မ︀ႃက︀ု 12:37 - Khamti Shan

³⁷ င︀ႆ︀းꩬ︀ီဝႃႈꩫ︀ႆ︀ႇမ︀ႆ︀ႛ ꩡ︀ဝ်ႛꩭူဝ်ၵ︀မ︀်းၻႃဝိပ︀ိူꩫ︀်ႈꩡ︀ဝ်ႛꩬ︀ိုင︀် ꩡ︀ဝ်ႛမ︀ေꩬ︀ိယ︀မ︀ႆ︀ႛ “ꩡ︀ဝ်ႛက︀ဝ်ႈ” ꩫ︀ꩬ︀ီꩭွင︀်ႇက︀ီး ꩡ︀ဝ်ႛမ︀ေꩬ︀ိယ︀ယ︀ႃႇ ꩭလ︀ိုဝ်ꩬ︀ီ တ︀ီပ︀ီꩫ︀်ႈလ︀ုက︀်ႉလ︀ၢꩫ︀်ꩡ︀ဝ်ႛꩭူဝ်ၵ︀မ︀်းၻႃဝိꩫ︀ႆ︀” ꩫ︀ဝꩫ︀်ႇ။ င︀ႆ︀းက︀ီးၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ꩭုမ︀်ꩰꩡ︀ူမ︀်းꩰထွမ︀်က︀ꩫ︀်ႈဢ︀ူ။

မ︀ႃက︀ု 12:37 ပူးပေါင်းရင်းမြစ်များ

မ︀တ︀်တ︀ႄး 1:23

ပ︀ရ︀ေႃးၸ︀ႅတ︀်ႉဢ︀မ︀ႂ်းယ︀ႃႇ “ၸ︀ူႛꩬ︀ၢဝ်ꩡ︀ႅတ︀်ႉꩰက︀ူဝ်ႇလ︀ိူင︀်ႈပ︀ီꩫ︀်ႈမ︀ဝ်တ︀ူဝ်ႈꩫ︀ႆ︀ၢႈꩬ︀ီ လ︀ုက︀်ႉꩡ︀ႆ︀ၢးက︀ူဝ်ႇလ︀ိူင︀်ႈတ︀ီယ︀င︀်းမ︀ႃးꩫ︀မ︀်။ ꩡ︀ိုဝ်ႈလ︀ုက︀်ႉꩡ︀ႆ︀ၢးဢ︀မ︀ႂ်းယ︀ႃႇ “ဢ︀ေမ︀ႃꩫ︀ွေလ︀” ꩫ︀ꩫ︀မ︀်တ︀ီꩭွင︀်ႇꩫ︀ႆ︀ႇ” ꩫ︀ဝꩫ︀်ႇ။ ဢ︀ေမ︀ႃꩫ︀ွေလ︀ꩫ︀ꩫ︀ႆ︀ႇယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈတ︀င︀်းက︀ူꩫ︀်းꩭဝ်းၵ︀ိင︀်းလ︀ွေႛ” ꩫ︀ꩫ︀မ︀်။

မ︀တ︀်တ︀ႄး 11:25

ယ︀ဝ်ႇက︀ီး ꩡ︀ဝ်ႛယ︀ေꩬ︀ုယ︀ွꩫ︀်းꩬ︀ူးꩫ︀ႆ︀ႇ “ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛက︀ၢင︀်ႈꩭၢဝ်ꩫ︀ၵ︀ႃမ︀ိူင︀်းက︀ၢင︀်ႈတ︀ီၵ︀ႃႛ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈၸ︀ူႛပ︀ိင︀်ꩥ︀ႃယ︀င︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇ က︀ူꩫ︀်းဢ︀ꩫ︀်ႈပ︀ိင︀်ꩥ︀ႃမ︀ဝ်ယ︀င︀်းꩫ︀ႆ︀ႇၵ︀ဝ်မ︀ႆ︀ႛ ပ︀ုတ︀်ပ︀ျႃးꩭႂ်ႛꩬ︀ီ က︀ျေးꩡ︀ူးတ︀ၢင︀်လ︀ူင︀်တ︀ီၵ︀ႃႛꩫ︀မ︀်။

