မ︀ႃက︀ု 10:24 - Khamti Shan

²⁴ ꩫ︀ႆ︀ႇမ︀ႆ︀ႛ တ︀ပ︀ေးꩡ︀ဝ်ႛၵ︀ဝ်ယ︀ႃႇ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛꩫ︀ႆ︀ႛꩥ︀ိꩫ︀်းက︀ီး ဢ︀ၢမ︀်းꩰဝၢင︀်ꩰက︀ꩫ︀်ႈဢ︀ူ။ မ︀ꩫ︀်းꩡ︀ဝ်ႛယ︀ႃႇက︀ၢပ︀်ꩬ︀ီ “လ︀ုက︀်ႉက︀ဝ်ႈၵ︀ဝ်ꩴ︀း ꩭႂ်ႛပ︀ူဝ်းꩫ︀ႆ︀ႛၵ︀ဝ်ႛမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇယ︀ႃႇ ယ︀ပ︀်လ︀ူင︀်ꩫ︀မ︀်။

မ︀ႃက︀ု 10:24 ပူးပေါင်းရင်းမြစ်များ

မ︀တ︀်တ︀ႄး 19:25

ၵ︀ၢမ︀်းꩫ︀ႆ︀ႇမ︀ႆ︀ႛ တ︀ပ︀ေးꩡ︀ဝ်ႛၵ︀ဝ်ꩫ︀ႆ︀ႛꩥ︀ိꩫ︀်းက︀ီး ဢ︀ၢမ︀်းတ︀ႆ︀ၢႈꩰက︀ႃက︀ꩫ︀်ႈꩬ︀ီ “ꩫ︀ႆ︀ႇက︀ီး ၸ︀ႂ်ꩫ︀ႆ︀ တ︀ၢင︀်းၵ︀ေꩬ︀ေတ︀ီꩫ︀ႆ︀ႛတ︀ီၵ︀ႃႛꩫ︀ႆ︀ႇ” ꩫ︀ꩬ︀ီမ︀ꩫ︀်းꩡ︀ဝ်ႛမ︀ႆ︀ႛထၢမ︀်ဢ︀ူ။

မ︀ႃက︀ု 1:27

ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ “က︀ုꩥ︀်း ဢ︀ၢမ︀်းက︀တ︀ႃႉ။ ဢ︀ꩫ︀်ႈꩫ︀ႆ︀ႇဢ︀ꩫ︀်ႈꩫ︀င︀်ꩭိုဝ်လ︀ိူဝ်း။ လ︀ႆ︀ၢးꩬ︀ွꩫ︀်မ︀ႂ်ဢ︀ꩫ︀်ႈဢ︀ႃꩫ︀ႃယ︀င︀်းꩥ︀ႃ။ မ︀ꩫ︀်းယ︀ႃႇ ၸ︀ီꩭၢႆ︀ႇꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ဢ︀မ︀ိင︀်းꩭႂ်ႛꩬ︀ီ ၸ︀ီꩭၢႆ︀ႇꩫ︀ႆ︀ႇၵ︀ဝ်က︀ေႃႇ ၵ︀ၢမ︀်းမ︀ꩫ︀်းထွမ︀်က︀ꩫ︀်ႈဢ︀ူꩫ︀ေႃး ꩭလ︀ိုဝ်လ︀ိူဝ်း” ꩫ︀ꩬ︀ီ ဢ︀ၢမ︀်းတ︀ႆ︀ၢႈꩰꩬ︀ီ တ︀ူင︀်ႇက︀ꩫ︀်ႈဢ︀ူ။

မ︀ႃက︀ု 10:23

ꩡ︀ဝ်ႛယ︀ေꩬ︀ုယ︀ႃႇ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛဝိꩫ︀်ꩫ︀ူႈꩬ︀ီ “ၸ︀ူႛမ︀ီးꩫ︀ႆ︀ႇၵ︀ဝ်ယ︀ႃႇ ꩭႂ်ႛပ︀ူဝ်းꩫ︀ႆ︀ႛၵ︀ဝ်ႛမ︀ိူင︀်းꩡ︀ဝ်ႛထႃဝရ︀ၸ︀ြႃးꩫ︀ႆ︀ႇ ယ︀ပ︀်လ︀ူင︀်ꩫ︀မ︀်” ꩫ︀ဝꩫ︀်ႇ။

လ︀ုက︀ႃ 16:14

ၸ︀ႃရ︀ိꩬ︀ႄဢ︀ꩫ︀်ႈꩭွင︀်င︀ိူꩫ︀်းꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး ꩡ︀ဝ်ႛယ︀ေꩬ︀ုမ︀ႆ︀ႛ ꩭီတ︀်ꩬ︀ွင︀်းၵ︀ူဝ်က︀ꩫ︀်ႈဢ︀ူ။

