မ︀တ︀်တ︀ႄး 18:15 - Khamti Shan

¹⁵ ꩬ︀ူမ︀ႆ︀ႛၸ︀ူႛယ︀ုမ︀်ယ︀မ︀်ႈက︀ူဝ်ႇလ︀ိူင︀်ႈၸ︀ိတ︀်မ︀ႃးက︀ီး မ︀ꩫ︀်းမ︀ႆ︀ႛက︀ႃꩬ︀ီ ဢ︀ပ︀ႅတ︀်ႉမ︀ꩫ︀်းꩡ︀ိုဝ်ႇပ︀ျႃးတ︀ႃႉ။ ꩫ︀ႆ︀ႇꩫ︀က︀ေႃႇ ၸ︀ႂ်မ︀ႆ︀ႛက︀ေႃႇပ︀ီꩭႂ်ႛတ︀ွင︀်း။ ꩬ︀ွင︀်ၵ︀ိူဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈတ︀ႃႉ။ မ︀ꩫ︀်းꩬ︀ၢင︀်ဝွေမ︀ႃးက︀ီး တ︀င︀်းမ︀ꩫ︀်းထုက︀်က︀ꩫ︀်ႈပ︀ွက︀်ႉယ︀ဝ်ႇ။

မ︀တ︀်တ︀ႄး 18:15 ပူးပေါင်းရင်းမြစ်များ

မ︀တ︀်တ︀ႄး 18:14

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ူဝ်က︀ၢင︀်ႈꩭၢဝ်ꩬ︀ူက︀ေႃႇ လ︀ၵ︀ႃဢ︀ွꩫ︀်ꩫ︀ႆ︀ႇၵ︀ဝ် က︀ူဝ်ႇလ︀ိူင︀်ႈꩫ︀ႆ︀ၢႈက︀ေႃႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩵ︀ႈၵ︀ႂ်ႈꩭႂ်ႛꩭႆ︀ၢက︀ႃ။

မ︀တ︀်တ︀ႄး 18:21

ယ︀ဝ်ႇက︀ီး ပ︀ေတ︀ရ︀ုယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ “ꩡ︀ဝ်ႛꩴ︀း ꩬ︀င︀်ဝႃႈက︀ဝ်ႈၵ︀ႃႛမ︀ႆ︀ႛ ၸ︀ူႛယ︀ုမ︀်ယ︀မ︀်ႈက︀ူဝ်ႇလ︀ိူင︀်ႈ ꩬ︀မ︀်ႇꩬ︀ႃႉꩬ︀မ︀်ႇꩬ︀ႃႉၸ︀ိတ︀်မ︀ႃးက︀ီး မ︀ꩫ︀်းမ︀ႆ︀ႛ က︀ဝ်ႈၵ︀ႃႛက︀ီပ︀ၢꩫ︀်ႈတ︀ီၵ︀ႃႛꩫ︀ႆ︀ ဝႃႈပ︀ွႆ︀ဢ︀ၵ︀ၢင︀်းꩭႂ်ႛတ︀ီၵ︀ႃႛꩫ︀ႆ︀ႇ။ ꩡ︀ီတ︀်ပ︀ၢꩫ︀်ႈဝႃႈဢ︀ဝ်ႈထူꩫ︀်ႛတ︀ီၵ︀ႃႛက︀ျႃး” ꩫ︀ꩬ︀ီꩬ︀ွက︀်ႉဢ︀ူ။

မ︀တ︀်တ︀ႄး 18:35

ꩬ︀ူက︀ေႃႇ ဢ︀ပ︀ႅတ︀်ႉပ︀ိူꩫ︀်ႈမ︀ႆ︀ႛ မ︀ဝ်ပ︀ွႆ︀လ︀ွတ︀်ႉꩭႂ်ႛတ︀ေႇတ︀ေႇက︀ီး ꩬ︀ူမ︀ႆ︀ႛက︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ူဝ်က︀ၢင︀်ႈꩭၢဝ်က︀ဝ်ႈ တ︀ီꩭႂ်ႛတ︀ၢမ︀်ꩫ︀မ︀်။

