ︀ꩫ︀်းမ︀ႆ︀ႛ တ︀ူႈၵ︀ႃႛꩡ︀တ︀်ဝႆ︀ႇတ︀ီၵ︀ႃဢ︀ူ” ꩫ︀ꩬ︀ီꩬ︀ွက︀်ႉဢ︀ူ။

လ︀ုက︀ႃ 10:17

တ︀ပ︀ေးꩡ︀ဝ်ႛꩡ︀ီတ︀်ꩬ︀ိပ︀်ꩬ︀ွင︀်က︀ူဝ်ႇၵ︀ဝ် ꩡ︀ူမ︀်းꩰꩭုမ︀်ꩰပ︀ွက︀်ႉမ︀ႃးꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ “ꩡ︀ဝ်ႛꩴ︀း ꩡ︀ိုဝ်ႈမ︀ႂ်းꩡ︀ဝ်ႛတ︀ိုဝ်းꩬ︀ီ တ︀ူႈၵ︀ႃႛဝႃႈက︀ီး ၸ︀ီꩭၢႆ︀ႇꩫ︀ႆ︀ႇၵ︀ဝ်တ︀မ︀ိူင︀်းက︀ေႃႇ ထွမ︀်ꩡ︀ွမ︀်းက︀ꩫ︀်ႈတ︀ီၵ︀ႃႛဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 14:12

က︀ဝ်ႈꩬ︀ိုဝ်ႈꩰဝႃႈက︀ွတ︀်။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇ ဢ︀ꩫ︀်ႈက︀ဝ်ႈꩭီတ︀်ꩫ︀ႆ︀ႇၵ︀ဝ်တ︀ီꩭီတ︀်ꩬ︀ႃး။ ဢ︀ꩫ︀်ႈဢ︀မ︀ႂ်းမ︀ႆ︀ႛ ယ︀ႂ်ꩬ︀ႃꩫ︀ႆ︀ႇၵ︀ဝ်တ︀မ︀ိူင︀်းက︀ေႃႇ တ︀ီꩭီတ︀်ꩬ︀ႃး။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈတ︀ီက︀ႃပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ီꩫ︀မ︀်။

ထဝ်ꩡ︀တ︀်ႉၵ︀ဝ် 10:46

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇ ၵ︀ၢမ︀်းတ︀ၢင︀်ၸ︀ꩫ︀်းဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးꩫ︀ႆ︀ႇၵ︀ဝ်တ︀ၢꩫ︀်ႛက︀ꩫ︀်ႈင︀ႆ︀း ယ︀ူဝ်းယ︀ွင︀်ႛမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ꩫ︀်ႈꩫ︀ႆ︀ႇမ︀ႆ︀ႛ ၵ︀ဝ်ꩭꩫ︀်ꩬ︀ီꩫ︀မ︀်။

ထဝ်ꩡ︀တ︀်ႉၵ︀ဝ် 16:18

င︀ႆ︀းꩬ︀ီ ၸ︀ူႛယ︀ိင︀်းဢ︀ွꩫ︀်ဢ︀မ︀ႂ်း လ︀ႆ︀ၢဝꩫ︀်းဢ︀ိဝ်ꩬ︀ီဢ︀ူꩫ︀ႆ︀ႇꩬ︀ီ ပ︀ေႃလ︀ု ꩡ︀ႂ်ႈꩬ︀ဝ်ႛမ︀ႃးင︀ႆ︀းꩬ︀ီ က︀ꩫ︀်ႛလ︀င︀်မ︀ႆ︀ႛဝိꩫ︀်င︀ႆ︀း “ꩭိူဝ်း ၸ︀ီမ︀ိက︀်ႉꩬ︀ႃ မ︀ႂ်းမ︀ႆ︀ႛဢ︀ဝ်ႈꩡ︀ိုဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀မ︀ိင︀်းꩭႂ်ႛဢ︀ူ။ လ︀ုက︀်ႉမ︀ꩫ︀်းမ︀ႆ︀ႛ ဢ︀ွက︀်က︀ႃတ︀ႃႉ” ꩫ︀က︀ီး ၸ︀ီဢ︀မ︀ႂ်းက︀ꩡ︀ူးဢ︀ွက︀်က︀ႃဢ︀ူ။

ထဝ်ꩡ︀တ︀်ႉၵ︀ဝ် 19:6

ပ︀ေႃလ︀ုယ︀ႃႇ ၵ︀ဝ်မ︀ႆ︀ႛ မ︀ိုဝ်းတ︀ၢင︀်က︀ီး ၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်ႛမ︀ႃးဢ︀ူ။ ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ ၵ︀ၢမ︀်းတ︀ၢင︀်ၸ︀ꩫ︀်းဢ︀ꩫ︀်ႈလ︀ၢက︀်လ︀ၢႆ︀းꩫ︀ႆ︀ႇၵ︀ဝ် တ︀ၢꩫ︀်ႛက︀ꩫ︀်ႈဢ︀ူ။ တ︀ြႃးၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭူဝ်းက︀ꩫ︀်ႈတ︀ႅဝ်က︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 2:33

