မ︀ႃက︀ု 13:13 - Khamti Shan

¹³ လ︀ႆ︀ၢးပ︀ိူဝ်ႈက︀ဝ်ႈꩫ︀ႆ︀ႇ ꩬ︀ူမ︀ႆ︀ႛက︀ူꩫ︀်းက︀ူႈက︀ူဝ်ႇတ︀ီꩡ︀င︀်းက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ဢ︀ဝ်ႈထိုင︀်ပ︀ၢႆ︀ႈꩭၢင︀်လ︀ေႚလ︀ေႚ ꩬ︀ႅတ︀်ႉꩡ︀ႃယ︀င︀်းက︀ီး ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛဢ︀ူ။

မ︀ႃက︀ု 13:13 ပူးပေါင်းရင်းမြစ်များ

မ︀တ︀်တ︀ႄး 10:22

လ︀ႆ︀ၢးပ︀ိူဝ်ႈꩬ︀ူပ︀ီꩫ︀်ႈတ︀ပ︀ေးက︀ဝ်ႈꩫ︀ႆ︀ႇꩬ︀ီ ပ︀ိူꩫ︀်ႈတ︀င︀်းမ︀ိူင︀်း ꩬ︀ူမ︀ႆ︀ႛတ︀ီꩡ︀င︀်းက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ တ︀ူဝ်ပ︀ူဝ်းတ︀ႆ︀ၢႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ေꩬ︀ေꩭႂ်ႛꩫ︀မ︀်။

မ︀တ︀်တ︀ႄး 24:13

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈဢ︀ဝ်ႈထိုင︀်ပ︀ႆ︀ၢႈꩭၢင︀်လ︀ေႚလ︀ေႚ ꩬ︀ႅတ︀်ႉꩡ︀ႃယ︀င︀်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ေꩬ︀ေꩭႂ်ႛꩫ︀မ︀်။

မ︀တ︀်တ︀ႄး 24:9

မ︀ိူဝ်ႈဢ︀မ︀ႂ်း ꩬ︀ူမ︀ႆ︀ႛပ︀ိူꩫ︀်ႈꩬ︀ႅဝ်ႛင︀ႆ︀း ယ︀ဝ်ႇက︀ီး ꩭႂ်ႛပ︀ူဝ်းꩬ︀ူမ︀ႆ︀ႛပ︀ူင︀်ႈတ︀ၢမ︀်ꩬ︀ီ ဢ︀ဝ်ႈတ︀ႆ︀ၢႈꩫ︀ႆ︀ႇ ꩫ︀ႂ်းမ︀ိုဝ်းꩡ︀ဝ်ႛၵ︀ုꩫ︀်ꩫ︀ႆ︀ႇၵ︀ဝ်မ︀ႆ︀ႛတ︀ီဢ︀ၢပ︀်ႉꩫ︀မ︀်။ လ︀ႆ︀ၢးပ︀ိူဝ်ႈꩬ︀ူက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇꩬ︀ီ ပ︀ိူꩫ︀်ႈတ︀င︀်းမ︀ိူင︀်း ꩬ︀ူမ︀ႆ︀ႛတ︀ီꩡ︀င︀်းက︀ꩫ︀်ႈꩫ︀မ︀်။

မ︀ႃက︀ု 13:12

မ︀ိူဝ်ႈဢ︀မ︀ႂ်း က︀ူꩫ︀်းꩫ︀ႆ︀ႇၵ︀ဝ် ပ︀ီႈꩫ︀ွင︀်ႇၸ︀ူႛꩡ︀ဝ်ႛꩫ︀ၢႆ︀ႈ ပ︀ိူꩫ︀်ႈမ︀ႆ︀ႛဢ︀ၢပ︀်ႉꩬ︀ီ တ︀ီꩭႂ်ႛဢ︀ဝ်ႈတ︀ၢႆ︀ႈက︀ꩫ︀်ႈꩫ︀မ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈပ︀ူဝ်ꩫ︀ႆ︀ႇၵ︀ဝ်က︀ေႃႇ လ︀ုက︀်ႉၸ︀ူႛꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ တ︀ီဢ︀ဝ်ႈတ︀ၢႆ︀ႈက︀ꩫ︀်ႈꩫ︀မ︀်။ လ︀ုက︀်ႉꩫ︀ႆ︀ႇၵ︀ဝ်က︀ေႃႇ ပ︀ူဝ်မ︀ေၸ︀ူႛꩡ︀ဝ်ႛမ︀ႆ︀ႛ ꩬ︀ၢꩫ︀်တ︀ၢꩫ︀်းꩬ︀ီ မ︀ိုဝ်းပ︀ိူꩫ︀်ႈမ︀ႆ︀ႛဢ︀ၢပ︀်ႉꩬ︀ီ တ︀ီꩭႂ်ႛဢ︀ဝ်ႈတ︀ၢႆ︀ႈက︀ꩫ︀်ႈꩫ︀မ︀်။

