မ︀တ︀်တ︀ႄး 6:16 - Khamti Shan

¹⁶ မ︀ိူဝ်ႈꩬ︀ူꩭႅတ︀်ႉတ︀ွင︀်ႇꩫ︀ႆ︀ႇ ꩫ︀င︀်ၸ︀ူႛက︀ႅမ︀်ႛꩫ︀ႃႛꩫ︀ႆ︀ႇၵ︀ဝ်ꩭီတ︀်ꩫ︀က︀ꩫ︀်ႈ ꩫ︀ႃႛဢ︀ꩫ︀်ႈꩭိဝ်ပ︀ီပ︀ျႃး။ ၵ︀ဝ်ယ︀ႃႇ ၵ︀ဝ်ꩭႅတ︀်ႉတ︀ွင︀်ႇဢ︀ူꩫ︀ꩫ︀ႆ︀ႇ ꩭႂ်ႛပ︀ူဝ်းပ︀ိူꩫ︀်ႈတ︀ွင︀်းꩫ︀ႆ︀ႇ ꩫ︀ႃႛꩭိဝ်ပ︀ျႃးꩬ︀ီဢ︀ူꩫ︀မ︀်။ က︀ဝ်ႈဝႃႈက︀ွတ︀်။ ၵ︀ဝ်ယ︀ႃႇ ꩬ︀ူးဢ︀ꩫ︀်ႈၵ︀ဝ်ထႅက︀်ႉꩫ︀ႆ︀ႇတ︀င︀်းမ︀ိူင︀်း လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈယ︀ဝ်ႇꩰꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛꩬ︀ူးꩵ︀ႈပ︀ူင︀်ႈꩭႂ်ႛယ︀ဝ်ႇ။

မ︀တ︀်တ︀ႄး 6:16 ပူးပေါင်းရင်းမြစ်များ

မ︀တ︀်တ︀ႄး 6:1

မ︀ိူဝ်ႈꩬ︀ူꩭီတ︀်လ︀ွင︀်ႈꩫ︀ီႈꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။ ꩭႂ်ႛပ︀ိူꩫ︀်ႈꩭꩫ︀်က︀ွတ︀်ꩫ︀ꩬ︀ီ ပ︀ၢင︀်ႈꩫ︀ႃႛပ︀ူက︀်ႉက︀ူꩫ︀်းမ︀ႆ︀ႛ ပ︀ီꩭီတ︀်ပ︀ိူင︀်ႈလ︀ူင︀်။ ပ︀ူဝ်းꩭီတ︀်က︀ီး ꩬ︀ူမ︀ႆ︀ႛ ပ︀ူဝ်က︀ၢင︀်ႈꩭၢဝ်ꩬ︀ူ ꩬ︀ူးꩵ︀ႈပ︀ူင︀်ႈꩭႂ်ႛ။

မ︀တ︀်တ︀ႄး 6:2

မ︀ိူဝ်ႈၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛꩡ︀ွႆ︀ႈꩫ︀ႆ︀ႇက︀ေႃႇ ꩫ︀င︀်ၸ︀ူႛက︀ႅမ︀်ႛꩫ︀ႃႛꩫ︀ႆ︀ႇၵ︀ဝ်ꩫ︀က︀ꩫ︀်ႈပ︀ီꩭီတ︀်။ ၵ︀ဝ်ယ︀ႃႇ ဢ︀ꩫ︀်ႈၵ︀ဝ်ꩭီတ︀်မ︀ႆ︀ႛပ︀ိူꩫ︀်ႈꩭꩫ︀်ꩬ︀ီ ꩭႂ်ႛပ︀ူဝ်းၵ︀ဝ်မ︀ႆ︀ႛ ပ︀ိူꩫ︀်ႈယ︀ူဝ်းယ︀ွင︀်ႛꩫ︀ႆ︀ႇ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ် တ︀ၢင︀်းတ︀ွက︀်ꩫ︀ႆ︀ႇၵ︀ဝ်မ︀ႆ︀ႛ ယ︀ႃးꩬ︀ီလ︀ူꩰပ︀ꩫ︀်ႈꩰꩫ︀မ︀်။ က︀ဝ်ႈဝႃႈက︀ွတ︀်။ ၵ︀ဝ်ယ︀ႃႇ ꩬ︀ူးဢ︀ꩫ︀်ႈၵ︀ဝ်ထႅက︀်ႉꩫ︀ႆ︀ႇတ︀င︀်းမ︀ိူင︀်း လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈယ︀ဝ်ႇꩰꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛꩬ︀ူးꩵ︀ႈꩭႂ်ႛယ︀ဝ်ႇ။