ရ︀ေႃမ︀ 12:21

ꩬ︀ူꩭီတ︀်ဢ︀ꩫ︀်ႈမ︀ဝ်ꩫ︀ီႈꩬ︀ီ ꩬ︀ူမ︀ႆ︀ႛ ဢ︀ꩫ︀်ႈမ︀ဝ်ꩫ︀ီႈပ︀ီꩭႂ်ႛပ︀ေႇ။ ဢ︀ꩫ︀်ႈꩫ︀ီႈꩬ︀ိုင︀်ꩭီတ︀်ꩬ︀ီ ဢ︀ꩫ︀်ႈမ︀ဝ်ꩫ︀ီႈမ︀ႆ︀ႛ ဢ︀ဝ်ႈပ︀ေႇက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 8:12

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈမ︀ꩫ︀်းၸ︀ိတ︀်ဢ︀ူꩫ︀ꩬ︀ီ ယ︀ုမ︀်ဝႆ︀ႇမ︀ႆ︀ႛ မ︀ꩫ︀်းမ︀ႆ︀ႛꩬ︀ူꩭႂ်ႛက︀ႃၸ︀ိတ︀်ꩫ︀ႆ︀ႇꩬ︀ီ ၵ︀ရ︀ီတ︀်ယ︀ၢꩫ︀်ဢ︀ꩫ︀်ႈမ︀ဝ်ပ︀ႆ︀က︀ေဢ︀မ︀ႂ်းမ︀ႆ︀ႛ ꩬ︀ူၸ︀ိတ︀်ယ︀ဝ်ႇ။ ꩭီတ︀်င︀ႆ︀းꩬ︀ီ ꩬ︀ူꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛက︀ေႃႇ ၸ︀ိတ︀်က︀ႃယ︀ဝ်ႇ။

က︀ေႃရ︀ိꩫ︀်တ︀ု ႒ 7:12

င︀ႆ︀းꩫ︀ႆ︀ႇꩬ︀ီ ꩬ︀ူမ︀ႆ︀ႛက︀ဝ်ႈလ︀ိက︀်ႉꩫ︀ႆ︀ႇတ︀ႅမ︀်ႛꩭႂ်ႛꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈ က︀ူဝ်ႇဢ︀ꩫ︀်ႈၸ︀ိတ︀်ꩫ︀ၵ︀ႃ က︀ူဝ်ႇဢ︀ꩫ︀်ႈꩫ︀ႆ︀ႛၵ︀ၢမ︀်ꩬ︀ီတ︀ႅမ︀်ႛꩵ︀ႈꩡ︀ႂ်ႈ။ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူတ︀ူႈမ︀ႆ︀ႛ ၵ︀ႂ်ႈလ︀ႂ်ႈꩡ︀ေတ︀ꩫ︀ႃꩭႅင︀်းꩫ︀ꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩬ︀ူတ︀ွင︀်းꩡ︀ုꩫ︀်ႈꩰꩫ︀ႆ︀ႇꩫ︀မ︀်။

က︀လ︀ႃတ︀ိ 6:1

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀င︀်ဝႃႈၸ︀ူႛယ︀ုမ︀်ယ︀မ︀်ႈက︀ူဝ်ႇလ︀ိူင︀်ႈ ꩭီတ︀်ဢ︀ပ︀ႅတ︀်ႉꩫ︀ႆ︀ႇမ︀ႆ︀ႛꩬ︀ူတ︀ွင︀်းက︀ီး က︀ူဝ်ႇဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ေꩭႂ်ႛꩫ︀ႆ︀ႇၵ︀ဝ်ယ︀ႃႇ ဢ︀ူꩫ︀်ႛဢ︀ူꩫ︀်ႛꩥ︀ေႈꩰꩬ︀ီ မ︀ꩫ︀်းမ︀ႆ︀ႛမ︀ေးꩭႂ်ႛက︀ꩫ︀်ႈတ︀ႃႉ။ ꩬ︀ူၸ︀ူႛꩡ︀ဝ်ႛက︀ေႃႇ ဢ︀ꩫ︀်ႈၵ︀ုꩫ︀်ꩬ︀ူင︀်က︀ဝ်းမ︀ႆ︀ႛ ꩭႂ်ႛပ︀ူဝ်းမ︀ဝ်လ︀ွေႛက︀ႃꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 3:13

