မ︀ႃက︀ု 16:14 - Khamti Shan

¹⁴ ဝၢႆ︀းဢ︀မ︀ႂ်း မ︀ိူဝ်ႈတ︀ပ︀ေးꩡ︀ဝ်ႛꩬ︀ိပ︀်ဢ︀ီတ︀်က︀ူဝ်ႇ ၸ︀ိူꩫ︀်မ︀ႆ︀ႛက︀ိꩫ︀်ႈၵ︀ဝ်ႛက︀ꩫ︀်ႈꩬ︀ီဢ︀ူꩫ︀ႆ︀ႇ ၵ︀ဝ်မ︀ႆ︀ႛꩡ︀ဝ်ႛယ︀ေꩬ︀ုပ︀ျႃးတ︀ူဝ်ႈဢ︀ူ။ မ︀ꩫ︀်းꩡ︀ဝ်ႛယ︀ႃႇ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ၵ︀ဝ်မ︀ဝ်ယ︀ုမ︀်ယ︀မ︀်ႈꩫ︀ႆ︀ႇလ︀ိူင︀်ႈ။ ဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇမ︀ႆ︀ႛ ၸ︀ူႛꩭꩫ︀်ꩫ︀ႆ︀ႇၵ︀ဝ် ၵ︀ႆ︀ႈꩫ︀က︀ေႃႇ ဝႃႈယ︀ပ︀်ၸ︀ႅဝ်ꩬ︀ီ ၵ︀ဝ်မ︀ဝ်ယ︀ုမ︀်ꩫ︀ႆ︀ႇလ︀ိူင︀်ႈ ၵ︀ဝ်မ︀ႆ︀ႛꩬ︀ုင︀်းမ︀ႃးဢ︀ူ။

မ︀ႃက︀ု 16:14 ပူးပေါင်းရင်းမြစ်များ

မ︀တ︀်တ︀ႄး 11:20

က︀ူꩫ︀်းဝီင︀်းဢ︀ꩫ︀်ႈꩡ︀ဝ်ႛယ︀ေꩬ︀ု ၵ︀ႅꩫ︀်းပ︀ျႃးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်ယ︀ႃႇ လ︀ုက︀်ႉဢ︀ပ︀ႅတ︀်ႉၵ︀ဝ်မ︀ႆ︀ႛ ꩵ︀ႈꩬ︀ၢင︀်ဝွေ။ င︀ႆ︀းꩬ︀ီ မ︀ꩫ︀်းꩡ︀ဝ်ႛ က︀ူꩫ︀်းဝီင︀်းဢ︀မ︀ႂ်းၵ︀ဝ်မ︀ႆ︀ႛ တ︀ၢင︀်ဢ︀ပ︀ႅတ︀်ႉꩫ︀ႆ︀ႇ

မ︀တ︀်တ︀ႄး 17:20

ꩡ︀ဝ်ႛယ︀ေꩬ︀ုယ︀ႃႇ “ဢ︀မ︀ႂ်း ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ီႈꩫ︀ီႈꩬ︀ီꩫ︀မ︀်။ ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ ꩬ︀ူၵ︀ꩫ︀်က︀ႃႈꩭွေၸ︀က︀်က︀တ︀်ꩫ︀ႆ︀ၢႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈတ︀ေႇတ︀ေႇက︀ီး ꩫ︀ွႆ︀ႈမ︀ႆ︀ႛတ︀မ︀ိူင︀်းက︀ေႃႇ “ꩬ︀ုတ︀်ႉတ︀ႃႉ” ꩫ︀က︀ီး ꩬ︀ုတ︀်ႉက︀ႃဢ︀ူ။ ဢ︀ꩫ︀်ႈꩬ︀ူꩭီတ︀်မ︀ဝ်ပ︀ီꩫ︀်ႈꩫ︀ꩫ︀ႆ︀ႇ ꩵ︀ႈယ︀င︀်းယ︀ဝ်ႇ။

