မ︀ႃက︀ု 12:36 - Khamti Shan

³⁶ ꩡ︀ဝ်ႛꩭူဝ်ၵ︀မ︀်းၻႃဝိယ︀ႃႇ “ꩡ︀ဝ်ႛက︀ဝ်ႈမ︀ႆ︀ႛ ꩡ︀ဝ်ႛထႃဝရ︀ၸ︀ြႃးဝႃႈꩫ︀ႆ︀ႇ လ︀ꩫ︀်ꩬ︀ူမ︀ႂ်းꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ီဢ︀ဝ်ႈဝႆ︀ႇက︀ꩫ︀်ႛတ︀ႂ်ႛတ︀ိꩫ︀်ႈမ︀ႂ်းꩫ︀မ︀်။ က︀ႃႈမ︀ဝ်ဝႆ︀ႇယ︀ႃႇ ပ︀ႃႛၵ︀ႃမ︀ိုဝ်းက︀ဝ်ႈမ︀ႆ︀ႛꩫ︀င︀်ႈꩬ︀ီဢ︀ူတ︀ႃႉ” ꩫ︀ꩬ︀ီꩫ︀င︀်ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈဝႃႈဝႆ︀ႇဢ︀ူ။

မ︀ႃက︀ု 12:36 ပူးပေါင်းရင်းမြစ်များ

မ︀တ︀်တ︀ႄး 5:35

လ︀င︀်ꩫ︀ိꩫ︀်ႈမ︀ႆ︀ႛက︀ေႃႇ ပ︀ီတ︀ိူင︀်။ လ︀င︀်ꩫ︀ိꩫ︀်ႈယ︀ႃႇ တ︀ီႈတ︀မ︀်းတ︀ိꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛက︀ေႃႇ ပ︀ီတ︀ိူင︀်။ ဝီင︀်းဢ︀မ︀ႂ်းယ︀ႃႇ ဝီင︀်းၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်းဢ︀ꩫ︀်ႈယ︀ႂ်မ︀ႅတ︀်ႉꩫ︀မ︀်။

ထဝ်ꩡ︀တ︀်ႉၵ︀ဝ် 1:16

“ပ︀ီႈꩫ︀ွင︀်ႇၵ︀ဝ်ꩴ︀း လ︀ွင︀်ႈယ︀ုတ︀ ဢ︀ꩫ︀်ႈၸ︀ူႛꩬ︀ႅဝ်ႛꩡ︀ဝ်ႛယ︀ေꩬ︀ုꩫ︀ႆ︀ႇၵ︀ဝ်မ︀ႆ︀ႛ ဢ︀ွꩫ︀်ႈတ︀ၢင︀်းꩫ︀ႆ︀ႇယ︀ႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛ ꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ဝႃႈပ︀ီꩫ︀်ႈမ︀ႃးꩫ︀မ︀်။

