မ︀ႃက︀ု 14:2 - Khamti Shan

² ၵ︀ဝ်ယ︀ႃႇ “င︀ႆ︀ႚ က︀ူꩫ︀်းꩫ︀ႆ︀ႇၵ︀ဝ်ယ︀ုင︀်ႛယ︀ုင︀်ႛဢ︀ုက︀်ꩰက︀ꩫ︀်ႈဢ︀ူ။ ꩫ︀ႂ်းဝꩫ︀်းပ︀ွႆ︀းမ︀ႆ︀ႛယ︀ႃႇꩵ︀ႈတ︀ၢပ︀်ႉꩬ︀ႅဝ်ႛ” ꩫ︀ꩬ︀ီမ︀ူꩫ︀်ႈက︀ꩫ︀်ႈဢ︀ူ။

မ︀ႃက︀ု 14:2 ပူးပေါင်းရင်းမြစ်များ

မ︀တ︀်တ︀ႄး 26:2

“ꩫ︀င︀်ꩬ︀ူတ︀ွင︀်းꩫ︀က︀ꩫ︀်ႈ င︀ႆ︀ႚꩬ︀ွင︀်ဝꩫ︀်းက︀ီး ပ︀ွႆ︀းပ︀ူꩫ︀်ႇလ︀ွတ︀်ႉ တ︀ီထိုင︀်ယ︀ဝ်ႇ။ မ︀ိူဝ်ႈဢ︀မ︀ႂ်း ပ︀ိူꩫ︀်ႈယ︀ႃႇ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းမ︀ႆ︀ႛ ꩫ︀ႂ်းမ︀ိုဝ်းလ︀ꩫ︀်ꩬ︀ူꩭဝ်းꩫ︀ႆ︀ႇၵ︀ဝ်မ︀ႆ︀ႛဢ︀ၢပ︀်ႉꩬ︀ီ တ︀ီꩭႂ်ႛတ︀ွက︀်ꩬ︀ဝ်ဝႃးမ︀ိုဝ်းꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 26:5

ၵ︀ဝ်ယ︀ႃႇ “ဝူင︀်ႈပ︀ွႆ︀းမ︀ႆ︀ႛယ︀ႃႇ ꩵ︀ႈတ︀ၢပ︀်ႉꩭီတ︀်။ င︀ႆ︀ႚက︀ူꩫ︀်းꩫ︀ႆ︀ႇၵ︀ဝ်ဢ︀ုက︀်ꩰဢ︀ဝ်ꩰက︀ꩫ︀်ႈဢ︀ူ” ꩫ︀ဝꩫ︀်ႇ။

မ︀ႃက︀ု 11:18

ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ် ꩬ︀ြႃတ︀ြႃးꩫ︀ႆ︀ႇၵ︀ဝ်ယ︀ႃႇ လ︀ွင︀်ႈꩫ︀ႆ︀ႇမ︀ႆ︀ႛꩫ︀ႆ︀ႛꩥ︀ိꩫ︀်းက︀ီး ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ႃတ︀ၢင︀်းဢ︀ဝ်ႈတ︀ၢႆ︀ႈက︀ꩫ︀်ႈဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇ က︀ွပ︀်ႉပ︀ိူဝ်ႈၸ︀ုင︀်က︀ူꩫ︀်းꩫ︀ႆ︀ႇၵ︀ဝ် ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ွꩫ︀်မ︀ႆ︀ႛ ဢ︀ၢမ︀်းက︀ꩫ︀်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ တ︀ီဢ︀ဝ်ႈတ︀ၢႆ︀ႈꩫ︀ႆ︀ႇက︀ူဝ်ႈက︀ꩫ︀်ႈဢ︀ူ။

မ︀ႃက︀ု 11:32

ꩫ︀ႆ︀ႇꩫ︀က︀ေႃႇ ဢ︀ဝ်ႈဢ︀ႃꩫ︀ႃက︀ူꩫ︀်းꩫ︀မ︀်ꩫ︀ꩬ︀ီ ꩭဝ်းဝႃႈပ︀ီꩫ︀်ႈဢ︀ေႃး” ꩫ︀ꩬ︀ီၵ︀ဝ်ၸ︀ူႛꩡ︀ဝ်ႛꩫ︀ၢႆ︀ႈမ︀ူꩫ︀်ႈက︀ꩫ︀်ႈဢ︀ူ။ ၵ︀ဝ်ယ︀ႃႇၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛက︀ူဝ်ႈꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛထၢမ︀်မ︀ႆ︀ႛ တ︀ွပ︀်ꩭႂ်ႛꩵ︀ႈပ︀ီꩫ︀်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ ꩬ︀ြႃယ︀ေႃးꩭၢꩫ︀်မ︀ႆ︀ႛ ပ︀ရ︀ေႃးၸ︀ႅတ︀်ႉꩫ︀မ︀်ꩫ︀ꩬ︀ီ ယ︀ုမ︀်ယ︀မ︀်ႈက︀ꩫ︀်ႈꩬ︀ီꩫ︀မ︀်။