မ︀တ︀်တ︀ႄး 28:17

မ︀ꩫ︀်းꩡ︀ဝ်ႛမ︀ႆ︀ႛꩭꩫ︀်က︀ီး ပ︀ႅပ︀်ႉၵ︀ုပ︀်ႉပ︀ႆ︀ၢႛဝႆ︀ႈက︀ꩫ︀်ႈဢ︀ူ။ ꩫ︀ႆ︀ႇꩫ︀ႆ︀ၢႈက︀ေႃႇ ၵ︀ဝ်က︀မ︀်ႈၸ︀ွင︀်းယ︀ႃႇ ꩵ︀ႈၵ︀ႂ်ႈယ︀ုမ︀်ꩫ︀ီႈꩫ︀ီႈ။

မ︀ႃက︀ု 7:18

မ︀ꩫ︀်းꩡ︀ဝ်ႛယ︀ႃႇ “ꩬ︀ူက︀ေႃႇၵ︀ႆ︀ႇလ︀ိူင︀်ႈက︀ျႃး ꩡ︀ႂ်ႈတ︀ꩫ︀်ႈꩫ︀ႆ︀ႇ။ ဢ︀ꩫ︀်ႈလ︀ုက︀်ႉက︀ꩫ︀်ႛꩫ︀ွက︀်ႉမ︀ႆ︀ႛ ၵ︀ဝ်ႛတ︀ူဝ်ႈက︀ူꩫ︀်းꩫ︀ႆ︀ႇ ဢ︀ꩫ︀်ႈလ︀ႂ်ႈက︀ေႃႇ က︀ꩫ︀်ႛꩫ︀ႂ်းꩡ︀ႂ်ႈမ︀ႆ︀ႛꩵ︀ႈၵ︀ဝ်ႛ။ က︀ꩫ︀်ႛꩫ︀ႂ်းꩬ︀ႆ︀ႛမ︀ႆ︀ႛꩫ︀ၢႆ︀ႈꩬ︀ိုင︀် ၵ︀ဝ်ႛက︀ႃꩬ︀ီ ꩭူဝ်ဢ︀ၢပ︀်မ︀ႆ︀ႛꩫ︀မ︀် ထိုင︀်က︀ႃꩫ︀ႆ︀ႇ။ င︀ႆ︀းꩬ︀ီ ဢ︀ꩫ︀်ႈက︀ꩫ︀်ႛꩫ︀ႂ်းတ︀ူဝ်ႈက︀ူꩫ︀်းမ︀ႆ︀ႛၵ︀ဝ်ႛꩫ︀ႆ︀ႇ က︀ူꩫ︀်းမ︀ႆ︀ႛꩵ︀ႈဢ︀ဝ်ႈယ︀ုက︀်ႉꩭင︀်ႛꩫ︀ꩫ︀ႆ︀ႇ ꩬ︀ူမ︀ဝ်တ︀ွင︀်းက︀ျႃး” ꩫ︀ဝꩫ︀်ႇ။ မ︀ꩫ︀်းꩡ︀ဝ်ႛဝႃႈင︀ႆ︀းꩬ︀ီ ဢ︀ꩫ︀်ႈက︀ိꩫ︀်ႈမ︀ဝ်ꩫ︀ီႈꩫ︀ꩫ︀ႆ︀ႇ က︀ꩬ︀င︀်က︀ေႃႇꩵ︀ႈယ︀င︀်းꩫ︀ꩬ︀ီ ၵ︀ဝ်မ︀ႆ︀ႛၵ︀ႆ︀ႈပ︀ျႃးꩭႂ်ႛဢ︀ူ။

လ︀ုက︀ႃ 24:11

ၵ︀ၢမ︀်းၵ︀ဝ်မ︀ႆ︀ႛ တ︀မ︀ၢꩫ︀်ꩡ︀ဝ်ႛၵ︀ဝ်ယ︀ႃႇ ၵ︀ꩫ︀်တ︀ႂ်း ဢ︀ꩫ︀်ႈတ︀ၢꩫ︀်ႛၸ︀ူꩫ︀်တ︀ၢꩫ︀်ႛလ︀ူမ︀်းꩬ︀ီ ꩵ︀ႈယ︀ုမ︀်။

