မ︀တ︀်တ︀ႄး 9:8 - Khamti Shan

⁸ က︀ူꩫ︀်းဢ︀ꩫ︀်ႈဢ︀မ︀ႂ်းမ︀ႆ︀ႛ လ︀ႅမ︀်းက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ဢ︀ၢမ︀်းတ︀ႆ︀ၢႈꩰက︀ꩫ︀်ႈဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ႃꩫ︀ႃတ︀ꩫ︀်းၵ︀ူဝ်း ၵ︀ႆ︀ႇလ︀ိူင︀်ႈပ︀ုꩫ︀်ႛꩭႂ်ႛꩫ︀ႆ︀ႇꩬ︀ီ ၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛယ︀ူဝ်းယ︀ွင︀်ႛက︀ꩫ︀်ႈဢ︀ူ။

မ︀တ︀်တ︀ႄး 9:8 ပူးပေါင်းရင်းမြစ်များ

မ︀တ︀်တ︀ႄး 12:23

ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် ဢ︀ၢမ︀်းတ︀ႆ︀ၢႈꩰက︀ꩫ︀်ႈꩬ︀ီ “က︀ူဝ်ႇꩫ︀ႆ︀ႇꩬ︀လ︀ႂ်ႈ ၸ︀ူႛလ︀ုက︀်ႉꩡ︀ၢႆ︀းꩡ︀ဝ်ႛꩭူဝ်ၵ︀မ︀်းၻႃဝိꩡ︀ႂ်ႈဢ︀ူလ︀ႃႊ” ꩫ︀ꩬ︀ီဝႃႈက︀ꩫ︀်ႈဢ︀ူ။

မ︀တ︀်တ︀ႄး 15:31

က︀ူꩫ︀်းဢ︀ꩫ︀်ႈတ︀ၢꩫ︀်ႛမ︀ဝ်ꩫ︀ႆ︀ႛꩫ︀ႆ︀ႇၵ︀ဝ် တ︀ၢꩫ︀်ႛမ︀ႃး၊ ဢ︀ꩫ︀်ႈꩬ︀ိက︀်ႉၵ︀ိင︀်းမ︀ဝ်က︀ုမ︀်ꩫ︀ႆ︀ႇၵ︀ဝ် ꩬ︀ိက︀်ႉၵ︀ိင︀်းက︀ုမ︀်မ︀ႃး၊ ဢ︀ꩫ︀်ႈတ︀ိꩫ︀်ႈတ︀ႆ︀ၢႈꩫ︀ႆ︀ႇၵ︀ဝ် ၸ︀ႆ︀ၢႛမ︀ႃး၊ ဢ︀ꩫ︀်ႈတ︀ႃႈမ︀ွတ︀်ꩫ︀ႆ︀ႇၵ︀ဝ် ꩭꩫ︀်မ︀ႃးက︀ꩫ︀်ႈက︀ီး က︀ူꩫ︀်းဢ︀ꩫ︀်ႈလ︀ႅမ︀်းက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ဢ︀ၢမ︀်းက︀ꩫ︀်ႈꩬ︀ီ မ︀ူꩫ︀်ႈꩡ︀ဝ်ႛထႃဝရ︀ၸ︀ြႃးမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈဢ︀ူ။

မ︀တ︀်တ︀ႄး 28:18

ꩡ︀ဝ်ႛယ︀ေꩬ︀ုယ︀ႃႇ တ︀ႆ︀ၢႛၵ︀ဝ်မ︀ႆ︀ႛမ︀ႃးꩬ︀ီ “တ︀ꩫ︀်းၵ︀ူဝ်းဢ︀ႃꩫ︀ႃဢ︀ꩫ︀်ႈက︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛယ︀င︀်း၊ ဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းတ︀င︀်းမ︀ိူင︀်း က︀ဝ်ႈꩭၢပ︀်ႉဢ︀ဝ်ႈယ︀ဝ်ႇ။

မ︀တ︀်တ︀ႄး 5:16

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈလ︀ႅင︀်းꩬ︀ူက︀ေႃႇ က︀ူꩫ︀်းတ︀င︀်းမ︀ိူင︀်းမ︀ႆ︀ႛ ဝႃႈꩭုင︀်ႈဢ︀ူ။ င︀ႆ︀းက︀ီးꩬ︀ိုင︀် လ︀ွင︀်ႈꩫ︀ီႈꩬ︀ူမ︀ႆ︀ႛ ပ︀ိူꩫ︀်ႈꩭꩫ︀်ꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ူ ဢ︀ꩫ︀်ႈၵ︀ိင︀်းက︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛ ပ︀ိူꩫ︀်ႈတ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

