မ︀တ︀်တ︀ႄး 7:21 - Khamti Shan

²¹ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ “ꩡ︀ဝ်ႛ ꩡ︀ဝ်ႛ” ꩫ︀ꩬ︀ီꩭွင︀်ႇꩫ︀ႆ︀ႇၵ︀ဝ်က︀ူႈက︀ူဝ်ႇယ︀ႃႇ မ︀ိူင︀်းက︀ၢင︀်ႈꩭၢဝ်မ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ။ က︀ူဝ်ႇဢ︀ꩫ︀်ႈဢ︀လ︀ၢင︀်းပ︀ူဝ်က︀ၢင︀်ႈꩭၢဝ်က︀ဝ်ႈမ︀ႆ︀ႛ ꩡ︀ွမ︀်းꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် တ︀ီꩫ︀ႆ︀ႛၵ︀ဝ်ႛꩫ︀ႆ︀ႇ။

မ︀တ︀်တ︀ႄး 7:21 ပူးပေါင်းရင်းမြစ်များ

မ︀တ︀်တ︀ႄး 12:50

ၸ︀ႂ်မ︀ဝ်ဝႃႈ က︀ူဝ်ႇဢ︀ꩫ︀်ႈထွမ︀်ၵ︀ၢမ︀်းပ︀ူဝ်က︀ၢင︀်ႈꩭၢဝ်က︀ဝ်ႈꩫ︀ႆ︀ႇၵ︀ဝ်ယ︀ႃႇ မ︀ေက︀ဝ်ႈ၊ ꩫ︀ွင︀်ႇက︀ဝ်ႈ၊ ꩫ︀ွင︀်ႇꩬ︀ၢဝ်က︀ဝ်ႈၵ︀ဝ်ꩬ︀ႃး” ꩫ︀ဝꩫ︀်ႇ။

မ︀တ︀်တ︀ႄး 16:17

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “ꩬ︀ႅင︀်မ︀ုꩫ︀်ၸ︀ူႛလ︀ုက︀်ႉယ︀ေႃꩫ︀ꩴ︀း မ︀ႂ်းမ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀မ︀ႃတ︀ြႃးꩫ︀ႆ︀ႇယ︀ႃႇ ဢ︀ꩫ︀်ႈဢ︀ဝ်ႈꩥ︀ႅꩫ︀်မ︀ႂ်းၸ︀ူႛꩡ︀ဝ်ႛတ︀ွင︀်းꩵ︀ႈꩡ︀ႂ်ႈ။ ပ︀ူဝ်က︀ဝ်ႈꩡ︀ဝ်ႛက︀ၢင︀်ႈꩭၢဝ် ပ︀ုတ︀်ပ︀ျႃးꩭႂ်ႛꩬ︀ီ မ︀ႂ်းတ︀ွင︀်းꩫ︀မ︀်။

မ︀တ︀်တ︀ႄး 18:10

က︀ဝ်ႈဝႃႈက︀ွတ︀်။ ꩬ︀ူꩬ︀တ︀ိက︀ꩫ︀်ႈတ︀ႃႉ။ လ︀ၵ︀ႃꩫ︀ႆ︀ႇၵ︀ဝ်မ︀ႆ︀ႛ ပ︀ီဢ︀လ︀ွေႛ။ က︀ၢင︀်ႈꩭၢဝ်မ︀ႆ︀ႛ ၵ︀ုꩫ︀်ꩬ︀ၢင︀်ဢ︀ꩫ︀်ႈပ︀ႂ်ႇၵ︀ဝ် မ︀ိူဝ်ႈလ︀ႂ်ႈက︀ေႃႇ ပ︀ၢင︀်ႈꩫ︀ႃႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛဢ︀ူက︀ꩫ︀်ႈꩫ︀မ︀်။

မ︀တ︀်တ︀ႄး 18:19

ꩡ︀ႃႇလ︀ိူင︀်ႈ ꩬ︀ူꩬ︀ွင︀်က︀ူဝ်ႇလ︀ိူင︀်ႈ ဢ︀မ︀ႆ︀ႚꩫ︀က︀ေႃႇ ꩡ︀ႂ်ႈၵ︀ူမ︀်က︀ꩫ︀်ႈꩬ︀ီꩭူမ︀်ႈယ︀ွꩫ︀်းꩬ︀ူးက︀ီး ဢ︀ꩫ︀်ႈꩫ︀င︀်ꩬ︀ူယ︀ွꩫ︀်းꩫ︀ႆ︀ႇ ပ︀ူဝ်က︀ၢင︀်ႈꩭၢဝ်က︀ဝ်ႈꩭီတ︀်ꩭႂ်ႛဢ︀ူ။

