မ︀တ︀်တ︀ႄး 7:7 - Khamti Shan

⁷ ယ︀ွꩫ︀်းတ︀ႃႉ။ ယ︀ွꩫ︀်းက︀ီး ꩬ︀ူတ︀ီꩫ︀ႆ︀ႛꩫ︀မ︀်။ ၵ︀ႃတ︀ႃႉ။ ၵ︀ႃက︀ီးတ︀ီꩭꩫ︀်ꩫ︀မ︀်။ တ︀ၢင︀်းပ︀တ︀ူႈမ︀ႆ︀ႛတ︀ွႆ︀တ︀ႃႉ။ တ︀ွႆ︀က︀ီးတ︀ၢင︀်းပ︀တ︀ူႈ တ︀ီပ︀ုတ︀်ꩭႂ်ႛꩫ︀မ︀်။

မ︀တ︀်တ︀ႄး 7:7 ပူးပေါင်းရင်းမြစ်များ

မ︀တ︀်တ︀ႄး 18:19

ꩡ︀ႃႇလ︀ိူင︀်ႈ ꩬ︀ူꩬ︀ွင︀်က︀ူဝ်ႇလ︀ိူင︀်ႈ ဢ︀မ︀ႆ︀ႚꩫ︀က︀ေႃႇ ꩡ︀ႂ်ႈၵ︀ူမ︀်က︀ꩫ︀်ႈꩬ︀ီꩭူမ︀်ႈယ︀ွꩫ︀်းꩬ︀ူးက︀ီး ဢ︀ꩫ︀်ႈꩫ︀င︀်ꩬ︀ူယ︀ွꩫ︀်းꩫ︀ႆ︀ႇ ပ︀ူဝ်က︀ၢင︀်ႈꩭၢဝ်က︀ဝ်ႈꩭီတ︀်ꩭႂ်ႛဢ︀ူ။

မ︀တ︀်တ︀ႄး 21:22

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ီႈꩫ︀ီႈꩬ︀ီယ︀ွꩫ︀်းꩬ︀ူးက︀ီး က︀ႃႈꩫ︀င︀်ꩬ︀ူယ︀ွꩫ︀်းꩫ︀ႆ︀ႇ မ︀ꩫ︀်းꩡ︀ဝ်ႛꩭႂ်ႛဢ︀ူ” ꩫ︀ဝꩫ︀်ႇ။

မ︀တ︀်တ︀ႄး 6:33

ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူမ︀ႆ︀ႛꩭႂ်ႛဢ︀ုပ︀်ႉပ︀ိုင︀်တ︀ႃႉ။ ဢ︀ꩫ︀်ႈပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ꩬ︀ိုဝ်ႈꩡ︀ႂ်ႈꩫ︀ႆ︀ႇꩭီတ︀်က︀ꩫ︀်ႈတ︀ႃႉ။ င︀ႆ︀းက︀ီး ဢ︀ꩫ︀်ႈꩬ︀ူꩭၢင︀်ႇꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ꩫ︀်းꩡ︀ဝ်ႛꩭႂ်ႛဢ︀ူ။

မ︀တ︀်တ︀ႄး 7:11

ꩬ︀ူက︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ꩫ︀ႆ︀ၢႈက︀ေႃႇ လ︀ုက︀်ႉꩬ︀ူမ︀ႆ︀ႛ ဢ︀ꩫ︀်ႈꩫ︀ီႈဝႃႈꩭႂ်ႛꩫ︀မ︀်ꩫ︀ꩫ︀ႆ︀ႇတ︀ွင︀်းက︀ီး ၵ︀ႆ︀ႇမ︀ဝ်က︀ႃးပ︀ူဝ်က︀ၢင︀်ႈꩭၢဝ်ꩬ︀ူယ︀ႃႇ က︀ူဝ်ႇဢ︀ꩫ︀်ႈယ︀ွꩫ︀်းမ︀ႆ︀ႛ ဢ︀ꩫ︀်ႈၵ︀ႅꩫ︀်းꩫ︀ီႈꩫ︀ႆ︀ႇတ︀ီꩭႂ်ႛꩬ︀ႃး။

မ︀တ︀်တ︀ႄး 7:8

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀ꩫ︀်ႈယ︀ွꩫ︀်းꩫ︀ႆ︀ႇ ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈၵ︀ႃꩫ︀ႆ︀ႇ ꩭꩫ︀်ဢ︀ူ။ က︀ူဝ်ႇဢ︀ꩫ︀်ႈတ︀ွႆ︀တ︀ၢင︀်းပ︀တ︀ူႈမ︀ႆ︀ႛ ပ︀ုတ︀်ꩭႂ်ႛဢ︀ူ။

