မ︀တ︀်တ︀ႄး 3:1 - Khamti Shan

^1-2 ဝူင︀်ႈမ︀ိူဝ်ႈဢ︀မ︀ႂ်း ꩬ︀ြႃယ︀ေႃးꩭၢꩫ︀်ယ︀ႃႇ ထိူꩫ︀်ꩭႅင︀်ႛတ︀ိူင︀်းယ︀ုတ︀မ︀ႆ︀ႛမ︀ႃးꩬ︀ီ “ပ︀ူဝ်မ︀ေပ︀ီꩫ︀ွင︀်ႇၵ︀ဝ်ꩴ︀း ꩬ︀ၢင︀်ဝွေက︀ꩫ︀်ႈတ︀ႃႉ။ မ︀ိူင︀်းက︀ၢင︀်ႈꩭၢဝ် တ︀ီတ︀င︀်ႛတ︀ေမ︀ႃးယ︀ဝ်ႇ” ꩫ︀ꩬ︀ီ ꩭူဝ်းꩬ︀ီဢ︀ူဢ︀ူ။

မ︀တ︀်တ︀ႄး 3:1 ပူးပေါင်းရင်းမြစ်များ

မ︀တ︀်တ︀ႄး 11:11

က︀ဝ်ႈဝႃႈက︀ွတ︀်။ ꩬ︀ြႃယ︀ေႃးꩭၢꩫ︀်ယ︀ႃႇ က︀ူꩫ︀်းမ︀ိူင︀်းက︀ၢင︀်ႈတ︀င︀်းလ︀ုင︀်မ︀ႆ︀ႛ ယ︀ႂ်မ︀ႅတ︀်ႉꩬ︀ႃဢ︀ူ။ ꩫ︀ႆ︀ႇꩫ︀က︀ေႃႇ မ︀ိူင︀်းက︀ၢင︀်ႈꩭၢဝ်မ︀ႆ︀ႛ က︀ူဝ်ႇဢ︀ꩫ︀်ႈက︀ွႆ︀ႛလ︀ေႚလ︀ေႚꩫ︀ႆ︀ၢႈက︀ေႃႇ ꩬ︀ြႃယ︀ေႃးꩭၢꩫ︀်မ︀ႆ︀ႛ ယ︀ႂ်မ︀ႅတ︀်ႉꩬ︀ႃဢ︀ူ။

မ︀တ︀်တ︀ႄး 11:7

တ︀ပ︀ေးꩬ︀ြႃယ︀ေႃးꩭၢꩫ︀်ၵ︀ဝ်ဢ︀ွက︀်က︀ႃက︀ီး မ︀ꩫ︀်းꩡ︀ဝ်ႛက︀ၢပ︀်ꩬ︀ီ ၸ︀ုင︀်က︀ူꩫ︀်းမ︀ႆ︀ႛလ︀ွင︀်ႈ မ︀ꩫ︀်းဝႃႈꩫ︀ႆ︀ႇ “ꩬ︀ူ ပ︀ၢင︀်ꩭႅင︀်ႛမ︀ႆ︀ႛ က︀ႃလ︀ႅမ︀်းꩬ︀ြႃယ︀ေႃးꩭၢꩫ︀်ꩫ︀ႆ︀ႇ၊ မ︀ꩫ︀်းမ︀ႆ︀ႛ ၵ︀ꩫ︀်တ︀ႂ်းက︀ူꩫ︀်းꩫ︀င︀်ꩭိုဝ်ꩬ︀ီꩫ︀ႆ︀။ ၵ︀ꩫ︀်တ︀ႂ်းက︀ူꩫ︀်းဢ︀ꩫ︀်ႈမ︀ၢပ︀်ႉလ︀ုပ︀်ႉက︀ျႃး။