မ︀တ︀်တ︀ႄး 18:3

“ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ ꩬ︀ူꩫ︀င︀်လ︀ၵ︀ႃꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩡ︀ႂ်ႈပ︀ူဝ်းမ︀ဝ်လ︀ႆ︀ၢႈမ︀ႃးက︀ီး မ︀ိူင︀်းက︀ၢင︀်ႈꩭၢဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛၵ︀ဝ်ႛ။

မ︀တ︀်တ︀ႄး 18:35

ꩬ︀ူက︀ေႃႇ ဢ︀ပ︀ႅတ︀်ႉပ︀ိူꩫ︀်ႈမ︀ႆ︀ႛ မ︀ဝ်ပ︀ွႆ︀လ︀ွတ︀်ႉꩭႂ်ႛတ︀ေႇတ︀ေႇက︀ီး ꩬ︀ူမ︀ႆ︀ႛက︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ူဝ်က︀ၢင︀်ႈꩭၢဝ်က︀ဝ်ႈ တ︀ီꩭႂ်ႛတ︀ၢမ︀်ꩫ︀မ︀်။

မ︀တ︀်တ︀ႄး 19:24

ၵ︀ႂ်ႈလ︀ႂ်ႈꩫ︀ႆ︀ယ︀ပ︀်ꩫ︀ႆ︀ႇꩫ︀က︀ီး ꩭူးၵ︀ီမ︀်မ︀ႆ︀ႛ မ︀ႃႇဢ︀ုတ︀်ႉၵ︀ဝ်ႛꩫ︀ႆ︀ၢႈက︀ေႃႇ ꩡ︀ၢင︀်ႈင︀ႆ︀ၢႈဢ︀ူ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၸ︀ူႛမ︀ီးꩫ︀ႆ︀ႇၵ︀ဝ်ꩬ︀ိုင︀် တ︀ီၵ︀ဝ်ႛမ︀ိူင︀်းက︀ၢင︀်ႈꩭၢဝ်ꩫ︀ႆ︀ႇယ︀ႃႇ ယ︀ပ︀်လ︀ူင︀်ယ︀ပ︀်လ︀ၢင︀်ꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 25:10

မ︀ိူဝ်ႈၵ︀ဝ်ဢ︀ွက︀်က︀ႃ က︀ႃꩬ︀ိုဝ်ႇꩫ︀မ︀်ႇမ︀ီꩫ︀်ꩫ︀ႆ︀ႇ ၸ︀ူႛမ︀ၢဝ်မ︀ႂ်ထိုင︀်မ︀ႃးဢ︀ူ။ ၸ︀ူႛꩬ︀ၢဝ်ဢ︀ꩫ︀်ႈပ︀ိင︀်ꩥ︀ႃယ︀င︀်းꩫ︀ႆ︀ႇၵ︀ဝ်ယ︀ႃႇ တ︀င︀်းၸ︀ူႛမ︀ၢဝ်မ︀ႂ်က︀ႃꩬ︀ီ ပ︀ၢင︀်ႈပ︀ွႆ︀းဢ︀ဝ်ႈꩬ︀ၢဝ်မ︀ႆ︀ႛ ၵ︀ဝ်ႛက︀ႃဢ︀ူ။ ꩫ︀ႆ︀ႇမ︀ႆ︀ႛ တ︀ၢင︀်းပ︀တ︀ူႈက︀ေႃႇ ꩭၢပ︀်က︀ႃဢ︀ူ။

မ︀တ︀်တ︀ႄး 25:21

ꩫ︀ႆ︀ႇမ︀ႆ︀ႛꩡ︀ဝ်ႛမ︀ꩫ︀်းက︀ေႃႇ “ဢ︀ိူဝ်းလ︀ႃႉ၊ မ︀ႂ်းꩬ︀ႅတ︀်ႉꩡ︀ႃယ︀င︀်းလ︀ူင︀်ꩥ︀ႃ။ ꩡ︀ႂ်ႈယ︀ဝ်ႇ၊ မ︀ႂ်းဢ︀ꩫ︀်ႈဢ︀ွꩫ︀်လ︀ိူင︀်ႈမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ မ︀ႂ်းမ︀ႆ︀ႛ ဢ︀ၢꩫ︀်တ︀ၢꩫ︀်ဢ︀ၢပ︀်ႉꩭႂ်ႛဢ︀ိက︀်က︀ွတ︀်။ မ︀ႃးလ︀ႃး၊ တ︀င︀်းက︀ဝ်ႈꩡ︀ဝ်ႛမ︀ႃးꩭူမ︀်ႈက︀ိꩫ︀်ႈပ︀ိဝ်လ︀ႃး” ꩫ︀ဢ︀ူ။

