31 ꩡ︀ဝ်ႛယ︀ေꩬ︀ုက︀ေႃႇ မ︀ꩫ︀်းမ︀ႆ︀ႛက︀ႃꩬ︀ီ ꩡ︀ုင︀်ႈဢ︀ဝ်ႈလ︀ုက︀်ႉꩭႂ်ႛဢ︀ူ။ ꩫ︀ႆ︀ႇမ︀ႆ︀ႛမ︀ꩫ︀်းက︀ေႃႇ ဢ︀ꩫ︀်ႈၵ︀ႆ︀ႛꩭၢႆ︀ꩬ︀ီ ၵ︀ဝ်ꩡ︀ဝ်ႛမ︀ႆ︀ႛ လ︀ီင︀်ႇꩰဢ︀ွႆ︀ဢ︀ွႆ︀ꩭႂ်ႛဢ︀ူ။
ဢ︀မ︀ႂ်းမ︀ႆ︀ႛ ၸ︀ူႛယ︀ိင︀်းဢ︀ၢꩫ︀်တ︀ၢꩫ︀်က︀ေႃႇ လ︀ုက︀်ႉတ︀ီႈက︀ႆ︀ႈမ︀ႆ︀ႛ ꩡ︀ဝ်ႛယ︀ေꩬ︀ုမ︀ႆ︀ႛ လ︀ႅမ︀်းက︀ꩫ︀်ႈဢ︀ူ။ ၵ︀ဝ်ယ︀ႃႇ က︀ူꩫ︀်းတ︀ိူင︀်းက︀ႃလ︀ိလ︀ႄး ဢ︀ꩫ︀်ႈက︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛꩡ︀ွမ︀်းꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ွႆ︀ႈꩭႂ်ႛမ︀ႃးꩫ︀ႆ︀ႇၵ︀ဝ်ꩫ︀မ︀်။
မ︀ိူဝ်ႈဢ︀မ︀ႂ်း ၸ︀ူႛမ︀ေႈꩡ︀ဝ်ႛꩬ︀ႅင︀်မ︀ုꩫ︀်ယ︀ႃႇ တ︀ီႈꩫ︀ွꩫ︀်းမ︀ႆ︀ႛၵ︀ႆ︀ႛꩬ︀ီဢ︀ူဢ︀ူ။ မ︀ꩫ︀်းၵ︀ႆ︀ႛဢ︀ူꩫ︀မ︀်ꩫ︀ꩫ︀ႆ︀ႇ ၵ︀ဝ်က︀ေႃႇ မ︀ွင︀်းꩡ︀ဝ်ႛယ︀ေꩬ︀ုထိုင︀်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩬ︀ွက︀်ႉဢ︀ူ။
က︀ၢင︀်ႈဝꩫ︀်းတ︀ူက︀်ꩬ︀ီ ၸ︀ႃႇၵ︀မ︀်ႈမ︀ႃးက︀ီး က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ၸ︀ူႛၵ︀ႆ︀ႛꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈၸ︀ီၵ︀ဝ်ႛꩫ︀ႆ︀ႇၵ︀ဝ် က︀ႃꩫ︀င︀်ယ︀င︀်းꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛ ꩭွင︀်ႇမ︀ႃးက︀ꩫ︀်ႈဢ︀ူ။
ၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈမ︀ိူဝ်ႈꩡ︀ဝ်ႛယ︀ေꩬ︀ု ဢ︀ူတ︀ိူင︀်းက︀ႃလ︀ိလ︀ႄးꩫ︀ႆ︀ႇ က︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛꩡ︀ွမ︀်းꩬ︀ီ ꩡ︀ွႆ︀ႈမ︀ႃးꩫ︀ႆ︀ႇၵ︀ဝ်ꩫ︀မ︀်။ ၸ︀ုင︀်ဢ︀မ︀ႂ်းမ︀ႆ︀ႛ မ︀ေၸ︀ူႛယ︀ိင︀်းတ︀ၢင︀်က︀ူဝ်ႇ ဢ︀ꩫ︀်ႈမ︀ႃးဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်က︀ေႃႇ ဢ︀ၢꩫ︀်တ︀ၢꩫ︀် လ︀ွေႛဢ︀ူ။
မ︀ꩫ︀်းꩡ︀ဝ်ႛ မ︀ိုဝ်းꩫ︀ၢင︀်းဢ︀ွꩫ︀်ဢ︀မ︀ႂ်းမ︀ႆ︀ႛဝၢမ︀်ႇင︀ႆ︀း “တ︀လ︀ိတ︀က︀ုမ︀ိ” ꩫ︀ဝꩫ︀်ႇ။ တ︀လ︀ိတ︀က︀ုမ︀ိ ꩫ︀ꩫ︀ႆ︀ႇ “ꩫ︀ၢင︀်းဢ︀ွꩫ︀်လ︀ုက︀်ႉတ︀ႃႉ။ က︀ဝ်ႈဢ︀မ︀ိင︀်းꩭႂ်ႛဢ︀ူ” ꩫ︀ꩫ︀မ︀်။
ပ︀ေတ︀ရ︀ုယ︀ႃႇ မ︀ိုဝ်းယ︀ုꩫ︀်ႈꩭႂ်ႛꩬ︀ီ မ︀ꩫ︀်းမ︀ႆ︀ႛꩡ︀ုင︀်ႈဢ︀ဝ်ႈလ︀ုက︀်ႉꩭႂ်ႛဢ︀ူ။ ယ︀ဝ်ႇက︀ီး မ︀ေႈမ︀ႆ︀ၢႛꩫ︀ႆ︀ႇၵ︀ဝ်င︀ႆ︀း က︀ူꩫ︀်းꩫ︀ႆ︀ႇၵ︀ဝ် တ︀င︀်းမ︀ိူင︀်းမ︀ႆ︀ႛꩭွင︀်ႇꩬ︀ီ ၻေႃက︀ႃဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇမ︀ႆ︀ႛ ၵ︀ဝ်မ︀ႆ︀ႛဢ︀ၢပ︀်ႉꩭႂ်ႛဢ︀ူ။