မ︀ႃက︀ု 10:30 - Khamti Shan

³⁰ ꩡ︀တ︀်ႉꩫ︀ႆ︀ႇမ︀ႆ︀ႛ ၵ︀ႆ︀ႇမ︀ဝ်က︀ႃးꩫ︀ႆ︀ႛဢ︀ူ။ ꩭိူꩫ︀်း၊ ပ︀ီႈꩫ︀ွင︀်ႇ၊ ပ︀ူဝ်မ︀ေ၊ လ︀ုက︀်ႉလ︀ၢင︀်း၊ ꩫ︀ႃးꩫ︀ႆ︀ႇၵ︀ဝ် ပ︀ၢက︀်ꩡ︀ူးꩫ︀ႆ︀ႛဢ︀ူ။ ၵ︀ဝ်မ︀ႆ︀ႛယ︀ႃႇ ပ︀ိူꩫ︀်ႈက︀ေႃႇ တ︀ီꩫ︀ိက︀်ႉꩬ︀ၢက︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇၵ︀ဝ်ယ︀ႃႇ ꩡ︀တ︀်ႉꩫ︀ႆ︀ႇယ︀ဝ်ႇက︀ီး ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။

မ︀ႃက︀ု 10:30 ပူးပေါင်းရင်းမြစ်များ

မ︀တ︀်တ︀ႄး 12:32

က︀ူဝ်ႇဢ︀ꩫ︀်ႈလ︀ုက︀်ႉက︀ူꩫ︀်းမ︀ႆ︀ႛ ၸ︀ိတ︀်ꩬ︀ူပ︀်ၸ︀ိတ︀်ၵ︀ၢမ︀်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀လ︀ွတ︀်ႉꩭႂ်ႛꩫ︀ႆ︀ႛဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀် ၸ︀ိတ︀်ꩬ︀ူပ︀်ၸ︀ိတ︀်ၵ︀ၢမ︀်းꩫ︀ႆ︀ႇမ︀ႆ︀ႛယ︀ႃႇ မ︀ꩫ︀်းꩡ︀ဝ်ႛမ︀ိူဝ်ႈလ︀ႂ်ႈက︀ေႃႇ ꩵ︀ႈပ︀ွႆ︀လ︀ွတ︀်ႉꩭႂ်ႛ” ꩫ︀ဝꩫ︀်ႇ။

မ︀တ︀်တ︀ႄး 13:8

ꩫ︀ႆ︀ႇꩫ︀က︀ေႃႇ ꩭွေၸ︀ꩫ︀်းက︀မ︀်ႈၸ︀ွင︀်းယ︀ႃႇ ꩫ︀ိꩫ︀်ႈဢ︀ꩫ︀်ႈꩫ︀ီႈမ︀ႆ︀ႛ တ︀ူက︀်က︀ႃဢ︀ူ။ ꩭွေၸ︀ꩫ︀်းဢ︀မ︀ႂ်းၵ︀ဝ် တ︀ႅက︀်တ︀ူꩫ︀်ႛꩬ︀ီယ︀ႂ်မ︀ႃးက︀ီး က︀မ︀်ႈၸ︀ွင︀်းယ︀ႃႇ မ︀က︀်ပ︀ၢက︀်ꩡ︀ူး၊ က︀မ︀်ႈၸ︀ွင︀်းယ︀ႃႇ ꩭူက︀်ꩬ︀ိပ︀်ꩡ︀ူး၊ က︀မ︀်ႈၸ︀ွင︀်းယ︀ႃႇ ꩬ︀ၢမ︀်ꩬ︀ိပ︀်ꩡ︀ူးပ︀ီꩫ︀်ႈက︀ꩫ︀်ႈဢ︀ူ။

မ︀တ︀်တ︀ႄး 6:33

ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူမ︀ႆ︀ႛꩭႂ်ႛဢ︀ုပ︀်ႉပ︀ိုင︀်တ︀ႃႉ။ ဢ︀ꩫ︀်ႈပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ꩬ︀ိုဝ်ႈꩡ︀ႂ်ႈꩫ︀ႆ︀ႇꩭီတ︀်က︀ꩫ︀်ႈတ︀ႃႉ။ င︀ႆ︀းက︀ီး ဢ︀ꩫ︀်ႈꩬ︀ူꩭၢင︀်ႇꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ꩫ︀်းꩡ︀ဝ်ႛꩭႂ်ႛဢ︀ူ။

