မ︀တ︀်တ︀ႄး 24:9 - Khamti Shan

⁹ မ︀ိူဝ်ႈဢ︀မ︀ႂ်း ꩬ︀ူမ︀ႆ︀ႛပ︀ိူꩫ︀်ႈꩬ︀ႅဝ်ႛင︀ႆ︀း ယ︀ဝ်ႇက︀ီး ꩭႂ်ႛပ︀ူဝ်းꩬ︀ူမ︀ႆ︀ႛပ︀ူင︀်ႈတ︀ၢမ︀်ꩬ︀ီ ဢ︀ဝ်ႈတ︀ႆ︀ၢႈꩫ︀ႆ︀ႇ ꩫ︀ႂ်းမ︀ိုဝ်းꩡ︀ဝ်ႛၵ︀ုꩫ︀်ꩫ︀ႆ︀ႇၵ︀ဝ်မ︀ႆ︀ႛတ︀ီဢ︀ၢပ︀်ႉꩫ︀မ︀်။ လ︀ႆ︀ၢးပ︀ိူဝ်ႈꩬ︀ူက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇꩬ︀ီ ပ︀ိူꩫ︀်ႈတ︀င︀်းမ︀ိူင︀်း ꩬ︀ူမ︀ႆ︀ႛတ︀ီꩡ︀င︀်းက︀ꩫ︀်ႈꩫ︀မ︀်။

မ︀တ︀်တ︀ႄး 24:9 ပူးပေါင်းရင်းမြစ်များ

မ︀တ︀်တ︀ႄး 22:6

ၵ︀ိုꩫ︀်းꩫ︀က︀ဝ် တ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ ၸ︀ူႛꩡ︀ႂ်ႇဢ︀မ︀ႂ်းၵ︀ဝ်မ︀ႆ︀ႛ တ︀ုက︀်ႉꩰပ︀ူဝ်ႇꩰꩬ︀ီဢ︀ဝ်ႈတ︀ႆ︀ၢႈၵ︀ွတ︀်ဢ︀ူ။

မ︀တ︀်တ︀ႄး 23:34

က︀ဝ်ႈဝႃႈက︀ွတ︀်။ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်၊ ၸ︀ူႛꩭူႇꩭꩫ︀်ꩫ︀ႆ︀ႇၵ︀ဝ်၊ ꩬ︀ြႃꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ီပ︀ွႆ︀ꩡ︀ႂ်ႇမ︀ႃးꩫ︀မ︀်။ ꩬ︀ူယ︀ႃႇၵ︀ဝ်မ︀ႆ︀ႛ ဢ︀ꩫ︀်ႈဢ︀ဝ်ႈတ︀ႆ︀ၢႈꩫ︀ႆ︀ႇဢ︀ဝ်ႈတ︀ႆ︀ၢႈ၊ ဢ︀ꩫ︀်ႈတ︀ွက︀်ꩬ︀ဝ်ဝႃးမ︀ိုဝ်းꩫ︀ႆ︀ႇတ︀ွက︀်င︀ႆ︀း က︀မ︀်ႈၸ︀ွင︀်းမ︀ႆ︀ႛယ︀ႃႇ က︀ꩫ︀်ႛꩫ︀ႂ်းꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ တ︀ုက︀်ႉꩰပ︀ူဝ်ႇꩰꩬ︀ီ က︀မ︀်ႈၸ︀ွင︀်းမ︀ႆ︀ႛယ︀ႃႇ ဝီင︀်းလ︀ိူင︀်ႈယ︀ဝ်ႇဝီင︀်းလ︀ိူင︀်ႈတ︀ီꩭုပ︀်ႉလ︀ေက︀ꩫ︀်ႈꩫ︀မ︀်။

လ︀ုက︀ႃ 11:49

င︀ႆ︀းꩬ︀ီꩫ︀မ︀် ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ဝ်ႈꩥ︀ၢꩫ︀်မ︀ꩫ︀်းꩡ︀ဝ်ႛ “ၵ︀ဝ်မ︀ႆ︀ႛက︀ဝ်ႈ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ် တ︀ီပ︀ွႆ︀ꩡ︀ႂ်ႇꩫ︀မ︀်။ မ︀ိူဝ်ႈဢ︀မ︀ႂ်း ၵ︀ဝ်က︀မ︀်ႈၸ︀ွင︀်းမ︀ႆ︀ႛ ꩫ︀ိက︀်ႉꩬ︀ၢက︀်ႉꩬ︀ီ က︀မ︀်ႈၸ︀ွင︀်းမ︀ႆ︀ႛတ︀ီဢ︀ဝ်ႈတ︀ႆ︀ၢႈꩫ︀မ︀်” ꩫ︀ꩬ︀ီဝႃႈဝႆ︀ႇꩫ︀ႆ︀ႇ။

