မ︀တ︀်တ︀ႄး 17:4 - Khamti Shan

⁴ င︀ႆ︀းꩬ︀ီ ပ︀ေတ︀ရ︀ုယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ “ꩡ︀ဝ်ႛꩴ︀း မ︀ႆ︀ႛꩭဝ်းꩡ︀ဝ်ႛ ၵ︀ိူင︀်ႈꩫ︀ီႈဢ︀ူလ︀ူင︀်ꩥ︀ႃ။ မ︀ႂ်းꩡ︀ဝ်ႛဢ︀လ︀ၢင︀်းယ︀င︀်းက︀ီး က︀ဝ်ႈၵ︀ႃႛ ꩬ︀ုမ︀်ႇꩡ︀ႃႇမ︀ႂ်းꩡ︀ဝ်ႛလ︀ၢင︀်လ︀ိူင︀်ႈ၊ ꩡ︀ႃႇမ︀ေႃꩬ︀ေလ︀ၢင︀်လ︀ိူင︀်ႈင︀ႆ︀း ꩡ︀ႃႇဢ︀ေလ︀ိယ︀လ︀ၢင︀်လ︀ိူင︀်ႈ ပ︀ူက︀်ꩭႂ်ႛတ︀ီၵ︀ႃႛက︀ွတ︀်” ꩫ︀ꩬ︀ီꩬ︀ွက︀်ႉဢ︀ူ။

မ︀တ︀်တ︀ႄး 17:4 ပူးပေါင်းရင်းမြစ်များ

မ︀တ︀်တ︀ႄး 17:3

မ︀ိူဝ်ႈဢ︀မ︀ႂ်း ပ︀ရ︀ေႃးၸ︀ႅတ︀်ႉ မ︀ိူဝ်ႈꩫ︀ꩫ︀်ႇ မ︀ေႃꩬ︀ေꩫ︀ၵ︀ႃ ဢ︀ေလ︀ိယ︀ဢ︀ွက︀်မ︀ႃးꩬ︀ီ တ︀င︀်းꩡ︀ဝ်ႛယ︀ေꩬ︀ု တ︀ၢꩫ︀်ႛက︀ꩫ︀်ႈမ︀ႆ︀ႛက︀ေႃႇ ၵ︀ဝ်ꩬ︀ၢမ︀်က︀ူဝ်ႇꩭꩫ︀်ဢ︀ူ။

လ︀ုက︀ႃ 9:33

မ︀ိူဝ်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩬ︀ွင︀်ၵ︀ႃဢ︀ွက︀်က︀ႃꩫ︀ႆ︀ႇ ပ︀ေတ︀ရ︀ုယ︀ႃႇ “ꩡ︀ဝ်ႛꩴ︀း တ︀ီႈꩫ︀ႆ︀ႇမ︀ႆ︀ႛဢ︀ူက︀ီး ꩫ︀ီႈတ︀ီၵ︀ႃႛဢ︀ူ။ တ︀ူႈၵ︀ႃႛ ꩬ︀ုမ︀်ႇꩡ︀ႃႇꩡ︀ဝ်ႛလ︀ၢင︀်လ︀ိူင︀်ႈ၊ ꩡ︀ႃႇမ︀ေႃꩬ︀ေလ︀ၢင︀်လ︀ိူင︀်ႈင︀ႆ︀း ꩡ︀ႃႇဢ︀ေလ︀ိယ︀လ︀ၢင︀်လ︀ိူင︀်ႈ ꩭႂ်ႛꩫ︀ႆ︀ႛပ︀ူက︀်တ︀ီၵ︀ႃႛမ︀ႃးတ︀ႃႉ” ꩫ︀ဝꩫ︀်ႇ။ ဢ︀ꩫ︀်ႈမ︀ꩫ︀်းဝႃႈꩫ︀ႆ︀ႇ မ︀ꩫ︀်းၸ︀ူႛꩡ︀ဝ်ႛယ︀ႃႇ ꩵ︀ႈပ︀ွင︀်ꩡ︀ႂ်ႈꩫ︀ီႈꩫ︀ီႈ။

ယ︀ေႃးꩭၢꩫ︀် 17:24

ပ︀ူဝ်ꩡ︀ဝ်ႛꩴ︀း က︀ူꩫ︀်းဢ︀ꩫ︀်ႈက︀ဝ်ႈၵ︀ႃႛမ︀ႆ︀ႛ ꩡ︀ဝ်ႛꩭႂ်ႛဝႆ︀ႇꩫ︀ႆ︀ႇၵ︀ဝ် တ︀ီႈဢ︀ꩫ︀်ႈက︀ဝ်ႈၵ︀ႃႛတ︀ီဢ︀ူမ︀ႆ︀ႛ ၵ︀ဝ်မ︀ႆ︀ႛက︀ေႃႇၵ︀ႂ်ႈꩭႂ်ႛဢ︀ူတ︀ီၵ︀ႃႛဢ︀ူ။ င︀ႆ︀းက︀ီး မ︀ူꩫ︀်ႈၸ︀ုင︀်းဢ︀ꩫ︀်ႈꩡ︀ဝ်ႛက︀ဝ်ႈၵ︀ႃႛမ︀ႆ︀ႛ ꩭႂ်ႛဝႆ︀ႇဢ︀မ︀ႂ်းမ︀ႆ︀ႛ ၵ︀ဝ်ꩭꩫ︀်တ︀ီၵ︀ႃႛဢ︀ူ။ မ︀ူꩫ︀်ႈၸ︀ုင︀်းဢ︀မ︀ႂ်းယ︀ႃႇ မ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ ဢ︀ꩫ︀်ႈꩡ︀ဝ်ႛ က︀ဝ်ႈၵ︀ႃႛမ︀ႆ︀ႛ ꩭၢက︀်ႉꩬ︀ီꩭႂ်ႛမ︀ႃးꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 7:2