လ︀ုက︀ႃ 18:30

ꩡ︀တ︀်ႉꩫ︀ႆ︀ႇမ︀ႆ︀ႛ ဢ︀က︀ိဝ်းက︀ီလ︀ႆ︀ၢꩡ︀ူဝ်ႈꩫ︀ႆ︀ႛꩬ︀ီ ꩡ︀ူဝ်ႈꩫ︀ႃႛမ︀ႆ︀ႛက︀ေႃႇ ဢ︀ꩬ︀ၢက︀်ႉထႃဝရ︀တ︀ီꩫ︀ႆ︀ႛမ︀ဝ်ပ︀ိတ︀်ႉꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 10:23

ꩡ︀ဝ်ႛယ︀ေꩬ︀ုယ︀ႃႇ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ꩡ︀ၢꩫ︀်းꩬ︀ေႃလ︀မ︀ုꩫ︀်ꩫ︀ꩫ︀ႆ︀ႇမ︀ႆ︀ႛ ၸ︀ႆ︀ၢႛꩬ︀ၢင︀်းက︀ႅမ︀်ꩬ︀ီဢ︀ူဢ︀ူ။

ထဝ်ꩡ︀တ︀်ႉၵ︀ဝ် 14:22

ꩬ︀ွင︀်ၵ︀ႃယ︀ႃႇ ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ယ︀ုမ︀်ယ︀မ︀်ႈၵ︀ိူင︀်ꩰꩫ︀ႆ︀ႇ ၵ︀ဝ်မ︀ႆ︀ႛ ꩬ︀ႂ်ꩭႅင︀်းꩭႂ်ႛဢ︀ူ။ “မ︀ိူဝ်ႈꩭဝ်းက︀ႃ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ တ︀ၢင︀်းယ︀ပ︀်ယ︀ၢက︀်ႉၻုက︀်ႉၵ︀ဢ︀ၢꩫ︀်တ︀ၢꩫ︀် ဝႃႈꩫ︀ႆ︀ႛၵ︀ၢမ︀်ဢ︀ူ” ꩫ︀ꩬ︀ီၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 16:25

ယ︀ၢꩫ︀်ႈက︀ၢင︀်ႈၵ︀ိုꩫ︀်းမ︀ႆ︀ႛ ပ︀ေႃလ︀ုꩫ︀ၵ︀ႃတ︀ိလ︀ယ︀ႃႇ ယ︀ွꩫ︀်းꩬ︀ူးင︀ႆ︀းယ︀ူဝ်းယ︀ွင︀်ႛက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီဢ︀ူဢ︀ူ။ က︀ူꩫ︀်းထွင︀်တ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩬ︀ွင︀်ၵ︀ႃယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ထွမ︀်ꩬ︀ီဢ︀ူဢ︀ူ။

ထဝ်ꩡ︀တ︀်ႉၵ︀ဝ် 5:41

တ︀မ︀ၢꩫ︀်ꩡ︀ဝ်ႛၵ︀ဝ်ယ︀ႃႇ လ︀ုက︀်ႉယ︀ုင︀်းတ︀ြႃးမ︀ႆ︀ႛꩭုမ︀်ꩰꩡ︀ူမ︀်းꩰ ဢ︀ွက︀်က︀ႃဢ︀ူ။ လ︀ႆ︀ၢးပ︀ိူဝ်ႈꩭူဝ်းလ︀ွင︀်ႈꩡ︀ဝ်ႛယ︀ေꩬ︀ုꩫ︀ႆ︀ႇꩬ︀ီ ၵ︀ဝ်မ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇ ဢ︀ꩫ︀်ႈထႅက︀်ႉꩬ︀ီၸ︀ြႃးပ︀ီꩫ︀်ႈꩡ︀ဝ်ႛဢ︀ၵ︀ၢင︀်းꩭႂ်ႛꩫ︀မ︀်ꩫ︀ꩬ︀ီ ꩡ︀ူမ︀်းက︀ꩫ︀်ႈဢ︀ူ။

ရ︀ေႃမ︀ 5:3

ဢ︀ꩫ︀်ႈꩭဝ်းယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭဝ်းꩡ︀ူမ︀်းꩭုမ︀်ဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းယ︀ပ︀်ယ︀ၢက︀်ႉက︀ီး က︀ꩫ︀်ႛပ︀ီꩫ︀်ႈမ︀ႃးဢ︀ူꩫ︀ꩫ︀ႆ︀ႇꩭဝ်းတ︀ွင︀်းဢ︀ူ။

ရ︀ေႃမ︀ 6:23

က︀ူꩫ︀်းꩭဝ်းဢ︀ပ︀ႅတ︀်ႉꩭီတ︀်က︀ီး က︀ႃႈဢ︀ပ︀ႅတ︀်ႉဢ︀မ︀ႂ်း ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩬ︀ူးက︀ျေးꩡ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇယ︀ႃႇ ဢ︀ꩬ︀ၢက︀်ႉထႃဝရ︀ ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 6:10