မ︀ႃက︀ု 11:24

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ က︀ဝ်ႈဝႃႈက︀ွတ︀်။ မ︀ိူဝ်ႈꩬ︀ူယ︀ွꩫ︀်းꩬ︀ူးꩫ︀ႆ︀ႇ ဢ︀ꩫ︀်ႈꩫ︀င︀်ꩬ︀ူယ︀ွꩫ︀်းꩫ︀ႆ︀ႇ ꩫ︀ႆ︀ႛယ︀ဝ်ႇꩫ︀ꩬ︀ီယ︀ုမ︀်တ︀ႃႉ။ င︀ႆ︀းက︀ီး က︀ႃႈꩫ︀င︀်ꩬ︀ူယ︀ွꩫ︀်းꩫ︀ႆ︀ႇꩫ︀ႆ︀ႛတ︀ေႇတ︀ေႇဢ︀ူ။

လ︀ုက︀ႃ 13:25

ꩡ︀ဝ်ႛꩭိူꩫ︀်းတ︀ၢင︀်းပ︀တ︀ူႈꩭၢပ︀်ယ︀ဝ်ႇက︀ႃꩫ︀ႆ︀ႇꩬ︀ိုင︀် ꩬ︀ူလ︀ုက︀်ႉက︀ꩫ︀်ႛꩫ︀ွက︀်ႉမ︀ႆ︀ႛ တ︀ွႆ︀တ︀ၢင︀်းပ︀တ︀ူႈင︀ႆ︀း “ꩡ︀ဝ်ႛꩴ︀း တ︀ူႈမ︀ႆ︀ႛ တ︀ၢင︀်းပ︀တ︀ူႈပ︀ုတ︀်ꩭႂ်ႛတ︀ီၵ︀ႃႛမ︀လ︀ႃး” ꩫ︀ꩬ︀ီဝႃႈꩫ︀က︀ေႃႇ “ꩬ︀ူ က︀ူꩫ︀်းပ︀ႃႛလ︀ႂ်ႈꩫ︀ႆ︀။ က︀ဝ်ႈꩵ︀ႈတ︀ွင︀်း” ꩫ︀ꩬ︀ီတ︀ီဝႃႈꩫ︀မ︀်။

လ︀ုက︀ႃ 18:1

ယ︀ဝ်ႇက︀ီး ꩡ︀ဝ်ႛယ︀ေꩬ︀ု တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ꩡ︀ႂ်ႈမ︀ဝ်ယ︀ွမ︀်းꩬ︀ီ ဝႃႈယ︀ွꩫ︀်းꩬ︀ူးꩫ︀မ︀်ꩫ︀ꩫ︀ႆ︀ႇ ဢ︀ဝ်ႈပ︀ုင︀်ၵ︀ိူင︀်ႈၵ︀ၢမ︀်းꩬ︀ွꩫ︀်ꩭႂ်ႛဢ︀ူ။

ယ︀ေႃးꩭၢꩫ︀် 15:16

ꩬ︀ူꩵ︀ႈꩡ︀ႂ်ႈ က︀ဝ်ႈမ︀ႆ︀ႛလ︀ိူက︀်ႉဝႆ︀ႇꩫ︀ႆ︀ႇ။ က︀ဝ်ႈꩫ︀မ︀်ꩬ︀ူမ︀ႆ︀ႛ လ︀ိူက︀်ႉင︀ႆ︀းပ︀ွႆ︀ꩡ︀ႂ်ႇꩬ︀ီ ꩫ︀င︀်မ︀က︀်ဢ︀ꩫ︀်ႈမ︀ꩫ︀်ႛဢ︀ꩫ︀်ႈၵ︀ိူင︀်ꩫ︀က︀ꩫ︀်ႈ ꩭႂ်ႛက︀ႃပ︀ီꩫ︀်ႈꩫ︀ႆ︀ႇ။ ꩫ︀င︀်က︀ဝ်ႈဝႃႈꩫ︀က︀ꩫ︀်ႈ ꩬ︀ူက︀ႃꩭီတ︀်က︀ီး ပ︀ူဝ်က︀ဝ်ႈက︀ေႃႇ ဢ︀ꩫ︀်ႈꩫ︀င︀်ꩬ︀ူဢ︀ဝ်ႈꩡ︀ိုဝ်ႈက︀ဝ်ႈယ︀ွꩫ︀်းꩫ︀ႆ︀ႇꩭႂ်ႛဢ︀ူ။

ယ︀ေႃးꩭၢꩫ︀် 15:7

ꩬ︀ူက︀ꩫ︀်ႛꩫ︀ႂ်းက︀ဝ်ႈမ︀ႆ︀ႛဢ︀ူက︀ီး ၵ︀ၢမ︀်းက︀ဝ်ႈက︀ေႃႇ က︀ꩫ︀်ႛꩫ︀ႂ်းꩬ︀ူမ︀ႆ︀ႛယ︀င︀်းꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ꩫ︀်ႈꩫ︀င︀်ꩬ︀ူၵ︀ႂ်ႈယ︀ွꩫ︀်းꩫ︀ႆ︀ႇယ︀ွꩫ︀်းꩫ︀ႆ︀ႛဢ︀ူ။ မ︀ꩫ︀်းꩡ︀ဝ်ႛက︀ေႃႇ ဢ︀ꩫ︀်ႈꩫ︀င︀်ꩬ︀ူယ︀ွꩫ︀်းꩫ︀ႆ︀ႇꩭႂ်ႛဢ︀ူ။