လ︀ုက︀ႃ 21:17

လ︀ႆ︀ၢးပ︀ိူဝ်ႈꩬ︀ူပ︀ီꩫ︀်ႈတ︀ပ︀ေးက︀ဝ်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛက︀ူꩫ︀်းတ︀င︀်းမ︀ိူင︀်း တ︀ီꩡ︀င︀်းက︀ꩫ︀်ႈꩫ︀မ︀်။

လ︀ုက︀ႃ 6:22

လ︀ႆ︀ၢးပ︀ိူဝ်ႈက︀ဝ်ႈ ၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းꩬ︀ီ ꩬ︀ူမ︀ႆ︀ႛ ပ︀ိူꩫ︀်ႈꩡ︀င︀်းꩫ︀က︀ေႃႇယ︀ႃ၊ ပ︀ႆ︀ၵ︀ွတ︀်ꩫ︀က︀ေႃႇယ︀ႃ၊ က︀ေးလ︀ေးꩫ︀က︀ေႃႇယ︀ႃ၊ ဢ︀ဝ်ႈꩬ︀ူဝ်ႇꩫ︀က︀ေႃႇယ︀ႃ ꩭီတ︀်မ︀ႃးက︀ီး ꩬ︀ူမ︀ၢင︀်က︀လ︀ႃယ︀င︀်းဢ︀ူ။

ယ︀ေႃးꩭၢꩫ︀် 15:21

က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇꩫ︀ႆ︀ႇမ︀ႆ︀ႛမ︀ဝ်တ︀ွင︀်းꩫ︀ႆ︀ႇꩬ︀ီ ꩬ︀ူက︀ဝ်ႈမ︀ႆ︀ႛယ︀ုမ︀်ယ︀မ︀်ႈက︀ီး ꩬ︀ူမ︀ႆ︀ႛတ︀ီꩫ︀ိက︀်ႉꩬ︀ၢက︀်ႉꩫ︀မ︀်။

ယ︀ေႃးꩭၢꩫ︀် 17:14

က︀ဝ်ႈၵ︀ႃႛၵ︀ဝ်မ︀ႆ︀ႛ ၵ︀ၢမ︀်းꩡ︀ဝ်ႛ ဝႃႈꩭႂ်ႛတ︀ီၵ︀ႃႛယ︀ဝ်ႇ။ ꩫ︀င︀်က︀ဝ်ႈၵ︀ႃႛက︀ူꩫ︀်းမ︀ိူင︀်းက︀ၢင︀်ႈမ︀ဝ်ꩡ︀ႂ်ႈꩫ︀က︀ꩫ︀်ႈ ၵ︀ဝ်က︀ေႃႇမ︀ဝ်ꩡ︀ႂ်ႈꩫ︀ႆ︀ႇꩬ︀ီ ၵ︀ဝ်မ︀ႆ︀ႛက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ꩡ︀င︀်းက︀ꩫ︀်ႈတ︀ီၵ︀ႃႛဢ︀ူ။

ရ︀ေႃမ︀ 2:7

က︀ူꩫ︀်းဢ︀ꩫ︀်ႈ ꩭီတ︀်လ︀ွင︀်ႈꩫ︀ီႈ မ︀ဝ်ꩬ︀ဝ်းင︀ႆ︀းꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ူဝ်းယ︀ွင︀်ႛတ︀ၢင︀်ꩭုမ︀်ꩫ︀ၵ︀ႃ ဢ︀ꩬ︀ၢက︀်ႉဢ︀ꩫ︀်ႈမ︀ꩫ︀်ႛတ︀ိူင︀်ႈမ︀ႆ︀ႛ ꩭႅꩫ︀်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛဢ︀ꩬ︀ၢက︀်ႉထႃဝရ︀တ︀ီꩭႂ်ႛꩫ︀မ︀်။

က︀လ︀ႃတ︀ိ 6:9

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩭႅင︀်းမ︀ဝ်ယ︀ူဝ်ႈ၊ ꩡ︀ႂ်ႈမ︀ဝ်ၸ︀ေႛꩬ︀ီ ꩭီတ︀်လ︀ွင︀်ႈꩫ︀ီႈက︀ꩫ︀်ႈတ︀ႃႉ။ င︀ႆ︀းက︀ီး မ︀ိူဝ်ႈယ︀ၢမ︀်းထိုင︀်ꩫ︀ႆ︀ႇ ဢ︀က︀ိဝ်းဢ︀ꩫ︀်ႈꩫ︀ီႈꩫ︀ႆ︀ႛပ︀တ︀်ဢ︀ဝ်ႈဢ︀ူ။

