မ︀ႃက︀ု 1:1 - Khamti Shan

¹ ဢ︀ꩫ︀်ႈꩫ︀ႆ︀ႇယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛပ︀ီꩫ︀်ႈလ︀ုက︀်ႉꩡ︀ၢႆ︀း ꩡ︀ဝ်ႛထႃဝရ︀ၸ︀ြႃးꩫ︀မ︀်။

မ︀ႃက︀ု 1:1 ပူးပေါင်းရင်းမြစ်များ

မ︀တ︀်တ︀ႄး 14:33

ꩫ︀ႆ︀ႇမ︀ႆ︀ႛ တ︀ပ︀ေးꩡ︀ဝ်ႛဢ︀ꩫ︀်ႈက︀ꩫ︀်ႛꩫ︀ိူဝ်ꩭိူဝ်းꩫ︀ႆ︀ႇၵ︀ဝ်ယ︀ႃႇ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇတ︀ီၵ︀ႃႛꩫ︀မ︀်” ꩫ︀ꩬ︀ီမ︀ꩫ︀်းꩡ︀ဝ်ႛမ︀ႆ︀ႛ ပ︀ႆ︀ၢႛဝႆ︀ႈက︀ꩫ︀်ႈဢ︀ူ။

မ︀တ︀်တ︀ႄး 17:5

မ︀ိူဝ်ႈမ︀ꩫ︀်းတ︀ၢꩫ︀်ႛꩬ︀ီဢ︀ူꩫ︀ႆ︀ႇ မ︀ွက︀်ၸ︀ူꩫ︀်ဢ︀ꩫ︀်ႈꩭုင︀်ႈပ︀လ︀ွင︀်ပ︀လ︀ွင︀် ဢ︀ွက︀်မ︀ႃးꩬ︀ီ လ︀ုက︀်ႉက︀ꩫ︀်ႛꩫ︀ႂ်းမ︀ွက︀်ၸ︀ူꩫ︀်မ︀ႆ︀ႛ “က︀ူဝ်ႇꩫ︀ႆ︀ႇယ︀ႃႇ လ︀ုက︀်ႉက︀ဝ်ႈပ︀ႃးလ︀ိဝ်ႈꩫ︀မ︀်။ မ︀ꩫ︀်းမ︀ႆ︀ႛက︀ဝ်ႈꩭၢက︀်ႉꩭွမ︀်ꩫ︀င︀်ꩡ︀ႂ်ႈလ︀ူင︀်ꩫ︀မ︀်။ ၵ︀ၢမ︀်းမ︀ꩫ︀်းထွမ︀်က︀ꩫ︀်ႈတ︀ႃႉ” ꩫ︀ꩬ︀ီ ꩬ︀ီင︀်တ︀ၢꩫ︀်ႛဢ︀ွက︀်မ︀ႃးဢ︀ူ။

မ︀တ︀်တ︀ႄး 3:17

မ︀ိူဝ်ႈဢ︀မ︀ႂ်း လ︀ုက︀်ႉက︀ၢင︀်ႈꩭၢဝ်မ︀ႆ︀ႛ “က︀ူဝ်ႇꩫ︀ႆ︀ႇယ︀ႃႇ လ︀ုက︀်ႉꩭၢက︀်ႉက︀ဝ်ႈꩫ︀မ︀်။ မ︀ꩫ︀်းမ︀ႆ︀ႛက︀ဝ်ႈမ︀ႃးꩡ︀ႂ်ႈလ︀ူင︀်ꩫ︀မ︀်” ꩫ︀ꩬ︀ီ ꩬ︀ီင︀်တ︀ၢꩫ︀်ႛဢ︀ွက︀်မ︀ႃးဢ︀ူ။

မ︀တ︀်တ︀ႄး 4:3

ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ူင︀်ꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ “မ︀ႂ်းꩡ︀ဝ်ႛပ︀ီꩫ︀်ႈၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛက︀ီး ꩭိꩫ︀်ꩫ︀ႆ︀ႇမ︀ႆ︀ႛ ဢ︀မ︀ိင︀်းꩭႂ်ႛꩬ︀ီ ဢ︀ဝ်ႈပ︀ီꩫ︀်ႈၵ︀ဝ်ႛမ︀ုꩫ︀်းလ︀ႃး” ꩫ︀ဝꩫ︀်ႇ။

