မ︀တ︀်တ︀ႄး 9:15 - Khamti Shan

¹⁵ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ꩫ︀င︀်ၸ︀ူႛမ︀ၢဝ်မ︀ႂ် ဢ︀ꩫ︀်ႈတ︀င︀်းတ︀ႆ︀းက︀ူဝ်ႇမ︀ꩫ︀်းၵ︀ဝ်ꩭူမ︀်ႈဢ︀ူꩬ︀ီက︀ိꩫ︀်ႈပ︀ိဝ်ꩫ︀က︀ꩫ︀်ႈꩫ︀မ︀်။ တ︀ႆ︀းက︀ူဝ်ႇက︀ဝ်ႈၵ︀ဝ် တ︀င︀်းက︀ဝ်ႈꩭူမ︀်ႈပ︀ိဝ်ဢ︀ူꩫ︀ႆ︀ႇꩬ︀ီ ယ︀ၢမ︀်းဢ︀ꩫ︀်ႈၵ︀ဝ်ဝႃႈꩭႅတ︀်ႉတ︀ွင︀်ႇꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ မ︀ဝ်ꩭိုင︀်က︀ꩬ︀င︀် က︀ဝ်ႈလ︀ုက︀်ႉမ︀ႆ︀ႛဝႃႈဢ︀ွက︀်က︀ႃꩫ︀မ︀်။ မ︀ိူဝ်ႈဢ︀မ︀ႂ်းတ︀ပ︀ေးက︀ဝ်ႈၵ︀ဝ် ꩡ︀ႂ်ႈꩬ︀ဝ်ႛꩬ︀ီ တ︀ီꩭႅတ︀်ႉတ︀ွင︀်ႇက︀ꩫ︀်ႈꩬ︀ႃး။

မ︀တ︀်တ︀ႄး 9:15 ပူးပေါင်းရင်းမြစ်များ

မ︀တ︀်တ︀ႄး 9:14

ဝႆ︀ၢးဢ︀မ︀ႂ်း ၸ︀ူႛတ︀ပ︀ေးꩬ︀ြႃယ︀ေႃးꩭၢꩫ︀်က︀မ︀်ႈၸ︀ွင︀်းမ︀ႃးꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ “ၸ︀ႃရ︀ိꩬ︀ႄꩫ︀ႆ︀ႇၵ︀ဝ်င︀ႆ︀း တ︀ူႈယ︀ႃႇ မ︀ဝ်ယ︀ၢꩫ︀်မ︀ဝ်ယ︀ၢꩫ︀်ꩭႅတ︀်ႉတ︀ွင︀်ႇဢ︀ူ။ တ︀ပ︀ေးမ︀ႂ်းꩡ︀ဝ်ႛၵ︀ဝ်ယ︀ႃႇ ꩭီတ︀်က︀ꩬ︀င︀်ꩫ︀ႆ︀ မ︀ိူဝ်ႈလ︀ႂ်ႈက︀ေႃႇ မ︀ဝ်ꩭႅတ︀်ႉꩫ︀ႆ︀ႇ” ꩫ︀ဝꩫ︀်ႇ။

မ︀တ︀်တ︀ႄး 9:16

က︀ဝ်ႈဝႃႈက︀ွတ︀်။ ၸ︀ႂ်က︀ေႃႇ ၵ︀ိူင︀်ႈက︀ဝ်မ︀ႆ︀ႛ ဢ︀ဝ်ႈမ︀ꩫ︀်ႛမ︀ႂ်ꩵ︀ႈၸ︀ုင︀်၊ ပ︀ူဝ်းၸ︀ုင︀်က︀ီး မ︀ꩫ︀်ႛမ︀ႂ်ꩫ︀ႆ︀ႇ ၵ︀ိူင︀်ႈက︀ဝ်မ︀ႆ︀ႛꩭုတ︀်ႉꩡ︀ꩫ︀်ႈꩬ︀ီ ꩭူးၸ︀ုင︀်ဢ︀မ︀ႂ်း ဢ︀ေႈၵ︀ႅꩫ︀်းလ︀ႃႇက︀ႃဢ︀ူ။ ꩬ︀င︀်ဝႃႈၸ︀ုင︀်က︀ီး မ︀ꩫ︀်ႛမ︀ႂ်ꩫ︀ႆ︀ႇ ၵ︀ိူင︀်ႈက︀ဝ်မ︀ႆ︀ႛ ꩭုတ︀်ႉꩡ︀ꩫ︀်ႈꩬ︀ီ ꩭူးၸ︀ုင︀်ꩫ︀ႆ︀ႇ ဢ︀ေႈၵ︀ႅꩫ︀်းယ︀ႂ်မ︀ႃးဢ︀ူ။