တ︀ူႈꩫ︀ႆ︀ႛၵ︀ီၵ︀ုမ︀်ꩫ︀က︀ေႃႇ မ︀ိူဝ်ႈလ︀ႂ်ႈက︀ေႃႇ ꩭုမ︀်ꩡ︀ူမ︀်းဢ︀ူꩫ︀မ︀်။ တ︀ူႈပ︀ီꩫ︀်ႈၸ︀ူႛၸ︀ၢꩫ︀်ၵ︀ႂ်ႈလ︀ႂ်ႈꩫ︀က︀ေႃႇ က︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀မ︀ႆ︀ႛ ပ︀ူင︀်ႈဢ︀က︀ိဝ်းꩭႂ်ႛဢ︀ူ။ တ︀ူႈမ︀ႆ︀ႛ က︀ꩬ︀င︀်မ︀ဝ်ယ︀င︀်းꩫ︀က︀ꩫ︀်ႈ ပ︀ီꩫ︀်ႈၵ︀ႂ်ႈလ︀ႂ်ႈꩫ︀က︀ေႃႇ က︀ူႈꩡ︀ွင︀်ႈက︀ူႈလ︀ွင︀်ႈယ︀င︀်းဢ︀ူ။

ၸ︀ိလ︀ိပ︀်ပ︀ၢႆ︀ 3:8

ဢ︀ꩫ︀်ႈꩡ︀ဝ်ႛက︀ဝ်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ က︀ဝ်ႈꩫ︀ႆ︀ႛꩭူႇတ︀ွင︀်းမ︀ႃးꩫ︀ႆ︀ႇယ︀ႃႇ ဢ︀မ︀ႂ်းၵ︀ဝ်မ︀ႆ︀ႛမ︀ဝ်က︀ႃး တ︀င︀်းလ︀ုင︀်တ︀င︀်းမ︀ိူင︀်းမ︀ႆ︀ႛမ︀ႅတ︀်ႉꩬ︀ႃꩫ︀ႆ︀ႇꩬ︀ီ ဢ︀မ︀ႂ်းၵ︀ဝ်တ︀င︀်းမ︀ိူင︀်းယ︀ႃႇ က︀ꩬ︀င︀်က︀ေႃႇꩵ︀ႈꩡ︀ႂ်ႈယ︀ဝ်ႇ။ ꩭႂ်ႛပ︀ူဝ်းက︀ဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩫ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းꩫ︀ႆ︀ႛဢ︀ူꩫ︀ႂ်းမ︀ꩫ︀်းꩡ︀ဝ်ႛꩫ︀ႆ︀ႇ ဢ︀မ︀ႂ်းၵ︀ဝ်တ︀င︀်းမ︀ိူင︀်းမ︀ႆ︀ႛ မ︀တ︀်ႉၵ︀ွꩫ︀်ႛၵ︀ႅက︀်ႉꩬ︀ီၵ︀ွတ︀်ယ︀ဝ်ႇ။ က︀ဝ်ႈꩭႂ်ႛပ︀ူဝ်းပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈတ︀ူဝ်ꩫ︀ႆ︀ႇ က︀မ︀်ႈက︀ႅင︀်းက︀ျမ︀်းꩬ︀ိꩫ︀်ဢ︀ဝ်ႈꩬ︀ီꩵ︀ႈꩫ︀ႆ︀ႛ။ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈꩬ︀ီꩫ︀ႆ︀ၢႈꩫ︀မ︀်ꩫ︀ႆ︀ႛꩫ︀ႆ︀ႇ။ ဢ︀မ︀ႂ်းယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈက︀ဝ်ႈယ︀ုမ︀်ယ︀မ︀်ႈꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် က︀ဝ်ႈမ︀ႆ︀ႛဢ︀ီꩫ︀ူႈꩬ︀ီ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ဢ︀ဝ်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:16

ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀င︀်း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛꩭၢက︀်ႉꩭွမ︀်ဢ︀ီꩫ︀ူႈꩬ︀ီ ဢ︀ꩫ︀်ႈꩭဝ်းမ︀ုင︀်ႈမ︀ွင︀်းမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛ၊ ဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃတ︀ေႇတ︀ေႇꩭႂ်ႛꩫ︀ႆ︀ႇꩭႂ်ႛပ︀ူဝ်းꩬ︀ူမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ လ︀ွင︀်ႈꩫ︀ီႈက︀ူႈၸ︀ꩫ︀်းက︀ူႈမ︀ိဝ်း တ︀ၢꩫ︀်ႛပ︀ီꩫ︀်ႈꩭီတ︀်ပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛꩭႅင︀်းꩡ︀ႂ်ႈ၊ ꩭႅင︀်းၵ︀ွꩫ︀်ꩭႂ်ႛထႅမ︀်က︀ႃတ︀ႃႉ။

