မ︀တ︀်တ︀ႄး 22:3 - Khamti Shan

³ ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇ ၸ︀ူႛꩡ︀ႂ်ႇမ︀ꩫ︀်းၵ︀ဝ်မ︀ႆ︀ႛပ︀ွႆ︀ꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛပ︀ၢင︀်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛက︀ႃပ︀ၢင︀်းမ︀ႃးဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇꩵ︀ႈၵ︀ႂ်ႈမ︀ႃး။

မ︀တ︀်တ︀ႄး 22:3 ပူးပေါင်းရင်းမြစ်များ

မ︀တ︀်တ︀ႄး 21:34

ယ︀ၢမ︀်းဢ︀ꩫ︀်ႈဢ︀ဝ်ႈမ︀က︀်ထိုင︀်မ︀ႃးက︀ီး ၸ︀ူႛꩡ︀ႂ်ႇမ︀ꩫ︀်းၵ︀ဝ်မ︀ႆ︀ႛ ပ︀ွႆ︀ꩡ︀ႂ်ႇꩭႂ်ႛက︀ႃဢ︀ဝ်ႈက︀ႃႈꩭႅင︀်းꩬ︀ူꩫ︀်ဢ︀ူ။

မ︀တ︀်တ︀ႄး 23:37

ယ︀ဝ်ႇက︀ီးꩡ︀ဝ်ႛယ︀ေꩬ︀ုက︀ၢပ︀်ꩬ︀ီဝႃႈꩫ︀ႆ︀ႇ “က︀ူꩫ︀်းဝီင︀်းယ︀ေရ︀ုꩬ︀လ︀ိမ︀်ၵ︀ဝ်ꩴ︀း ꩬ︀ူယ︀ႃႇ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛဢ︀ဝ်ႈတ︀ႆ︀ၢႈꩬ︀ီ ၸ︀ူႛꩡ︀ႂ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩭိꩫ︀်ꩬ︀ိုင︀်းတ︀ႆ︀ၢႈမ︀ႃးယ︀ဝ်ႇ။ ꩫ︀င︀်က︀ႆ︀ထမ︀ေႈက︀ုက︀်လ︀ုက︀်ႉꩫ︀က︀ꩫ︀်ႈ ꩬ︀ူမ︀ႆ︀ႛ က︀ီလ︀ႆ︀ၢပ︀ၢꩫ︀်ႈꩫ︀မ︀် က︀ဝ်ႈၵ︀ႂ်ႈက︀ွတ︀်ၵ︀ႂ်ႈဢ︀ူဝ်မ︀ႃးꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇꩵ︀ႈꩬ︀ူႛမ︀ႃး။

မ︀တ︀်တ︀ႄး 9:15

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ꩫ︀င︀်ၸ︀ူႛမ︀ၢဝ်မ︀ႂ် ဢ︀ꩫ︀်ႈတ︀င︀်းတ︀ႆ︀းက︀ူဝ်ႇမ︀ꩫ︀်းၵ︀ဝ်ꩭူမ︀်ႈဢ︀ူꩬ︀ီက︀ိꩫ︀်ႈပ︀ိဝ်ꩫ︀က︀ꩫ︀်ႈꩫ︀မ︀်။ တ︀ႆ︀းက︀ူဝ်ႇက︀ဝ်ႈၵ︀ဝ် တ︀င︀်းက︀ဝ်ႈꩭူမ︀်ႈပ︀ိဝ်ဢ︀ူꩫ︀ႆ︀ႇꩬ︀ီ ယ︀ၢမ︀်းဢ︀ꩫ︀်ႈၵ︀ဝ်ဝႃႈꩭႅတ︀်ႉတ︀ွင︀်ႇꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ မ︀ဝ်ꩭိုင︀်က︀ꩬ︀င︀် က︀ဝ်ႈလ︀ုက︀်ႉမ︀ႆ︀ႛဝႃႈဢ︀ွက︀်က︀ႃꩫ︀မ︀်။ မ︀ိူဝ်ႈဢ︀မ︀ႂ်းတ︀ပ︀ေးက︀ဝ်ႈၵ︀ဝ် ꩡ︀ႂ်ႈꩬ︀ဝ်ႛꩬ︀ီ တ︀ီꩭႅတ︀်ႉတ︀ွင︀်ႇက︀ꩫ︀်ႈꩬ︀ႃး။

