မ︀တ︀်တ︀ႄး 5:32 - Khamti Shan

³² ꩫ︀ႆ︀ႇꩫ︀က︀ေႃႇ က︀ဝ်ႈဝႃႈက︀ွတ︀်။ ဢ︀ꩫ︀်ႈမ︀ေးၸ︀ူႛꩡ︀ဝ်ႛ ၸ︀ုꩫ︀်ႇꩬ︀ႅတ︀်ႉꩡ︀ႃက︀ႃꩫ︀ႆ︀ႇမ︀ႆ︀ႛလ︀ိူဝ်ꩬ︀ီ ꩵ︀ႈထုက︀်ၸ︀ၢက︀်ႉ။ ꩬ︀င︀်ဝႃႈ ၸ︀ၢက︀်ႉꩬ︀ီ ၸ︀ူႛယ︀ိင︀်းဢ︀မ︀ႂ်းက︀ေႃႇ ဢ︀ဝ်ႈၸ︀ူႛꩡ︀ႆ︀ၢးတ︀ၢင︀်က︀ူဝ်ႇက︀ီး ၸ︀ူႛၸ︀ူဝ်က︀ဝ်ဢ︀မ︀ႂ်းယ︀ႃႇဢ︀ꩫ︀်ႈၸ︀ူႛယ︀ိင︀်းဢ︀မ︀ႂ်းမ︀ႆ︀ႛ ꩭႂ်ႛၸ︀ိတ︀်က︀ႃမ︀ꩫ︀မ︀်။ ၸ︀ူႛꩡ︀ႆ︀ၢးဢ︀ꩫ︀်ႈဢ︀ဝ်ႈၸ︀ူႛယ︀ိင︀်းဢ︀မ︀ႂ်းက︀ေႃႇ ဢ︀ꩫ︀်ႈၸ︀ိတ︀်မ︀ေးပ︀ိူꩫ︀်ႈꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 5:32 ပူးပေါင်းရင်းမြစ်များ

မ︀တ︀်တ︀ႄး 5:28

ꩫ︀ႆ︀ႇꩫ︀က︀ေႃႇ က︀ဝ်ႈဝႃႈက︀ွတ︀်။ ၸ︀ႂ်ꩫ︀က︀ေႃႇ ၸ︀ူႛယ︀ိင︀်းက︀ူဝ်ႇလ︀ိူင︀်ႈမ︀ႆ︀ႛꩫ︀ူႈꩬ︀ီ ꩭူဝ်ꩡ︀ႂ်ႈဢ︀ꩫ︀်ႈၵ︀ႂ်ႈၸ︀ိတ︀်ꩫ︀ႆ︀ႇ ဢ︀ွက︀်မ︀ႃးက︀ီး ꩫ︀ႂ်းꩡ︀ႂ်ႈမ︀ႆ︀ႛ တ︀င︀်းမ︀ေဢ︀မ︀ႂ်းၸ︀ိတ︀်ယ︀ဝ်ႇ။

လ︀ုက︀ႃ 16:18

က︀ူဝ်ႇဢ︀ꩫ︀်ႈၸ︀ူႛယ︀ိင︀်းၸ︀ူႛꩡ︀ဝ်ႛမ︀ႆ︀ႛ ၸ︀ၢက︀်ႉꩬ︀ီဢ︀ဝ်ႈၸ︀ူႛယ︀ိင︀်းတ︀ၢင︀်က︀ူဝ်ႇꩫ︀ႆ︀ႇ ဢ︀ꩫ︀်ႈၸ︀ိတ︀်က︀ႃမ︀ꩫ︀မ︀်။ မ︀ေႈꩭၢင︀်ႇမ︀ႆ︀ႛ ဢ︀ဝ်ႈက︀ီးက︀ေႃႇ ဢ︀ꩫ︀်ႈၸ︀ိတ︀်က︀ႃမ︀ꩫ︀မ︀်။