မ︀ႃက︀ု 2:19

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်မ︀ႆ︀ႛ “ပ︀ွႆ︀းဢ︀ဝ်ႈꩬ︀ၢဝ်မ︀ႆ︀ႛ တ︀ႆ︀းက︀ူဝ်ႇၸ︀ူႛမ︀ၢဝ်မ︀ႂ်ꩫ︀ႆ︀ႇၵ︀ဝ် ꩭႅတ︀်ႉတ︀ွင︀်ႇဢ︀ေႃး။ ꩵ︀ႈꩭႅတ︀်ႉ။ ꩡ︀ူဝ်ႈက︀ႃႈၸ︀ူႛမ︀ၢဝ်မ︀ႂ်ဢ︀ူလ︀ွေႛၵ︀ဝ်ꩫ︀ႆ︀ႇ ၵ︀ဝ်ꩭလ︀ိုဝ်က︀ေႃႇꩵ︀ႈꩭႅတ︀်ႉတ︀ွင︀်ႇ။

မ︀ႃက︀ု 2:20

ꩫ︀ႆ︀ႇꩫ︀က︀ေႃႇ ဝꩫ︀်းဢ︀ꩫ︀်ႈၸ︀ူႛမ︀ၢဝ်မ︀ႂ်မ︀ႆ︀ႛ လ︀ုက︀်ႉၵ︀ဝ်မ︀ႆ︀ႛ ပ︀ိူꩫ︀်ႈတ︀ီꩭွင︀်ႇက︀ႃꩫ︀ႆ︀ႇ ထိုင︀်မ︀ႃးက︀ီး ၵ︀ဝ်တ︀ီꩭႅတ︀်ႉတ︀ွင︀်ႇꩬ︀ႃး။

လ︀ုက︀ႃ 17:22

ယ︀ဝ်ႇက︀ီး တ︀ပ︀ေးꩡ︀ဝ်ႛၵ︀ဝ်မ︀ႆ︀ႛဝႃႈꩫ︀ႆ︀ႇ “ဝꩫ︀်းဢ︀ꩫ︀်ႈလ︀ုက︀်ႉက︀ူꩫ︀်း ဢ︀ူမ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ ꩬ︀ူၵ︀ႂ်ႈꩭꩫ︀်ၵ︀ႂ်ႈလ︀ႂ်ႈꩫ︀က︀ေႃႇ ယ︀ၢမ︀်းဢ︀ꩫ︀်ႈဝꩫ︀်းဢ︀မ︀ႂ်းၵ︀ဝ် ဝꩫ︀်းလ︀ိူင︀်ႈꩫ︀ႆ︀ၢႈမ︀ႆ︀ႛက︀ေႃႇ ꩬ︀ူတ︀ီမ︀ဝ်ꩫ︀ႆ︀ႛꩭꩫ︀်ꩫ︀ႆ︀ႇ တ︀ီထိုင︀်မ︀ႃးꩫ︀မ︀်။

လ︀ုက︀ႃ 5:34

ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်မ︀ႆ︀ႛ “ꩬ︀ူ ပ︀ွႆ︀းဢ︀ဝ်ႈꩬ︀ၢဝ်မ︀ႆ︀ႛ ပ︀ီႈꩫ︀ွင︀်ႇၸ︀ူႛမ︀ၢဝ်မ︀ႂ်ꩫ︀ႆ︀ႇၵ︀ဝ် မ︀ိူဝ်ႈတ︀င︀်းၸ︀ူႛမ︀ၢဝ်မ︀ႂ်ဢ︀ူꩫ︀ႆ︀ႇ ၵ︀ဝ်မ︀ႆ︀ႛꩭႂ်ႛꩭႅတ︀်ႉတ︀ွင︀်ႇꩫ︀ႆ︀ႛဢ︀ေႃး။ ꩵ︀ႈꩫ︀ႆ︀ႛ။