မ︀တ︀်တ︀ႄး 16:14

ၵ︀ဝ်ယ︀ႃႇ “ပ︀ိူꩫ︀်ႈက︀မ︀်ႈၸ︀ွင︀်းယ︀ႃႇ ꩡ︀ဝ်ႛမ︀ႆ︀ႛ ꩬ︀ြႃယ︀ေႃးꩭၢꩫ︀်ꩫ︀က︀ေႃႇဝႃႈဢ︀ူ။ က︀မ︀်ႈၸ︀ွင︀်ႈယ︀ႃႇ ပ︀ရ︀ေႃးၸ︀ႅတ︀်ႉဢ︀ေလ︀ိယ︀ꩫ︀က︀ေႃႇ ဝႃႈဢ︀ူ။ ၵ︀ိုꩫ︀်းꩫ︀က︀ဝ် က︀မ︀်ႈၸ︀ွင︀်းယ︀ႃႇ ပ︀ရ︀ေႃးၸ︀ႅတ︀်ႉယ︀ေရ︀မ︀ိ၊ မ︀ဝ်ꩡ︀ႂ်ႈက︀ီး ပ︀ရ︀ေႃးၸ︀ႅတ︀်ႉတ︀ၢင︀်ပ︀ႃးꩫ︀မ︀် ꩫ︀ꩬ︀ီဝႃႈက︀ꩫ︀်ႈတ︀ီၵ︀ႃႛဢ︀ူ” ꩫ︀ဝꩫ︀်ႇ

မ︀တ︀်တ︀ႄး 21:32

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ြႃယ︀ေႃးꩭၢꩫ︀်မ︀ႃးꩬ︀ီ ꩬ︀ူမ︀ႆ︀ႛတ︀ၢင︀်းဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈပ︀ျႃးꩭႂ်ႛꩫ︀က︀ေႃႇ မ︀ꩫ︀်းမ︀ႆ︀ႛꩬ︀ူꩵ︀ႈယ︀ုမ︀်ယ︀မ︀်ႈမ︀ႃး။ ꩫ︀ႆ︀ႇꩫ︀က︀ေႃႇ ၸ︀ူႛက︀ီပ︀်ၵ︀ွꩫ︀်ꩫ︀ႆ︀ႇၵ︀ဝ်င︀ႆ︀း မ︀ေႈမ︀ွက︀်ယ︀ႃႛꩫ︀ႆ︀ႇၵ︀ဝ်ယ︀ႃႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ ꩫ︀ႆ︀ႇမ︀ႆ︀ႛ ꩬ︀ူꩭꩫ︀်မ︀ႃးꩬ︀ီက︀ေႃႇ ꩬ︀ူယ︀ႃႇမ︀ဝ်လ︀ွက︀်ႉမ︀ဝ်လ︀ႆ︀ၢႈ မ︀ꩫ︀်းမ︀ႆ︀ႛမ︀ဝ်ယ︀ုမ︀်ယ︀မ︀်ႈꩬ︀ီဢ︀ူꩫ︀ႆ︀ႇ” ꩫ︀ဝꩫ︀်ႇ။

မ︀တ︀်တ︀ႄး 3:8

ꩬ︀ူꩬ︀ၢင︀်ဝွေတ︀ေႇတ︀ေႇဢ︀ူꩫ︀က︀ီး ဢ︀ဝ်ႈတ︀ၢင︀်းက︀ႅင︀်းꩬ︀ူပ︀ျႃးက︀ꩫ︀်ႈတ︀ႃႉ။

မ︀ႃက︀ု 1:15

“ယ︀ၢမ︀်းဢ︀ꩫ︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီတ︀င︀်ႛတ︀ေꩫ︀ႆ︀ႇ ထိုင︀်မ︀ႃးယ︀ဝ်ႇ။ ꩬ︀ၢင︀်ဝွေꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈက︀ꩫ︀်ႈတ︀ႃႉ” ꩫ︀ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈၸ︀ြႃးပ︀ီꩫ︀်ႈꩡ︀ဝ်ႛꩭူဝ်းဢ︀ူ။