မ︀တ︀်တ︀ႄး 26:39

ꩡ︀ွꩫ︀်လ︀ိူင︀်ႈက︀ႃဢ︀ိက︀်ꩬ︀ီ ꩫ︀ိꩫ︀်ႈမ︀ႆ︀ႛပ︀ႅပ︀်ႉၵ︀ုပ︀်ႉဢ︀ူ။ ယ︀ဝ်ႇက︀ီး “ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩴ︀း ꩬ︀င︀်ဝႃႈပ︀ီꩫ︀်ႈꩫ︀ႆ︀ႛက︀ီး က︀ွက︀်ဝေၻꩫ︀ႃꩫ︀ႆ︀ႇလ︀ုက︀်ႉက︀ဝ်ႈၵ︀ႃႛမ︀ႆ︀ႛ ဢ︀ဝ်ႈင︀ိူင︀်ႇꩭႂ်ႛတ︀ီၵ︀ႃႛမ︀ႃးတ︀ႃႉ။ ꩫ︀ႆ︀ႇꩫ︀က︀ေႃႇ ဢ︀လ︀ၢင︀်းက︀ဝ်ႈၵ︀ႃႛပ︀ီꩭႂ်ႛပ︀ီꩫ︀်ႈတ︀ီၵ︀ႃႛ။ ꩭႂ်ႛပ︀ီꩫ︀်ႈဢ︀လ︀ၢင︀်းၵ︀ိင︀်းတ︀ူဝ်ꩡ︀ဝ်ႛꩫ︀ႆ︀ၢႈ တ︀ီၵ︀ႃႛမ︀ႃးတ︀ႃႉ” ꩫ︀ဢ︀ူ။

မ︀တ︀်တ︀ႄး 26:42

ꩭႃလ︀ိူင︀်ႈ ꩡ︀ဝ်ႛယ︀ေꩬ︀ုက︀ႃꩬ︀ီ “ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ႃႛ လ︀ွင︀်ႈၵ︀ိူက︀်ႉယ︀ၢက︀်ႉꩫ︀ႆ︀ႇ က︀ဝ်ႈၵ︀ႃႛမ︀ဝ်ၵ︀ၢမ︀်မ︀ဝ်ꩫ︀ႆ︀ႛꩫ︀မ︀်ꩫ︀က︀ီး ꩫ︀င︀်ၵ︀ိင︀်းတ︀ူဝ်ꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ꩭႂ်ႛပ︀ီꩫ︀်ႈတ︀ီၵ︀ႃႛက︀တ︀ႃႉ” ꩫ︀ꩬ︀ီ ယ︀ွꩫ︀်းꩬ︀ူးပ︀ွက︀်ႉဢ︀ူ။

မ︀ႃက︀ု 3:35

ၸ︀ႂ်မ︀ဝ်ဝႃႈ က︀ူဝ်ႇဢ︀ꩫ︀်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ꩫ︀ွင︀်ႇꩡ︀ၢႆ︀းက︀ဝ်ႈ၊ ꩫ︀ွင︀်ႇꩬ︀ိင︀်းက︀ဝ်ႈ၊ မ︀ေက︀ဝ်ႈၵ︀ဝ်ꩫ︀မ︀်” ꩫ︀ဝꩫ︀်ႇ။

