မ︀တ︀်တ︀ႄး 6:24 - Khamti Shan

²⁴ ၸ︀ႂ်က︀ေႃႇ ꩡ︀ဝ်ႛꩬ︀ွင︀်ꩡ︀ဝ်ႛမ︀ႆ︀ႛ က︀ွမ︀်းꩵ︀ႈꩫ︀ႆ︀ႛ။ ꩡ︀ဝ်ႛလ︀ိူင︀်ႈမ︀ႆ︀ႛꩭၢက︀်ႉက︀ီး ꩡ︀ဝ်ႛလ︀ိူင︀်ႈမ︀ႆ︀ႛꩡ︀င︀်းဢ︀ူ။ ꩡ︀ဝ်ႛလ︀ိူင︀်ႈမ︀ႆ︀ႛ ယ︀မ︀်ႈင︀ဝ်းက︀ီး ꩡ︀ဝ်ႛလ︀ိူင︀်ႈမ︀ႆ︀ႛꩵ︀ႈၵ︀ၢꩫ︀်း။ ꩬ︀ူၵ︀ႃႛၸ︀ြႃးပ︀ီꩫ︀်ႈꩡ︀ဝ်ႛက︀ေႃႇꩭီတ︀်၊ ၵ︀ႃႛင︀ိူꩫ︀်းက︀ေႃႇꩭီတ︀်င︀ႆ︀းယ︀ႃႇ ꩵ︀ႈꩫ︀ႆ︀ႛ။

မ︀တ︀်တ︀ႄး 6:24 ပူးပေါင်းရင်းမြစ်များ

မ︀တ︀်တ︀ႄး 4:10

ꩡ︀ဝ်ႛယ︀ေꩬ︀ုယ︀ႃႇ “ꩭိူဝ်း ၵ︀ုꩫ︀်ꩬ︀ူင︀်။ ဢ︀ွက︀်က︀ႃတ︀ႃႉ။ “ၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈမ︀ႆ︀ႛꩫ︀ႆ︀ၢႈပ︀ႆ︀ၢႛဝႆ︀ႈꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩫ︀ႆ︀ၢႈꩫ︀မ︀်ဝႃႈမ︀ိုင︀်ႇꩫ︀ႆ︀ႇ” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇဢ︀ူ” ꩫ︀ꩬ︀ီတ︀ွပ︀်ꩭႂ်ႛဢ︀ူ။

လ︀ုက︀ႃ 16:11

င︀ႆ︀းꩫ︀ႆ︀ႇꩬ︀ီ ꩬ︀ူꩡ︀ေးꩡ︀ိမ︀်မ︀ိူင︀်းက︀ၢင︀်ႈ ဢ︀ꩫ︀်ႈမ︀ဝ်မ︀ꩫ︀်ႛတ︀ိူင︀်ႈမ︀ႆ︀ႛ ꩬ︀ႅတ︀်ႉꩡ︀ႃမ︀ဝ်ယ︀င︀်းက︀ီး ၸ︀ႂ်ꩫ︀ႆ︀ꩬ︀ူမ︀ႆ︀ႛ ꩡ︀ေးꩡ︀ိမ︀် ဢ︀ꩫ︀်ႈမ︀ꩫ︀်ႛတ︀ိူင︀်ႈတ︀ီဢ︀ၢပ︀်ႉꩫ︀ႆ︀ႇ။

လ︀ုက︀ႃ 16:13

ၸ︀ူႛꩡ︀ႂ်ႇဢ︀ꩫ︀်ႈလ︀ႂ်ႈက︀ေႃႇ ꩡ︀ဝ်ႛꩬ︀ွင︀်ꩡ︀ဝ်ႛမ︀ႆ︀ႛယ︀ႃႇ ꩵ︀ႈက︀ွမ︀်း။ ꩡ︀ဝ်ႛလ︀ိူင︀်ႈမ︀ႆ︀ႛꩡ︀င︀်းꩬ︀ီ ꩡ︀ဝ်ႛလ︀ိူင︀်ႈမ︀ႆ︀ႛတ︀ီꩭၢက︀်ႉꩫ︀မ︀်။ ꩡ︀ဝ်ႛလ︀ိူင︀်ႈမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းꩬ︀ီ ꩡ︀ဝ်ႛလ︀ိူင︀်ႈမ︀ႆ︀ႛယ︀ႃႇ တ︀ီမ︀ဝ်ၵ︀ၢꩫ︀်းꩫ︀မ︀်။ ꩬ︀ူ ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ င︀ိူꩫ︀်းမ︀ႆ︀ႛ ꩭူမ︀်ႈက︀ွမ︀်းꩵ︀ႈꩫ︀ႆ︀ႛ” ꩫ︀ဝꩫ︀်ႇ။

လ︀ုက︀ႃ 16:9

ꩡ︀ဝ်ႛယ︀ေꩬ︀ု က︀ၢပ︀်ꩬ︀ီဝႃႈꩫ︀ႆ︀ႇယ︀ႃႇ “က︀ဝ်ႈဝႃႈက︀ွတ︀်။ ဢ︀ဝ်ႈꩡ︀ေးꩡ︀ိမ︀်မ︀ိူင︀်းက︀ၢင︀်ႈꩬ︀ူ ပ︀ိူꩫ︀်ႈမ︀ႆ︀ႛꩡ︀ွႆ︀ႈꩬ︀ီ တ︀ႆ︀းက︀ူဝ်ႇꩫ︀မ︀်ꩰဢ︀ဝ်ႈꩫ︀ႆ︀ႛတ︀ႃႉ။ င︀ႆ︀းက︀ီး မ︀ိူဝ်ႈꩡ︀ေးꩡ︀ိမ︀်ꩬ︀ူမ︀ူတ︀်က︀ႃꩫ︀ႆ︀ႇ ꩬ︀ူမ︀ႆ︀ႛၵ︀ဝ် မ︀ိူင︀်းထႃဝရ︀မ︀ႆ︀ႛ တ︀ီꩭၢပ︀်ႉတ︀ွꩫ︀်ႛက︀ꩫ︀်ႈꩫ︀မ︀်။

