မ︀တ︀်တ︀ႄး 6:14 - Khamti Shan

¹⁴ ဢ︀ꩫ︀်ႈꩬ︀ူမ︀ႆ︀ႛပ︀ိူꩫ︀်ႈၸ︀ိတ︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ူပ︀ွႆ︀လ︀ွတ︀်ႉꩭႂ်ႛက︀ီး ဢ︀ပ︀ႅတ︀်ႉꩬ︀ူမ︀ႆ︀ႛက︀ေႃႇ ပ︀ူဝ်ꩬ︀ူၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛၵ︀ိင︀်းꩫ︀ႆ︀ႇ ပ︀ွႆ︀လ︀ွတ︀်ႉꩭႂ်ႛဢ︀ူ။

မ︀တ︀်တ︀ႄး 6:14 ပူးပေါင်းရင်းမြစ်များ

မ︀တ︀်တ︀ႄး 5:7

က︀ူꩫ︀်းဢ︀ꩫ︀်ႈပ︀ိူꩫ︀်ႈမ︀ႆ︀ႛဢ︀ီꩫ︀ူႈꩫ︀ႆ︀ႇၵ︀ဝ် မ︀ၢင︀်က︀လ︀ႃယ︀င︀်းဢ︀ူ။ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီဢ︀ီꩫ︀ူႈꩫ︀မ︀်။

မ︀တ︀်တ︀ႄး 6:12

ဢ︀ꩫ︀်ႈတ︀ူႈၵ︀ႃႛမ︀ႆ︀ႛ ပ︀ိူꩫ︀်ႈၸ︀ိတ︀်မ︀ႃးꩫ︀ႆ︀ႇၵ︀ဝ် တ︀ူႈၵ︀ႃႛပ︀ွႆ︀လ︀ွတ︀်ႉꩭႂ်ႛꩫ︀က︀ꩫ︀်ႈ ဢ︀ပ︀ႅတ︀်ႉတ︀ူႈၵ︀ႃႛမ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛတ︀ီၵ︀ႃႛမ︀ႃးတ︀ႃႉ။

မ︀တ︀်တ︀ႄး 7:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀င︀်ပ︀ိူꩫ︀်ႈမ︀ႆ︀ႛ ꩬ︀ူပ︀ႅတ︀်ႉတ︀ြႃးꩫ︀က︀ꩫ︀်ႈ ꩬ︀ူမ︀ႆ︀ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးပ︀ွက︀်ႉꩫ︀မ︀်။ ဢ︀ဝ်ႈပ︀ႅင︀်ႈဢ︀ꩫ︀်ႈꩬ︀ူ ပ︀ိူꩫ︀်ႈမ︀ႆ︀ႛပ︀ႅတ︀်ႉတ︀ြႃးꩫ︀ႆ︀ႇꩫ︀မ︀် မ︀ꩫ︀်းꩡ︀ဝ်ႛꩬ︀ူမ︀ႆ︀ႛ တ︀ီပ︀ႅတ︀်ႉတ︀ြႃးꩫ︀ႆ︀ႇ။

မ︀ႃက︀ု 11:25

မ︀ိူဝ်ႈꩬ︀ူꩬ︀ဝ်းꩬ︀ီယ︀ွꩫ︀်းꩬ︀ူးꩫ︀ႆ︀ႇ ဢ︀ꩫ︀်ႈပ︀ိူꩫ︀်ႈၸ︀ိတ︀်မ︀ႆ︀ႛ ꩬ︀ူဝႃႈပ︀ွႆ︀ꩭႂ်ႛဢ︀ူ။ င︀ႆ︀းက︀ီးꩬ︀ိုင︀် ပ︀ူဝ်ꩡ︀ဝ်ႛထႃဝရ︀ၸ︀ြႃးꩬ︀ူ ဢ︀ꩫ︀်ႈၵ︀ိင︀်းက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ꩫ︀ႆ︀ႇ ဢ︀ꩫ︀်ႈꩬ︀ူၸ︀ိတ︀်မ︀ႆ︀ႛ ပ︀ွႆ︀ꩭႂ်ႛဢ︀ူ။