လ︀ုက︀ႃ 24:25

ꩫ︀ႆ︀ႇမ︀ႆ︀ႛꩡ︀ဝ်ႛယ︀ေꩬ︀ုယ︀ႃႇ “ꩬ︀ူယ︀ႃႇ မ︀ိူက︀်ႉလ︀ူင︀်၊ ၵ︀ၢမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ မ︀ဝ်ယ︀ုမ︀်ယ︀မ︀်ႈလ︀ူင︀်ꩥ︀ႃ။

ယ︀ေႃးꩭၢꩫ︀် 20:25

င︀ႆ︀းꩬ︀ီ တ︀ပ︀ေးꩡ︀ဝ်ႛတ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ “ꩡ︀ဝ်ႛမ︀ႆ︀ႛတ︀ူႈꩭꩫ︀်ယ︀ဝ်ႇ” ꩫ︀ꩬ︀ီ တ︀ေႃမ︀မ︀ႆ︀ႛ ၵ︀ႆ︀ႈက︀ꩫ︀်ႈဢ︀ူ။ တ︀ေႃမ︀ယ︀ႃႇ “က︀ဝ်ႈယ︀ႃႇ ꩭွႆ︀းဢ︀ꩫ︀်ႈမ︀ိုဝ်းꩡ︀ဝ်ႛမ︀ႆ︀ႛ လ︀ိမ︀်ႛလ︀ီက︀်တ︀ွက︀်ꩫ︀ႆ︀ႇမ︀ႆ︀ႛမ︀ဝ်ꩫ︀ႆ︀ႛꩭꩫ︀်၊ ဢ︀ဝ်ႈမ︀ိုဝ်းက︀ဝ်ႈမ︀ဝ်ꩫ︀ႆ︀ႛက︀မ︀်းလ︀ႅမ︀်းက︀ီး ꩭွႆ︀းတ︀ီႈꩡ︀ီပ︀်ဢ︀ꩫ︀်ႈတ︀ွင︀်ႇပ︀ေႇꩡ︀ဝ်ႛမ︀ႆ︀ႛက︀ေႃႇ မ︀ဝ်ꩫ︀ႆ︀ႛက︀မ︀်းလ︀ႅမ︀်းက︀ီး ꩵ︀ႈယ︀ုမ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 20:26

ဝႆ︀ၢးဢ︀မ︀ႂ်း ပ︀ၢတ︀်ႉလ︀ိူင︀်ႈꩭိုင︀်က︀ီး တ︀ပ︀ေးꩡ︀ဝ်ႛၵ︀ဝ် က︀ꩫ︀်ႛꩫ︀ႂ်းꩭိူꩫ︀်းမ︀ႆ︀ႛတ︀ုမ︀်ႈက︀ꩫ︀်ႈဢ︀ူ။ တ︀ေႃမ︀က︀ေႃႇ တ︀င︀်းၵ︀ဝ်လ︀ွေႛဢ︀ူ။ တ︀ၢင︀်းပ︀တ︀ူႈꩫ︀ႆ︀ႇၵ︀ဝ်က︀ေႃႇၵ︀တ︀်ႉဝႆ︀ႇက︀ꩫ︀်ႈဢ︀ူ။ မ︀ိူဝ်ႈဢ︀မ︀ႂ်း ꩡ︀ဝ်ႛယ︀ေꩬ︀ုက︀ျွႃးမ︀ႃးꩬ︀ီ ၵ︀ိူင︀်းက︀ၢင︀်ႈၵ︀ဝ်မ︀ႆ︀ႛꩬ︀ဝ်းင︀ႆ︀း “မ︀ႂ်ꩬ︀ုင︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 20:27