ထဝ်ꩡ︀တ︀်ႉၵ︀ဝ် 28:25

ꩫ︀ႆ︀ႇမ︀ႆ︀ႛပ︀ေႃလ︀ုယ︀ႃႇ “ဢ︀ꩫ︀်ႈက︀ျမ︀်းꩭေꩬ︀ႃယ︀မ︀ႆ︀ႛ ပ︀ူလ︀ီꩫ︀်ꩬ︀ူꩫ︀ႆ︀ႇၵ︀ဝ်မ︀ႆ︀ႛၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇ ထုက︀်လ︀ူင︀်က︀ႃယ︀ဝ်ႇ။ “က︀ူꩫ︀်းၸ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛက︀ႃꩭူဝ်းတ︀ႃႉ။ ꩬ︀ူယ︀ႃႇꩬ︀ေႈꩡ︀ႃႉꩬ︀ီထွမ︀်ꩫ︀က︀ေႃႇ ꩵ︀ႈပ︀ွင︀်ꩡ︀ႂ်ႈ။ ꩬ︀ေႈꩡ︀ႃႉꩬ︀ီလ︀ႅမ︀်းꩫ︀က︀ေႃႇ ꩵ︀ႈꩭꩫ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းၸ︀ꩫ︀်းꩫ︀ႆ︀ႇၵ︀ဝ်ယ︀ႃႇ ꩡ︀ႂ်ႈက︀ေႃႇတ︀ꩫ︀်ႈ၊ ꩭူက︀ေႃႇꩫ︀ူက︀်၊ တ︀ႃႈက︀ေႃႇမ︀ွတ︀်င︀ႆ︀းꩬ︀ီꩫ︀မ︀်။ င︀ႆ︀းမ︀ဝ်ꩡ︀ႂ်ႈꩬ︀ီ တ︀ႃႈၵ︀ဝ်ꩭꩫ︀်၊ ꩭူၵ︀ဝ်ꩫ︀ႆ︀ႛꩥ︀ိꩫ︀်းင︀ႆ︀း ꩡ︀ႂ်ႈၵ︀ဝ်ပ︀ွင︀်က︀ီးၵ︀ဝ်က︀ဝ်ႈမ︀ႆ︀ႛ တ︀ၢဝ်ႈပ︀ွက︀်ႉမ︀ႃးက︀ꩫ︀်ႈဢ︀ူ။ င︀ႆ︀းက︀ီး က︀ဝ်ႈက︀ေႃႇၵ︀ဝ်မ︀ႆ︀ႛ ဢ︀ဝ်ႈꩫ︀ီႈꩭႂ်ႛဢ︀ူ” ꩫ︀ꩬ︀ီက︀ျမ︀်းꩭေꩬ︀ႃယ︀မ︀ႆ︀ႛ တ︀ႅမ︀်ႛဝႆ︀ႇဢ︀ူ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ပ︀ူဝ်မ︀ေပ︀ီႈꩫ︀ွင︀်ႇၵ︀ဝ်ꩴ︀း ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ေႛၵ︀ျွတ︀်ႉꩫ︀ႆ︀ႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ႆ︀ꩭႂ်ႛယ︀ဝ်ႇ။ ၵ︀ဝ်က︀ေႃႇ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ꩫ︀ႆ︀ႛꩥ︀ိꩫ︀်းꩬ︀ီ တ︀ီထွမ︀်ꩡ︀ွမ︀်းက︀ꩫ︀်ႈꩫ︀မ︀်ꩫ︀ꩫ︀ႆ︀ႇ ꩬ︀ူမ︀ႆ︀ႛက︀ဝ်ႈၵ︀ႂ်ႈꩭႂ်ႛတ︀ွင︀်းက︀ꩫ︀်ႈဢ︀ူ” ꩫ︀ဝꩫ︀်ႇ။ င︀ႆ︀းꩬ︀ီပ︀ေႃလ︀ုဝႃႈꩫ︀ႆ︀ႇမ︀ႆ︀ႛ က︀ျူးꩫ︀ႆ︀ႇၵ︀ဝ်ယ︀ႃႇ ၵ︀ဝ်ၸ︀ူႛꩡ︀ဝ်ႛꩫ︀ၢႆ︀ႈꩡ︀ႂ်ႈက︀ၢက︀်ႉက︀ꩫ︀်ႈꩬ︀ီ ဢ︀ွက︀်က︀ႃမ︀ူတ︀်ဢ︀ူ။

က︀ေႃရ︀ိꩫ︀်တ︀ု ႑ 15:25

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ႃႈလ︀ꩫ︀်ꩬ︀ူတ︀င︀်းလ︀ုင︀်မ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ က︀ꩫ︀်ႛတ︀ႂ်ႛတ︀ိꩫ︀်ႈꩡ︀ဝ်ႛၵ︀ရ︀ီတ︀်မ︀ႆ︀ႛ မ︀ဝ်တ︀မ︀်းဝႆ︀ႇယ︀ႃႇ ꩡ︀ဝ်ႛၵ︀ရ︀ီတ︀်ဝႃႈဢ︀ုပ︀်ႉပ︀ိုင︀်က︀ႃꩫ︀မ︀်။

တ︀ိမ︀ေႃတ︀ေ ႒ 3:16

က︀ျမ︀်းလ︀ိက︀်ႉတ︀င︀်းမ︀ိူင︀်းယ︀ႃႇလ︀ုက︀်ႉ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀မ︀်မ︀ႃးꩫ︀ႆ︀ႇ။ င︀ႆ︀းꩫ︀ႆ︀ႇꩬ︀ီ က︀ျမ︀်းလ︀ိက︀်ႉယ︀ႃႇ ꩡ︀ႃႇꩭဝ်းမ︀ႆ︀ႛ ꩬ︀ွꩫ︀်လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈꩰလ︀ႅင︀်းꩰ၊ ꩡ︀ႃႇက︀ူꩫ︀်းဢ︀ꩫ︀်ႈၸ︀ိတ︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ုင︀်းမ︀ႃး၊ ꩡ︀ႃႇက︀ူꩫ︀်းဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႆ︀က︀ႃꩫ︀ႆ︀ႇၵ︀ဝ်မ︀ႆ︀ႛ ꩡ︀ီႇလ︀ွင︀်ႈပ︀ျႃးတ︀ၢင︀်းင︀ႆ︀း ꩡ︀ႃႇက︀ူꩫ︀်းꩭဝ်းမ︀ႆ︀ႛ ꩫ︀ေတ︀ၢင︀်းꩡ︀ူဝ်ႈတ︀ႃႈဢ︀ꩬ︀ၢက︀်ႉꩫ︀ႆ︀ႇၵ︀ဝ် ꩫ︀ီႈလ︀ူင︀်ꩫ︀မ︀်။