က︀လ︀ႃတ︀ိ 1:10

က︀ဝ်ႈဝႃႈင︀ႆ︀းꩫ︀ႆ︀ႇ ꩭၢင︀်းက︀ူꩫ︀်းꩫ︀ႆ︀ႇၵ︀ဝ်ꩭၢပ︀်ႉၵ︀ၢမ︀်ꩵ︀ႈꩡ︀ႂ်ႈ။ ꩭၢင︀်းၸ︀ြႃးပ︀ီꩫ︀်ႈꩡ︀ဝ်ႛꩭၢပ︀်ႉၵ︀ၢမ︀်ꩫ︀ႆ︀ၢႈꩫ︀မ︀်။ ဢ︀ꩫ︀်ႈက︀ဝ်ႈဝႃႈꩫ︀ႆ︀ႇ ꩭၢင︀်းက︀ူꩫ︀်းꩫ︀ႆ︀ႇၵ︀ဝ် ယ︀ူဝ်းယ︀ွင︀်ႛꩵ︀ႈꩡ︀ႂ်ႈ။ ꩬ︀င︀်ဝႃႈက︀ဝ်ႈ ꩭၢင︀်းက︀ူꩫ︀်းယ︀ူဝ်းယ︀ွင︀်ႛꩬ︀ိုင︀်ꩭီတ︀်ꩫ︀မ︀်ꩫ︀က︀ီး က︀ဝ်ႈၸ︀ူႛꩡ︀ႂ်ႇꩡ︀ဝ်ႛၵ︀ရ︀ီတ︀်ꩵ︀ႈꩡ︀ႂ်ႈယ︀ဝ်ႇ။

တ︀ိမ︀ေႃတ︀ေ ႑ 6:17

တ︀ိမ︀ေႃတ︀ေꩴ︀း က︀ူꩫ︀်းဢ︀ꩫ︀်ႈမ︀ီးမ︀ၢက︀်ႉလ︀ူင︀်ꩫ︀ႆ︀ႇၵ︀ဝ် ꩭႂ်ႛပ︀ူဝ်းမ︀ဝ်က︀မ︀်ႇလ︀ွင︀်ႛꩫ︀ႆ︀ႇ ၵ︀ဝ်မ︀ႆ︀ႛꩬ︀တ︀ိꩭႂ်ႛတ︀ႃႉ။ ꩭႂ်ႛပ︀ူဝ်းၵ︀ဝ် ꩡ︀ေးꩡ︀ိမ︀်မ︀ိူင︀်းက︀ၢင︀်ႈမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛၵ︀ွင︀်းꩰလ︀ွင︀်းꩰ ပ︀ူင︀်ႈဢ︀က︀ိဝ်းꩭႂ်ႛမ︀ႆ︀ႛꩬ︀ိုင︀် ပ︀ိုင︀်ႈဢ︀ိင︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်းပ︀ိဝ်မ︀ူꩫ︀်းꩫ︀ႆ︀ႇ ꩡ︀ေးꩡ︀ိမ︀်ဢ︀မ︀ႂ်းၵ︀ဝ် ပ︀ူင︀်ႈꩭႂ်ႛမ︀ႃးꩫ︀မ︀်။

တ︀ိမ︀ေႃတ︀ေ ႒ 4:10

တ︀ေမ︀က︀ူဝ်ႇလ︀ိူင︀်ႈယ︀ႃႇ ꩭွႆ︀ႛꩡ︀ႂ်ႈမ︀ိူင︀်းက︀ၢင︀်ႈꩫ︀ႆ︀ႇꩬ︀ီ က︀ဝ်ႈမ︀ႆ︀ႛ ၵ︀ွတ︀်က︀ႃꩬ︀ီ ဢ︀ွက︀်က︀ႃဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်ယ︀ဝ်ႇ။ က︀လ︀ႅတ︀်က︀ေယ︀ႃႇ က︀ႃတ︀ိူင︀်းက︀လ︀ႃတ︀ိင︀ႆ︀း၊ တ︀ိတ︀ုယ︀ႃႇက︀ႃတ︀ိူင︀်းတ︀ႃလ︀မ︀ႃတ︀ိယ︀ဝ်ႇ။

ယ︀ႃက︀ု 4:4

ꩬ︀ူ ၸ︀ူႛဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်းၵ︀ဝ်ꩴ︀း လ︀ွင︀်ႈပ︀ိဝ် မ︀ိူင︀်းက︀ၢင︀်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛꩭွႆ︀ႛꩡ︀ႂ်ႈက︀ီး ဢ︀ꩫ︀်ႈꩬ︀ၢꩫ︀်တ︀ၢꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈꩬ︀ူၸ︀ူႛꩡ︀ဝ်ႛမ︀ႆ︀ႛꩬ︀ူၸ︀ူႛꩡ︀ဝ်ႛ ဢ︀ဝ်ႈပ︀ီꩫ︀်ႈလ︀ꩫ︀်ꩬ︀ူၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။