ယ︀ေႃးꩭၢꩫ︀် 4:10

ꩡ︀ဝ်ႛယ︀ေꩬ︀ုယ︀ႃႇ “က︀ျေးꩡ︀ူးဢ︀ꩫ︀်ႈမ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီꩭႂ်ႛꩫ︀ႆ︀ႇမ︀ႆ︀ႛလ︀ိူင︀်ႈ က︀ူဝ်ႇဢ︀ꩫ︀်ႈမ︀ႂ်းမ︀ႆ︀ႛယ︀ွꩫ︀်းꩫ︀မ︀်ႇꩫ︀ႆ︀ႇ ပ︀ီꩫ︀်ႈၸ︀ႂ်ꩫ︀ꩫ︀ႆ︀ႇမ︀ႆ︀ႛလ︀ိူင︀်ႈ မ︀ႂ်းတ︀ွင︀်းက︀ီး မ︀ႂ်းꩬ︀ိုင︀် လ︀ုက︀်ႉမ︀ꩫ︀်းမ︀ႆ︀ႛ တ︀ီယ︀ွꩫ︀်းꩫ︀မ︀်ႇက︀ိꩫ︀်ႈꩬ︀ႃး။ င︀ႆ︀းက︀ီး မ︀ꩫ︀်းက︀ေႃႇမ︀ႂ်းမ︀ႆ︀ႛ ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉ တ︀ီꩭႂ်ႛꩬ︀ႃး” ꩫ︀ဝꩫ︀်ႇ။

ရ︀ေႃမ︀ 2:7

က︀ူꩫ︀်းဢ︀ꩫ︀်ႈ ꩭီတ︀်လ︀ွင︀်ႈꩫ︀ီႈ မ︀ဝ်ꩬ︀ဝ်းင︀ႆ︀းꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ူဝ်းယ︀ွင︀်ႛတ︀ၢင︀်ꩭုမ︀်ꩫ︀ၵ︀ႃ ဢ︀ꩬ︀ၢက︀်ႉဢ︀ꩫ︀်ႈမ︀ꩫ︀်ႛတ︀ိူင︀်ႈမ︀ႆ︀ႛ ꩭႅꩫ︀်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛဢ︀ꩬ︀ၢက︀်ႉထႃဝရ︀တ︀ီꩭႂ်ႛꩫ︀မ︀်။

ရ︀ေႃမ︀ 3:11

က︀ူꩫ︀်းဢ︀ꩫ︀်ႈပ︀ွင︀်ꩡ︀ႂ်ႈတ︀ေႇတ︀ေႇက︀ေႃႇꩵ︀ႈယ︀င︀်း။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ႃꩬ︀ီပ︀ႆ︀ၢႛဝႆ︀ႈက︀ေႃႇ ꩵ︀ႈယ︀င︀်း။

ꩭေပ︀ရ︀ူး 11:6

တ︀ၢင︀်းယ︀ုမ︀်ယ︀မ︀်ႈမ︀ဝ်ယ︀င︀်းက︀ီး ၸ︀ႂ်က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈမ︀ႃးꩡ︀ႂ်ႈꩵ︀ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ႂ်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႃးက︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းဢ︀ူꩫ︀ꩫ︀ႆ︀ႇလ︀ိူင︀်ႈ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းၵ︀ႃမ︀ႆ︀ႛ မ︀ꩫ︀်းꩡ︀ဝ်ႛဢ︀က︀ိဝ်းပ︀ူင︀်ႈꩭႂ်ႛဢ︀ူꩫ︀ꩫ︀ႆ︀ႇလ︀ိူင︀်ႈ ဝႃႈယ︀ုမ︀်ယ︀မ︀်ႈꩫ︀မ︀်။

ယ︀ႃက︀ု 5:15

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ီႈꩫ︀ီႈ ꩬ︀ီ ယ︀ွꩫ︀်းꩬ︀ူးက︀ီး ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ၸ︀ူႛၵ︀ႆ︀ႛမ︀ႆ︀ႛ ဢ︀ဝ်ႈꩫ︀ီႈꩭႂ်ႛꩬ︀ီ ဢ︀ပ︀ႅတ︀်ႉဢ︀ꩫ︀်ႈမ︀ꩫ︀်းၸ︀ိတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛဢ︀ူ။

ယ︀ေႃးꩭၢꩫ︀် ႑ 3:22

ꩭဝ်း ၵ︀ၢမ︀်းမ︀ꩫ︀်းꩡ︀ဝ်ႛထွမ︀်င︀ႆ︀း မ︀ꩫ︀်းꩡ︀ဝ်ႛမ︀ႆ︀ႛဢ︀ဝ်ႈမ︀ႃးꩡ︀ႂ်ႈꩫ︀ႆ︀ႇꩬ︀ီ ဢ︀ꩫ︀်ႈက︀ႃႈꩫ︀င︀်ꩭဝ်းယ︀ွꩫ︀်းꩬ︀ူးꩫ︀ႆ︀ႇ မ︀ꩫ︀်းꩡ︀ဝ်ႛꩭႂ်ႛဢ︀ူ။