မ︀ႃက︀ု 13:27 - Khamti Shan

²⁷ ယ︀ဝ်ႇက︀ီး မ︀ꩫ︀်းꩡ︀ဝ်ႛယ︀ႃႇ လ︀ုက︀်ႉလ︀င︀်ꩫ︀ိꩫ︀်ႈၸ︀ၢက︀်ႉပ︀ႃႛလ︀ိူင︀်ႈမ︀ႆ︀ႛ ဢ︀ဝ်ႈထိုင︀်ၸ︀ၢက︀်ႉပ︀ႃႛလ︀ိူင︀်ႈ တ︀င︀်းꩬ︀ီꩫ︀ႃႛမ︀ႆ︀ႛ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ် ပ︀ွႆ︀ꩡ︀ႂ်ႇꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ တ︀ီၸ︀ိဝ်ႛတ︀ုမ︀်ႈဢ︀ဝ်ႈꩫ︀မ︀်။

မ︀ႃက︀ု 13:27 ပူးပေါင်းရင်းမြစ်များ

မ︀တ︀်တ︀ႄး 12:42

ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ပ︀ႅတ︀်ႉတ︀ြႃးꩫ︀ႆ︀ႇ ꩫ︀ၢင︀်းꩭူဝ်ၵ︀မ︀်းမ︀ိူင︀်းꩬ︀ျေၿက︀ေႃႇ လ︀ုက︀်ႉꩬ︀ီꩬ︀ူ က︀ူꩫ︀်းꩡ︀ူဝ်ႈပ︀ၢꩫ︀်ႈင︀ႆ︀ႚꩫ︀ႆ︀ႇၵ︀ဝ်မ︀ႆ︀ႛ တ︀ီတ︀ၢင︀်ဢ︀ပ︀ႅတ︀်ႉꩬ︀ႃး။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းယ︀ႃႇ လ︀ုက︀်ႉမ︀ိူင︀်းမ︀ꩫ︀်းမ︀ႆ︀ႛ က︀ႆ︀ႈက︀ႆ︀ႈယ︀ၢဝ်းꩰမ︀ႃးꩬ︀ီ ၵ︀ၢမ︀်းပ︀ိင︀်ꩥ︀ႃ ဢ︀ꩫ︀်ႈꩡ︀ဝ်ႛꩭူဝ်ၵ︀မ︀်းꩬ︀ေႃလ︀မ︀ုꩫ︀် ꩬ︀င︀်ꩬ︀ွꩫ︀်ꩫ︀ႆ︀ႇၵ︀ဝ် ထွမ︀်မ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ က︀ဝ်ႈဝႃႈက︀ွတ︀်။ မ︀ႆ︀ႛယ︀ႃႇ ꩡ︀ဝ်ႛဢ︀ꩫ︀်ႈꩡ︀ဝ်ႛꩭူဝ်ၵ︀မ︀်းꩬ︀ေႃလ︀မ︀ုꩫ︀်မ︀ႆ︀ႛ ယ︀ႂ်ꩬ︀ႃꩫ︀ႆ︀ႇယ︀င︀်းဢ︀ူ” ꩫ︀ဝꩫ︀်ႇ။

မ︀တ︀်တ︀ႄး 13:41

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းယ︀ႃႇ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႇꩬ︀ီ လ︀ုက︀်ႉမ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ က︀ူꩫ︀်းဢ︀ꩫ︀်ႈပ︀ိူꩫ︀်ႈမ︀ႆ︀ႛ ဢ︀ဝ်ႈၸ︀ိတ︀်တ︀ၢင︀်းꩫ︀ႆ︀ႇၵ︀ဝ်င︀ႆ︀း က︀ူꩫ︀်းဢ︀ꩫ︀်ႈꩭီတ︀်လ︀ွင︀်ႈꩡ︀ႃႇꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩭႂ်ႛၸ︀ိဝ်ႛꩬ︀ီ တ︀ီꩭႂ်ႛပ︀ွႆ︀တ︀ူက︀်င︀ႃးလ︀ႆ︀ၢးၵ︀ွတ︀်ꩫ︀မ︀်။ က︀ူꩫ︀်းဢ︀မ︀ႂ်းၵ︀ဝ်ယ︀ႃႇ င︀ႃးလ︀ႆ︀ၢးမ︀ႆ︀ႛ တ︀ီꩭႆ︀ႛဢ︀ိဝ်လ︀ူဝ်းဝႃႚဝႃႚꩬ︀ီ က︀တ︀်ၵ︀ိဝ်ႛက︀တ︀်က︀ၢင︀်းက︀ꩫ︀်ႈꩫ︀မ︀်။