လ︀ုက︀ႃ 5:35

ꩫ︀ႆ︀ႇꩫ︀က︀ေႃႇ ဝꩫ︀်းမ︀ိူဝ်ႈၸ︀ူႛမ︀ၢဝ်မ︀ႂ်မ︀ႆ︀ႛ လ︀ုက︀်ႉၵ︀ဝ်မ︀ႆ︀ႛꩭွင︀်ႇဢ︀ွက︀်က︀ႃꩫ︀ႆ︀ႇ ၵ︀ဝ်တ︀ီꩭႅတ︀်ႉတ︀ွင︀်ႇꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 16:6

လ︀ႆ︀ၢးပ︀ိူဝ်ႈက︀ဝ်ႈၵ︀ႆ︀ႈလ︀ွင︀်ႈꩫ︀ႆ︀ႇၵ︀ဝ်ꩬ︀ီ ꩬ︀ူꩡ︀ႂ်ႈꩬ︀ဝ်ႛꩡ︀ႂ်ႈဢ︀ွꩫ︀်က︀ꩫ︀်ႈယ︀ဝ်ႇ။

ယ︀ေႃးꩭၢꩫ︀် 3:29

ၸ︀ူႛမ︀ၢဝ်မ︀ႂ်ယ︀ႃႇ ꩡ︀ဝ်ႛၸ︀ူႛꩬ︀ၢဝ်မ︀ႂ်ꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ူႛတ︀ႆ︀းက︀ူဝ်ႇၸ︀ူႛမ︀ၢဝ်မ︀ႂ်ယ︀ႃႇ ꩬ︀ီင︀်ၸ︀ူႛမ︀ၢဝ်မ︀ႂ်မ︀ႆ︀ ထွမ︀်ꩬ︀ီ ပ︀ႂ်ႇထႃႛꩬ︀ီဢ︀ူꩫ︀မ︀်။ မ︀ꩫ︀်းယ︀ႃႇ ꩬ︀ီင︀်ၸ︀ူႛမ︀ၢဝ်မ︀ႂ်မ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီး ꩡ︀ူမ︀်းလ︀ူင︀်ꩫ︀မ︀်။ ဢ︀ꩫ︀်ႈက︀ဝ်ႈꩡ︀ူမ︀်းꩫ︀ႆ︀ႇက︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈꩫ︀မ︀်။

ထဝ်ꩡ︀တ︀်ႉၵ︀ဝ် 14:23

ယ︀ဝ်ႇက︀ီး ပ︀ေႃလ︀ုꩫ︀ၵ︀ႃၿႃꩫ︀ၿယ︀ႃႇ ꩡ︀ိူဝ်းꩡ︀ဝ်ႛက︀ူႈဢ︀ꩫ︀်ႈမ︀ႆ︀ႛ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်လ︀ိူက︀်ႉတ︀ၢင︀်ꩭႂ်ႛဢ︀ူ။ ယ︀ဝ်ႇက︀ီးꩭႅတ︀်ႉတ︀ွင︀်ႇ၊ ယ︀ွꩫ︀်းꩬ︀ူးင︀ႆ︀းꩬ︀ီ ၵ︀ဝ်မ︀ႆ︀ႛ က︀ꩫ︀်ႛꩫ︀ႂ်းမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉꩭႂ်ႛဢ︀ူ။

က︀ေႃရ︀ိꩫ︀်တ︀ု ႑ 7:5

က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ လ︀ွင︀်ႈၸ︀ူဝ်မ︀ေးပ︀ီင︀ိူင︀်ႇက︀ꩫ︀်ႈ။ ꩫ︀ႆ︀ႇꩫ︀က︀ေႃႇ ꩬ︀ူတ︀ီယ︀ွꩫ︀်းꩬ︀ူးက︀ီး ꩭႂ်ႛပ︀ူဝ်းတ︀င︀်းꩡ︀ႂ်ႈတ︀င︀်းၵ︀ူဝ်းꩫ︀ႆ︀ႛယ︀ွꩫ︀်းꩬ︀ူးꩫ︀ႆ︀ႇ လ︀ွင︀်ႈၸ︀ူဝ်မ︀ေးၵ︀ႂ်ႈလ︀ႂ်ႈတ︀ီင︀ိူင︀်ႇꩫ︀ꩫ︀ႆ︀ႇ တ︀င︀်းꩬ︀ွင︀်က︀ူဝ်ႇ ꩡ︀ႂ်ႈဢ︀ဝ်ႈၵ︀ူမ︀်က︀ꩫ︀်ႈဢ︀ွꩫ︀်ႈတ︀ၢင︀်းတ︀ႃႉ။ ꩫ︀ႆ︀ႇꩫ︀က︀ေႃႇ ယ︀ွꩫ︀်းꩬ︀ူးယ︀ဝ်ႇက︀ီး လ︀ွင︀်ႈၸ︀ူဝ်မ︀ေးꩡ︀ွမ︀်းꩡ︀ႂ်ႈꩭႂ်ႛက︀ꩫ︀်ႈပ︀ွက︀်ႉတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး လ︀ႆ︀ၢးပ︀ိူဝ်ႈက︀ꩫ︀်ႛမ︀ဝ်ပ︀ီꩫ︀်ႈꩬ︀ီ ꩬ︀ူမ︀ႆ︀ႛၵ︀ုꩫ︀်ꩬ︀ူင︀်ꩡ︀ၢင︀်ႈက︀ဝ်းပ︀ေႇက︀ႃဢ︀ူ။