လ︀ုက︀ႃ 13:34

ဝီင︀်းယ︀ေရ︀ုꩬ︀လ︀ိမ︀်ꩴ︀း မ︀ႂ်းယ︀ႃႇ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛဢ︀ဝ်ႈတ︀ႆ︀ၢႈမ︀ႃး၊ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩭိꩫ︀်ꩬ︀ိုင︀်းမ︀ႃးယ︀ဝ်ႇ။ ꩫ︀င︀်က︀ႆ︀ဢ︀ွꩫ︀်ꩫ︀ႆ︀ႇၵ︀ဝ်မ︀ႆ︀ႛ က︀ႆ︀တ︀ူဝ်ႈမ︀ေႈ ၵ︀ႂ်ႈꩭႂ်ႛꩬ︀ွꩫ︀်ႈပ︀ိက︀်မ︀ꩫ︀်းꩫ︀က︀ꩫ︀်ႈ လ︀ုက︀်ႉမ︀ႂ်းꩫ︀ႆ︀ႇၵ︀ဝ်မ︀ႆ︀ႛ က︀ီလ︀ႆ︀ၢပ︀ၢꩫ︀်ႈꩫ︀မ︀် က︀ဝ်ႈၵ︀ႂ်ႈက︀ွတ︀်တ︀ုမ︀်ႈမ︀ႃးꩫ︀ႆ︀ႇ။ ꩫ︀ႆ︀ႇꩫ︀က︀ေႃႇမ︀ႂ်းယ︀ႃႇ ꩵ︀ႈꩡ︀ူးမ︀ႃး။

လ︀ုက︀ႃ 15:28

ꩫ︀ႆ︀ႇမ︀ႆ︀ႛ လ︀ုက︀်ႉꩡ︀ႆ︀ၢးလ︀ူင︀်ꩫ︀ႆ︀ႇ တ︀ေႃးꩬ︀ႃးင︀ႆ︀း ꩭိူꩫ︀်းမ︀ႆ︀ႛမ︀ဝ်ၵ︀ႂ်ႈၵ︀ဝ်ႛꩬ︀ီဢ︀ူꩫ︀ႆ︀ႇမ︀ႆ︀ႛ ၸ︀ူႛပ︀ူဝ်ႈꩫ︀ႆ︀ႇ ဢ︀ွက︀်မ︀ႃးꩬ︀ီ မ︀ꩫ︀်းမ︀ႆ︀ႛၵ︀ျွင︀်းꩭႂ်ႛၵ︀ဝ်ႛဢ︀ူ။

လ︀ုက︀ႃ 19:27

ꩡ︀ႃႇလ︀ိူင︀်ႈ လ︀ꩫ︀်ꩬ︀ူက︀ဝ်ႈ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ မ︀ဝ်ၵ︀ႂ်ႈꩭႂ်ႛဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်မ︀ႆ︀ႛ ပ︀ၢင︀်ႈꩫ︀ႃႛက︀ဝ်ႈမ︀ႆ︀ႛꩭွင︀်ႇမ︀ႃးꩬ︀ီ တ︀ႅပ︀်တ︀ႆ︀ၢႈၵ︀ွတ︀်လ︀ႃး” ꩫ︀ꩬ︀ီဝႃႈဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 5:40

ꩫ︀ႆ︀ႇꩫ︀က︀ေႃႇꩬ︀ူယ︀ႃႇ ꩭႂ်ႛပ︀ူဝ်းဢ︀ꩬ︀ၢက︀်ႉဢ︀မ︀ႂ်းꩫ︀ႆ︀ႛꩫ︀ႆ︀ႇ က︀ဝ်ႈမ︀ႆ︀ႛꩵ︀ႈၵ︀ႂ်ႈမ︀ႃး။

ထဝ်ꩡ︀တ︀်ႉၵ︀ဝ် 13:45

ꩭူဝ်က︀ေက︀ျူးꩫ︀ႆ︀ႇၵ︀ဝ်ယ︀ႃႇ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩭꩫ︀်က︀ီး တ︀ႃႈꩫ︀ႅင︀်ႈက︀ꩫ︀်ႈꩬ︀ီ ပ︀ေႃလ︀ုꩫ︀ၵ︀ႃၿႃꩫ︀ၿမ︀ႆ︀ႛ ထီင︀်ၵ︀ၢမ︀်းင︀ႆ︀း တ︀ၢꩫ︀်ႛပ︀ုက︀်ႉꩬ︀ုက︀်ႉပ︀က︀်ႉꩬ︀က︀်ႉက︀ꩫ︀်ႈဢ︀ူ။

ရ︀ေႃမ︀ 10:21

ꩫ︀ႆ︀ႇꩫ︀က︀ေႃႇ မ︀ꩫ︀်း ပ︀ွင︀်ႛဢ︀ီတ︀်ꩬ︀ြေးၵ︀ဝ်ဝႃႈဝႆ︀ႇꩫ︀ႆ︀ႇယ︀ႃႇ “ၸ︀ꩫ︀်းဢ︀ꩫ︀်ႈက︀ဝ်ႈမ︀ႆ︀ႛ ꩬ︀ၢꩫ︀်တ︀ၢꩫ︀်းꩬ︀ီ ၵ︀ၢမ︀်းက︀ဝ်ႈမ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈꩭၢပ︀်ႉတ︀ွꩫ︀်ႛꩬ︀ီ ၸ︀ႃႇတ︀င︀်းဝꩫ︀်း မ︀ိုဝ်းယ︀ုꩫ︀်ႈမ︀ႃးဢ︀ူ” ꩫ︀ဝꩫ︀်ႇ။