မ︀တ︀်တ︀ႄး 13:49

မ︀ိူဝ်ႈက︀မ︀်ၸ︀ႃꩬ︀ုတ︀်ꩫ︀ႆ︀ႇ တ︀ီပ︀ီꩫ︀်ႈင︀ႆ︀းꩫ︀မ︀်။ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်လ︀ူင︀်းမ︀ႃးꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩭႆ︀ၢႇꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉၸ︀ုင︀်က︀ူꩫ︀်းဢ︀ꩫ︀်ႈꩫ︀ီႈမ︀ႆ︀ႛ တ︀ီလ︀ိူက︀်ႉဢ︀ွက︀်ꩫ︀မ︀်။

မ︀တ︀်တ︀ႄး 24:22

ၸ︀ြႃးပ︀ီꩫ︀်ႈꩡ︀ဝ်ႛ ဝꩫ︀်းဢ︀မ︀ႂ်းမ︀ဝ်ဢ︀ဝ်ႈပ︀ွတ︀်ꩭႂ်ႛက︀ီး ၸ︀ႂ်က︀ေႃႇဢ︀ꩬ︀ၢက︀်ႉꩵ︀ႈꩫ︀ိပ︀်။ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်ယ︀ႃႇ ဝꩫ︀်းဢ︀မ︀ႂ်းတ︀ီဢ︀ဝ်ႈပ︀ွတ︀်ꩭႂ်ႛꩫ︀မ︀်။

မ︀တ︀်တ︀ႄး 24:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ေꩬ︀ိယ︀ဢ︀ꩫ︀်ႈယ︀ိူင︀်ႈ၊ ပ︀ရ︀ေႃးၸ︀ႅတ︀်ႉဢ︀ꩫ︀်ႈယ︀ိူင︀်ႈꩫ︀ႆ︀ႇၵ︀ဝ် တ︀ီမ︀ႃးꩫ︀မ︀်။ ၵ︀ဝ်ယ︀ႃႇ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်၊ ဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးꩫ︀ႆ︀ႇၵ︀ဝ်ꩭီတ︀်ပ︀ျႃးꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်းက︀ေႃႇ တ︀ီၸ︀ၢမ︀်းꩫ︀မ︀်။

မ︀တ︀်တ︀ႄး 24:31

ယ︀ဝ်ႇက︀ီး တ︀ုတ︀်လ︀ူင︀်ꩭႂ်ႛပ︀ဝ်ꩬ︀ီ ၵ︀ုꩫ︀်ꩬ︀ၢင︀်က︀ဝ်ႈꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ွႆ︀ꩡ︀ႂ်ႇမ︀ႃးꩫ︀မ︀်။ ၵ︀ဝ်ယ︀ႃႇ လ︀ုက︀်ႉလ︀င︀်ꩫ︀ိꩫ︀်ႈၸ︀ၢက︀်ႉပ︀ႃႛလ︀ိူင︀်ႈမ︀ႆ︀ႛ ဢ︀ဝ်ႈထိုင︀်ၸ︀ၢက︀်ႉပ︀ႃႛလ︀ိူင︀်ႈ တ︀င︀်းꩬ︀ီꩫ︀ႃႛမ︀ႆ︀ႛ က︀ူꩫ︀်းဢ︀ꩫ︀်ႈက︀ဝ်ႈလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ တ︀ီၵ︀ွꩫ︀်ႛတ︀ုမ︀်ႈမ︀ႃးꩫ︀မ︀်။

မ︀ႃက︀ု 13:20

ꩬ︀င︀်ဝႃႈယ︀ၢမ︀်းဢ︀မ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ဢ︀ဝ်ႈပ︀ွတ︀်ꩭႂ်ႛက︀ီး ၸ︀ႂ်က︀ေႃႇꩵ︀ႈꩫ︀ႆ︀ႛလ︀ွတ︀်ႉတ︀ၢင︀်းတ︀ၢႆ︀ႈ။ ꩫ︀ႆ︀ႇꩫ︀က︀ေႃႇ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်ယ︀ႃႇ ဝꩫ︀်းဢ︀မ︀ႂ်းဢ︀ဝ်ႈပ︀ွတ︀်ဝႆ︀ႇဢ︀ူ။