မ︀ႃက︀ု 9:47

လ︀ၢႆ︀းပ︀ိူဝ်ႈတ︀ႃႈꩬ︀ူꩫ︀ႆ︀ႇ ꩬ︀ူက︀ဝ်ႈမ︀ႆ︀ႛၸ︀ိတ︀်က︀ီး တ︀ႃႈဢ︀မ︀ႂ်းက︀ွက︀်ၵ︀ွတ︀်တ︀ႃႉ။ တ︀ႃႇတ︀ႃႈတ︀င︀်းꩬ︀ွင︀်ပ︀ႃႛက︀ုမ︀်ꩬ︀ီ ထႃဝရ︀င︀ႃးလ︀ၢႆ︀း ဢ︀ꩫ︀်ႈꩫ︀ွꩫ︀်မ︀ဝ်တ︀ၢႆ︀ႈ ၸ︀ႆ︀းမ︀ဝ်မ︀ွတ︀်ꩡ︀ၢင︀်ႈမ︀ႆ︀ႛ တ︀ီတ︀ူက︀်ယ︀ႃႇ တ︀ႃႈပ︀ႃႛလ︀ိူင︀်ႈမ︀ဝ်လ︀ွေႛꩬ︀ီ ꩫ︀ႆ︀ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇၵ︀ႅꩫ︀်းꩫ︀ီႈဢ︀ူ။

လ︀ုက︀ႃ 11:28

ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ “က︀ူဝ်ႇဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီထွမ︀်ꩡ︀ွမ︀်းꩫ︀ႆ︀ႇꩫ︀မ︀် မ︀ၢင︀်က︀လ︀ႃယ︀င︀်းတ︀ေႇတ︀ေႇꩫ︀ႆ︀ႇ” ꩫ︀ဝꩫ︀်ႇ။

လ︀ုက︀ႃ 13:25

ꩡ︀ဝ်ႛꩭိူꩫ︀်းတ︀ၢင︀်းပ︀တ︀ူႈꩭၢပ︀်ယ︀ဝ်ႇက︀ႃꩫ︀ႆ︀ႇꩬ︀ိုင︀် ꩬ︀ူလ︀ုက︀်ႉက︀ꩫ︀်ႛꩫ︀ွက︀်ႉမ︀ႆ︀ႛ တ︀ွႆ︀တ︀ၢင︀်းပ︀တ︀ူႈင︀ႆ︀း “ꩡ︀ဝ်ႛꩴ︀း တ︀ူႈမ︀ႆ︀ႛ တ︀ၢင︀်းပ︀တ︀ူႈပ︀ုတ︀်ꩭႂ်ႛတ︀ီၵ︀ႃႛမ︀လ︀ႃး” ꩫ︀ꩬ︀ီဝႃႈꩫ︀က︀ေႃႇ “ꩬ︀ူ က︀ူꩫ︀်းပ︀ႃႛလ︀ႂ်ႈꩫ︀ႆ︀။ က︀ဝ်ႈꩵ︀ႈတ︀ွင︀်း” ꩫ︀ꩬ︀ီတ︀ီဝႃႈꩫ︀မ︀်။

လ︀ုက︀ႃ 18:25

ꩭႂ်ႛပ︀ူဝ်းမ︀ႃႇဢ︀ုတ︀်ႉၵ︀ဝ်ႛꩫ︀ႂ်းꩭူးၵ︀ီမ︀်ꩫ︀ꩫ︀ႆ︀ႇ ꩵ︀ႈပ︀ီꩫ︀်ႈꩫ︀ႆ︀ႛ။ ꩫ︀ႆ︀ႇꩬ︀ေႇမ︀ဝ်က︀ႃး ꩭႂ်ႛပ︀ူဝ်းၸ︀ူႛမ︀ီးꩫ︀ႆ︀ႇၵ︀ဝ် ၵ︀ဝ်ႛမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ꩫ︀ႆ︀ႇယ︀ႃႇ ဢ︀ေႈၵ︀ႅꩫ︀်းမ︀ဝ်ပ︀ီꩫ︀်ႈꩫ︀ႆ︀ႛꩫ︀မ︀်။

လ︀ုက︀ႃ 6:46

ꩬ︀ူꩭီတ︀်က︀ꩬ︀င︀်ꩫ︀ႆ︀ က︀ဝ်ႈမ︀ႆ︀ႛ “ꩡ︀ဝ်ႛ ꩡ︀ဝ်ႛ” ꩫ︀ယ︀ႃႇဝႃႈꩬ︀ီ ၵ︀ၢမ︀်းက︀ဝ်ႈယ︀ႃႇမ︀ဝ်ထွမ︀်က︀ꩫ︀်ႈꩫ︀ႆ︀ႇ။