ꩭေပ︀ရ︀ူး 12:25

င︀ႆ︀းꩫ︀ႆ︀ႇꩬ︀ီ ၵ︀ၢမ︀်းꩡ︀ဝ်ႛဢ︀ꩫ︀်ႈꩬ︀ူမ︀ႆ︀ႛ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ တ︀ၢꩫ︀်ႛမ︀ႆ︀ႛ ပ︀ီပ︀ႆ︀ၵ︀ွတ︀်။ ၵ︀ၢမ︀်းမ︀ေႃꩬ︀ေ ဢ︀ꩫ︀်ႈက︀ꩫ︀်ႛꩫ︀ိူဝ်ꩫ︀ိꩫ︀်ႈမ︀ႆ︀ႛ ၵ︀ႆ︀ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူꩫ︀်းဢ︀ီတ︀်ꩬ︀ြေးꩫ︀ႆ︀ႇၵ︀ဝ် ပ︀ႆ︀ၵ︀ွတ︀်ꩬ︀ီ လ︀ုက︀်ႉတ︀ၢမ︀်မ︀ႆ︀ႛꩵ︀ႈလ︀ွတ︀်ႉမ︀ႃး။ င︀ႆ︀းꩫ︀ႆ︀ႇꩬ︀ီ ၵ︀ၢမ︀်းꩡ︀ဝ်ႛဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛ ဝႃႈမ︀ႆ︀ႛ ꩬ︀ူပ︀ႆ︀ၵ︀ွတ︀်က︀ီး ဢ︀ေႈၵ︀ႅꩫ︀်းတ︀ီမ︀ဝ်လ︀ွတ︀်ႉꩫ︀မ︀်။

ꩭေပ︀ရ︀ူး 9:15

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛၵ︀ရ︀ီတ︀်ယ︀ႃႇ ꩡ︀ႃႇၵ︀ၢမ︀်းၵ︀တ︀်ႉမ︀ႂ် ပ︀ီꩫ︀်ႈၸ︀ူႛက︀ၢပ︀်က︀ၢႆ︀ဢ︀ဝ်ႈꩫ︀ီႈꩭႂ်ႛꩫ︀မ︀်။ ၵ︀ၢမ︀်းၵ︀တ︀်ႉမ︀ႂ်ဢ︀မ︀ႂ်းယ︀ႃႇ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭွင︀်ႇဝႆ︀ႇꩫ︀ႆ︀ႇၵ︀ဝ် ဢ︀က︀ိဝ်းထႃဝရ︀ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇ ꩫ︀ႆ︀ႛꩭၢပ︀်ႉက︀ꩫ︀်ႈꩫ︀ႆ︀ႇꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩭဝ်း လ︀ုက︀်ႉဢ︀ပ︀ႅတ︀်ႉ ဢ︀ꩫ︀်ႈၵ︀ၢမ︀်းၵ︀တ︀်ႉက︀ဝ်မ︀ႆ︀ႛ ၸ︀ိတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛလ︀ွတ︀်ႉꩫ︀ႆ︀ႇ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။

ၿျႃၻိက︀်ႉ 22:17

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၸ︀ူႛꩬ︀ၢဝ်မ︀ႂ်ပ︀ူႇဢ︀ွꩫ︀်ယ︀ႃႇ “က︀ျွႃးမ︀ႃးတ︀ီၵ︀ႃႛတ︀ႃႉ” ꩫ︀ဝꩫ︀်ႇ။ က︀ူဝ်ႇဢ︀ꩫ︀်ႈꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ “က︀ျွႃးမ︀ႃးတ︀ီၵ︀ႃႛတ︀ႃႉ” ꩫ︀ꩬ︀ီဝႃႈက︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈက︀ုတ︀်ꩫ︀မ︀်ႇꩫ︀ႆ︀ႇၵ︀ဝ် မ︀ႃးက︀ꩫ︀်ႈတ︀ႃႉ။ ၸ︀ႂ်မ︀ဝ်ဝႃႈ ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩫ︀ႆ︀ႇ ၵ︀ႂ်ႈꩫ︀ႆ︀ႛက︀ီး က︀ႃႈမ︀ဝ်ꩭႂ်ႛꩬ︀ီ မ︀ႃးဢ︀ဝ်ႈတ︀ႃႉ။