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈၵ︀ိုꩫ︀်ႛက︀ႃဢ︀ူပ︀ႃႛၵ︀ႃမ︀ꩫ︀်းꩡ︀ဝ်ႛဝႆ︀ႇယ︀ဝ်ႇ။ ယ︀ဝ်ႇက︀ီး ꩫ︀င︀်မ︀ꩫ︀်းꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛ ပ︀ူင︀်ႈဢ︀ၢပ︀်ႉꩭႂ်ႛယ︀ဝ်ႇ။ ဢ︀ꩫ︀်ႈင︀ႆ︀ႚꩬ︀ူꩭꩫ︀်က︀ꩫ︀်ႈ၊ ꩫ︀ႆ︀ႛꩥ︀ိꩫ︀်းက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ꩬ︀ူးက︀ျေးꩡ︀ူးဢ︀ꩫ︀်ႈꩡ︀ဝ်ႛယ︀ေꩬ︀ု တ︀ူႈမ︀ႆ︀ႛတ︀ၢင︀်ႇလ︀ိူင︀်ႈ ပ︀ူင︀်ႈဢ︀ၢပ︀်ႉꩭႂ်ႛဝႆ︀ႇꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 5:16

ၸ︀ုင︀်က︀ူꩫ︀်းဢ︀ꩫ︀်ႈလ︀ုက︀်ႉမ︀ၢꩫ︀်ႛတ︀ူင︀်ႇဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်က︀ေႃႇ ၸ︀ူႛၵ︀ႆ︀ႛꩫ︀ႆ︀ႇၵ︀ဝ်၊ က︀ူꩫ︀်းဢ︀ꩫ︀်ႈၸ︀ီၵ︀ဝ်ႛꩫ︀ႆ︀ႇၵ︀ဝ် ꩭွင︀်ႇမ︀ႃးက︀ꩫ︀်ႈဢ︀ူ။ က︀ူꩫ︀်းဢ︀မ︀ႂ်းၵ︀ဝ်တ︀င︀်းမ︀ိူင︀်းက︀ေႃႇ ယ︀ေႃးက︀ႃ ꩫ︀ီႈက︀ႃက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 8:7

လ︀ုက︀်ႉက︀ူꩫ︀်းဢ︀ꩫ︀်ႈၸ︀ီၵ︀ဝ်ႛဢ︀ၢꩫ︀်တ︀ၢꩫ︀်မ︀ႆ︀ႛ ၸ︀ီꩭၢႆ︀ႇꩫ︀ႆ︀ႇၵ︀ဝ် ဢ︀ိဝ်ꩬ︀ႅꩫ︀်ꩬ︀ီဢ︀ွက︀်က︀ႃမ︀ူတ︀်ဢ︀ူ။ က︀ူꩫ︀်းဢ︀ꩫ︀်ႈꩬ︀ိက︀်ႉၵ︀ိင︀်းတ︀ႆ︀ၢႈꩫ︀ႆ︀ႇၵ︀ဝ်၊ က︀ူꩫ︀်းဢ︀ꩫ︀်ႈတ︀ိꩫ︀်ႈမ︀ိုဝ်းမ︀ဝ်ꩫ︀ီႈꩫ︀ႆ︀ႇၵ︀ဝ်က︀ေႃႇ ꩫ︀ီႈက︀ႃက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႑ 12:10

ၵ︀ိုꩫ︀်းꩫ︀က︀ဝ် က︀ူဝ်ႇလ︀ိူင︀်ႈမ︀ႆ︀ႛယ︀ႃႇ ꩬ︀ူးတ︀ꩫ︀်းၵ︀ူဝ်းဢ︀ꩫ︀်ႈꩭီတ︀်ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း၊ တ︀ၢင︀်က︀ူဝ်ႇမ︀ႆ︀ႛယ︀ႃႇ ꩬ︀ူးဢ︀ꩫ︀်ႈꩭူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ၊ တ︀ၢင︀်က︀ူဝ်ႇမ︀ႆ︀ႛယ︀ႃႇ ꩬ︀ူးဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇ ꩡ︀ႂ်ႈမ︀ဝ်ꩡ︀ႂ်ႈꩫ︀ꩬ︀ီ က︀ၢက︀်ႉဢ︀ဝ်ႈꩡ︀ၢင︀်ႈꩭႂ်ႛ၊ တ︀ၢင︀်က︀ူဝ်ႇမ︀ႆ︀ႛယ︀ႃႇ ꩬ︀ူးဢ︀ꩫ︀်ႈတ︀ၢꩫ︀်ႛၵ︀ၢမ︀်းလ︀ၢက︀်လ︀ႆ︀ၢးꩡ︀ၢင︀်ႈꩫ︀ႆ︀ႇꩭႂ်ႛꩬ︀ီ တ︀ၢင︀်က︀ူဝ်ႇမ︀ႆ︀ႛယ︀ႃႇ ꩬ︀ူးဢ︀ꩫ︀်ႈၵ︀ၢမ︀်းဢ︀မ︀ႂ်းမ︀ႆ︀ႛ ၸ︀ုꩫ︀်ႇတ︀ီႈပ︀ွင︀်ꩡ︀ၢင︀်ႈꩫ︀ႆ︀ႇ ꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 12:28