ပ︀ွႆ︀းၸ︀ႃꩬ︀ႃက︀ျူးꩫ︀ႆ︀ႇၵ︀ဝ်မ︀ႆ︀ႛ မ︀ိူဝ်ႈပ︀ွႆ︀းꩬ︀ုမ︀်ႇၸ︀ြႃးပ︀ီꩫ︀်ႈꩡ︀ဝ်ႛတ︀ီထိုင︀်ꩫ︀ႆ︀ႇ ၸ︀ူႛꩫ︀ွင︀်ႇမ︀ꩫ︀်းꩡ︀ဝ်ႛၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ “ဢ︀ꩫ︀်ႈမ︀ႂ်းꩭီတ︀်ꩫ︀ႆ︀ႇၵ︀ဝ် ꩭႂ်ႛပ︀ူဝ်းၸ︀ူႛꩡ︀ွမ︀်းမ︀ႂ်းၵ︀ဝ်ꩭꩫ︀်ꩫ︀ႆ︀ႇ တ︀ိူင︀်းယ︀ုတ︀မ︀ႆ︀ႛꩬ︀င︀်က︀ႃလ︀ႃး။

ၸ︀ိလ︀ိပ︀်ပ︀ၢႆ︀ 1:23

ꩡ︀ႂ်ႈက︀ဝ်ႈယ︀ႃႇ ပ︀ီꩫ︀်ႈꩬ︀ွင︀်ၵ︀ႃႈဢ︀ူꩫ︀မ︀်။ ꩡ︀ႃႇက︀ဝ်ႈꩡ︀ဝ်ႛက︀ီး တ︀ႆ︀ၢႈက︀ႃꩬ︀ီ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ႂ်ႈꩭူမ︀်ႈက︀ႃဢ︀ူလ︀ူင︀်ꩫ︀မ︀်။ ဢ︀မ︀ႂ်းၵ︀ႅꩫ︀်းꩫ︀ီႈဢ︀ူ။

ယ︀ေႃးꩭၢꩫ︀် ႑ 3:2

ပ︀ီႈꩫ︀ွင︀်ႇၵ︀ဝ်ꩴ︀း င︀ႆ︀ႚ ꩭဝ်းပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛက︀ꩫ︀်ႈယ︀ဝ်ႇ။ က︀ꩫ︀်ႛလ︀င︀်မ︀ႆ︀ႛ ꩭဝ်းတ︀ီပ︀ီꩫ︀်ႈꩫ︀င︀်ꩭိုဝ်မ︀ႃးꩫ︀ꩫ︀ႆ︀ႇယ︀ႃႇ ꩵ︀ႈပ︀ႆ︀တ︀ွင︀်းꩫ︀ီႈꩫ︀ီႈ။ ꩫ︀ႆ︀ႇꩫ︀က︀ေႃႇ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇယ︀ႃႇ မ︀ꩫ︀်းꩡ︀ဝ်ႛပ︀ီꩫ︀်ႈꩫ︀င︀်ꩭိုဝ်တ︀ေႇတ︀ေႇꩫ︀ꩫ︀ႆ︀ႇ ꩭဝ်းꩫ︀ႆ︀ႛꩭꩫ︀်ꩬ︀ီ တ︀ီမ︀ိူꩫ︀်ꩫ︀င︀်မ︀ꩫ︀်းꩡ︀ဝ်ႛမ︀ႃးꩫ︀မ︀်ꩫ︀ꩫ︀ႆ︀ႇမ︀ႆ︀ႛ ꩭဝ်းတ︀ွင︀်းဢ︀ူ။

ၿျႃၻိက︀်ႉ 21:23

မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀င︀်းဝီင︀်းမ︀ႆ︀ႛ ဢ︀ဝ်ႈလ︀ႅင︀်းꩭႂ်ႛင︀ႆ︀း ပ︀ူႇဢ︀ွꩫ︀်က︀ေႃႇ ဝၢꩫ︀်ၸ︀ႆ︀းဝီင︀်းဢ︀မ︀ႂ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩡ︀ႃႇဝီင︀်းဢ︀မ︀ႂ်းယ︀ႃႇ ꩭႂ်ႛပ︀ူဝ်းလ︀ႅင︀်းꩫ︀ႆ︀ႇ ꩫ︀ႅတ︀်က︀ေႃႇꩵ︀ႈꩭၢင︀်ႇ။ ꩫ︀ိူꩫ︀်ႈက︀ေႃႇꩵ︀ႈꩭၢင︀်ႇ။