မ︀ႃက︀ု 10:40 - Khamti Shan

⁴⁰ ꩫ︀ႆ︀ႇꩫ︀က︀ေႃႇ ဢ︀ယ︀ႃဢ︀ꩫ︀်ႈဢ︀ူꩬ︀ၢႆ︀ႇဢ︀ူၵ︀ႃက︀ဝ်ႈꩫ︀ႆ︀ႇၵ︀ဝ်ယ︀ႃႇ ꩬ︀ွင︀်ၵ︀ိူဝ်မ︀ႆ︀ႛက︀ဝ်ႈꩭႂ်ႛꩵ︀ႈꩫ︀ႆ︀ႛ။ ဢ︀ယ︀ႃဢ︀မ︀ႂ်းၵ︀ဝ်ယ︀ႃႇ ꩡ︀ဝ်ႛထႃဝရ︀ၸ︀ြႃးꩫ︀မ︀်တ︀ီꩭႂ်ႛꩫ︀ႆ︀ႇ။ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ မ︀ေးꩭႅမ︀်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛတ︀ီꩭႂ်ႛꩫ︀မ︀်” ꩫ︀ဝꩫ︀်ႇ။

မ︀ႃက︀ု 10:40 ပူးပေါင်းရင်းမြစ်များ

မ︀တ︀်တ︀ႄး 13:11

ꩡ︀ဝ်ႛယ︀ေꩬ︀ုယ︀ႃႇ “ꩬ︀ူမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ လ︀ွင︀်ႈမ︀ိူင︀်းက︀ၢင︀်ႈꩭၢဝ်ဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် ပ︀ုတ︀်ပ︀ျႃးꩭႂ်ႛဢ︀ူ။ ꩫ︀ႆ︀ႇꩫ︀က︀ေႃႇ တ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩵ︀ႈပ︀ုတ︀်ပ︀ျႃးꩭႂ်ႛ။

မ︀တ︀်တ︀ႄး 20:23

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “ꩫ︀င︀်က︀ဝ်ႈၵ︀ၢမ︀်ဝေၻꩫ︀ႃꩫ︀က︀ꩫ︀်ႈ ꩬ︀ွင︀်ၵ︀ိူဝ်က︀ေႃႇ တ︀ီꩫ︀ႆ︀ႛၵ︀ၢမ︀်တ︀ေႇတ︀ေႇꩬ︀ႃး။ ꩫ︀ႆ︀ႇꩫ︀က︀ေႃႇ ဢ︀ၵ︀ၢင︀်းဢ︀ꩫ︀်ႈတ︀ီပ︀ၢင︀်ꩫ︀င︀်ႈပ︀ႃႛꩬ︀ႆ︀ၢႇပ︀ႃႛၵ︀ႃက︀ဝ်ႈꩫ︀ႆ︀ႇယ︀ႃႇ က︀ဝ်ႈꩭႂ်ႛꩵ︀ႈꩫ︀ႆ︀ႛ။ တ︀ီႈဢ︀မ︀ႂ်းၵ︀ဝ်ယ︀ႃႇ ꩡ︀ႃႇက︀ူဝ်ႇဢ︀ꩫ︀်ႈပ︀ူဝ်က︀ဝ်ႈꩭႅမ︀်းဝႆ︀ႇꩫ︀ႆ︀ႇၵ︀ဝ်ꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 25:34

ယ︀ဝ်ႇက︀ီး က︀ဝ်ႈၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်းယ︀ႃႇ က︀ူꩫ︀်းပ︀ႃႛၵ︀ႃꩫ︀ႆ︀ႇၵ︀ဝ်မ︀ႆ︀ႛ “ꩬ︀ူဢ︀ꩫ︀်ႈပ︀ူဝ်က︀ဝ်ႈ ပ︀ူင︀်ႈဢ︀က︀ိဝ်းꩫ︀ႆ︀ႇၵ︀ဝ်မ︀ႃးတ︀ႃႉ။ မ︀ိူင︀်းဢ︀ꩫ︀်ႈꩡ︀ႃႇꩭၢင︀်းꩬ︀ူ လ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛꩭႅမ︀်းဝႆ︀ႇမ︀ႆ︀ႛ မ︀ႃးဢ︀ူတ︀ႃႉ။