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ တ︀ီႈၸ︀ႂ်တ︀ီႈမ︀ꩫ︀်းꩡ︀ွင︀်ဝႆ︀ႇဢ︀ူ။ ꩭူဝ်က︀ူဝ်လ︀ေႚလ︀ေႚမ︀ႆ︀ႛယ︀ႃႇ တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်၊ ထတ︀်ꩫ︀ႆ︀ႇယ︀ႃႇ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်၊ ထတ︀်ꩫ︀ႆ︀ႇယ︀ႃႇ ꩬ︀ြႃꩫ︀ႆ︀ႇၵ︀ဝ်၊ ယ︀ဝ်ႇက︀ီး ၸ︀ူႛပ︀ျႃးတ︀ꩫ︀်းၵ︀ူဝ်းꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈဢ︀ဝ်ႈꩫ︀ီႈယ︀ေႃးက︀ႃပ︀ီꩫ︀်ႈꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈꩡ︀ွႆ︀ႈပ︀ိူꩫ︀်ႈꩫ︀ႆ︀ႇၵ︀ဝ်၊ ၸ︀ူႛဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်၊ ၸ︀ူႛတ︀ၢꩫ︀်ႛၵ︀ၢမ︀်းလ︀ၢက︀်လ︀ႆ︀ၢးက︀ူႈၸ︀ꩫ︀်းꩰꩫ︀ႆ︀ႇၵ︀ဝ် ꩡ︀ွင︀်ဝႆ︀ႇဢ︀ူ။

က︀ေႃရ︀ိꩫ︀်တ︀ု ႑ 12:30

ဢ︀ဝ်ႈꩫ︀ီႈယ︀ေႃးက︀ႃက︀ေႃႇꩵ︀ႈပ︀ီꩫ︀်ႈ။ ၵ︀ၢမ︀်းလ︀ၢက︀်လ︀ႆ︀ၢးက︀ေႃႇ တ︀ၢꩫ︀်ႛꩵ︀ႈပ︀ီꩫ︀်ႈ။ ၸ︀ုꩫ︀်ႇတ︀ီႈပ︀ွင︀်ၵ︀ၢမ︀်းဢ︀မ︀ႂ်းက︀ေႃႇꩵ︀ႈပ︀ီꩫ︀်ႈ။

က︀ေႃရ︀ိꩫ︀်တ︀ု ႑ 13:1

ꩬ︀င︀်ဝႃႈက︀ဝ်ႈ ၵ︀ၢမ︀်းက︀ူꩫ︀်းက︀ူႈၸ︀ꩫ︀်းꩡ︀ၢင︀်ႈꩬ︀ီ ꩡ︀ိူမ︀်ႈက︀ႃႈၵ︀ၢမ︀်းၵ︀ုꩫ︀်ꩬ︀ၢင︀်တ︀မ︀ိူင︀်းꩡ︀ၢင︀်ႈꩫ︀က︀ေႃႇ က︀ဝ်ႈမ︀ႆ︀ႛမ︀ႅတ︀်ႉတ︀ႃမ︀ဝ်ယ︀င︀်းက︀ီး ၵ︀ၢမ︀်းဢ︀ꩫ︀်ႈက︀ဝ်ႈတ︀ၢꩫ︀်ႛꩫ︀ႆ︀ႇယ︀ႃႇ ꩫ︀င︀်ꩬ︀ီင︀်ယ︀ၢမ︀်းမ︀ွင︀်ꩫ︀က︀ꩫ︀်ႈ ꩫ︀င︀်ꩬ︀ီင︀်ပ︀ႆ︀ၢꩬ︀ႅင︀်ꩫ︀က︀ꩫ︀်ႈꩫ︀ႆ︀ၢႈꩫ︀မ︀်တ︀ီပ︀ီꩫ︀်ႈꩫ︀ႆ︀ႇ။

က︀ေႃရ︀ိꩫ︀်တ︀ု ႑ 14:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀ꩫ︀်ႈတ︀ၢꩫ︀်ႛၵ︀ၢမ︀်းလ︀ၢက︀်လ︀ၢႆ︀းꩫ︀ႆ︀ႇယ︀ႃႇ ဢ︀ꩫ︀်ႈက︀ူꩫ︀်းမ︀ႆ︀ႛတ︀ၢꩫ︀်ႛꩵ︀ႈꩡ︀ႂ်ႈ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ၢႈꩫ︀မ︀်တ︀ၢꩫ︀်ႛꩫ︀ႆ︀ႇ။ ဢ︀ꩫ︀်ႈမ︀ꩫ︀်းတ︀ၢꩫ︀်ႛမ︀ႆ︀ႛ ၸ︀ႂ်က︀ေႃႇꩵ︀ႈပ︀ွင︀်ꩡ︀ႂ်ႈ။ မ︀ꩫ︀်းယ︀ႃႇ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်ဝႃႈꩫ︀ႆ︀ႇ။