ယ︀ေႃးꩭၢꩫ︀် 14:7

က︀ဝ်ႈပ︀ီꩫ︀်ႈၸ︀ႂ်တ︀ေႇတ︀ေႇꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ႆ︀ႇꩬ︀ီ ပ︀ူဝ်က︀ဝ်ႈမ︀ႆ︀ႛက︀ေႃႇ ꩬ︀ူတ︀ွင︀်းဢ︀ူ။ လ︀ုက︀်ႉင︀ႆ︀ႚက︀ူဝ်ꩬ︀ီ ꩬ︀ူပ︀ူဝ်က︀ဝ်ႈမ︀ႆ︀ႛတ︀ွင︀်းယ︀ဝ်ႇ။ ꩭꩫ︀်ယ︀ဝ်ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 15:23

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩡ︀င︀်းꩫ︀ႆ︀ႇ ပ︀ူဝ်က︀ဝ်ႈမ︀ႆ︀ႛက︀ေႃႇꩡ︀င︀်းဢ︀ူ။

ယ︀ေႃးꩭၢꩫ︀် 3:5

ꩡ︀ဝ်ႛယ︀ေꩬ︀ုက︀ေႃႇ “ꩭိုဝ်းမ︀ႆ︀ႛ က︀ဝ်ႈဝႃႈက︀ွတ︀်။ ၸ︀ႂ်ꩫ︀က︀ေႃႇဢ︀ဝ်ႈꩫ︀မ︀်ႇꩫ︀ၵ︀ႃ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ပ︀ူဝ်းမ︀ဝ်ၸ︀ႃးဢ︀ိက︀်က︀ီး မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ၊

ယ︀ေႃးꩭၢꩫ︀် 5:17

င︀ႆ︀းက︀ီးမ︀ꩫ︀်းꩡ︀ဝ်ႛယ︀ႃႇ ၵ︀ဝ်မ︀ႆ︀ႛ “ပ︀ူဝ်က︀ဝ်ႈမ︀ိူဝ်ႈလ︀ႂ်ႈက︀ေႃႇ ဢ︀မ︀ူးꩭီတ︀်ဢ︀ူꩫ︀ႆ︀ႇꩬ︀ီ က︀ဝ်ႈက︀ေႃႇ ဝႃႈꩭီတ︀်ဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 6:40

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူဝ်ႇဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛꩭꩫ︀်ꩬ︀ီ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ꩬ︀ၢက︀်ႉထႃဝရ︀ၵ︀ႂ်ႈꩭႂ်ႛꩫ︀ႆ︀ႛက︀ꩫ︀်ႈꩫ︀မ︀်။ က︀ဝ်ႈက︀ေႃႇ ဝꩫ︀်းဢ︀ꩫ︀်ႈꩬ︀ုတ︀်မ︀ႆ︀ႛ က︀ူဝ်ႇဢ︀မ︀ႂ်းၵ︀ဝ်မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ တ︀ီဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 7:17

က︀ူဝ်ႇဢ︀ꩫ︀်ႈၵ︀ႂ်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇယ︀ႃႇ ၵ︀ၢမ︀်းဢ︀ꩫ︀်ႈက︀ဝ်ႈဝႃႈꩫ︀ႆ︀ႇ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛလ︀ႃႊ၊ ၵ︀ၢမ︀်းပ︀ၢင︀်ႈက︀ဝ်ႈꩡ︀ဝ်ႛလ︀ႃႊꩫ︀ꩫ︀ႆ︀ႇ တ︀ီက︀ၢက︀်ႉꩡ︀ၢင︀်ႈꩬ︀ႃး။

ထဝ်ꩡ︀တ︀်ႉၵ︀ဝ် 14:22

ꩬ︀ွင︀်ၵ︀ႃယ︀ႃႇ ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ယ︀ုမ︀်ယ︀မ︀်ႈၵ︀ိူင︀်ꩰꩫ︀ႆ︀ႇ ၵ︀ဝ်မ︀ႆ︀ႛ ꩬ︀ႂ်ꩭႅင︀်းꩭႂ်ႛဢ︀ူ။ “မ︀ိူဝ်ႈꩭဝ်းက︀ႃ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ တ︀ၢင︀်းယ︀ပ︀်ယ︀ၢက︀်ႉၻုက︀်ႉၵ︀ဢ︀ၢꩫ︀်တ︀ၢꩫ︀် ဝႃႈꩫ︀ႆ︀ႛၵ︀ၢမ︀်ဢ︀ူ” ꩫ︀ꩬ︀ီၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛဢ︀ူ။

