မ︀ႃက︀ု 12:28 - Khamti Shan

²⁸ မ︀ိူဝ်ႈင︀ႆ︀းꩡ︀ဝ်ႛယ︀ေꩬ︀ု တ︀င︀်းꩡ︀တ︀်တ︀ုက︀ႄၵ︀ဝ် ထီင︀်ၵ︀ၢမ︀်းက︀ꩫ︀်ႈꩫ︀ႆ︀ႇ တ︀ၢႆ︀ႛၵ︀ဝ်ꩡ︀ဝ်ႛမ︀ႆ︀ႛ ꩬ︀ြႃတ︀ြႃးက︀ူဝ်ႇလ︀ိူင︀်ႈယ︀င︀်းဢ︀ူ။ င︀ႆ︀းꩬ︀ီꩡ︀ဝ်ႛယ︀ေꩬ︀ု ၵ︀ဝ်မ︀ႆ︀ႛက︀ေႛꩭႂ်ႛထုက︀်ꩰꩫ︀ႆ︀ႇမ︀ႆ︀ႛ မ︀ꩫ︀်းꩫ︀ႆ︀ႛꩥ︀ိꩫ︀်းက︀ီး မ︀ꩫ︀်းယ︀ႃႇ ပ︀ၢင︀်ႈꩫ︀ႃႛꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ “ꩬ︀ိꩫ︀်တ︀င︀်းမ︀ိူင︀်းမ︀ႆ︀ႛ ꩬ︀ိꩫ︀်ဢ︀ꩫ︀်ႈလ︀ႂ်ႈꩫ︀ႆ︀ ၵ︀ႅꩫ︀်းယ︀ႂ်တ︀ီၵ︀ႃႛꩫ︀ႆ︀ႇ” ꩫ︀ဝꩫ︀်ႇ။

မ︀ႃက︀ု 12:28 ပူးပေါင်းရင်းမြစ်များ

မ︀တ︀်တ︀ႄး 19:18

မ︀ꩫ︀်းယ︀ႃႇ “ꩬ︀ိꩫ︀်ဢ︀ꩫ︀်ႈလ︀ႂ်ႈတ︀ီၵ︀ႃႛꩫ︀ႆ︀” ꩫ︀ဝꩫ︀်ႇ။ ꩡ︀ဝ်ႛယ︀ေꩬ︀ုယ︀ႃႇ “ဢ︀ꩬ︀ၢက︀်ႉက︀ူꩫ︀်းပ︀ီဢ︀ဝ်ႈတ︀ႆ︀ၢႈ။ ၸ︀ူဝ်ပ︀ိူꩫ︀်ႈ မ︀ေးလ︀ုက︀်ႉပ︀ိူꩫ︀်ႈမ︀ႆ︀ႛပ︀ီၸ︀ိတ︀်။ ၵ︀ွင︀်ပ︀ိူꩫ︀်ႈပ︀ီလ︀ၢက︀်ႉ။ ပ︀ႃႛဢ︀ꩫ︀်ႈၸ︀ိတ︀်မ︀ႆ︀ႛပ︀ီꩭီတ︀်ꩬ︀ၢက︀်ႉꩬ︀ေ။

မ︀တ︀်တ︀ႄး 23:23

ꩬ︀ြႃတ︀ြႃးၵ︀ဝ်၊ ၸ︀ႃရ︀ိꩬ︀ႄၵ︀ဝ်ꩴ︀း ꩬ︀ူယ︀ႃႇ က︀ႅမ︀်ႛꩫ︀ႃႛလ︀ူင︀်ꩫ︀မ︀်။ ꩡ︀ႃႇꩭၢင︀်းꩬ︀ူယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူယ︀ႃႇ ၸ︀က︀်ꩡ︀ိမ︀်ႈၵ︀ိမ︀်း၊ ၸ︀က︀်လ︀ူဝ်၊ ၸ︀က︀်က︀ီးဢ︀ꩫ︀်ႈက︀ꩬ︀ိက︀်ႉက︀ꩬ︀ွက︀်ႉꩫ︀ႆ︀ႇၵ︀ဝ်ယ︀ႃႇ ꩬ︀ိပ︀်ꩡ︀ႃႇꩡ︀ႃႇလ︀ိူင︀်ႈꩬ︀ႂ်ထက︀်ꩰꩬ︀ီ လ︀ွင︀်ႈဢ︀ꩫ︀်ႈတ︀ြႃး၊ လ︀ွင︀်ႈဢ︀ီꩫ︀ူႈ၊ လ︀ွင︀်ႈꩬ︀ိုဝ်ႈꩫ︀ꩫ︀်ႈ ဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛဢ︀ၵ︀ႅက︀်ႉတ︀ေႇတ︀ေႇꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩬ︀ူပ︀ႆ︀ဝႆ︀ႇဢ︀ူ။ ဢ︀ꩫ︀်ႈတ︀ေႇတ︀ေႇက︀ီး ꩬ︀ိꩫ︀်တ︀ၢင︀်ဢ︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ မ︀ဝ်ပ︀ႆ︀ဝႆ︀ႇꩬ︀ီ ꩬ︀ိꩫ︀်ဢ︀ꩫ︀်ႈꩫ︀ႆ︀ႇၵ︀ဝ်က︀ေႃႇ ꩬ︀ူဝႃႈက︀မ︀်ႈက︀ႅင︀်းက︀ႃꩫ︀မ︀်။