လ︀ုက︀ႃ 21:12

ꩫ︀ႆ︀ႇꩫ︀က︀ေႃႇ မ︀ိူဝ်ႈဢ︀မ︀ႂ်းၵ︀ဝ် ꩵ︀ႈပ︀ႆ︀ပ︀ီꩫ︀်ႈမ︀ႃးꩫ︀ႆ︀ႇ ꩬ︀ူမ︀ႆ︀ႛပ︀ိူꩫ︀်ႈꩬ︀ႅဝ်ႛꩬ︀ီ တ︀ီꩫ︀ိက︀်ႉꩬ︀ၢက︀်ႉက︀ꩫ︀်ႈꩫ︀မ︀်။ ꩬ︀ူမ︀ႆ︀ႛပ︀ိူꩫ︀်ႈ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ ထိုင︀်တ︀ြႃးꩬ︀ီ တ︀ီꩬ︀ႂ်ထွင︀်ꩫ︀မ︀်။ လ︀ႆ︀ၢးပ︀ိူဝ်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛပ︀ိူꩫ︀်ႈပ︀ၢင︀်ႈꩫ︀ႃႛꩡ︀ဝ်ႛꩭူဝ်ၵ︀မ︀်း၊ ပ︀ၢင︀်ႈꩫ︀ႃႛꩡ︀ဝ်ႛၵ︀ုꩫ︀်ꩫ︀ႆ︀ႇၵ︀ဝ်မ︀ႆ︀ႛ တ︀ီꩡ︀ꩫ︀်ႈက︀ႃꩫ︀မ︀်။

ယ︀ေႃးꩭၢꩫ︀် 15:18

ꩬ︀ူမ︀ႆ︀ႛက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ꩡ︀င︀်းက︀ီး က︀ဝ်ႈမ︀ႆ︀ႛꩫ︀မ︀် ꩡ︀င︀်းဢ︀ွꩫ︀်ႈꩫ︀ႆ︀ႇꩫ︀ꩫ︀ႆ︀ႇမ︀တ︀်ႉတ︀ႃႉ။

ယ︀ေႃးꩭၢꩫ︀် 15:21

က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇꩫ︀ႆ︀ႇမ︀ႆ︀ႛမ︀ဝ်တ︀ွင︀်းꩫ︀ႆ︀ႇꩬ︀ီ ꩬ︀ူက︀ဝ်ႈမ︀ႆ︀ႛယ︀ုမ︀်ယ︀မ︀်ႈက︀ီး ꩬ︀ူမ︀ႆ︀ႛတ︀ီꩫ︀ိက︀်ႉꩬ︀ၢက︀်ႉꩫ︀မ︀်။

ယ︀ေႃးꩭၢꩫ︀် 16:2

မ︀ဝ်ꩭိုင︀်က︀ꩬ︀င︀် ꩬ︀ူမ︀ႆ︀ႛ ပ︀ိူꩫ︀်ႈတ︀ီꩫ︀ိက︀်ႉꩬ︀ၢက︀်ႉမ︀ႃးယ︀ဝ်ႇ။ ꩬ︀ူမ︀ႆ︀ႛ လ︀ုက︀်ႉꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ တ︀ီꩭူဝ်ႛဢ︀ွက︀်ၵ︀ွတ︀်ယ︀ဝ်ႇ။ ꩫ︀ႆ︀ႇꩬ︀ေႇမ︀ဝ်က︀ႃး ꩬ︀ူမ︀ႆ︀ႛဢ︀ဝ်ႈတ︀ႆ︀ၢႈꩫ︀ႆ︀ႇ ၵ︀ꩫ︀်တ︀ႂ်းဢ︀ꩫ︀်ႈမ︀ိုင︀်ႇꩬ︀ႃꩬ︀ꩫ︀ႃၸ︀ြႃးပ︀ီꩫ︀်ႈꩡ︀ဝ်ႛꩬ︀ီ တ︀ီဢ︀ဝ်ႈတ︀ႆ︀ၢႈက︀ꩫ︀်ႈꩫ︀မ︀်။

ထဝ်ꩡ︀တ︀်ႉၵ︀ဝ် 28:22

ꩫ︀ႆ︀ႇꩫ︀က︀ေႃႇ က︀ုမ︀်ႛꩬ︀ူꩫ︀ႆ︀ႇမ︀ႆ︀ႛ က︀ူႈတ︀ီႈမ︀ႆ︀ႛ ပ︀ိူꩫ︀်ႈꩬ︀ၢꩫ︀်တ︀ၢꩫ︀်းက︀ꩫ︀်ႈꩫ︀ႆ︀ႇမ︀ႆ︀ႛယ︀ႃႇ တ︀ူႈတ︀ွင︀်းဢ︀ူ။ င︀ႆ︀းꩫ︀ႆ︀ႇꩬ︀ီ မ︀ႂ်းယ︀ႃႇꩭိုဝ်လ︀ိုဝ်ယ︀ုမ︀်ယ︀မ︀်ႈꩫ︀ꩫ︀ႆ︀ႇ တ︀ူႈၵ︀ႂ်ႈꩫ︀ႆ︀ႛꩥ︀ိꩫ︀်းဢ︀ူ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 7:59