မ︀ႃက︀ု 1:2

ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ က︀ူဝ်မ︀ႃးꩫ︀ႆ︀ႇယ︀ႃႇ ꩫ︀င︀်က︀ျမ︀်းလ︀ိက︀်ႉ ဢ︀ꩫ︀်ႈပ︀ရ︀ေႃးၸ︀ႅတ︀်ႉꩭေꩬ︀ႃယ︀တ︀ႅမ︀်ႛဝႆ︀ႇꩫ︀ႆ︀ႇꩫ︀က︀ꩫ︀်ႈꩫ︀မ︀်။ က︀ျမ︀်းဢ︀မ︀ႂ်းမ︀ႆ︀ႛ “ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇယ︀ႃႇ “ထွမ︀်တ︀ႃႉ။ ၸ︀ူႛꩡ︀ႂ်ႇက︀ဝ်ႈမ︀ႆ︀ႛ က︀ဝ်ႈပ︀ွႆ︀ꩡ︀ႂ်ႇꩬ︀ီ တ︀ီꩭႂ်ႛမ︀ေးꩭႅမ︀်းတ︀ၢင︀်းမ︀ႂ်းꩫ︀မ︀်”

လ︀ုက︀ႃ 1:76

ꩡ︀ႃႇလ︀ိူင︀်ႈ လ︀ုက︀်ႉက︀ဝ်ႈꩴ︀း မ︀ႂ်းယ︀ႂ်မ︀ႃးက︀ီး မ︀ႂ်းမ︀ႆ︀ႛ ပ︀ရ︀ေႃးၸ︀ႅတ︀်ႉ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈၵ︀ႅꩫ︀်းꩬ︀ုင︀်မ︀ႅတ︀်ႉ ꩫ︀ꩬ︀ီတ︀ီꩭွင︀်ႇꩫ︀မ︀်။ မ︀ႂ်းယ︀ႃႇ က︀ꩫ︀်ႛꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ႆ︀ႈက︀ႃꩬ︀ီ ဝႃႈꩭႅမ︀်းတ︀ၢင︀်းꩡ︀ႃႇမ︀ꩫ︀်းꩡ︀ဝ်ႛꩫ︀မ︀်။ ꩭႂ်ႛပ︀ူဝ်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛ ဢ︀ပ︀ႅတ︀်ႉပ︀ွႆ︀ꩭႂ်ႛꩬ︀ီ ၵ︀ေꩬ︀ေꩭႂ်ႛꩫ︀ႆ︀ႇ ၵ︀ဝ်မ︀ႆ︀ႛ မ︀ႂ်းဝႃႈက︀ႃဝႃႈꩫ︀မ︀်။

လ︀ုက︀ႃ 7:24

တ︀ပ︀ေးꩬ︀ြႃယ︀ေႃးꩭၢꩫ︀်ꩫ︀ၵ︀ႃ မ︀ိူဝ်းက︀ႃက︀ီး ꩡ︀ဝ်ႛယ︀ေꩬ︀ု ၸ︀ုင︀်က︀ူꩫ︀်းမ︀ႆ︀ႛ လ︀ွင︀်ႈယ︀ေႃးꩭၢꩫ︀်ဝႃႈꩫ︀ႆ︀ႇယ︀ႃႇ “က︀ူꩫ︀်းၸ︀ꩫ︀်းလ︀ႂ်ႈမ︀ႆ︀ႛꩫ︀ႆ︀ ꩬ︀ူထိူꩫ︀်ꩭႅင︀်ႛမ︀ႆ︀ႛ က︀ႃꩭꩫ︀်ꩫ︀ႆ︀ႇ။ က︀ူꩫ︀်းꩫ︀င︀်ၸ︀ꩫ︀်းတ︀ူꩫ︀်ႛလ︀ဝ်းꩫ︀က︀ꩫ︀်ႈ လ︀ူမ︀်းၸ︀တ︀်ႉက︀ီး ၵ︀ွꩫ︀်းပ︀ွက︀်ႉၵ︀ွꩫ︀်းပ︀ႆ︀ႈꩫ︀ႆ︀ႇမ︀ႆ︀ႛက︀ျႃး။