မ︀တ︀်တ︀ႄး 5:19

င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈက︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛ ၵ︀ူဝ်ႛဢ︀ွꩫ︀်လ︀ိူင︀်ႈမ︀ႆ︀ႛꩫ︀ႆ︀ၢႈၸ︀ိတ︀်ꩫ︀က︀ေႃႇယ︀ႃ ၵ︀ူဝ်ႛဢ︀ွꩫ︀်ဢ︀မ︀ႂ်း ပ︀ိူꩫ︀်ႈမ︀ႆ︀ႛꩬ︀ွꩫ︀်ဢ︀ဝ်ႈၸ︀ိတ︀်ꩫ︀က︀ေႃႇယ︀ႃ က︀ူဝ်ႇဢ︀မ︀ႂ်းယ︀ႃႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီပ︀ီꩫ︀်ႈဢ︀ꩫ︀်ႈၵ︀ႅꩫ︀်းဢ︀ွꩫ︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ၵ︀ူဝ်ႛတ︀ြႃးဢ︀မ︀ႂ်းၸ︀ူႛꩡ︀ဝ်ႛက︀ေႃႇထွမ︀်ꩡ︀ွမ︀်းꩬ︀ီ ꩭႂ်ႛပ︀ူဝ်းပ︀ိူꩫ︀်ႈꩡ︀ွမ︀်းက︀ေႃႇ ꩬ︀ွꩫ︀်ꩭႂ်ႛက︀ီး က︀ူဝ်ႇဢ︀မ︀ႂ်းယ︀ႃႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီပ︀ီꩫ︀်ႈၸ︀ူႛယ︀ႂ်ꩫ︀မ︀်။

မ︀ႃက︀ု 9:14

ꩡ︀ဝ်ႛယ︀ေꩬ︀ုင︀ႆ︀းတ︀ပ︀ေးꩡ︀ဝ်ႛꩬ︀ၢမ︀်က︀ူဝ်ႇယ︀ႃႇ တ︀ပ︀ေးꩡ︀ဝ်ႛတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛထိုင︀်မ︀ႃးက︀ီး ၸ︀ုင︀်က︀ူꩫ︀်းလ︀ူင︀်မ︀ႆ︀ႛꩭꩫ︀်ဢ︀ူ။ တ︀ပ︀ေးꩡ︀ဝ်ႛၵ︀ဝ်ယ︀ႃႇ တ︀င︀်း ꩬ︀ြႃတ︀ြႃးꩫ︀ႆ︀ႇၵ︀ဝ်ထီင︀်က︀ꩫ︀်ႈဢ︀ူ။

လ︀ုက︀ႃ 11:42

ၸ︀ႃရ︀ိꩬ︀ႄၵ︀ဝ်ꩴ︀း ꩡ︀ႃႇꩬ︀ူယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ ꩬ︀ူယ︀ႃႇ ၸ︀က︀်ꩡ︀ိမ︀်ႈၵ︀ိမ︀်း၊ ၸ︀က︀်က︀ီး၊ ꩡ︀မ︀ွတ︀်ႉ၊ မ︀ီက︀ီးက︀ူႈၸ︀ꩫ︀်း ꩬ︀ိပ︀်ꩡ︀ႃႇꩡ︀ႃႇလ︀ိူင︀်ႈ လ︀ူꩫ︀က︀ေႃႇ ပ︀ိူꩫ︀်ႈမ︀ႆ︀ႛယ︀ႃႇ ꩬ︀ူꩵ︀ႈတ︀ြႃး၊ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ ꩬ︀ူꩵ︀ႈꩭၢက︀်ႉ။ လ︀ွင︀်ႈဢ︀ꩫ︀်ႈပ︀ိူꩫ︀်ႈမ︀ႆ︀ႛꩭီတ︀်ꩬ︀ိုဝ်ႈꩰ၊ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် ꩭီတ︀်ဢ︀ၵ︀ႅက︀်ႉက︀ꩫ︀်ႈတ︀ႃႉ။ ꩬ︀ိပ︀်ꩡ︀ႃႇꩡ︀ႃႇလ︀ိူင︀်ႈဢ︀မ︀ႂ်းၵ︀ဝ်က︀ေႃႇ က︀ၢပ︀်ꩬ︀ီꩬ︀ႂ်တ︀ႃႉ။

လ︀ုက︀ႃ 20:39

ꩫ︀ႆ︀ႇမ︀ႆ︀ႛ ꩬ︀ြႃတ︀ြႃးက︀မ︀်ႈၸ︀ွင︀်းယ︀ႃႇ “ꩡ︀ဝ်ႛꩬ︀ြႃꩴ︀း မ︀ႂ်းꩡ︀ဝ်ႛက︀ေႛတ︀ွပ︀်ꩭႂ်ႛꩫ︀ႆ︀ႇ ထုက︀်လ︀ူင︀်တ︀ီၵ︀ႃႛꩫ︀မ︀်” ꩫ︀ဝꩫ︀်ႇ။