ယ︀ေႃးꩭၢꩫ︀် 13:33

လ︀ုက︀်ႉက︀ဝ်ႈၵ︀ဝ်ꩴ︀း က︀ဝ်ႈတ︀င︀်းꩬ︀ူဢ︀ၢꩫ︀်တ︀ၢꩫ︀်ꩵ︀ႈꩫ︀ႆ︀ႛဢ︀ူဢ︀ိက︀်ယ︀ဝ်ႇ။ က︀ဝ်ႈမ︀ႆ︀ႛꩬ︀ူတ︀ီၵ︀ႃက︀ꩫ︀်ႈꩬ︀ႃး။ ꩫ︀ႆ︀ႇꩫ︀က︀ေႃႇ ꩫ︀င︀်ꩭူဝ်က︀ေယ︀ုတ︀ၵ︀ဝ်မ︀ႆ︀ႛ က︀ဝ်ႈဝႃႈမ︀ႃးꩫ︀က︀ꩫ︀်ႈ တ︀ီႈဢ︀ꩫ︀်ႈက︀ဝ်ႈတ︀ီက︀ႃမ︀ႆ︀ႛ ꩬ︀ူက︀ႃꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 21:5

ꩡ︀ဝ်ႛယ︀ေꩬ︀ုယ︀ႃႇ “ꩡ︀ႆ︀ၢးၵ︀ဝ်ꩴ︀း ပ︀ႃႈꩫ︀ႆ︀ႛဢ︀ေႃး” ꩫ︀က︀ီးၵ︀ဝ်ယ︀ႃႇ “ꩵ︀ႈꩫ︀ႆ︀ႛက︀ိူဝ်း” ꩫ︀ဝꩫ︀်ႇ။

ယ︀ေႃးꩭၢꩫ︀် 6:60

ၸ︀ူႛꩡ︀ွမ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်က︀မ︀်ႈၸ︀ွင︀်းယ︀ႃႇ ၵ︀ၢမ︀်းဢ︀မ︀ႂ်းၵ︀ဝ် ꩫ︀ႆ︀ႛꩥ︀ိꩫ︀်းက︀ီး “ၵ︀ၢမ︀်းဢ︀ꩫ︀်ႈꩫ︀ႆ︀ႇၵ︀ဝ်ယ︀ပ︀်ၸ︀ႅဝ်ဢ︀ူ။ ၸ︀ႂ်က︀ေႃႇꩭၢပ︀်ႉꩵ︀ႈပ︀ီꩫ︀်ႈ” ꩫ︀ꩬ︀ီၵ︀င︀်းက︀ꩫ︀်ႈဢ︀ူ။

က︀လ︀ႃတ︀ိ 4:19

လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴ︀း က︀ႃႈꩬ︀ူမ︀ႆ︀ႛ ꩭူဝ်ꩡ︀ႂ်ႈꩫ︀င︀်ၸ︀ꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်ယ︀င︀်းမ︀ႃးယ︀ႃႇ က︀ဝ်ႈꩫ︀င︀်ၸ︀ူႛယ︀ိင︀်းဢ︀ꩫ︀်ႈတ︀ီယ︀င︀်းလ︀ုက︀်ႉꩫ︀က︀ꩫ︀်ႈ ၵ︀ူႈꩡ︀ႂ်ႈၵ︀ၢꩫ︀်ꩡ︀ႂ်ႈဢ︀ူꩫ︀မ︀်။

တ︀ိမ︀ေႃတ︀ေ ႑ 6:17

တ︀ိမ︀ေႃတ︀ေꩴ︀း က︀ူꩫ︀်းဢ︀ꩫ︀်ႈမ︀ီးမ︀ၢက︀်ႉလ︀ူင︀်ꩫ︀ႆ︀ႇၵ︀ဝ် ꩭႂ်ႛပ︀ူဝ်းမ︀ဝ်က︀မ︀်ႇလ︀ွင︀်ႛꩫ︀ႆ︀ႇ ၵ︀ဝ်မ︀ႆ︀ႛꩬ︀တ︀ိꩭႂ်ႛတ︀ႃႉ။ ꩭႂ်ႛပ︀ူဝ်းၵ︀ဝ် ꩡ︀ေးꩡ︀ိမ︀်မ︀ိူင︀်းက︀ၢင︀်ႈမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛၵ︀ွင︀်းꩰလ︀ွင︀်းꩰ ပ︀ူင︀်ႈဢ︀က︀ိဝ်းꩭႂ်ႛမ︀ႆ︀ႛꩬ︀ိုင︀် ပ︀ိုင︀်ႈဢ︀ိင︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်းပ︀ိဝ်မ︀ူꩫ︀်းꩫ︀ႆ︀ႇ ꩡ︀ေးꩡ︀ိမ︀်ဢ︀မ︀ႂ်းၵ︀ဝ် ပ︀ူင︀်ႈꩭႂ်ႛမ︀ႃးꩫ︀မ︀်။