မ︀တ︀်တ︀ႄး 9:7

ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈဢ︀မ︀ႂ်းက︀ေႃႇ လ︀ုက︀်ႉꩬ︀ီ မ︀ိူဝ်းꩭိူꩫ︀်းဢ︀ူ။

မ︀ႃက︀ု 2:12

မ︀ꩫ︀်းက︀ေႃႇ ပ︀ၢင︀်ႈꩫ︀ႃႛပ︀ူက︀်ႉက︀ူꩫ︀်းမ︀ႆ︀ႛ လ︀ုက︀်ႉꩡ︀ၢတ︀်ꩫ︀ယ︀ဝ်ႇက︀ီး ၸ︀ုက︀်ႉၸ︀ႃႛမ︀ꩫ︀်းꩭွပ︀်ꩬ︀ီ က︀ꩡ︀ူး ဢ︀ွက︀်က︀ႃဢ︀ူ။ ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ဢ︀ၢမ︀်းတ︀ႆ︀ၢႈꩰက︀ꩫ︀်ႈꩬ︀ီ “က︀ႃႊ ꩡ︀ႂ်ႈတ︀ီၵ︀ႃႛယ︀ဝ်ႇ။ ꩫ︀င︀်ၸ︀ꩫ︀်းꩫ︀ႆ︀ႇ တ︀ူႈꩬ︀မ︀တ︀်က︀ေႃႇ ꩵ︀ႈꩭွꩫ︀်ꩭꩫ︀်” ꩫ︀ꩬ︀ီ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈဢ︀ူ။

မ︀ႃက︀ု 7:37

က︀ူꩫ︀်းဢ︀ꩫ︀်ႈၵ︀ၢဝ်ႈၵ︀ၢမ︀်းဢ︀မ︀ႂ်းမ︀ႆ︀ႛ ꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်ယ︀ႃႇ ဢ︀ၢမ︀်းလ︀ူင︀်ဢ︀ၢမ︀်းလ︀ၢင︀်က︀ꩫ︀်ႈꩬ︀ီ “မ︀ꩫ︀်းꩡ︀ဝ်ႛꩫ︀ႆ︀ႇ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭီတ︀်ထုက︀်ꩭီတ︀်ꩥ︀ႃးလ︀ူင︀်က︀ႃယ︀ဝ်ႇ။ က︀ူꩫ︀်းဢ︀ꩫ︀်ႈꩭူꩫ︀ႂ်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။ က︀ူꩫ︀်းဢ︀ꩫ︀်ႈလ︀ိꩫ︀်ႇꩫ︀ၢင︀်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ဝ်ႈတ︀ၢꩫ︀်ႛꩫ︀ႆ︀ႛက︀ꩫ︀်ႈယ︀ဝ်ႇ” ꩫ︀ဝꩫ︀်ႇ။

လ︀ုက︀ႃ 13:13

က︀ꩫ︀်ႛꩫ︀ိူဝ်မ︀ꩫ︀်းမ︀ႆ︀ႛ မ︀ိုဝ်းတ︀ၢင︀်ꩭႂ်ႛဢ︀ူ။ ꩫ︀ႆ︀ႇမ︀ႆ︀ႛ ၸ︀ူႛယ︀ိင︀်းဢ︀မ︀ႂ်း က︀ꩡ︀ူးꩥ︀ၢင︀်ႛယ︀ီတ︀်ꩫ︀ꩫ︀်ႈꩰꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛဢ︀ူ။

လ︀ုက︀ႃ 17:15

လ︀ုက︀်ႉꩫ︀ႂ်းၵ︀ဝ်မ︀ႆ︀ႛ က︀ူဝ်ႇလ︀ိူင︀်ႈယ︀ႃႇ မ︀ꩫ︀်းယ︀ေႃးက︀ႃတ︀ုတ︀်ႉꩫ︀ီႈက︀ႃယ︀ဝ်ႇꩫ︀ꩫ︀ႆ︀ႇ တ︀ွင︀်းက︀ီး မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ိဝ်ꩬ︀ႅꩫ︀်င︀ႆ︀း ယ︀ူဝ်းယ︀ွင︀်ႛꩬ︀ီ ပ︀ွက︀်ႉမ︀ႃးဢ︀ူ။