လ︀ုက︀ႃ 1:35

ၵ︀ုꩫ︀်ꩬ︀ၢင︀်ယ︀ႃႇ “မ︀ႂ်းမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ လ︀ူင︀်းမ︀ႃးꩬ︀ီ က︀ꩫ︀်ႛꩫ︀ိူဝ်မ︀ႂ်းမ︀ႆ︀ႛ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ တ︀ီင︀မ︀်းꩫ︀မ︀်။ င︀ႆ︀းꩫ︀ႆ︀ႇꩬ︀ီ လ︀ုက︀်ႉမ︀ႂ်းယ︀ႃႇမ︀ူတ︀်ꩡ︀ၢင︀်င︀ႆ︀းꩬ︀ီ မ︀ꩫ︀်းမ︀ႆ︀ႛ တ︀ီꩭွင︀်ႇလ︀ုက︀်ႉꩡ︀ႆ︀ၢးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

ယ︀ေႃးꩭၢꩫ︀် 1:14

ၵ︀ၢမ︀်းတ︀ူဝ်ꩡ︀ဝ်ႛꩫ︀ႆ︀ႇ ꩫ︀င︀်က︀ူꩫ︀်းꩭဝ်းꩫ︀က︀ꩫ︀်ႈ ပ︀ီꩫ︀်ႈက︀ူꩫ︀်းဢ︀ꩫ︀်ႈꩫ︀ိူဝ်ႇꩫ︀ိူတ︀်ႉယ︀င︀်းမ︀ႃးꩬ︀ီ မ︀ိူင︀်းက︀ၢင︀်ႈမ︀ႆ︀ႛ တ︀င︀်းက︀ူꩫ︀်းꩭဝ်း မ︀ႃးꩭူမ︀်ႈဢ︀ူဢ︀ူ။ မ︀ꩫ︀်းꩡ︀ဝ်ႛမ︀ႆ︀ႛ က︀ျေးꩡ︀ူးတ︀ူဝ်ꩡ︀ဝ်ႛတ︀မ︀ိူင︀်း ꩬ︀မ︀်မ︀ႃတ︀ြႃးတ︀မ︀ိူင︀်း တ︀ီမ︀်ႈက︀ꩫ︀်ႈဢ︀ူ။ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛမ︀ႆ︀ႛ တ︀ူႈꩫ︀ႆ︀ႛꩭꩫ︀်မ︀ႃးယ︀ဝ်ႇ။ မ︀ူꩫ︀်ႈၸ︀ုင︀်းဢ︀မ︀ႂ်းယ︀ႃႇ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛဝႆ︀ႇꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 1:34

ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇꩫ︀က︀ꩫ︀်ႈ က︀ဝ်ႈꩭꩫ︀်မ︀ႃးယ︀ဝ်ႇ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛယ︀ႃႇ ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 1:49

ꩫ︀ႆ︀ႇမ︀ႆ︀ႛ ꩫ︀ႃတ︀ꩫ︀ေလ︀ယ︀ႃႇ “ꩡ︀ဝ်ႛꩬ︀ြႃꩴ︀း မ︀ႂ်းꩡ︀ဝ်ႛယ︀ႃႇ ၸ︀ူႛလ︀ုက︀်ႉꩡ︀ဝ်ႛထႃဝရ︀ၸ︀ြႃးတ︀ီၵ︀ႃႛꩫ︀မ︀်။ မ︀ႂ်းꩡ︀ဝ်ႛ ꩡ︀ဝ်ႛꩭူဝ်ၵ︀မ︀်းဢ︀ီတ︀်ꩬ︀ြေးတ︀ီၵ︀ႃႛꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 20:31

ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်၊ ꩡ︀ဝ်ႛမ︀ေꩬ︀ိယ︀ꩫ︀မ︀်ꩫ︀ꩫ︀ႆ︀ႇ ꩭႂ်ႛပ︀ူဝ်းꩬ︀ူယ︀ုမ︀်ယ︀မ︀်ႈꩬ︀ီ ꩫ︀ႆ︀ႛဢ︀ꩬ︀ၢက︀်ႉက︀ꩫ︀်ႈꩫ︀ႆ︀ႇꩫ︀မ︀် လ︀ွင︀်ႈꩫ︀ႆ︀ႇၵ︀ဝ်တ︀ႅမ︀်ႛဝႆ︀ႇꩫ︀ႆ︀ႇ။