မ︀ႃက︀ု 13:22

မ︀ေꩬ︀ိယ︀ဢ︀ꩫ︀်ႈယ︀ိူင︀်ႈ၊ ပ︀ရ︀ေႃးၸ︀ႅတ︀်ႉဢ︀ꩫ︀်ႈယ︀ိူင︀်ႈꩫ︀ႆ︀ႇၵ︀ဝ် တ︀ီဢ︀ွက︀်မ︀ႃးꩫ︀မ︀်။ ၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ပ︀ီꩫ︀်ႈꩫ︀ႆ︀ႛက︀ီး ꩭႂ်ႛပ︀ူဝ်းၸ︀ၢမ︀်းꩫ︀ႆ︀ႛꩫ︀ႆ︀ႇ လ︀ၢႆ︀းꩫ︀ိမ︀ိက︀်ႉဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် တ︀ီꩭီတ︀်ပ︀ျႃးꩫ︀မ︀်။

မ︀ႃက︀ု 13:28

လ︀ုက︀်ႉတ︀ူꩫ︀်ႛမ︀က︀်ဝႃႈမ︀ႆ︀ႛ ၵ︀ူဝ်ႛꩬ︀ွꩫ︀်ဢ︀ꩫ︀်ႈလ︀ိူင︀်ႈ ꩬ︀ွꩫ︀်ဢ︀ဝ်ႈတ︀ႃႉ။ တ︀ူꩫ︀်ႛမ︀က︀်ဝႃႈမ︀ႆ︀ႛ လ︀ီပ︀ူင︀်ꩬ︀ီ မ︀ႂ်ႈမ︀ႂ်ဢ︀ွက︀်မ︀ႃးက︀ီး မ︀ိူဝ်ႈꩭဝ်ႇက︀ႂ်ႛယ︀ဝ်ႇꩫ︀ꩫ︀ႆ︀ႇ ꩬ︀ူတ︀ွင︀်းဢ︀ူ။

လ︀ုက︀ႃ 16:22

က︀ꩫ︀်ႛလ︀င︀်မ︀ႆ︀ႛ ၸ︀ူႛယ︀ွꩫ︀်းက︀ိꩫ︀်ႈꩫ︀ႆ︀ႇ တ︀ႆ︀ၢႈက︀ႃꩬ︀ီ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ် မ︀ꩫ︀်းမ︀ႆ︀ႛဢ︀ဝ်ႈက︀ႃ ဢ︀ူပ︀ႃႛၵ︀ႃဢ︀ႃပ︀ြႃꩭၢမ︀်ဢ︀ူ။ ၸ︀ူႛမ︀ီးက︀ေႃႇတ︀ႆ︀ၢႈက︀ႃဢ︀ူ။

လ︀ုက︀ႃ 18:7

ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ င︀ႆ︀းꩫ︀မ︀်။ က︀ူꩫ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈၵ︀ိုꩫ︀်းꩰဝꩫ︀်းꩰယ︀ွꩫ︀်းꩬ︀ူးꩫ︀ႆ︀ႇၵ︀ဝ်မ︀ႆ︀ႛ မ︀ဝ်ပ︀ႅတ︀်ႉတ︀ြႃးꩬ︀ိုဝ်ႈꩰꩭႂ်ႛꩬ︀ီꩵ︀ႈဢ︀ူ။ ၵ︀ဝ်မ︀ႆ︀ႛ မ︀ဝ်ꩡ︀ွႆ︀ႈꩬ︀ီ ဢ︀ူꩭိုင︀်ꩰꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 10:16

က︀ဝ်ႈမ︀ႆ︀ႛပ︀ူႇတ︀ၢင︀်တ︀ူဝ်ႈ ဢ︀ꩫ︀်ႈꩫ︀ႂ်းၸ︀ုင︀်ပ︀ူႇꩫ︀ႆ︀ႇမ︀ႆ︀ႛ မ︀ဝ်လ︀ွေႛꩫ︀ႆ︀ႇၵ︀ဝ်က︀ေႃႇ ယ︀င︀်းဢ︀ိက︀်ဢ︀ူ။ ပ︀ူႇဢ︀မ︀ႂ်းၵ︀ဝ်မ︀ႆ︀ႛ က︀ဝ်ႈဝႃႈဢ︀ဝ်ႈတ︀ုမ︀်ႈမ︀ႃးဢ︀ူ။ ၵ︀ဝ်က︀ေႃႇ ꩬ︀ီင︀်က︀ဝ်ႈထွမ︀်ꩬ︀ီ တ︀ီပ︀ီꩫ︀်ႈပ︀ူႇၸ︀ုင︀်လ︀ိဝ်ႈမ︀ႃးꩫ︀မ︀်။ ၸ︀ူႛလ︀ီင︀်ႇပ︀ူႇက︀ေႃႇ တ︀ီပ︀ီꩫ︀်ႈပ︀ႃးလ︀ိဝ်ႈꩫ︀ႆ︀ၢႈꩫ︀မ︀်။