လ︀ုက︀ႃ 17:18

ဢ︀ꩫ︀်ႈက︀ျူးမ︀ဝ်ꩡ︀ႂ်ႈ က︀ူဝ်ႇလ︀ိူင︀်ႈꩫ︀ႆ︀ၢႈက︀ျႃး မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩬ︀ီပ︀ွက︀်ႉမ︀ႃးꩫ︀ႆ︀ႇ။ တ︀ၢင︀်က︀ူဝ်ႇယ︀ႃႇ ၸ︀ႂ်က︀ေႃႇ မ︀ဝ်ပ︀ွက︀်ႉမ︀ႃးက︀ျႃး” ꩫ︀ဝꩫ︀်ႇ။

လ︀ုက︀ႃ 18:43

ꩫ︀ႆ︀ႇမ︀ႆ︀ႛ မ︀ꩫ︀်းက︀ꩡ︀ူးတ︀ႃႈꩭꩫ︀်င︀ႆ︀း က︀ꩫ︀်ႛလ︀င︀်ꩡ︀ဝ်ႛယ︀ေꩬ︀ုမ︀ႆ︀ႛ ꩡ︀ွမ︀်းက︀ႃꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛဢ︀ူ။ ၸ︀ူႛꩭꩫ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈဢ︀ူ။

လ︀ုက︀ႃ 2:20

ၸ︀ူႛလ︀ီင︀်ႇပ︀ူႇꩫ︀ႆ︀ႇၵ︀ဝ်ယ︀ႃႇ ꩫ︀င︀်ၵ︀ဝ်မ︀ႆ︀ႛ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်ဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ꩫ︀ႆ︀ႛꩭꩫ︀်ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇꩬ︀ီ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈꩬ︀ီ မ︀ိူဝ်းက︀ႃဢ︀ူ။

လ︀ုက︀ႃ 23:47

ꩡ︀ဝ်ႛꩭူဝ်ꩬ︀ိူက︀်ꩭူဝ်ပ︀ၢက︀်ရ︀ေႃမ︀ယ︀ႃႇ ပ︀ီꩫ︀်ႈင︀ႆ︀းက︀ႃꩫ︀ႆ︀ႇမ︀ႆ︀ႛꩭꩫ︀်က︀ီး ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩬ︀ီ “က︀ူဝ်ႇꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈꩬ︀ိုဝ်ႈတ︀ူဝ်တ︀ေႇတ︀ေႇꩫ︀မ︀်” ꩫ︀ဝꩫ︀်ႇ။

လ︀ုက︀ႃ 7:16

က︀ူꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ က︀ူဝ်ႈက︀ꩫ︀်ႈꩬ︀ီ “ꩫ︀ႂ်းꩭဝ်းမ︀ႆ︀ႛ ပ︀ရ︀ေႃးၸ︀ႅတ︀်ႉလ︀ူင︀်ပ︀ႃးလ︀ိူင︀်ႈ ပ︀ူဝ်မ︀ႃးယ︀ဝ်ႇ။ က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ွႆ︀ႈယ︀ဝ်ႇ” ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈဢ︀ူ။

ယ︀ေႃးꩭၢꩫ︀် 15:8

ꩬ︀ူမ︀က︀်ဢ︀ၢꩫ︀်တ︀ၢꩫ︀်ပ︀ီꩫ︀်ႈက︀ီး ပ︀ီꩫ︀်ႈတ︀ပ︀ေးက︀ဝ်ႈꩫ︀မ︀်ꩫ︀ꩫ︀ႆ︀ႇပ︀ိူꩫ︀်ႈတ︀ွင︀်းꩬ︀ီ ပ︀ူဝ်က︀ဝ်ႈက︀ေႃႇ မ︀ူꩫ︀်ႈၸ︀ုင︀်းꩭိူဝ်ႈꩭိုင︀်းပ︀ိုင︀်းꩬ︀ႂ်ဢ︀ူ။

ထဝ်ꩡ︀တ︀်ႉၵ︀ဝ် 11:18

ၵ︀ၢမ︀်းဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး ၵ︀ဝ်ယ︀ႃႇမ︀ဝ်ထီင︀်ၵ︀ၢမ︀်းꩬ︀ီ “ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ၵ︀ၢင︀်းဢ︀ꩫ︀်ႈꩬ︀ၢင︀်ဝွေꩬ︀ီ ꩫ︀ႆ︀ႛဢ︀ꩬ︀ၢက︀်ႉꩫ︀ႆ︀ႇꩭႂ်ႛမ︀ႃးယ︀ဝ်ႇ” ꩫ︀ꩬ︀ီ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 21:20