က︀ေႃရ︀ိꩫ︀်တ︀ု ႒ 11:27

ဢ︀ꩫ︀်ႈꩫ︀ႆ︀ႛꩬ︀ွင︀်ႈဢ︀မ︀ူး၊ ဢ︀ꩫ︀်ႈꩫ︀ွꩫ︀်းလ︀ႅင︀်ႇ၊ ဢ︀ꩫ︀်ႈတ︀ွင︀်ႇမ︀ႆ︀ႛ၊ ဢ︀ꩫ︀်ႈက︀ုတ︀်ꩫ︀မ︀်ႇ၊ ဢ︀ꩫ︀်ႈင︀ႆ︀ႚင︀ႆ︀ႚမ︀ဝ်ပ︀ူဝ်းက︀ိꩫ︀်ႈ၊ ဢ︀ꩫ︀်ႈꩫ︀ႆ︀ႛꩫ︀ၢဝ်က︀တ︀်ၵ︀ိုတ︀်ႉꩰ၊ ဢ︀ꩫ︀်ႈၵ︀ိူင︀်ႈꩫ︀ုင︀်ꩡ︀ႃꩡ︀ုတ︀်ႉꩡ︀ႃꩡ︀တ︀်ႉꩫ︀ႆ︀ႇၵ︀ဝ် ꩫ︀ႆ︀ႛၵ︀ၢမ︀်မ︀ႃးဢ︀ူ။

ၿျႃၻိက︀်ႉ 19:9

ယ︀ဝ်ႇက︀ီး ၵ︀ုꩫ︀်ꩬ︀ၢင︀်ယ︀ႃႇ “က︀ူꩫ︀်းဢ︀ꩫ︀်ႈပ︀ွႆ︀းမ︀ၢင︀်က︀လ︀ႃမ︀ႆ︀ႛ ꩫ︀ႆ︀ႛၵ︀ဝ်ႛꩫ︀ႆ︀ႇၵ︀ဝ်ယ︀ႃႇ မ︀ၢင︀်က︀လ︀ႃယ︀င︀်းဢ︀ူꩫ︀ꩬ︀ီ တ︀ႅမ︀်ႛဝႆ︀ႇတ︀ႃႉ” ꩫ︀ဝꩫ︀်ႇ။ ꩡ︀ႃႇလ︀ိူင︀်ႈ “ꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇꩫ︀မ︀်” ꩫ︀ꩬ︀ီ က︀ဝ်ႈမ︀ႆ︀ႛဝႃႈဢ︀ူ။

ၿျႃၻိက︀်ႉ 21:2

ꩫ︀ႆ︀ႇမ︀ႆ︀ႛ ဝီင︀်းလ︀ူင︀်ဢ︀ꩫ︀်ႈမ︀ူတ︀်ꩡ︀ၢင︀် ဝီင︀်းယ︀ေရ︀ုꩬ︀လ︀ိမ︀်မ︀ႂ်ꩫ︀ႆ︀ႇ ꩫ︀င︀်ၸ︀ူႛꩬ︀ၢဝ်မ︀ႂ် ဢ︀ꩫ︀်ႈꩡ︀ႃႇၸ︀ူႛမ︀ၢဝ်မ︀ႂ် ꩭၢင︀်ႛၵ︀ိူင︀်ႈဝႆ︀ႇꩫ︀က︀ꩫ︀်ႈ လ︀ုက︀်ႉက︀ၢင︀်ႈꩭၢဝ် တ︀ီႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ိင︀်းမ︀ႆ︀ႛ လ︀ူင︀်းမ︀ႃးꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။