က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩬ︀ေးၵ︀ၢမ︀်ꩬ︀ီ ဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉက︀ꩫ︀်ႈယ︀င︀်းꩫ︀က︀ေႃႇ ဢ︀ပ︀ႅတ︀်ႉပ︀ွႆ︀ꩭႂ်ႛက︀ꩫ︀်ႈတ︀ႃႉ။ ꩫ︀င︀်ꩬ︀ူမ︀ႆ︀ႛ ꩡ︀ဝ်ႛၵ︀ရ︀ီတ︀်ဢ︀ပ︀ႅတ︀်ႉ ပ︀ွႆ︀ꩭႂ်ႛꩫ︀က︀ꩫ︀်ႈ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဝႃႈပ︀ွႆ︀ꩭႂ်ႛက︀ꩫ︀်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:6

ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ꩫ︀်းဢ︀မ︀ႂ်း ꩵ︀ႈထုက︀်ၸ︀ိတ︀်ပ︀ိူင︀်ႈလ︀ူင︀်။ ပ︀ူဝ်းၸ︀ိတ︀်က︀ီး က︀ူဝ်ႇဢ︀ꩫ︀်ႈၸ︀ိတ︀်ဢ︀မ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ွပ︀်ပ︀ွက︀်ႉဢ︀ူꩫ︀ꩬ︀ီ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ တ︀ူႈꩬ︀တ︀ိꩭႂ်ႛက︀တ︀်ႉꩰမ︀ႃးယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:15

ꩫ︀ႆ︀ႇꩫ︀က︀ေႃႇ ꩫ︀င︀်လ︀ꩫ︀်ꩬ︀ူꩫ︀က︀ꩫ︀်ႈမ︀ဝ်ꩡ︀ႂ်ႈꩬ︀ီ ꩫ︀င︀်ပ︀ီႈꩫ︀ွင︀်ႇꩫ︀က︀ꩫ︀်ႈ ပ︀ꩫ︀်ႈꩬ︀တ︀ိꩭႂ်ႛတ︀ႃႉ။

တ︀ိတ︀ု 3:10

က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ ဢ︀ဝ်ႈက︀ၢက︀်ႉꩡ︀ႂ်ႈက︀ꩫ︀်ႈမ︀ႆ︀ႛယ︀ႃႇ ဢ︀ဝ်ႈထိုင︀်ꩬ︀ွင︀်ပ︀ၢꩫ︀်ႈꩡ︀တ︀်တ︀ႃႉ။ ယ︀ဝ်ႇက︀ီး က︀ူဝ်ႇဢ︀မ︀ႂ်းမ︀ႆ︀ႛ ပ︀ီꩡ︀ၢပ︀်ႉပ︀ိူင︀်ႈလ︀ူင︀်ယ︀ဝ်ႇ။

ပ︀ေတ︀ရ︀ု ႑ 3:1

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၸ︀ူႛယ︀ိင︀်းဢ︀ꩫ︀်ႈပ︀ီꩫ︀်ႈꩭိူꩫ︀်းꩫ︀ႆ︀ႇၵ︀ဝ်က︀ေႃႇ ၵ︀ၢမ︀်းၸ︀ူႛꩡ︀ႆ︀ၢးꩬ︀ူမ︀ႆ︀ႛ ထွမ︀်က︀ꩫ︀်ႈတ︀ႃႉ။ င︀ႆ︀းက︀ီး ၸ︀ူႛꩡ︀ႆ︀ၢးဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ယ︀င︀်းꩫ︀က︀ေႃႇ တ︀ၢင︀်းက︀ႅင︀်းꩬ︀ူဢ︀ꩫ︀်ႈꩫ︀ီႈ၊ ဢ︀ꩫ︀်ႈၵ︀ိူင︀်ႈꩫ︀ီႈꩫ︀ၢပ︀်ႉယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛꩭꩫ︀်မ︀ႃးက︀ီး မ︀ꩫ︀်းꩡ︀ဝ်ႛမ︀ႆ︀ႛ ၵ︀ဝ်ယ︀ုမ︀်ယ︀မ︀်ႈမ︀ႃးဢ︀ူ။ ၵ︀ဝ်မ︀ႆ︀ႛ ဢ︀ဝ်ႈၵ︀ၢမ︀်းꩫ︀ႆ︀ၢႈက︀ေႃႇ ꩵ︀ႈဝႃႈဝႃႈယ︀ဝ်ႇ။