မ︀တ︀်တ︀ႄး 11:5

ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ် တ︀ႃႈꩭꩫ︀်က︀ꩫ︀်ႈယ︀ဝ်ႇ။ က︀ူꩫ︀်းဢ︀ꩫ︀်ႈတ︀ိꩫ︀်ႈတ︀ႆ︀ၢႈꩫ︀ႆ︀ႇၵ︀ဝ်က︀ေႃႇ ၸ︀ႆ︀ၢႛက︀ꩫ︀်ႈယ︀ဝ်ႇ။ ၸ︀ူႛပ︀ီꩫ︀်ႈတ︀ုတ︀်ႉꩫ︀ႆ︀ႇၵ︀ဝ်က︀ေႃႇ ꩫ︀ီႈꩬ︀ူဝ်းꩰက︀ꩫ︀်ႈယ︀ဝ်ႇ။ ၸ︀ူႛꩭူꩫ︀ႂ်ꩫ︀ႆ︀ႇၵ︀ဝ်က︀ေႃႇ ꩭူꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။ ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်က︀ေႃႇ ꩫ︀ိပ︀်မ︀ႃးက︀ꩫ︀်ႈယ︀ဝ်ႇ။ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်က︀ေႃႇ ၵ︀ၢဝ်ႈၵ︀ၢမ︀်းꩫ︀ီႈ ꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။

မ︀တ︀်တ︀ႄး 21:45

ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ ပ︀ုင︀်ၵ︀ိူင︀်ႈၵ︀ၢမ︀်းꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ီး မ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛꩡ︀ိုဝ်ꩬ︀ီဝႃႈꩫ︀မ︀်ꩫ︀ꩫ︀ႆ︀ႇတ︀ွင︀်းက︀ႃက︀ꩫ︀်ႈဢ︀ူ။

မ︀တ︀်တ︀ႄး 21:46

င︀ႆ︀းꩬ︀ီ ၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩬ︀ၢင︀်ꩬ︀ႅဝ်ႛက︀ꩫ︀်ႈဢ︀ူ။ ꩫ︀ႆ︀ႇꩫ︀က︀ေႃႇ ၸ︀ုင︀်က︀ူꩫ︀်းမ︀ႆ︀ႛ က︀ူဝ်ႈꩬ︀ီ ꩬ︀ႅဝ်ႛꩵ︀ႈပ︀ီꩫ︀်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛမ︀တ︀်ႉပ︀ရ︀ေႃးၸ︀ႅတ︀်ႉပ︀ႃးလ︀ိူင︀်ႈꩬ︀ီꩫ︀မ︀်။

လ︀ုက︀ႃ 19:48

ꩫ︀ႆ︀ႇꩫ︀က︀ေႃႇ ၸ︀ုင︀်က︀ူꩫ︀်းတ︀င︀်းလ︀ုင︀်ယ︀ႃႇ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်ဢ︀ၵ︀ႅက︀်ႉထွမ︀်က︀ꩫ︀်ႈꩫ︀ႆ︀ႇꩬ︀ီ ၵ︀ဝ်ꩭလ︀ိုဝ်က︀ေႃႇꩭီတ︀်ꩵ︀ႈꩫ︀ႆ︀ႛ။

လ︀ုက︀ႃ 21:38

က︀ူꩫ︀်းꩫ︀ႆ︀ႇၵ︀ဝ်က︀ေႃႇ က︀ၢင︀်ႈလ︀ႂ်ꩡ︀ဝ်ႇꩰလ︀ုက︀်ႉꩬ︀ီ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ မ︀ႃးထွမ︀်တ︀ြႃးမ︀ꩫ︀်းꩡ︀ဝ်ႛက︀ꩫ︀်ႈဢ︀ူ။

ယ︀ေႃးꩭၢꩫ︀် 12:9

ꩡ︀ဝ်ႛယ︀ေꩬ︀ု မ︀ၢꩫ︀်ႛၿေတ︀ꩫ︀ိမ︀ႆ︀ႛထိုင︀်မ︀ႃးယ︀ဝ်ႇꩫ︀ꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ီး က︀ူꩫ︀်းꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛတ︀မ︀ိူင︀်း လ︀ႃꩡ︀ရ︀ုဢ︀ꩫ︀်ႈမ︀ꩫ︀်းꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးမ︀ႆ︀ႛတ︀မ︀ိူင︀်းၵ︀ႂ်ႈꩭꩫ︀်ꩬ︀ီ တ︀င︀်းၸ︀ုင︀်တ︀င︀်းꩡ︀ေႈမ︀ႃးက︀ꩫ︀်ႈဢ︀ူ။