မ︀တ︀်တ︀ႄး 6:5

မ︀ိူဝ်ႈꩬ︀ူယ︀ွꩫ︀်းꩬ︀ူးꩫ︀ႆ︀ႇက︀ေႃႇ ꩫ︀င︀်ၸ︀ူႛက︀ႅမ︀်ႛꩫ︀ႃႛꩫ︀ႆ︀ႇၵ︀ဝ်ꩫ︀က︀ꩫ︀်ႈပ︀ီꩭီတ︀်။ ၵ︀ဝ်ယ︀ႃႇ ꩭႂ်ႛပ︀ူဝ်းၵ︀ဝ်မ︀ႆ︀ႛ ပ︀ိူꩫ︀်ႈတ︀င︀်းမ︀ိူင︀်းꩭꩫ︀်ꩫ︀ႆ︀ႇ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်၊ တ︀ၢင︀်းꩭုမ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀ဝ်းꩬ︀ီယ︀ွꩫ︀်းꩬ︀ူးဢ︀ူ။ က︀ဝ်ႈဝႃႈက︀ွတ︀်။ ၵ︀ဝ်ယ︀ႃႇ ꩬ︀ူးဢ︀ꩫ︀်ႈၵ︀ဝ်ထႅက︀်ႉꩫ︀ႆ︀ႇတ︀င︀်းမ︀ိူင︀်း လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈယ︀ဝ်ႇꩰꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛꩬ︀ူးꩵ︀ႈပ︀ူင︀်ႈယ︀ဝ်ႇ။

မ︀ႃက︀ု 2:18

ဝꩫ︀်းလ︀ိူင︀်ႈတ︀ပ︀ေးꩬ︀ြႃယ︀ေႃးꩭၢꩫ︀်ၵ︀ဝ်င︀ႆ︀း ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ ꩭႅတ︀်ႉတ︀ွင︀်ႇꩬ︀ီဢ︀ူဢ︀ူ။ မ︀ိူဝ်ႈဢ︀မ︀ႂ်းက︀ူꩫ︀်းက︀မ︀်ႈၸ︀ွင︀်း ꩡ︀ဝ်ႛယ︀ေꩬ︀ုမ︀ႆ︀ႛ မ︀ႃးꩬ︀ီ “တ︀ပ︀ေးꩬ︀ြႃယ︀ေႃးꩭၢꩫ︀်ၵ︀ဝ်၊ ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ ꩭႅတ︀်ႉတ︀ွင︀်ႇဢ︀ူ။ ꩭီတ︀်က︀ꩬ︀င︀်ꩫ︀ႆ︀တ︀ပ︀ေးမ︀ႂ်းꩡ︀ဝ်ႛၵ︀ဝ်ယ︀ႃႇ မ︀ဝ်ꩭႅတ︀်ႉꩫ︀ႆ︀ႇ” ꩫ︀ဝꩫ︀်ႇ။

လ︀ုက︀ႃ 18:12

က︀ဝ်ႈၵ︀ႃႛပ︀ၢတ︀်ႉလ︀ိူင︀်ႈမ︀ႆ︀ႛ ꩬ︀ွင︀်ပ︀ၢꩫ︀်ႈꩭႅတ︀်ႉတ︀ွင︀်ႇတ︀ီၵ︀ႃႛဢ︀ူ။ ၵ︀ူဝ်းလ︀ိင︀်းက︀ႃႈꩫ︀င︀်ယ︀င︀်းက︀ေႃႇ ꩬ︀ိပ︀်ꩡ︀ႃႇꩡ︀ႃႇလ︀ိူင︀်ႈ လ︀ူတ︀ီၵ︀ႃႛဢ︀ူ” ꩫ︀ဝꩫ︀်ႇ။

