မ︀တ︀်တ︀ႄး 17:3 - Khamti Shan

³ မ︀ိူဝ်ႈဢ︀မ︀ႂ်း ပ︀ရ︀ေႃးၸ︀ႅတ︀်ႉ မ︀ိူဝ်ႈꩫ︀ꩫ︀်ႇ မ︀ေႃꩬ︀ေꩫ︀ၵ︀ႃ ဢ︀ေလ︀ိယ︀ဢ︀ွက︀်မ︀ႃးꩬ︀ီ တ︀င︀်းꩡ︀ဝ်ႛယ︀ေꩬ︀ု တ︀ၢꩫ︀်ႛက︀ꩫ︀်ႈမ︀ႆ︀ႛက︀ေႃႇ ၵ︀ဝ်ꩬ︀ၢမ︀်က︀ူဝ်ႇꩭꩫ︀်ဢ︀ူ။

မ︀တ︀်တ︀ႄး 17:3 ပူးပေါင်းရင်းမြစ်များ

မ︀တ︀်တ︀ႄး 17:2

မ︀ိူဝ်ႈတ︀ပ︀ေးꩡ︀ဝ်ႛၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛ လ︀ႅမ︀်းꩬ︀ီဢ︀ူꩫ︀ႆ︀ႇ င︀ဝ်းမ︀ꩫ︀်းꩡ︀ဝ်ႛလ︀ႆ︀ၢႈမ︀ႃးဢ︀ူ။ ꩫ︀ႃႛမ︀ꩫ︀်းꩡ︀ဝ်ႛယ︀ႃႇ ꩫ︀င︀်က︀ၢင︀်ႈဝꩫ︀်းꩫ︀က︀ꩫ︀်ႈတ︀ွင︀်လ︀ႅင︀်းꩬ︀ီ ၵ︀ိူင︀်ႈမ︀ꩫ︀်းꩡ︀ဝ်ႛက︀ေႃႇ ၵ︀ၢဝ်ပ︀ၢꩫ︀်းꩰ၊ ꩭုင︀်ႈပ︀လ︀ွင︀်ပ︀လ︀ွင︀်ဢ︀ူ။

မ︀တ︀်တ︀ႄး 17:4

င︀ႆ︀းꩬ︀ီ ပ︀ေတ︀ရ︀ုယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ “ꩡ︀ဝ်ႛꩴ︀း မ︀ႆ︀ႛꩭဝ်းꩡ︀ဝ်ႛ ၵ︀ိူင︀်ႈꩫ︀ီႈဢ︀ူလ︀ူင︀်ꩥ︀ႃ။ မ︀ႂ်းꩡ︀ဝ်ႛဢ︀လ︀ၢင︀်းယ︀င︀်းက︀ီး က︀ဝ်ႈၵ︀ႃႛ ꩬ︀ုမ︀်ႇꩡ︀ႃႇမ︀ႂ်းꩡ︀ဝ်ႛလ︀ၢင︀်လ︀ိူင︀်ႈ၊ ꩡ︀ႃႇမ︀ေႃꩬ︀ေလ︀ၢင︀်လ︀ိူင︀်ႈင︀ႆ︀း ꩡ︀ႃႇဢ︀ေလ︀ိယ︀လ︀ၢင︀်လ︀ိူင︀်ႈ ပ︀ူက︀်ꩭႂ်ႛတ︀ီၵ︀ႃႛက︀ွတ︀်” ꩫ︀ꩬ︀ီꩬ︀ွက︀်ႉဢ︀ူ။

မ︀ႃက︀ု 9:4

မ︀ိူဝ်ႈဢ︀မ︀ႂ်း က︀ꩫ︀်ႛꩫ︀ႃႛတ︀ပ︀ေးꩡ︀ဝ်ႛꩬ︀ၢမ︀်က︀ူဝ်ႇမ︀ႆ︀ႛ မ︀ေႃꩬ︀ေꩫ︀ၵ︀ႃ ဢ︀ေလ︀ိယ︀ပ︀ႅꩫ︀်ႈဢ︀ွက︀်မ︀ႃးꩬ︀ီ တ︀င︀်းꩡ︀ဝ်ႛယ︀ေꩬ︀ု တ︀ၢꩫ︀်ႛၵ︀ၢမ︀်းက︀ꩫ︀်ႈဢ︀ူ။

လ︀ုက︀ႃ 1:17

မ︀ꩫ︀်းမ︀ႆ︀ႛယ︀ႃႇ ꩫ︀င︀်ပ︀ရ︀ေႃးၸ︀ႅတ︀်ႉဢ︀ေလ︀ိယ︀ꩫ︀က︀ꩫ︀်ႈ တ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩬ︀ီ က︀ꩫ︀်ႛꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ꩫ︀်းတ︀ီꩭႅမ︀်းတ︀ၢင︀်းက︀ႃꩫ︀မ︀်။ မ︀ꩫ︀်းယ︀ႃႇ ပ︀ူဝ်ႈလ︀ုက︀်ႉꩫ︀ႆ︀ႇၵ︀ဝ်မ︀ႆ︀ႛ တ︀ီဢ︀ဝ်ႈ ထုက︀်က︀ꩫ︀်ႈပ︀ွက︀်ႉꩫ︀မ︀်။ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းၵ︀ႂ်ႈꩡ︀ႂ်ႈꩬ︀ိုဝ်ႈꩰꩡ︀ၢင︀်ႈꩫ︀ႆ︀ႇက︀ေႃႇ တ︀ီဢ︀ွꩫ︀်ႈပ︀ွက︀်ႉမ︀ႃးꩫ︀မ︀်။ မ︀ꩫ︀်းꩭီတ︀်င︀ႆ︀းꩬ︀ီ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩡ︀ႃႇꩭၢင︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩭႅမ︀်းꩭႂ်ႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 16:16