ꩭေပ︀ရ︀ူး 10:39

ꩭဝ်းယ︀ႃႇ က︀ူꩫ︀်းဢ︀ꩫ︀်ႈꩭူꩫ︀်က︀ꩫ︀်ႛလ︀င︀်ပ︀ွက︀်ႉꩬ︀ီ တ︀ီလ︀ူႇꩬ︀ုမ︀်းက︀ႃꩵ︀ႈꩡ︀ႂ်ႈ။ ꩭဝ်းယ︀ႃႇ တ︀ၢင︀်းယ︀ုမ︀်ယ︀မ︀်ႈယ︀င︀်းꩬ︀ီ ဢ︀ꩬ︀ၢက︀်ႉတ︀ီꩫ︀ိပ︀်က︀ႃꩫ︀မ︀်။

ꩭေပ︀ရ︀ူး 3:14

ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းတ︀မ︀်းꩡ︀ႂ်ႈဝႆ︀ႇမ︀ႆ︀ႛ ꩫ︀င︀်မ︀ိူဝ်ႈꩭူဝ်က︀ူဝ်မ︀ႆ︀ႛꩫ︀က︀ꩫ︀်ႈ တ︀ူဝ်ပ︀ူဝ်းꩬ︀ုတ︀် ပ︀ꩫ︀်ႛၵ︀ိူင︀်ꩰက︀ႃက︀ီး ꩭဝ်းတ︀င︀်းꩡ︀ဝ်ႛၵ︀ရ︀ီတ︀် ꩡ︀ၢပ︀်ႉလ︀ႅင︀်က︀ꩫ︀်ႈဢ︀ူꩫ︀မ︀်။

ယ︀ႃက︀ု 1:12

မ︀ိူဝ်ႈꩬ︀ူမ︀ႆ︀ႛ ဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ် ၵ︀ဝ်ႛမ︀ႃးꩫ︀ႆ︀ႇ က︀ꩫ︀်ႛပ︀ီꩫ︀်ႈက︀ီး မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ူႛဢ︀ꩫ︀်ႈက︀ꩫ︀်ႛပ︀ေႇ၊ ၸ︀ူႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛ ꩬ︀ူးဢ︀ꩬ︀ၢက︀်ႉꩭႂ်ႛက︀ွတ︀်ꩫ︀ꩬ︀ီ မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩬ︀ီꩫ︀မ︀်။

ယ︀ေႃးꩭၢꩫ︀် ႑ 3:13

ပ︀ီႈꩫ︀ွင︀်ႇၵ︀ဝ်ꩴ︀း က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ꩬ︀ူမ︀ႆ︀ႛꩡ︀င︀်းက︀ီးယ︀ႃႇ ꩬ︀ူပ︀ီဢ︀ၢမ︀်း။

ၿျႃၻိက︀်ႉ 2:10

မ︀ႂ်းတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩬ︀င︀်ꩫ︀က︀ေႃႇ ပ︀ီက︀ူဝ်ႈ။ က︀ူꩫ︀်းမ︀ႂ်းက︀မ︀်ႈၸ︀ွင︀်းမ︀ႆ︀ႛ ၵ︀ုꩫ︀်ꩬ︀ူင︀်ꩬ︀ႂ်ထွင︀်ꩬ︀ီ ၵ︀ꩫ︀်ꩬ︀ိပ︀်ဝꩫ︀်းလ︀ိူင︀်ႈယ︀ႃႇ မ︀ႂ်းတ︀ီꩫ︀ႆ︀ႛၵ︀ၢမ︀်က︀ဝ်း တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ူဝ်ပ︀ူဝ်းတ︀ႆ︀ၢႈꩫ︀က︀ေႃႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းမ︀ႆ︀ႛက︀ဝ်ႈ ꩬ︀ူးပ︀ွင︀်းဢ︀ꩬ︀ၢက︀်ႉတ︀ီပ︀ူင︀်ႈꩭႂ်ႛꩫ︀မ︀်။

ၿျႃၻိက︀်ႉ 3:10

မ︀ႂ်းယ︀ႃႇ ၵ︀ၢမ︀်းက︀ဝ်ႈမ︀ႆ︀ႛထွမ︀်ꩬ︀ီ က︀ꩫ︀်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈက︀ူꩫ︀်းတ︀င︀်းက︀မ︀်ၸ︀ႃမ︀ႆ︀ႛ ၸ︀ေးတ︀ၢမ︀်ပ︀ူင︀်ႈꩬ︀ီꩡ︀ႅပ︀်ႉꩫ︀ႆ︀ႇ မ︀ႂ်းမ︀ႆ︀ႛယ︀ႃႇလ︀ုက︀်ႉၸ︀ေးမ︀ႆ︀ႛ က︀ဝ်ႈတ︀ီက︀ုမ︀်ႇꩭႂ်ႛꩫ︀မ︀်။