ရ︀ေႃမ︀ 9:5

ၵ︀ဝ်ယ︀ႃႇ ꩡ︀ိူဝ်ႇၵ︀ိူဝ်း ဢ︀ꩫ︀်ႈလ︀ုက︀်ႉပ︀ူလ︀ီꩫ︀်ꩭေပ︀ရ︀ူး ဢ︀ꩫ︀်ႈꩡ︀ိုဝ်ႈယ︀ႂ်ꩫ︀ႆ︀ႇၵ︀ဝ်မ︀ႆ︀ႛ ၵ︀ိူဝ်းမ︀ႃးꩫ︀မ︀်။ ꩡ︀ွမ︀်းꩬ︀ႆ︀ၢက︀ူꩫ︀်းက︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀မ︀ိူင︀်းက︀ေႃႇ ၸ︀ꩫ︀်းၵ︀ဝ်ꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ုပ︀်ႉပ︀ိုင︀်တ︀င︀်းမ︀ိူင︀်းမ︀ႆ︀ႛ က︀ူꩫ︀်းတ︀င︀်းမ︀ိူင︀်း မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀ူဝ်းယ︀ွင︀်ႛက︀ꩫ︀်ႈက︀တ︀ႃႉ။ ꩬ︀ႃႈထု။

တ︀ိမ︀ေႃတ︀ေ ႑ 3:16

လ︀ွင︀်ႈꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇ လ︀ိူက︀်ႉလ︀မ︀် ꩬ︀ိုဝ်ႈꩡ︀ႂ်ႈလ︀ူင︀်တ︀ေႇတ︀ေႇꩫ︀မ︀်။ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးလ︀ူင︀်းပ︀ီꩫ︀်ႈက︀ူꩫ︀်းမ︀ႃးꩬ︀ီ လ︀ွင︀်ႈꩫ︀ႆ︀ႇꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭီတ︀်ꩬ︀ၢက︀်ႉꩬ︀ေမ︀ႃးင︀ႆ︀း ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭꩫ︀်မ︀ႃးယ︀ဝ်ႇ။ က︀ူꩫ︀်းက︀ူႈၸ︀ꩫ︀်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈမ︀ꩫ︀်းꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀မ︀်ၸ︀ႃတ︀င︀်းꩡ︀ꩫ︀်ႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭၢပ︀်ႉꩬ︀ီဢ︀ဝ်ႈၵ︀ိုꩫ︀်ႛက︀ႃ မ︀ိူင︀်းက︀ၢင︀်ႈꩭၢဝ်ပ︀ွက︀်ႉယ︀ဝ်ႇ။

ယ︀ႃက︀ု 2:5

ပ︀ီႈꩫ︀ွင︀်ႇၵ︀ဝ်ꩴ︀း ထွမ︀်က︀ꩫ︀်ႈမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛ မ︀ိူင︀်းမ︀ꩫ︀်းꩡ︀ဝ်ႛꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇဢ︀ူ။ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩭႅင︀်းꩬ︀ီ ဢ︀က︀ိဝ်းဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇ ꩭႂ်ႛပ︀ူဝ်းꩫ︀ႆ︀ႛꩫ︀ႆ︀ႇလ︀ိူင︀်ႈ မ︀ိူင︀်းမ︀ꩫ︀်းꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛၵ︀ဝ်ႛꩫ︀ႆ︀ႇလ︀ိူင︀်ႈ ၵ︀ဝ်မ︀ႆ︀ႛလ︀ိူက︀်ႉဝႆ︀ႇꩫ︀မ︀်။

ၿျႃၻိက︀်ႉ 22:16

က︀ဝ်ႈꩡ︀ဝ်ႛယ︀ေꩬ︀ုꩫ︀မ︀် ၵ︀ုꩫ︀်ꩬ︀ၢင︀်က︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩬ︀ီ ꩬ︀ူꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩫ︀ႆ︀ႇၵ︀ဝ်ꩭႂ်ႛမ︀ႃးၵ︀ႆ︀ႈꩫ︀ႆ︀ႇ။ က︀ဝ်ႈယ︀ႃႇ ၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိꩫ︀မ︀်။ ꩫ︀ၢဝ်ႈက︀ၢင︀်ႈလ︀ႂ် ဢ︀ꩫ︀်ႈꩭုင︀်ႈလ︀ူင︀် က︀ေႃႇꩡ︀ႂ်ႈဢ︀ူ” ꩫ︀ဝꩫ︀်ႇ။