ယ︀ေႃးꩭၢꩫ︀် 17:2

မ︀ႂ်းꩡ︀ဝ်ႛ က︀ဝ်ႈၵ︀ႃမ︀ႆ︀ႛက︀ꩫ︀်ႛꩫ︀ိူဝ်တ︀င︀်းမ︀ိူင︀်းမ︀ႆ︀ႛ ဢ︀ႃꩫ︀ႃပ︀ူင︀်ႈꩭႂ်ႛတ︀ီၵ︀ႃႛမ︀ႃးယ︀ဝ်ႇ။ င︀ႆ︀းꩬ︀ီ က︀ူꩫ︀်းဢ︀ꩫ︀်ႈမ︀ႂ်းꩡ︀ဝ်ႛ က︀ဝ်ႈၵ︀ႃႛမ︀ႆ︀ႛ ဢ︀ၢပ︀်ႉꩭႂ်ႛဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈၵ︀ႃႛဢ︀ꩬ︀ၢက︀်ႉထႃဝရ︀ꩭႂ်ႛတ︀ီၵ︀ႃႛဢ︀ူ။

ယ︀ေႃးꩭၢꩫ︀် 17:24

ပ︀ူဝ်ꩡ︀ဝ်ႛꩴ︀း က︀ူꩫ︀်းဢ︀ꩫ︀်ႈက︀ဝ်ႈၵ︀ႃႛမ︀ႆ︀ႛ ꩡ︀ဝ်ႛꩭႂ်ႛဝႆ︀ႇꩫ︀ႆ︀ႇၵ︀ဝ် တ︀ီႈဢ︀ꩫ︀်ႈက︀ဝ်ႈၵ︀ႃႛတ︀ီဢ︀ူမ︀ႆ︀ႛ ၵ︀ဝ်မ︀ႆ︀ႛက︀ေႃႇၵ︀ႂ်ႈꩭႂ်ႛဢ︀ူတ︀ီၵ︀ႃႛဢ︀ူ။ င︀ႆ︀းက︀ီး မ︀ူꩫ︀်ႈၸ︀ုင︀်းဢ︀ꩫ︀်ႈꩡ︀ဝ်ႛက︀ဝ်ႈၵ︀ႃႛမ︀ႆ︀ႛ ꩭႂ်ႛဝႆ︀ႇဢ︀မ︀ႂ်းမ︀ႆ︀ႛ ၵ︀ဝ်ꩭꩫ︀်တ︀ီၵ︀ႃႛဢ︀ူ။ မ︀ူꩫ︀်ႈၸ︀ုင︀်းဢ︀မ︀ႂ်းယ︀ႃႇ မ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ ဢ︀ꩫ︀်ႈꩡ︀ဝ်ႛ က︀ဝ်ႈၵ︀ႃႛမ︀ႆ︀ႛ ꩭၢက︀်ႉꩬ︀ီꩭႂ်ႛမ︀ႃးꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 1:7

ꩡ︀ဝ်ႛယ︀ေꩬ︀ုယ︀ႃႇ “ယ︀ၢမ︀်းဢ︀ꩫ︀်ႈ ဢ︀ꩫ︀်ႈꩫ︀ႆ︀ႇၵ︀ဝ် မ︀ိူဝ်ႈလ︀ႂ်ႈတ︀ီပ︀ီꩫ︀်ႈမ︀ႃးꩫ︀ꩫ︀ႆ︀ႇယ︀ႃႇ ဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ိူꩫ︀်ႈꩡ︀ဝ်ႛ ဢ︀ဝ်ႈဢ︀ႃꩫ︀ႃမ︀ꩫ︀်းꩡ︀ဝ်ႛ ꩬ︀ၢင︀်ဝႆ︀ႇꩫ︀မ︀်။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈꩬ︀ူဝႃႈတ︀ွင︀်းꩵ︀ႈꩡ︀ႂ်ႈ။

ꩭေပ︀ရ︀ူး 11:16

ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇ မ︀ိူင︀်းက︀ၢင︀်ႈꩭၢဝ် မ︀ိူင︀်းဢ︀ꩫ︀်ႈꩫ︀ီႈꩬ︀ႃမ︀ႆ︀ႛꩬ︀ိုင︀် ဢ︀ေꩬ︀ီဢ︀ူꩫ︀မ︀်။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ပ︀ီꩫ︀်ႈၸ︀ြႃးၵ︀ဝ်ꩫ︀ႆ︀ႇꩵ︀ႈဢ︀ႆ︀ၢႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛဝီင︀်းꩡ︀ႃႇꩭၢင︀်းၵ︀ဝ် ꩭႅမ︀်းဝႆ︀ႇꩬ︀ီꩫ︀မ︀်။