မ︀ႃက︀ု 14:1

မ︀ိူဝ်ႈပ︀ွႆ︀းပ︀ူꩫ︀်ႇလ︀ွတ︀်ႉꩫ︀ၵ︀ႃ ပ︀ွႆ︀းၵ︀ဝ်ႛမ︀ုꩫ︀်းဢ︀ꩫ︀်ႈယ︀ႃႛꩫ︀ၢင︀်းၵ︀ၢဝ်မ︀ဝ်လ︀ွေႛ တ︀ီထိုင︀်ꩬ︀ီ ꩬ︀ွင︀်ဝꩫ︀်းꩭၢင︀်ႇꩫ︀ႆ︀ႇမ︀ႆ︀ႛ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း ꩬ︀ြႃတ︀ြႃးꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛတ︀ီတ︀်ꩡ︀ိပ︀်ႉꩰꩬ︀ႅဝ်ႛင︀ႆ︀း ဢ︀ဝ်ႈတ︀ၢႆ︀ႈက︀ွတ︀်ꩫ︀ꩬ︀ီ က︀ႅမ︀်ၵ︀ႃတ︀ၢင︀်းက︀ꩫ︀်ႈဢ︀ူ။

မ︀ႃက︀ု 14:3

ဝꩫ︀်းလ︀ိူင︀်ႈ မ︀ၢꩫ︀်ႛၿေတ︀ꩫ︀ိမ︀ႆ︀ႛ ꩭိူꩫ︀်းꩬ︀ႅင︀်မ︀ုꩫ︀်ဢ︀ꩫ︀်ႈꩭွꩫ︀်ပ︀ီꩫ︀်ႈတ︀ုတ︀်ႉမ︀ႆ︀ႛ ꩡ︀ဝ်ႛယ︀ေꩬ︀ု က︀ိꩫ︀်ႈၵ︀ဝ်ႛꩬ︀ီဢ︀ူဢ︀ူ။ မ︀ိူဝ်ႈဢ︀မ︀ႂ်း ၸ︀ူႛယ︀ိင︀်းက︀ူဝ်ႇလ︀ိူင︀်ႈယ︀ႃႇ မ︀ꩫ︀်းꩭွမ︀်ꩫ︀ႃတ︀ု၊ ၸ︀ꩫ︀်းဢ︀ꩫ︀်ႈၵ︀ꩫ︀်ꩫ︀က︀်လ︀ူင︀်ꩫ︀ႆ︀ႇ တ︀င︀်းတ︀ဝ်ႛꩭိꩫ︀်ၸ︀ိူက︀်ဢ︀ဝ်ႈမ︀ႃးꩬ︀ီ က︀ုမ︀်ꩭူဝ်ꩡ︀ဝ်ႛယ︀ေꩬ︀ုမ︀ႆ︀ႛလ︀ူဝ်ꩭႂ်ႛဢ︀ူ။

လ︀ုက︀ႃ 20:6

ꩬ︀င︀်ဝႃႈ ဢ︀ဝ်ႈဢ︀ၵ︀ၢင︀်းက︀ူꩫ︀်းꩫ︀မ︀်ꩫ︀က︀ီးက︀ေႃႇ လ︀ႆ︀ၢးပ︀ိူဝ်ႈꩬ︀ြႃယ︀ေႃးꩭၢꩫ︀်မ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် မ︀တ︀်ႉပ︀ရ︀ေႃးၸ︀ႅတ︀်ႉꩫ︀ႆ︀ႇꩬ︀ီ ꩭဝ်းမ︀ႆ︀ႛ ၵ︀ဝ် ဢ︀ဝ်ႈꩭိꩫ︀်တ︀ီꩬ︀ိုင︀်းဢ︀ဝ်ႈတ︀ႆ︀ၢႈက︀ꩫ︀်ႈꩬ︀ႃး” ꩫ︀ꩬ︀ီ မ︀ူꩫ︀်ႈက︀ꩫ︀်ႈယ︀ဝ်ႇက︀ီး

လ︀ုက︀ႃ 22:1

ပ︀ွႆ︀းၵ︀ဝ်ႛမ︀ုꩫ︀်း ဢ︀ꩫ︀်ႈယ︀ႃႛꩫ︀ၢင︀်းၵ︀ၢဝ်မ︀ဝ်လ︀ွေႛ ဢ︀ꩫ︀်ႈꩭွင︀်ႇဝႃႈပ︀ွႆ︀းပ︀ူꩫ︀်ႇလ︀ွတ︀်ႉꩫ︀ꩫ︀ႆ︀ႇ က︀ႂ်ႛမ︀ႃးက︀ီး

ယ︀ေႃးꩭၢꩫ︀် 12:19

ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ “ဢ︀ေး ꩭဝ်းယ︀ႃႇ ꩬ︀ုမ︀်းယ︀ဝ်ႇ။ ꩡ︀ဝ်ႛတ︀င︀်းၸ︀ႃႇ ꩡ︀ွမ︀်းꩭၢင︀်မ︀ꩫ︀်းက︀ႃမ︀ူတ︀်ယ︀ဝ်ႇꩫ︀ေႃး” ꩫ︀ꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈဢ︀ူ။

ယ︀ေႃးꩭၢꩫ︀် 7:40

လ︀ုက︀်ႉၸ︀ုင︀်က︀ူꩫ︀်းမ︀ႆ︀ႛ က︀ူꩫ︀်းက︀မ︀်ႈၸ︀ွင︀်းယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛတ︀ႅဝ်မ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီး “က︀ူဝ်ႇꩫ︀ႆ︀ႇမ︀ဝ်လ︀ိဝ်ႈယ︀ႃႇ ပ︀ရ︀ေႃးၸ︀ႅတ︀်ႉဢ︀ꩫ︀်ႈꩭဝ်းတ︀ႂ်းထႃႛꩫ︀ႆ︀ႇတ︀ေႇတ︀ေႇꩫ︀မ︀်” ꩫ︀ꩬ︀ီဝႃႈက︀ꩫ︀်ႈဢ︀ူ။