ရ︀ေႃမ︀ 8:33

က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ၸ︀ႂ်က︀ေႃႇတ︀ၢင︀်ဢ︀ပ︀ႅတ︀်ႉꩵ︀ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်မ︀ႆ︀ႛꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛပ︀ိူꩫ︀်ႈꩡ︀ဝ်ႛ မ︀တ︀်ႉဝႆ︀ႇယ︀ဝ်ႇꩰ။

က︀ေႃလ︀ေႃတ︀ႄ 3:12

ꩬ︀ူက︀ေႃႇ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ꩬ︀ူမ︀ႆ︀ႛ မ︀ꩫ︀်းꩡ︀ဝ်ႛꩭၢက︀်ႉꩬ︀ီ လ︀ိူက︀်ႉဢ︀ဝ်ႈပ︀ီꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူ ꩫ︀ီႈက︀ꩫ︀်ႈ၊ ꩡ︀ွႆ︀ႈက︀ꩫ︀်ႈ၊ က︀ွမ︀်းꩫ︀ွမ︀်းက︀ꩫ︀်ႈ၊ ဢ︀ူꩫ︀်ႛꩥ︀ေႈက︀ꩫ︀်ႈꩬ︀ီ ꩡ︀ႂ်ႈယ︀ၢဝ်းက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:1

ပ︀ီႈꩫ︀ွင︀်ႇၵ︀ဝ်ꩴ︀း လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ီက︀ျွႃးပ︀ွက︀်ႉမ︀ႃးꩫ︀ႆ︀ႇꩫ︀ၵ︀ႃ ဢ︀ꩫ︀်ႈပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ꩭဝ်းတ︀ုမ︀်ႈက︀ꩫ︀်ႈမ︀ႃးꩬ︀ီ တ︀င︀်းမ︀ꩫ︀်းꩡ︀ဝ်ႛတ︀ီꩭူမ︀်ႈဢ︀ူꩫ︀ႆ︀ႇ ၵ︀ႂ်ႈဝႃႈဢ︀ူ။

တ︀ိမ︀ေႃတ︀ေ ႒ 2:10

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်က︀ေႃႇ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ေꩬ︀ေꩭႂ်ႛꩫ︀ႆ︀ႇမ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႛꩭၢပ︀်ႉက︀ႃꩫ︀ႆ︀ႇ က︀ဝ်ႈၻုက︀်ႉၵ︀က︀ꩬ︀င︀်ဝႃႈၵ︀ၢမ︀်ꩫ︀က︀ေႃႇ ၵ︀ႂ်ႈၵ︀ၢမ︀်ဢ︀ူ။

ပ︀ေတ︀ရ︀ု ႑ 1:2

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈဢ︀လ︀ၢင︀်းမ︀ꩫ︀်းꩡ︀ဝ်ႛ မ︀ႆ︀ၢလ︀ိူက︀်ႉဝႆ︀ႇꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ဢ︀ဝ်ႈပ︀ီꩫ︀်ႈၸ︀ꩫ︀်းဢ︀ꩫ︀်ႈမ︀ူတ︀်ꩡ︀ၢင︀်ꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩬ︀ူ ၵ︀ၢမ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ထွမ︀်ꩡ︀ွမ︀်းꩬ︀ီ ဢ︀ပ︀ႅတ︀်ႉꩬ︀ူမ︀ႆ︀ႛ ဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ ꩬ︀ုက︀်ႉꩬ︀ေၸ︀ေလ︀ွႆ︀းꩭႂ်ႛꩫ︀ႆ︀ႇꩫ︀မ︀်။ ꩬ︀ူမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢꩫ︀်တ︀ၢꩫ︀်ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃတ︀ီမ︀်ႈꩰက︀ႃတ︀ႃႉ။