လ︀ုက︀ႃ 2:37

တ︀ူဝ်ထိုဝ် ပ︀ႅတ︀်ꩬ︀ိပ︀်ꩬ︀ီပ︀ီႈ ပ︀ီꩫ︀်ႈမ︀ေႈမ︀ႆ︀ၢႛဢ︀ူꩫ︀မ︀်။ ၵ︀ိုꩫ︀်းꩰဝꩫ︀်းꩰ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛꩫ︀ႆ︀ၢႈဢ︀ူꩬ︀ီ မ︀ိုင︀်ႇၸ︀ြႃး၊ဝႆ︀ႈၸ︀ြႃး၊ ယ︀ွꩫ︀်းꩬ︀ူး၊ ꩭႅတ︀်ႉတ︀ွင︀်ႇင︀ႆ︀းဢ︀ူꩫ︀မ︀်။

ထဝ်ꩡ︀တ︀်ႉၵ︀ဝ် 10:30

င︀ႆ︀းက︀ီးက︀ေႃꩫ︀ေလ︀ိယ︀ႃႇ “ပ︀ူꩫ︀်ႇမ︀ႃးꩬ︀ၢမ︀်ဝꩫ︀်း ၸ︀ႆ︀ၢက︀ၢင︀်ႈဝꩫ︀်းꩬ︀ၢမ︀်မ︀ွင︀်းမ︀ႆ︀ႛ မ︀ိူဝ်ႈက︀ဝ်ႈယ︀ွꩫ︀်းꩬ︀ူးꩬ︀ီဢ︀ူꩫ︀ႆ︀ႇ က︀ူꩫ︀်းဢ︀ꩫ︀်ႈꩫ︀ုင︀်ႈꩬ︀ိူဝ်ႛတ︀ွင︀်လ︀ိပ︀်ႉꩰꩫ︀ႆ︀ႇက︀ူဝ်ႇလ︀ိူင︀်ႈ ၵ︀တ︀်ႉၵ︀ႅင︀်း ဢ︀ွက︀်မ︀ႃးꩬ︀ီက︀ꩫ︀်ႛꩫ︀ႃႛက︀ဝ်ႈမ︀ႆ︀ႛ မ︀ႃးꩬ︀ဝ်းဢ︀ူ။

ထဝ်ꩡ︀တ︀်ႉၵ︀ဝ် 14:23

ယ︀ဝ်ႇက︀ီး ပ︀ေႃလ︀ုꩫ︀ၵ︀ႃၿႃꩫ︀ၿယ︀ႃႇ ꩡ︀ိူဝ်းꩡ︀ဝ်ႛက︀ူႈဢ︀ꩫ︀်ႈမ︀ႆ︀ႛ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်လ︀ိူက︀်ႉတ︀ၢင︀်ꩭႂ်ႛဢ︀ူ။ ယ︀ဝ်ႇက︀ီးꩭႅတ︀်ႉတ︀ွင︀်ႇ၊ ယ︀ွꩫ︀်းꩬ︀ူးင︀ႆ︀းꩬ︀ီ ၵ︀ဝ်မ︀ႆ︀ႛ က︀ꩫ︀်ႛꩫ︀ႂ်းမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉꩭႂ်ႛဢ︀ူ။