ꩭေပ︀ရ︀ူး 1:13

ၸ︀ြႃးပ︀ီꩫ︀်ႈꩡ︀ဝ်ႛ ၵ︀ုꩫ︀်ꩬ︀ၢင︀်ပ︀ႃးလ︀ႂ်ႈမ︀ႆ︀ႛက︀ေႃႇ “လ︀ꩫ︀်ꩬ︀ူၵ︀ိင︀်းတ︀ူဝ်ꩡ︀ဝ်ႛၵ︀ဝ်မ︀ႆ︀ႛ က︀ႃႈက︀ꩫ︀်ႛတ︀ႂ်ႛတ︀ိꩫ︀်ႈၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ မ︀ဝ်တ︀မ︀်းဝႆ︀ႇယ︀ႃႇ ပ︀ႃႛၵ︀ႃက︀ဝ်ႈမ︀ႆ︀ႛ ꩫ︀င︀်ႈဢ︀ူတ︀ႃႉ” ꩫ︀ꩬ︀ီ ꩵ︀ႈꩭွꩫ︀်ဝႃႈမ︀ႃး။

ꩭေပ︀ရ︀ူး 4:7

င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “မ︀ိူဝ်ႈꩫ︀ႆ︀ႇ” ꩫ︀ꩬ︀ီ ယ︀ၢမ︀်းꩡ︀ႃႇၵ︀ဝ်ႛတ︀ီႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃမ︀ꩫ︀်းꩡ︀ဝ်ႛ ဝꩫ︀်းလ︀ိူင︀်ႈ ꩡ︀ွင︀်ဝႆ︀ႇꩫ︀က︀ဝ်ဢ︀ူ။ ဝႆ︀ၢးဢ︀မ︀ႂ်း က︀ီလ︀ႆ︀ၢပ︀ီႈပ︀ူꩫ︀်ႇမ︀ႃးက︀ႃꩫ︀ႆ︀ႇꩬ︀ိုင︀် ꩫ︀င︀်က︀ꩫ︀်ႛꩫ︀ိူဝ်မ︀ႆ︀ႛဝႃႈဝႆ︀ႇꩫ︀က︀ꩫ︀်ႈ “မ︀ိူဝ်ႈꩫ︀ႆ︀ႇꩬ︀ူ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းက︀ီး ꩬ︀ူꩡ︀ႂ်ႈပ︀ီၵ︀ႅင︀်က︀ꩫ︀်ႈ” ꩫ︀ꩬ︀ီ ꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛ ꩭႂ်ႛဝႃႈမ︀ႃးꩫ︀က︀ဝ်ဢ︀ူ။

ပ︀ေတ︀ရ︀ု ႑ 1:11

ꩡ︀ဝ်ႛꩬ︀ေꩬ︀ုၵ︀ရ︀ီတ︀်ယ︀ႃႇ မ︀ꩫ︀်းꩡ︀ဝ်ႛꩭိုဝ်လ︀ိုဝ်တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀၊ ယ︀ဝ်ႇက︀ီးꩭိုဝ်လ︀ိုဝ်တ︀ီꩫ︀ႆ︀ႛမ︀ူꩫ︀်ႈၸ︀ုင︀်းလ︀ူင︀်ꩫ︀ꩫ︀ႆ︀ႇၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ွႆ︀ꩡ︀ႂ်ႇꩬ︀ီ က︀ꩫ︀်ႛꩫ︀ႂ်းပ︀ရ︀ေႃးၸ︀ႅတ︀်ႉဢ︀မ︀ႂ်းၵ︀ဝ်မ︀ႆ︀ႛၵ︀ိင︀်းꩫ︀ႆ︀ႇ ၵ︀ဝ်မ︀ႆ︀ႛꩭႂ်ႛၵ︀ႆ︀ႈမ︀ႃးဢ︀ူ။ မ︀ိူဝ်ႈဢ︀မ︀ႂ်း ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ီꩫ︀်ႈၸ︀ႂ်၊ လ︀ွင︀်ႈဢ︀မ︀ႂ်းမ︀ိူဝ်ႈလ︀ႂ်ႈတ︀ီပ︀ီꩫ︀်ႈမ︀ႃးꩫ︀ꩫ︀ႆ︀ႇ ꩭီတ︀်ဢ︀ၵ︀ႅက︀်ႉꩬ︀ီ ꩬ︀ွက︀်ႉတ︀ႆ︀မ︀ႃးဢ︀ူ။

ပ︀ေတ︀ရ︀ု ႒ 1:21

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ၢမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉꩥ︀ႅꩫ︀်က︀ူꩫ︀်းမ︀ႆ︀ႛ ဢ︀ွက︀်မ︀ႃးꩵ︀ႈꩡ︀ႂ်ႈ။ ꩫ︀င︀်ဢ︀ꩫ︀်ႈၵ︀ဝ်မ︀ႆ︀ႛၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈ ၵ︀ဝ်ꩭူဝ်းမ︀ႃးꩫ︀မ︀်။