က︀ျမ︀်းꩬ︀ိꩫ︀်ꩫ︀ၵ︀ႃက︀ျမ︀်းပ︀ရ︀ေႃးၸ︀ႅတ︀်ႉယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ တ︀ူဝ်ထိုင︀်ꩡ︀ူဝ်ႈꩬ︀ြႃယ︀ေႃးꩭၢꩫ︀် ꩫ︀ေင︀မ︀်းဢ︀ူꩫ︀မ︀်။ လ︀ုက︀်ႉဢ︀မ︀ႂ်းမ︀ႆ︀ႛက︀ူဝ်ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩭူဝ်းမ︀ႃးꩬ︀ီ က︀ူꩫ︀်းꩫ︀ႆ︀ႇၵ︀ဝ်က︀ေႃႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭီတ︀်ဢ︀ၵ︀ႅက︀်ႉဢ︀ၵ︀ျႃ ၵ︀ဝ်ႛက︀ꩫ︀်ႈဢ︀ူ။

လ︀ုက︀ႃ 24:27

ꩬ︀ွင︀်ၵ︀ႃမ︀ႆ︀ႛ က︀ျမ︀်းလ︀ိက︀်ႉတ︀င︀်းလ︀ုင︀်မ︀ႆ︀ႛ လ︀ုက︀်ႉက︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛက︀ူဝ်ꩬ︀ီ က︀ျမ︀်းပ︀ရ︀ေႃးၸ︀ႅတ︀်ႉတ︀င︀်းလ︀ုင︀်မ︀ႆ︀ႛ ဢ︀ꩫ︀်ႈလ︀ွင︀်ႈမ︀ꩫ︀်းꩡ︀ဝ်ႛတ︀ႅမ︀်ႛဝႆ︀ႇꩫ︀ႆ︀ႇၵ︀ဝ် ၵ︀ႆ︀ႈပ︀ျႃးꩭႂ်ႛဢ︀ူ။

လ︀ုက︀ႃ 24:44

ယ︀ဝ်ႇက︀ီးမ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛ “လ︀ွင︀်ႈက︀ဝ်ႈဢ︀ꩫ︀်ႈက︀ျမ︀်းꩬ︀ိꩫ︀်မ︀ေႃꩬ︀ေ၊ က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်င︀ႆ︀း က︀ျမ︀်းꩬ︀ႃလ︀ၢမ︀်မ︀ႆ︀ႛ ဝႃႈဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်း ဝႃႈတ︀ီမ︀်ႈက︀ုမ︀်မ︀ႃးဢ︀ူꩫ︀ꩬ︀ီ မ︀ိူဝ်ႈတ︀င︀်းꩬ︀ူဢ︀ူမ︀ႃးꩫ︀ႆ︀ႇ က︀ဝ်ႈဝႃႈမ︀ႃးယ︀ဝ်ႇ။ ဢ︀မ︀ႂ်းၵ︀ဝ် င︀ႆ︀ႚပ︀ီꩫ︀်ႈဢ︀ူꩫ︀မ︀်” ꩫ︀ဝꩫ︀်ႇ။

လ︀ုက︀ႃ 9:33

မ︀ိူဝ်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩬ︀ွင︀်ၵ︀ႃဢ︀ွက︀်က︀ႃꩫ︀ႆ︀ႇ ပ︀ေတ︀ရ︀ုယ︀ႃႇ “ꩡ︀ဝ်ႛꩴ︀း တ︀ီႈꩫ︀ႆ︀ႇမ︀ႆ︀ႛဢ︀ူက︀ီး ꩫ︀ီႈတ︀ီၵ︀ႃႛဢ︀ူ။ တ︀ူႈၵ︀ႃႛ ꩬ︀ုမ︀်ႇꩡ︀ႃႇꩡ︀ဝ်ႛလ︀ၢင︀်လ︀ိူင︀်ႈ၊ ꩡ︀ႃႇမ︀ေႃꩬ︀ေလ︀ၢင︀်လ︀ိူင︀်ႈင︀ႆ︀း ꩡ︀ႃႇဢ︀ေလ︀ိယ︀လ︀ၢင︀်လ︀ိူင︀်ႈ ꩭႂ်ႛꩫ︀ႆ︀ႛပ︀ူက︀်တ︀ီၵ︀ႃႛမ︀ႃးတ︀ႃႉ” ꩫ︀ဝꩫ︀်ႇ။ ဢ︀ꩫ︀်ႈမ︀ꩫ︀်းဝႃႈꩫ︀ႆ︀ႇ မ︀ꩫ︀်းၸ︀ူႛꩡ︀ဝ်ႛယ︀ႃႇ ꩵ︀ႈပ︀ွင︀်ꩡ︀ႂ်ႈꩫ︀ီႈꩫ︀ီႈ။

ယ︀ေႃးꩭၢꩫ︀် 1:17

ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ လ︀ုက︀်ႉမ︀ေႃꩬ︀ေမ︀ႆ︀ႛ က︀ျမ︀်းꩬ︀ိꩫ︀်ꩭႂ်ႛမ︀ႃးꩬ︀ီ က︀ျေးꩡ︀ူးတ︀ူဝ်ꩡ︀ဝ်ႛꩫ︀ၵ︀ႃ ꩬ︀မ︀်မ︀ႃတ︀ြႃးယ︀ႃႇ လ︀ုက︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛꩫ︀မ︀် ꩭႂ်ႛမ︀ႃးꩫ︀ႆ︀ႇ။