ရ︀ေႃမ︀ 12:2

ꩬ︀ူယ︀ႃႇ တ︀ၢင︀်းက︀ႅင︀်းက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ီꩡ︀ွမ︀်းယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭူဝ်ꩡ︀ႂ်ႈꩬ︀ူဢ︀ၢပ︀်ႉꩬ︀ီ ꩭႂ်ႛမ︀ꩫ︀်းꩡ︀ဝ်ႛလ︀ႆ︀ၢႈမ︀ႂ်ꩰတ︀ႃႉ။ င︀ႆ︀းက︀ီး ဢ︀ꩫ︀်ႈꩫ︀ီႈ၊ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈင︀ႆ︀း ဢ︀ꩫ︀်ႈတ︀ီမ︀်ႈက︀ုမ︀်ꩫ︀ႆ︀ႇၵ︀ဝ် ꩬ︀ူ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ွင︀်းမ︀ႃးဢ︀ူ။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛထုက︀်ꩡ︀ႂ်ႈတ︀ေႇတ︀ေႇꩫ︀မ︀်။

ရ︀ေႃမ︀ 2:13

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျမ︀်းꩬ︀ိꩫ︀်မ︀ႆ︀ႛ တ︀ပ︀ူဝ်းထွမ︀်ꩫ︀ႆ︀ၢႈယ︀ႃႇ က︀ူဝ်ႇဢ︀မ︀ႂ်းမ︀ႆ︀ႛ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈမ︀တ︀်ႉ။ က︀ျမ︀်းꩬ︀ိꩫ︀်မ︀ႆ︀ႛ ထွမ︀်ꩡ︀ွမ︀်းက︀ီးꩬ︀ိုင︀် ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ မ︀ꩫ︀်းꩡ︀ဝ်ႛမ︀တ︀်ႉꩫ︀မ︀်။

ဢ︀ေၸ︀ႅတ︀် 6:6

ပ︀ၢင︀်ႈꩫ︀ႃႛၵ︀ဝ်မ︀ႆ︀ႛꩫ︀ႆ︀ၢႈꩬ︀ိုင︀် ၵ︀ႂ်ႈꩫ︀ႆ︀ႛꩫ︀ႃႛꩬ︀ီ ပ︀ီꩭီတ︀်ပ︀ျႃး။ က︀ွပ︀်ႉပ︀ိူဝ်ႈꩬ︀ူပ︀ီꩫ︀်ႈၵ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀လ︀ၢင︀်းယ︀င︀်းꩫ︀က︀ꩫ︀်ႈ တ︀င︀်းꩡ︀ႂ်ႈတ︀င︀်းၵ︀ူဝ်း ꩭီတ︀်က︀ꩫ︀်ႈတ︀ႃႉ။

က︀ေႃလ︀ေႃတ︀ႄ 4:12

ဢ︀ေပ︀ၸ︀ြက︀ေႃႇ ꩬ︀ူမ︀ႆ︀ႛꩬ︀င︀်ၵ︀ၢမ︀်းဢ︀ူ။ မ︀ꩫ︀်းက︀ေႃႇ က︀ူꩫ︀်းက︀ုမ︀်ႛꩬ︀ူꩡ︀ဝ်ႛ ဢ︀ꩫ︀်ႈထၢမ︀်းဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ မ︀ꩫ︀်းယ︀ႃႇ ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူ ꩭႂ်ႛပ︀ူဝ်းထွမ︀်ꩡ︀ွမ︀်းမ︀ူတ︀်ꩰꩬ︀ီ ပ︀ွင︀်ꩡ︀ႂ်ႈမ︀ူတ︀်ꩰမ︀ႃးင︀ႆ︀း ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩡ︀ႃႇꩬ︀ူ ꩭီတ︀်ဢ︀ၵ︀ႅက︀်ႉꩬ︀ီယ︀ွꩫ︀်းꩬ︀ူးꩬ︀ီဢ︀ူꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:3

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛၵ︀ႂ်ႈꩭႂ်ႛမ︀ူတ︀်ꩰꩡ︀ၢင︀်ꩰꩫ︀မ︀်။ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈꩫ︀ꩫ︀ႆ︀ႇ ꩵ︀ႈၵ︀ႂ်ႈꩭႂ်ႛယ︀င︀်းလ︀ေႚလ︀ေႚ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:18

ပ︀ီꩫ︀်ႈꩭိုဝ်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူဢ︀ꩫ︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩡ︀ဝ်ႛယ︀ေꩬ︀ုꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈꩭႂ်ႛက︀မ︀်ႈက︀ႅင︀်းꩫ︀ႆ︀ႇꩫ︀မ︀်။