လ︀ုက︀ႃ 6:37

ꩬ︀ူ ပ︀ိူꩫ︀်ႈမ︀ႆ︀ႛပ︀ီပ︀ႅတ︀်ႉတ︀ြႃး။ င︀ႆ︀းက︀ီး ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈပ︀ႅတ︀်ႉတ︀ြႃး။ ပ︀ိူꩫ︀်ႈမ︀ႆ︀ႛ ဢ︀ပ︀ႅတ︀်ႉက︀ေႃႇပ︀ီတ︀ၢင︀်။ င︀ႆ︀းက︀ီး ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩬ︀ူမ︀ႆ︀ႛ ဢ︀ပ︀ႅတ︀်ႉꩵ︀ႈတ︀ၢင︀်။ ပ︀ိူꩫ︀်ႈမ︀ႆ︀ႛ ဢ︀ပ︀ႅတ︀်ႉပ︀ွႆ︀လ︀ွတ︀်ႉꩭႂ်ႛတ︀ႃႉ။ င︀ႆ︀းက︀ီး ဢ︀ပ︀ႅတ︀်ႉꩬ︀ူမ︀ႆ︀ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀လ︀ွတ︀်ႉꩭႂ်ႛဢ︀ူ။

ဢ︀ေၸ︀ႅတ︀် 4:32

ꩬ︀ူယ︀ႃႇ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩡ︀ွႆ︀ႈက︀ꩫ︀်ႈꩬ︀ီ ꩡ︀ွမ︀်းꩡ︀ႂ်ႈꩭႂ်ႛက︀ꩫ︀်ႈတ︀ႃႉ။ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ပ︀ွႆ︀ဢ︀ပ︀ႅတ︀်ႉꩭႂ်ႛမ︀ႃးꩫ︀က︀ꩫ︀်ႈ ဢ︀ပ︀ႅတ︀်ႉပ︀ွႆ︀က︀ꩫ︀်ႈတ︀ႃႉ။

က︀ေႃလ︀ေႃတ︀ႄ 3:13

က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩬ︀ေးၵ︀ၢမ︀်ꩬ︀ီ ဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉက︀ꩫ︀်ႈယ︀င︀်းꩫ︀က︀ေႃႇ ဢ︀ပ︀ႅတ︀်ႉပ︀ွႆ︀ꩭႂ်ႛက︀ꩫ︀်ႈတ︀ႃႉ။ ꩫ︀င︀်ꩬ︀ူမ︀ႆ︀ႛ ꩡ︀ဝ်ႛၵ︀ရ︀ီတ︀်ဢ︀ပ︀ႅတ︀်ႉ ပ︀ွႆ︀ꩭႂ်ႛꩫ︀က︀ꩫ︀်ႈ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဝႃႈပ︀ွႆ︀ꩭႂ်ႛက︀ꩫ︀်ႈꩫ︀မ︀်။

ယ︀ႃက︀ု 2:13

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ဝ်ဢ︀ီꩫ︀ူႈ ပ︀ိူꩫ︀်ႈမ︀ႆ︀ႛ မ︀ဝ်ဢ︀ီꩫ︀ူႈꩬ︀ီ တ︀ီပ︀ႅတ︀်ႉတ︀ြႃးꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈဢ︀ီꩫ︀ူႈပ︀ိူꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးမ︀ႆ︀ႛꩵ︀ႈဝႃႈက︀ူဝ်ႈ။

ယ︀ေႃးꩭၢꩫ︀် ႑ 3:10

ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်ꩫ︀ၵ︀ႃ လ︀ုက︀်ႉၵ︀ုꩫ︀်ꩬ︀ူင︀်ၵ︀ဝ် လ︀ၢက︀်က︀ꩫ︀်ႈꩫ︀ႆ︀ႇꩫ︀မ︀်။ က︀ူဝ်ႇဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈမ︀ဝ်ꩭီတ︀်၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛမ︀ဝ်ꩭၢက︀်ႉꩫ︀ႆ︀ႇယ︀ႃႇ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩡ︀ႂ်ႈ။