လ︀ုက︀ႃ 9:30

မ︀ိူဝ်ႈဢ︀မ︀ႂ်း မ︀ေႃꩬ︀ေꩫ︀ၵ︀ႃဢ︀ေလ︀ိယ︀က︀ေႃႇ ဢ︀ဝ်ႈမ︀ူꩫ︀်ႈင︀ဝ်းဢ︀ွက︀်မ︀ႃးꩬ︀ီ တ︀င︀်းꩡ︀ဝ်ႛယ︀ေꩬ︀ု တ︀ၢꩫ︀်ႛၵ︀ၢမ︀်းက︀ꩫ︀်ႈဢ︀ူ။ ဢ︀ꩫ︀်ႈၵ︀ဝ်ꩡ︀ဝ်ႛဝႃႈက︀ꩫ︀်ႈꩫ︀ႆ︀ႇယ︀ႃႇ လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ု ꩭႂ်ႛပ︀ူဝ်းꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ၢင︀်ဝႆ︀ႇꩫ︀က︀ꩫ︀်ႈ ပ︀ီꩫ︀်ႈမ︀ႃးꩫ︀ႆ︀ႇ ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ တ︀ီၵ︀ၢမ︀်တ︀ႆ︀ၢႈꩫ︀ႆ︀ႇꩫ︀မ︀်။

လ︀ုက︀ႃ 9:35

မ︀ိူဝ်ႈဢ︀မ︀ႂ်း လ︀ုက︀်ႉမ︀ွက︀်ၸ︀ူꩫ︀်မ︀ႆ︀ႛ “က︀ူဝ်ႇꩫ︀ႆ︀ႇယ︀ႃႇ လ︀ုက︀်ႉက︀ဝ်ႈဢ︀ꩫ︀်ႈက︀ဝ်ႈလ︀ိူက︀်ႉဝႆ︀ႇꩫ︀မ︀်။ ၵ︀ၢမ︀်းမ︀ꩫ︀်းထွမ︀်က︀ꩫ︀်ႈတ︀ႃႉ” ꩫ︀ꩬ︀ီꩬ︀ီင︀်တ︀ၢꩫ︀်ႛဢ︀ွက︀်မ︀ႃးဢ︀ူ။

ရ︀ေႃမ︀ 7:3

င︀ႆ︀းꩫ︀ႆ︀ႇꩬ︀ီ မ︀ိူဝ်ႈၸ︀ူႛၸ︀ူဝ်မ︀ꩫ︀်း ဢ︀ꩬ︀ၢက︀်ႉယ︀င︀်းဢ︀ူꩫ︀ႆ︀ႇ တ︀င︀်းၸ︀ူႛꩡ︀ႆ︀ၢးတ︀ၢင︀်က︀ူဝ်ႇꩭူမ︀်ႈဢ︀ူက︀ီး မ︀ꩫ︀်းၸ︀ိတ︀်ꩭွင︀်ႛꩭိူꩫ︀်းယ︀ဝ်ႇ။ ꩫ︀ႆ︀ႇꩫ︀က︀ေႃႇ ၸ︀ူႛၸ︀ူဝ်မ︀ꩫ︀်းတ︀ႆ︀ၢႈက︀ႃက︀ီး မ︀ꩫ︀်းလ︀ုက︀်ႉꩬ︀ိꩫ︀်မ︀ႆ︀ႛ လ︀ွတ︀်ႉꩰꩡ︀ၢင︀်ꩰက︀ႃယ︀ဝ်ႇ။ ပ︀ီꩫ︀်ႈꩭိူꩫ︀်းဢ︀ိက︀်ꩫ︀က︀ေႃႇ ꩵ︀ႈၸ︀ိတ︀်ꩭွင︀်ႛꩭိူꩫ︀်းယ︀ဝ်ႇ။

က︀ေႃရ︀ိꩫ︀်တ︀ု ႑ 7:4

မ︀ေႈꩭိူꩫ︀်းꩫ︀ꩫ︀ႆ︀ႇ တ︀ူဝ်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩵ︀ႈပ︀ႅင︀်။ ၸ︀ူႛၸ︀ူဝ်မ︀ꩫ︀်းꩫ︀မ︀်ပ︀ႅင︀်ꩫ︀ႆ︀ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ူဝ်ႈꩭိူꩫ︀်းက︀ေႃႇ တ︀ူဝ်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩵ︀ႈပ︀ႅင︀်။ ၸ︀ူႛမ︀ေးမ︀ꩫ︀်းꩫ︀မ︀်ပ︀ႅင︀်ꩫ︀ႆ︀ႇ။