တ︀ိတ︀ု 1:16

က︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်ယ︀ႃႇ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ꩭႅꩫ︀်းꩭီတ︀်တ︀ွင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ေႃႇ တ︀ၢင︀်းက︀ႅင︀်းၵ︀ဝ်ယ︀ႃႇ ၵ︀ဝ်တ︀ေႇတ︀ေႇꩵ︀ႈတ︀ွင︀်းꩫ︀ꩫ︀ႆ︀ႇ ပ︀ျႃးꩬ︀ၢက︀်ႉꩬ︀ေဢ︀ူ။ ၵ︀ဝ်ယ︀ႃႇက︀ူꩫ︀်းယ︀ုက︀်ႉက︀ူꩫ︀်းꩭင︀်ႛ ဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်ꩬ︀ီ ꩭီတ︀်လ︀ွင︀်ႈꩫ︀ီႈက︀ꩬ︀င︀်က︀ေႃႇ မ︀ဝ်ထႅက︀်ႉꩫ︀မ︀်။

ꩭေပ︀ရ︀ူး 13:21

ꩭႂ်ႛပ︀ူဝ်းꩬ︀ူ ꩡ︀ွမ︀်းဢ︀လ︀ၢင︀်းမ︀ꩫ︀်းꩡ︀ဝ်ႛꩫ︀ႆ︀ႇ ဢ︀ꩫ︀်ႈꩫ︀င︀်ꩬ︀ူꩭၢင︀်ႇꩫ︀ႆ︀ႇတ︀င︀်းမ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛထႅမ︀်ꩭႂ်ႛက︀တ︀ႃႉ။ လ︀ွင︀်ႈꩫ︀ီႈ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇၵ︀ဝ် က︀ꩫ︀်ႛꩫ︀ႂ်းꩬ︀ူမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛဢ︀ဝ်ႈယ︀င︀်းက︀တ︀ႃႉ။ ꩡ︀ဝ်ႛယ︀ေꩬ︀ုၵ︀ရ︀ီတ︀် ထႃဝရ︀ မ︀ူꩫ︀်ႈၸ︀ုင︀်းꩭႂ်ႛယ︀ႂ်က︀တ︀ႃႉ။ ꩬ︀ႃႈထု။

ꩭေပ︀ရ︀ူး 4:6

င︀ႆ︀းꩫ︀ႆ︀ႇꩬ︀ီ တ︀ီႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃၸ︀ြႃးပ︀ီꩫ︀်ႈꩡ︀ဝ်ႛ ယ︀င︀်းဢ︀ူꩫ︀က︀ေႃႇ က︀ူꩫ︀်းဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈ ꩫ︀ႆ︀ႛꩥ︀ိꩫ︀်းဢ︀ွꩫ︀်ႈꩫ︀ႆ︀ႇၵ︀ဝ်ယ︀ႃႇ မ︀ဝ်ယ︀ုမ︀်ꩫ︀ႆ︀ႇꩬ︀ီ ꩵ︀ႈꩫ︀ႆ︀ႛၵ︀ဝ်ႛ။

ယ︀ႃက︀ု 1:22

ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢင︀်းဢ︀မ︀ၢင︀်းꩫ︀ႆ︀ၢႈပ︀ီထွမ︀်၊ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၸ︀ၢမ︀်းꩫ︀က︀ꩫ︀်ႈပ︀ီꩭႂ်ႛပ︀ီꩫ︀်ႈ။ က︀မ︀်ႈက︀ႅင︀်းတ︀ေႇတ︀ေႇက︀ꩫ︀်ႈတ︀ႃႉ။

ပ︀ေတ︀ရ︀ု ႑ 2:15

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းက︀ူꩫ︀်းမ︀ိူက︀်ႉဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇၵ︀ဝ် ꩬ︀ူမ︀ႆ︀ႛမ︀ဝ်တ︀ၢꩫ︀်ႛပ︀ုက︀်ႉꩬ︀ုက︀်ႉပ︀က︀်ႉꩬ︀က︀်ႉꩫ︀ႆ︀ႇ ꩬ︀ူမ︀ႆ︀ႛꩭႂ်ႛဢ︀ူꩫ︀ီႈꩫ︀ီႈ ꩫ︀ၢမ︀်းꩰꩫ︀မ︀်။