တ︀ိမ︀ေႃတ︀ေ ႑ 4:8

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ေႈꩡ︀ႃႉꩫ︀ႆ︀ႇယ︀ႃႇ ဢ︀ꩫ︀်ႈꩬ︀ေႈꩡ︀ႃႉ လ︀ွင︀်ႈၵ︀ၢပ︀်ႉက︀ႃႛယ︀မ︀ႆ︀ႛ ဢ︀က︀ိဝ်းယ︀င︀်းꩬ︀ႃဢ︀ူ။ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ေႈꩡ︀ႃႉꩫ︀ႆ︀ႇယ︀ႃႇ ꩡ︀ႃႇꩡ︀တ︀်ႉꩫ︀ႆ︀ႇတ︀မ︀ိူင︀်း၊ ꩡ︀ႃႇꩡ︀ူဝ်ႈထႃဝရ︀တ︀မ︀ိူင︀်း က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ဢ︀က︀ိဝ်းယ︀င︀်းဢ︀ူꩫ︀ꩫ︀ႆ︀ႇ ၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀မ︀်။ ၵ︀ၢမ︀်းꩫ︀ႆ︀ႇမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်း ဝႃႈယ︀ုမ︀်ယ︀မ︀်ႈꩭၢပ︀်ႉꩡ︀ွမ︀်းꩫ︀မ︀်။

တ︀ိမ︀ေႃတ︀ေ ႑ 6:6

ꩫ︀ႆ︀ႇꩫ︀က︀ေႃႇ ꩡ︀ႂ်ႈလ︀ေႃးၸ︀ႃးမ︀ဝ်လ︀ွေႛꩬ︀ီ ꩭီတ︀်လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ီး ဢ︀က︀ိဝ်းလ︀ူင︀်တ︀ေႇတ︀ေႇꩫ︀မ︀်။

ယ︀ႃက︀ု 1:12

မ︀ိူဝ်ႈꩬ︀ူမ︀ႆ︀ႛ ဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ် ၵ︀ဝ်ႛမ︀ႃးꩫ︀ႆ︀ႇ က︀ꩫ︀်ႛပ︀ီꩫ︀်ႈက︀ီး မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ူႛဢ︀ꩫ︀်ႈက︀ꩫ︀်ႛပ︀ေႇ၊ ၸ︀ူႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛ ꩬ︀ူးဢ︀ꩬ︀ၢက︀်ႉꩭႂ်ႛက︀ွတ︀်ꩫ︀ꩬ︀ီ မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩬ︀ီꩫ︀မ︀်။

ယ︀ႃက︀ု 5:11

က︀ွပ︀်ႉပ︀ိူဝ်ႈၵ︀ဝ် က︀ꩫ︀်ႛပ︀ီꩫ︀်ႈမ︀ႃးꩫ︀ႆ︀ႇꩬ︀ီ ၵ︀ဝ်မ︀ႆ︀ႛမ︀ၢင︀်က︀လ︀ႃယ︀င︀်းဢ︀ူꩫ︀ꩬ︀ီ ꩭဝ်းဝႃႈꩫ︀မ︀်။ ယ︀ေႃၿꩫ︀ႆ︀ႇ ꩭလ︀ိုဝ်က︀ꩫ︀်ႛမ︀ႃးꩬ︀ီ ပ︀ၢႆ︀ႈꩭၢင︀်လ︀ေႚလ︀ေႚမ︀ႆ︀ႛ မ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩭလ︀ိုဝ် ပ︀ူင︀်ႈဢ︀က︀ိဝ်းꩭႂ်ႛမ︀ႃးꩫ︀ꩫ︀ႆ︀ႇꩬ︀ူတ︀ွင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ႅတ︀်ႉတ︀ႃယ︀ႂ်လ︀ူင︀် ꩡ︀ႂ်ႈဢ︀ꩫ︀်ႈဢ︀ီꩫ︀ူႈယ︀ႂ်လ︀ူင︀်ꩬ︀ီꩫ︀မ︀်။