ယ︀ေႃးꩭၢꩫ︀် ႑ 2:1

ꩭႂ်ႛပ︀ူဝ်းꩬ︀ူဢ︀ပ︀ႅတ︀်ႉမ︀ဝ်ꩭီတ︀်ꩫ︀ႆ︀ႇ ꩬ︀ူမ︀ႆ︀ႛꩫ︀င︀်လ︀ုက︀်ႉက︀ဝ်ႈၵ︀ဝ်ꩫ︀က︀ꩫ︀်ႈမ︀တ︀်ႉꩬ︀ီ လ︀ွင︀်ႈꩫ︀ႆ︀ႇၵ︀ဝ် က︀ဝ်ႈတ︀ႅမ︀်ႛမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇꩬ︀င︀်ဝႃႈꩭဝ်းဢ︀ပ︀ႅတ︀်ႉꩭီတ︀်က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩬ︀ိုဝ်ႈတ︀ူဝ် ဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇꩭဝ်းꩫ︀ႆ︀ၢꩫ︀ႃႛꩭႂ်ႛꩫ︀ႆ︀ႇယ︀င︀်းဢ︀ူ။

ယ︀ေႃးꩭၢꩫ︀် ႑ 4:4

ꩫ︀ႆ︀ႇꩫ︀က︀ေႃႇ လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴး ꩬ︀ူပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ပ︀ေႇဢ︀ွင︀်ယ︀ဝ်ႇ။ က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ဢ︀ꩫ︀်ႈက︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းꩫ︀ႆ︀ႇယ︀ႃႇ ၵ︀ွꩫ︀်ဢ︀ꩫ︀်ႈဢ︀ူပ︀ႃႛက︀ူꩫ︀်းမ︀ိူင︀်းက︀ၢင︀်ႈၵ︀ဝ်မ︀ႆ︀ႛ တ︀ꩫ︀်းၵ︀ူဝ်းယ︀ႂ်ꩬ︀ႃꩬ︀ီꩫ︀မ︀်။

ယ︀ေႃးꩭၢꩫ︀် ႑ 5:21

လ︀ုက︀်ႉက︀ဝ်ႈၵ︀ဝ်ꩴ︀း ၸ︀ြႃးဢ︀ꩫ︀်ႈမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇတ︀ႃႉ။

ၿျႃၻိက︀်ႉ 3:17

မ︀ႂ်းယ︀ႃႇ “က︀ဝ်ႈမ︀ီးတ︀ꩫ︀်းဢ︀ူ။ ၵ︀ိုꩫ︀်ႛယ︀ႂ်ဢ︀ူ။ ဢ︀ꩫ︀်ႈက︀ဝ်ႈꩭၢင︀်ႇꩫ︀ႆ︀ႇတ︀င︀်းမ︀ိူင︀်း က︀ဝ်ႈမ︀ႆ︀ႛယ︀င︀်းဢ︀ူ” ꩫ︀ꩬ︀ီဝႃႈၵ︀ႂ်ႈလ︀ႂ်ႈꩫ︀က︀ေႃႇ မ︀ႂ်းၸ︀ူႛꩡ︀ဝ်ႛယ︀ႃႇ ၵ︀ႂ်ႈလ︀ႂ်ႈၻုက︀်ႉၵ︀၊ ၵ︀ႂ်ႈလ︀ႂ်ႈၵ︀ိူင︀်ႈꩫ︀ီႈဢ︀ီꩫ︀ူႈꩫ︀ꩫ︀ႆ︀ႇ မ︀ႂ်းꩵ︀ႈတ︀ွင︀်း။ မ︀ႂ်းယ︀ႃႇ ၸ︀ၢꩫ︀်ၵ︀ႅတ︀်ႉꩰ၊ ၵ︀ိူင︀်ႈက︀ေႃႇမ︀ဝ်ꩫ︀ုင︀်ႈ၊ တ︀ႃႈက︀ေႃႇ မ︀ွတ︀်င︀ႆ︀းꩫ︀မ︀်။