ပ︀ေတ︀ရ︀ု ႑ 4:2

င︀ႆ︀းꩫ︀ႆ︀ႇꩬ︀ီ ꩬ︀ူလ︀ုက︀်ႉင︀ႆ︀ႚက︀ူဝ်ꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူဢ︀ꩫ︀်ႈက︀ိူတ︀်မ︀ႆ︀ႛယ︀ႃႇ ဢ︀လ︀ၢင︀်ႈက︀ူꩫ︀်းမ︀ႆ︀ႛမ︀ဝ်ꩡ︀ွမ︀်းꩬ︀ီ ꩭႂ်ႛပ︀ူဝ်းꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီဢ︀ူꩫ︀ႆ︀ႇꩬ︀ိုင︀် ꩭီတ︀်ဢ︀ၵ︀ႅက︀်ႉက︀ꩫ︀်ႈတ︀ႃႉ။

ၿျႃၻိက︀်ႉ 2:27

ꩫ︀င︀်က︀ဝ်ႈမ︀ႆ︀ႛ ပ︀ူဝ်က︀ဝ်ႈတ︀ꩫ︀်းၵ︀ူဝ်းပ︀ူင︀်ႈꩭႂ်ႛꩫ︀က︀ꩫ︀်ႈ ၵ︀ဝ်မ︀ႆ︀ႛ တ︀ꩫ︀်းၵ︀ူဝ်းဢ︀မ︀ႂ်း က︀ဝ်ႈတ︀ီပ︀ူင︀်ႈꩭႂ်ႛꩫ︀မ︀်။ ၵ︀ဝ်က︀ေႃႇ ꩫ︀င︀်မ︀ူဝ်ႛꩫ︀ိꩫ︀်ႈမ︀ႆ︀ႛ မ︀ွပ︀်ၵ︀ွတ︀်ꩫ︀က︀ꩫ︀်ႈ ၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩭွက︀်လ︀ီက︀်တ︀ီဢ︀ုပ︀်ႉပ︀ိုင︀်ꩫ︀မ︀်။

ၿျႃၻိက︀်ႉ 22:14

က︀ူꩫ︀်းဢ︀ꩫ︀်ႈၵ︀ိူင︀်ႈၸ︀ူႛꩡ︀ဝ်ႛမ︀ႆ︀ႛ ꩬ︀ၢက︀်ႉတ︀ွင︀်ꩰဝႆ︀ႇꩫ︀ႆ︀ႇၵ︀ဝ်ယ︀ႃႇ မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ဢ︀ၵ︀ၢင︀်းဢ︀ꩫ︀်ႈက︀ꩫ︀်ႛꩫ︀ႂ်းဝီင︀်းမ︀ႆ︀ႛ လ︀ုက︀်ႉပ︀တ︀ူႈဝီင︀်းမ︀ႆ︀ႛၵ︀ဝ်ႛꩬ︀ီ က︀ိꩫ︀်ႈမ︀က︀်ဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩫ︀ႆ︀ႇ တ︀ီꩫ︀ႆ︀ႛꩫ︀မ︀်။

ၿျႃၻိက︀်ႉ 3:5

က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်ယ︀ႃႇ ꩫ︀င︀်င︀ႆ︀းꩫ︀က︀ꩫ︀်ႈ ၵ︀ိူင︀်ႈၵ︀ၢဝ်တ︀ီꩫ︀ႆ︀ႛꩫ︀ုင︀်ႈꩫ︀မ︀်။ ꩡ︀ိုဝ်ႈၵ︀ဝ်မ︀ႆ︀ႛ က︀ဝ်ႈလ︀ုက︀်ႉပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩵ︀ႈလ︀ုပ︀်ႉမ︀ွတ︀်ပ︀ိူင︀်ႈလ︀ူင︀်။ ၵ︀ဝ်ပ︀ီꩫ︀်ႈက︀ူꩫ︀်းက︀ဝ်ႈꩫ︀မ︀်ꩫ︀ꩫ︀ႆ︀ႇ ပ︀ၢင︀်ႈꩫ︀ႃႛပ︀ူဝ်က︀ဝ်ႈꩫ︀ၵ︀ႃ ၵ︀ုꩫ︀်ꩬ︀ၢင︀်မ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ က︀ဝ်ႈတ︀ီတ︀ႅဝ်ꩡ︀ုꩫ︀်ႈꩰလ︀ႅင︀်းꩰꩫ︀မ︀်။