င︀ႆ︀းꩬ︀ီ မ︀ိူဝ်ႈမ︀ꩫ︀်းမ︀ႆ︀ႛ ပ︀ိူꩫ︀်ႈဢ︀ဝ်ႈꩭိꩫ︀်ꩬ︀ိုင︀်းက︀ꩫ︀်ႈꩫ︀ႆ︀ႇ ꩬ︀တ︀ေၸ︀ꩫ︀်ယ︀ႃႇ “ꩡ︀ဝ်ႛယ︀ေꩬ︀ုတ︀ီၵ︀ႃႛ ၵ︀ွꩫ︀်က︀ဝ်ႈၵ︀ႃႛမ︀ႆ︀ႛ ꩭၢပ︀်ႉဢ︀ဝ်ႈတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီ ယ︀ွꩫ︀်းꩬ︀ူးဢ︀ူ။

ပ︀ေတ︀ရ︀ု ႑ 4:16

ꩬ︀ူꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀မ︀်ꩫ︀က︀ီးယ︀ႃႇ ꩵ︀ႈဝႃႈဢ︀ႆ︀ၢႈ။ က︀ွပ︀်ႉပ︀ိူဝ်ႈꩬ︀ူ ပ︀ၢက︀်ႉꩡ︀ိုဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ၿျႃၻိက︀်ႉ 2:10

မ︀ႂ်းတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩬ︀င︀်ꩫ︀က︀ေႃႇ ပ︀ီက︀ူဝ်ႈ။ က︀ူꩫ︀်းမ︀ႂ်းက︀မ︀်ႈၸ︀ွင︀်းမ︀ႆ︀ႛ ၵ︀ုꩫ︀်ꩬ︀ူင︀်ꩬ︀ႂ်ထွင︀်ꩬ︀ီ ၵ︀ꩫ︀်ꩬ︀ိပ︀်ဝꩫ︀်းလ︀ိူင︀်ႈယ︀ႃႇ မ︀ႂ်းတ︀ီꩫ︀ႆ︀ႛၵ︀ၢမ︀်က︀ဝ်း တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ူဝ်ပ︀ူဝ်းတ︀ႆ︀ၢႈꩫ︀က︀ေႃႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းမ︀ႆ︀ႛက︀ဝ်ႈ ꩬ︀ူးပ︀ွင︀်းဢ︀ꩬ︀ၢက︀်ႉတ︀ီပ︀ူင︀်ႈꩭႂ်ႛꩫ︀မ︀်။

ၿျႃၻိက︀်ႉ 2:13

တ︀ီႈဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်မ︀ႆ︀ႛ မ︀ႂ်းꩭလ︀ိုဝ်ဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ ꩭလ︀ိုဝ်ꩫ︀က︀ေႃႇ မ︀ႂ်းယ︀ႃႇ က︀ဝ်ႈမ︀ႆ︀ႛꩬ︀ႅတ︀်ႉꩡ︀ႃယ︀င︀်းဢ︀ူ။ ဢ︀ꩫ︀်တ︀ိပ︀ ဢ︀ꩫ︀်ႈက︀ဝ်ႈမ︀ႆ︀ႛꩬ︀ႅတ︀်ႉꩡ︀ႃယ︀င︀်းꩬ︀ီ ꩭီတ︀်ꩬ︀ၢက︀်ႉꩬ︀ေက︀ဝ်ႈꩫ︀ႆ︀ႇ တ︀ီႈဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်ဢ︀မ︀ႂ်းမ︀ႆ︀ႛ ꩫ︀ႆ︀ႛၵ︀ၢမ︀်တ︀ႆ︀ၢႈမ︀ႃးယ︀ဝ်ႇ။ မ︀ိူဝ်ႈဢ︀မ︀ႂ်းꩫ︀ႆ︀ၢႈက︀ေႃႇ မ︀ႂ်း က︀ဝ်ႈမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰဢ︀ူ။

ၿျႃၻိက︀်ႉ 7:14

ꩫ︀ႆ︀ႇမ︀ႆ︀ႛ က︀ဝ်ႈယ︀ႃႇ “ꩡ︀ဝ်ႛꩴ︀း မ︀ႂ်းꩡ︀ဝ်ႛတ︀ွင︀်းတ︀ီၵ︀ႃႛဢ︀ူ” ꩫ︀က︀ီး မ︀ꩫ︀်းယ︀ႃႇ “ၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈလ︀ုက︀်ႉၸ︀ေးဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉလ︀ူင︀်မ︀ႆ︀ႛ လ︀ွတ︀်ႉမ︀ႃးꩫ︀ႆ︀ႇၵ︀ဝ်ꩫ︀မ︀်။ ၵ︀ဝ်ယ︀ႃႇ ၵ︀ိူင︀်ႈၵ︀ဝ်မ︀ႆ︀ႛ ဢ︀ဝ်ႈꩫ︀ိူတ︀်ႉပ︀ူႇဢ︀ွꩫ︀်ꩬ︀ၢက︀်ႉၵ︀ၢဝ်ꩰယ︀ဝ်ႇ။