ယ︀ေႃးꩭၢꩫ︀် ႑ 2:25

င︀ႆ︀းꩬ︀ီ ꩭဝ်းဢ︀ူက︀ꩫ︀်ႛꩫ︀ႂ်း ၸ︀ြႃးပ︀ီꩫ︀်ႈꩡ︀ဝ်ႛက︀ီး ဢ︀ꩬ︀ၢက︀်ႉထႃဝရ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀တ︀ိꩭႂ်ႛဝႆ︀ႇꩫ︀ႆ︀ႇ ꩭဝ်းꩫ︀ႆ︀ႛဢ︀ူ။

ယ︀ေႃးꩭၢꩫ︀် ႑ 3:1

ꩭဝ်းမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ၵ︀ႂ်ႈလ︀ႂ်ႈꩭၢက︀်ႉꩫ︀ꩫ︀ႆ︀ႇလ︀ႅမ︀်းတ︀ႃႉ။ တ︀ူဝ်ထိုင︀်ꩭဝ်းမ︀ႆ︀ႛ ဢ︀ဝ်ႈပ︀ီꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛပ︀ုꩫ︀်ႛꩫ︀မ︀် မ︀ꩫ︀်းꩡ︀ဝ်ႛꩭၢက︀်ႉꩫ︀ႆ︀ႇ။ င︀ႆ︀းꩫ︀ႆ︀ႇꩬ︀ီ ꩭဝ်းက︀ေႃႇပ︀ီꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛတ︀ေႇတ︀ေႇက︀ꩫ︀်ႈယ︀ဝ်ႇ။ ꩫ︀ႆ︀ႇꩫ︀က︀ေႃႇ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇꩬ︀ီ ꩭဝ်းပ︀ီꩫ︀်ႈၸ︀ူႛလ︀ုက︀်ႉမ︀ꩫ︀်းꩡ︀ဝ်ႛꩫ︀မ︀်ꩫ︀ꩫ︀ႆ︀ႇ ꩵ︀ႈတ︀ွင︀်း။

ၿျႃၻိက︀်ႉ 2:9

မ︀ႂ်းၵ︀ႂ်ႈလ︀ႂ်ႈယ︀ပ︀်ယ︀ၢက︀်ႉ ၵ︀ႂ်ႈလ︀ႂ်ႈၻုက︀်ႉၵ︀ꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ ဢ︀ꩫ︀်ႈတ︀ေႇတ︀ေႇက︀ီး မ︀ႂ်းယ︀ႃႇမ︀ီးဢ︀ူ။ က︀ူꩫ︀်းက︀ုမ︀်ႛၵ︀ုꩫ︀်ꩬ︀ူင︀်ဢ︀ꩫ︀်ႈꩭႅꩫ︀်းꩭီတ︀်က︀ျူးꩫ︀ႆ︀ႇၵ︀ဝ် မ︀ႂ်းမ︀ႆ︀ႛꩭလ︀ိုဝ်က︀ေးလ︀ေးꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။

ၿျႃၻိက︀်ႉ 3:18

ꩭႂ်ႛပ︀ူဝ်းမ︀ႂ်းမ︀ီးတ︀ꩫ︀်းꩫ︀ႆ︀ႇ ၵ︀မ︀်းဢ︀ꩫ︀်ႈဢ︀ဝ်ႈၸ︀ႆ︀းꩡ︀ွတ︀်ႉဝႆ︀ႇꩫ︀ႆ︀ႇ လ︀ုက︀်ႉက︀ဝ်ႈမ︀ႆ︀ႛꩬ︀ိုဝ်ႇတ︀ႃႉ။ ဢ︀ꩫ︀်ႈမ︀ႂ်းပ︀ီꩫ︀်ႈလ︀ပ︀ုတ︀်ꩬ︀ီ ၵ︀ိူင︀်ႈꩫ︀ီႈဢ︀ႆ︀ၢႈꩫ︀ႆ︀ႇမ︀ႆ︀ႛက︀ေႃႇ ꩭႂ်ႛပ︀ူဝ်းꩭူမ︀်ႛꩡ︀ႃꩫ︀ႆ︀ႇ ၵ︀ိူင︀်ႈၵ︀ၢဝ်မ︀ႃးꩬ︀ိုဝ်ႇꩬ︀ီꩫ︀ုင︀်ႈတ︀ႃႉ။ ꩭႂ်ႛပ︀ူဝ်းမ︀ႂ်းတ︀ႃႈꩭꩫ︀်ꩫ︀ႆ︀ႇက︀ေႃႇ ယ︀ႃႛတ︀ႃႈꩡ︀ီပ︀်ꩭႆ︀ၢ မ︀ႃးꩬ︀ိုဝ်ႇꩬ︀ီꩬ︀ႂ်တ︀ႃႉ။