7 ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ “ꩫ︀ႆ︀ႇက︀ီး ꩭလ︀ိုဝ်ꩬ︀ီꩫ︀ႆ︀ မ︀ေႃꩬ︀ေယ︀ႃႇ ၸ︀ူႛမ︀ေးၸ︀ူႛꩡ︀ဝ်ႛမ︀ႆ︀ႛ လ︀ိက︀်ႉၸ︀ၢက︀်ႉက︀ꩫ︀်ႈꩭႂ်ႛꩬ︀ီ ၸ︀ၢက︀်ႉꩫ︀ႆ︀ႛဢ︀ူꩫ︀ꩬ︀ီ က︀ျူးꩭဝ်းမ︀ႆ︀ႛ ဢ︀ၵ︀ၢင︀်းꩭႂ်ႛမ︀ႃးꩫ︀ႆ︀ႇ” ꩫ︀ဢ︀ူ။
ယ︀ေႃတ︀ၢတ︀်ယ︀ႃႇ က︀ူꩫ︀်းဢ︀ꩫ︀်ႈꩬ︀ိုဝ်ႈတ︀ူဝ်လ︀ူင︀်ꩫ︀မ︀်။ ꩫ︀ႆ︀ႇꩫ︀က︀ေႃႇ မ︀ꩫ︀်းယ︀ႃႇ မ︀ေရ︀ီမ︀ႆ︀ႛ ပ︀ၢင︀်ႈꩫ︀ႃႛပ︀ူက︀်ႉက︀ူꩫ︀်းမ︀ႆ︀ႛ ၵ︀ၢꩫ︀်ႇဢ︀ဝ်ႈꩬ︀ူဝ်ႇꩫ︀ႆ︀ႇꩬ︀ီ ဢ︀ꩫ︀်ႈꩬ︀ွင︀်ၵ︀ႃꩡ︀ူးက︀ꩫ︀်ႈဝႆ︀ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛꩫ︀ႆ︀ၢႈတ︀ီတ︀်ꩡ︀ိပ︀်ႉꩰ ꩬ︀ၢင︀်လ︀ိတ︀်ႉပ︀ွက︀်ႉဢ︀ူ။
ꩬ︀ွင︀်ၵ︀ႃယ︀ႃႇ ꩬ︀ွင︀်က︀ူဝ်ႇꩵ︀ႈꩡ︀ႂ်ႈယ︀ဝ်ႇ။ က︀ူဝ်ႇလ︀ိဝ်ႈꩫ︀က︀ꩫ︀်ႈꩫ︀မ︀်။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ူပ︀်ဝႆ︀ႇမ︀ႆ︀ႛ က︀ူꩫ︀်းꩵ︀ႈꩫ︀ႆ︀ႛဢ︀ဝ်ႈၸ︀ၢက︀်ႉက︀ꩫ︀်ႈ” ꩫ︀ဝꩫ︀်ႇ။
ꩡ︀ဝ်ႛယ︀ေꩬ︀ုယ︀ႃႇ “ꩬ︀ူတ︀ၢꩫ︀်ႛယ︀ပ︀်ၸ︀ႅဝ်ꩬ︀ီꩬ︀ႃး မ︀ေႃꩬ︀ေ ဢ︀ၵ︀ၢင︀်းꩭႂ်ႛမ︀ႃးꩫ︀ႆ︀ႇ။ မ︀ိူဝ်ႈꩭူဝ်က︀ူဝ်ယ︀ႃႇ ဢ︀ၵ︀ၢင︀်းꩫ︀ႆ︀ႇ ꩵ︀ႈꩭႂ်ႛဝႆ︀ႇ။
ꩡ︀ႃႇလ︀ိူင︀်ႈ “က︀ူဝ်ႇဢ︀ꩫ︀်ႈမ︀ေးၸ︀ူႛꩡ︀ဝ်ႛမ︀ႆ︀ႛၸ︀ၢက︀်ႉꩫ︀ႆ︀ႇ ၸ︀ူႛယ︀ိင︀်းဢ︀မ︀ႂ်းမ︀ႆ︀ႛ လ︀ိက︀်ႉၸ︀ၢက︀်ႉက︀ꩫ︀်ႈ ဝႃႈꩭႂ်ႛꩫ︀မ︀်” ꩫ︀ꩬ︀ီ ꩬ︀ွꩫ︀်ဝႆ︀ႇꩫ︀ႆ︀ႇက︀ေႃႇယ︀င︀်းဢ︀ူ။
ၵ︀ဝ်ယ︀ႃႇ “ၸ︀ူႛမ︀ေးၸ︀ူႛꩡ︀ဝ်ႛမ︀ႆ︀ႛ လ︀ိက︀်ႉၸ︀ၢက︀်ႉက︀ꩫ︀်ႈတ︀ႅမ︀်ႛꩭႂ်ႛꩬ︀ီ ၸ︀ၢက︀်ႉꩫ︀ႆ︀ႛဢ︀ူꩫ︀ꩬ︀ီ မ︀ေႃꩬ︀ေဢ︀ၵ︀ၢင︀်းꩭႂ်ႛဝႆ︀ႇဢ︀ူ” ꩫ︀ဝꩫ︀်ႇ။