ယ︀ဝ်ႇက︀ီး တ︀ေႃမ︀မ︀ႆ︀ႛ “ဢ︀ဝ်ႈလ︀ိဝ်ႇꩡ︀ီႇမ︀ႂ်း တ︀ီႈꩫ︀ႆ︀ႇၵ︀ဝ်မ︀ႆ︀ႛက︀မ︀်းလ︀ႅမ︀်းလ︀ႃး။ မ︀ိုဝ်းက︀ဝ်ႈꩫ︀ႆ︀ႇၵ︀ဝ်မ︀ႆ︀ႛလ︀ႅမ︀်းလ︀ႃး။ တ︀ွင︀်ႇပ︀ေႇက︀ဝ်ႈမ︀ႆ︀ႛက︀ေႃႇ က︀မ︀်းလ︀ႅမ︀်းလ︀ႃး။ ꩡ︀ႂ်ႈဢ︀ꩫ︀်ႈမ︀ဝ်ယ︀ုမ︀်ပ︀ီယ︀င︀်း။ ယ︀ုမ︀်တ︀ႃႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 21:1

ꩭႃလ︀ိူင︀်ႈ ꩡ︀ဝ်ႛယ︀ေꩬ︀ု တ︀ႆ︀ၢႛꩫ︀ွင︀်တ︀ိၿေရ︀ိမ︀ႆ︀ႛ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ပ︀ျႃးတ︀ူဝ်ႈပ︀ွက︀်ႉဢ︀ူ။ လ︀ွင︀်ႈꩫ︀ႆ︀ႇယ︀ႃႇ င︀ႆ︀းꩫ︀မ︀်။

ယ︀ေႃးꩭၢꩫ︀် 21:14

ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈꩡ︀ဝ်ႛယ︀ေꩬ︀ု လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ လ︀ုက︀်ႉꩫ︀ိပ︀်မ︀ႃးꩬ︀ီ တ︀ၢင︀်ꩬ︀ၢမ︀်ပ︀ၢꩫ︀်ႈတ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ပ︀ျႃးတ︀ူဝ်ႈꩭႂ်ႛꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 1:3

က︀ꩫ︀်ႛလ︀င︀်မ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈယ︀ဝ်ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇ ꩬ︀ီꩬ︀ိပ︀်ဝꩫ︀်းတ︀ၢင︀်ႈꩰ လ︀ႆ︀ၢပ︀ၢꩫ︀်ႈလ︀ႆ︀ၢၸ︀ꩫ︀်း ပ︀ျႃးတ︀ူဝ်ႈꩬ︀ီ ꩬ︀ၢက︀်ႉꩬ︀ေပ︀ျႃးတ︀ေႇတ︀ေႇꩭႂ်ႛမ︀ႃးဢ︀ူ။ တ︀ပ︀ေးꩡ︀ဝ်ႛၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛ ꩫ︀ႆ︀ႛꩭꩫ︀်မ︀ႃးꩬ︀ီ မ︀ꩫ︀်းꩡ︀ဝ်ႛက︀ေႃႇ ၵ︀ဝ်မ︀ႆ︀ႛလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩭႂ်ႛမ︀ႃးဢ︀ူ။

က︀ေႃရ︀ိꩫ︀်တ︀ု ႑ 15:5

ယ︀ဝ်ႇက︀ီး ပ︀ေတ︀ရ︀ုမ︀ႆ︀ႛတ︀မ︀ိူင︀်း၊ ဝႆ︀ၢးဢ︀မ︀ႂ်း တ︀မ︀ၢꩫ︀်ꩡ︀ဝ်ႛတ︀င︀်းမ︀ိူင︀်းမ︀ႆ︀ႛ တ︀ူဝ်ႈမ︀ꩫ︀်းꩡ︀ဝ်ႛ ပ︀ျႃးꩭႂ်ႛမ︀ႃးꩫ︀ႆ︀ႇꩫ︀မ︀်။

ၿျႃၻိက︀်ႉ 3:19

က︀ဝ်ႈယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩭၢက︀်ႉꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ပ︀ႅတ︀်ႉꩡ︀ႅပ︀်ႉꩬ︀ီ ꩬ︀ုင︀်းမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ꩫ︀်းꩭီတ︀်ဢ︀ၵ︀ႅက︀်ႉꩬ︀ီ ꩬ︀ၢင︀်ဝွေက︀ꩫ︀်ႈတ︀ႃႉ။