ယ︀ေႃးꩭၢꩫ︀် 3:16

ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ ꩭၢက︀်ႉၸ︀ႅဝ်ꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းမ︀ဝ်လ︀ူႇတ︀ႆ︀ၢႈꩬ︀ီ ꩫ︀ႆ︀ႛဢ︀ꩬ︀ၢက︀်ႉထႃဝရ︀ က︀ꩫ︀်ႈꩫ︀ႆ︀ႇ လ︀ုက︀်ႉမ︀ꩫ︀်းꩡ︀ဝ်ႛပ︀ႃးလ︀ိဝ်ႈ ပ︀ွႆ︀ꩡ︀ႂ်ႇမ︀ႃးယ︀ဝ်ႇ။

ယ︀ေႃးꩭၢꩫ︀် 6:69

င︀ႆ︀းꩫ︀ႆ︀ႇꩬ︀ီ မ︀ႂ်းꩡ︀ဝ်ႛꩫ︀ႆ︀ႇ ꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈလ︀ုက︀်ႉꩡ︀ဝ်ႛထႃဝရ︀ၸ︀ြႃးမ︀ႆ︀ႛက︀ျွႃးမ︀ႃးꩫ︀မ︀်ꩫ︀ꩫ︀ႆ︀ႇ တ︀ူႈၵ︀ႃႛ ယ︀ုမ︀်က︀ꩫ︀်ႈတ︀ွင︀်းက︀ꩫ︀်ႈတ︀ီၵ︀ႃႛယ︀ဝ်ႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 13:24

မ︀ိူဝ်ႈꩡ︀ဝ်ႛယ︀ေꩬ︀ု ꩵ︀ႈပ︀ႆ︀က︀ူဝ်ꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ꩬ︀ြႃယ︀ေႃးꩭၢꩫ︀်ယ︀ႃႇ က︀ူꩫ︀်းꩫ︀ႆ︀ႇၵ︀ဝ် ꩭႂ်ႛပ︀ူဝ်းလ︀ုက︀်ႉဢ︀ပ︀ႅတ︀်ႉမ︀ႆ︀ႛꩬ︀ၢင︀်ဝွေꩬ︀ီ ꩭၢပ︀်ႉမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ႆ︀ႇ ဢ︀ီတ︀်ꩬ︀ြေး တ︀င︀်းမ︀ိူင︀်းမ︀ႆ︀ႛꩭူဝ်းမ︀ႃးဢ︀ူ။

ရ︀ေႃမ︀ 8:3

ꩬ︀ိꩫ︀်ယ︀ႃႇ လ︀ႆ︀ၢးပ︀ိူဝ်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်း ꩭႅင︀်းဢ︀ေꩫ︀ႆ︀ႇꩬ︀ီ ဢ︀ꩫ︀်ႈꩬ︀ိꩫ︀်ꩭီတ︀်မ︀ဝ်ပ︀ီꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်မ︀ႃးယ︀ဝ်ႇ။ လ︀ုက︀်ႉမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀င︀်ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းꩫ︀က︀ꩫ︀်ႈ က︀ျွႃးမ︀ႃးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းမ︀ႆ︀ႛ မ︀ꩫ︀်းꩡ︀ဝ်ႛ တ︀ၢမ︀်ဢ︀ပ︀ႅတ︀်ႉပ︀ူင︀်ႈမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭၢင︀်းꩭဝ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

ရ︀ေႃမ︀ 8:32

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛတ︀မ︀ိူင︀်းက︀ေႃႇ မ︀ဝ်ꩬ︀ီꩫ︀ႆ︀ၢႈꩬ︀ီ ꩡ︀ႃႇꩭၢင︀်းꩭဝ်း ꩭႂ်ႛꩭီတ︀်တ︀ူဝ်ႈၵ︀ႅက︀်ꩡ︀ဝ်ႛမ︀ႃးယ︀ဝ်ႇ။ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛတ︀မ︀ိူင︀်းက︀ေႃႇ င︀ႆ︀းꩬ︀ီꩭႂ်ႛမ︀ႃးက︀ီး တ︀ၢင︀်ဢ︀ꩫ︀်ႈတ︀င︀်းမ︀ိူင︀်းက︀ေႃႇ ꩭဝ်းမ︀ႆ︀ႛတ︀ီꩭႂ်ႛꩫ︀ၢႆ︀ႈမ︀ဝ်ပ︀ိတ︀်ႉꩫ︀မ︀်။