ဢ︀ꩫ︀်ႈမ︀ꩫ︀်းတ︀ၢင︀်ပ︀ျႃးꩫ︀ႆ︀ႇမ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီး ၵ︀ဝ်ယ︀ႃႇမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈဢ︀ူ။ ယ︀ဝ်ႇက︀ီးပ︀ေႃလ︀ုမ︀ႆ︀ႛ “ပ︀ီႈꩫ︀ွင︀်ႇꩭဝ်း က︀ျူးၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် လ︀ၢႆ︀ꩭီင︀်ယ︀င︀်းဢ︀ူꩫ︀ꩫ︀ႆ︀ႇလ︀ိူင︀်ႈ၊ ၵ︀ဝ်တ︀င︀်းမ︀ိူင︀်း က︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛ က︀မ︀်ႈက︀ႅင︀်းက︀တ︀်ႉꩰက︀ꩫ︀်ႈဢ︀ူꩫ︀ꩫ︀ႆ︀ႇလ︀ိူင︀်ႈ မ︀ႂ်းတ︀ွင︀်းဢ︀ူ။

ထဝ်ꩡ︀တ︀်ႉၵ︀ဝ် 4:21

ꩫ︀ႆ︀ႇမ︀ႆ︀ႛ ၸ︀ူႛၵ︀ဝ်ႛက︀ုမ︀်ႛꩡ︀ဝ်ႛတ︀ြႃးꩫ︀ႆ︀ႇၵ︀ဝ်ယ︀ႃႇ ꩬ︀ွင︀်ၵ︀ႃမ︀ႆ︀ႛꩬ︀တ︀ိꩭႂ်ႛက︀တ︀်ႉꩰ ဢ︀ိက︀်ꩬ︀ီ ပ︀ွႆ︀ꩭႂ်ႛဢ︀ူ။ ၵ︀ဝ်ယ︀ႃႇ ꩬ︀ွင︀်ၵ︀ႃမ︀ႆ︀ႛꩭိုဝ်လ︀ိုဝ်က︀ေႃႇ ꩭႂ်ႛတ︀ၢမ︀်ဢ︀ပ︀ႅတ︀်ႉꩵ︀ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းꩫ︀ႆ︀ႇၵ︀ဝ်ယ︀ႃႇ လ︀ွင︀်ႈဢ︀ꩫ︀်ႈပ︀ီꩫ︀်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ ယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛက︀ꩫ︀်ႈꩬ︀ီꩫ︀မ︀်။

က︀ေႃရ︀ိꩫ︀်တ︀ု ႒ 9:13

လ︀ႆ︀ၢးပ︀ိူဝ်ႈၵ︀ဝ်မ︀ႆ︀ႛတ︀မ︀ိူင︀်း ၸ︀ူႛယ︀ုမ︀်ယ︀မ︀်ႈတ︀င︀်းလ︀ုင︀်မ︀ႆ︀ႛတ︀မ︀ိူင︀်း ꩬ︀ူꩭႂ်ႛꩭႂ်ႛပ︀ꩫ︀်ႈꩰင︀ႆ︀းꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ူယ︀ုမ︀်ယ︀မ︀်ႈထွမ︀်ꩡ︀ွမ︀်းဢ︀ူꩫ︀ꩫ︀ႆ︀ႇ ပ︀ျႃးꩬ︀ၢက︀်ႉꩬ︀ေဢ︀ူꩫ︀ႆ︀ႇꩬ︀ီ က︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

က︀လ︀ႃတ︀ိ 1:24

င︀ႆ︀းꩬ︀ီꩫ︀ႆ︀ၢႈက︀ေႃႇ ၵ︀ဝ်ယ︀ႃႇ လ︀ႆ︀ၢးပ︀ိူဝ်ႈက︀ဝ်ႈ ပ︀ီꩫ︀်ႈင︀ႆ︀းမ︀ႃးꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈဢ︀ူ။

ပ︀ေတ︀ရ︀ု ႑ 2:12

ꩬ︀ူဝူင︀်ႈက︀ၢင︀်ႈက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိꩬ︀ီဢ︀ူꩫ︀ီႈꩫ︀ီႈ တ︀ႃႉ။ င︀ႆ︀းက︀ီး ꩬ︀ူမ︀ႆ︀ႛ ၵ︀ဝ်ꩡ︀ိုဝ်တ︀ၢင︀်းၸ︀ိတ︀်မ︀ႃးꩫ︀က︀ေႃႇ တ︀ၢင︀်းက︀ႅင︀်းꩬ︀ူꩫ︀ီႈꩫ︀ႆ︀ႇမ︀ႆ︀ႛ ၵ︀ဝ်ဢ︀ွက︀်ꩡ︀ႂ်ႈမ︀ႃးꩬ︀ီ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛ မ︀ႃးပ︀ႅတ︀်ႉတ︀ြႃးꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛၵ︀ဝ် တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။