က︀ေႃရ︀ိꩫ︀်တ︀ု ႑ 7:5

က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ လ︀ွင︀်ႈၸ︀ူဝ်မ︀ေးပ︀ီင︀ိူင︀်ႇက︀ꩫ︀်ႈ။ ꩫ︀ႆ︀ႇꩫ︀က︀ေႃႇ ꩬ︀ူတ︀ီယ︀ွꩫ︀်းꩬ︀ူးက︀ီး ꩭႂ်ႛပ︀ူဝ်းတ︀င︀်းꩡ︀ႂ်ႈတ︀င︀်းၵ︀ူဝ်းꩫ︀ႆ︀ႛယ︀ွꩫ︀်းꩬ︀ူးꩫ︀ႆ︀ႇ လ︀ွင︀်ႈၸ︀ူဝ်မ︀ေးၵ︀ႂ်ႈလ︀ႂ်ႈတ︀ီင︀ိူင︀်ႇꩫ︀ꩫ︀ႆ︀ႇ တ︀င︀်းꩬ︀ွင︀်က︀ူဝ်ႇ ꩡ︀ႂ်ႈဢ︀ဝ်ႈၵ︀ူမ︀်က︀ꩫ︀်ႈဢ︀ွꩫ︀်ႈတ︀ၢင︀်းတ︀ႃႉ။ ꩫ︀ႆ︀ႇꩫ︀က︀ေႃႇ ယ︀ွꩫ︀်းꩬ︀ူးယ︀ဝ်ႇက︀ီး လ︀ွင︀်ႈၸ︀ူဝ်မ︀ေးꩡ︀ွမ︀်းꩡ︀ႂ်ႈꩭႂ်ႛက︀ꩫ︀်ႈပ︀ွက︀်ႉတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး လ︀ႆ︀ၢးပ︀ိူဝ်ႈက︀ꩫ︀်ႛမ︀ဝ်ပ︀ီꩫ︀်ႈꩬ︀ီ ꩬ︀ူမ︀ႆ︀ႛၵ︀ုꩫ︀်ꩬ︀ူင︀်ꩡ︀ၢင︀်ႈက︀ဝ်းပ︀ေႇက︀ႃဢ︀ူ။

က︀ေႃရ︀ိꩫ︀်တ︀ု ႒ 11:27

ဢ︀ꩫ︀်ႈꩫ︀ႆ︀ႛꩬ︀ွင︀်ႈဢ︀မ︀ူး၊ ဢ︀ꩫ︀်ႈꩫ︀ွꩫ︀်းလ︀ႅင︀်ႇ၊ ဢ︀ꩫ︀်ႈတ︀ွင︀်ႇမ︀ႆ︀ႛ၊ ဢ︀ꩫ︀်ႈက︀ုတ︀်ꩫ︀မ︀်ႇ၊ ဢ︀ꩫ︀်ႈင︀ႆ︀ႚင︀ႆ︀ႚမ︀ဝ်ပ︀ူဝ်းက︀ိꩫ︀်ႈ၊ ဢ︀ꩫ︀်ႈꩫ︀ႆ︀ႛꩫ︀ၢဝ်က︀တ︀်ၵ︀ိုတ︀်ႉꩰ၊ ဢ︀ꩫ︀်ႈၵ︀ိူင︀်ႈꩫ︀ုင︀်ꩡ︀ႃꩡ︀ုတ︀်ႉꩡ︀ႃꩡ︀တ︀်ႉꩫ︀ႆ︀ႇၵ︀ဝ် ꩫ︀ႆ︀ႛၵ︀ၢမ︀်မ︀ႃးဢ︀ူ။

က︀ေႃရ︀ိꩫ︀်တ︀ု ႒ 6:5

တ︀ူႈမ︀ႆ︀ႛပ︀ိူꩫ︀်ႈတ︀ုက︀်ႉꩰပ︀ူဝ်ႇꩰမ︀ႃး၊ ꩬ︀ႂ်ထွင︀်မ︀ႃး၊ ၸ︀ုင︀်က︀ူꩫ︀်းလ︀ုပ︀်ꩬ︀ီꩭီတ︀်ꩭၢႆ︀ႇꩭီတ︀်ꩡ︀ႃႇမ︀ႃးဢ︀ူ။ တ︀ူႈမ︀ဝ်ꩫ︀ႂ်မ︀ဝ်ꩬ︀ဝ်းꩫ︀ႆ︀ႛꩭီတ︀်ဢ︀မ︀ူးꩬ︀ီ ꩫ︀ႆ︀ႛꩭၢမ︀်းက︀ိꩫ︀်ႈꩭၢမ︀်းꩫ︀ွꩫ︀်းမ︀ႃးဢ︀ူ။