မ︀တ︀်တ︀ႄး 17:12 - Khamti Shan

¹² က︀ဝ်ႈဝႃႈက︀ွတ︀်။ မ︀ꩫ︀်းမ︀ႃးယ︀ဝ်ႇꩰ။ က︀ူꩫ︀်းꩫ︀ႆ︀ႇၵ︀ဝ်ꩬ︀ိုင︀် မ︀ꩫ︀်းမ︀ႆ︀ႛမ︀ဝ်တ︀ွင︀်းꩬ︀ီ ဢ︀ꩫ︀်ႈꩫ︀င︀်ၵ︀ဝ်ၵ︀ႂ်ႈꩭီတ︀်ꩫ︀ႆ︀ႇ ꩭီတ︀်မ︀ႃးယ︀ဝ်ႇ။ ꩫ︀င︀်မ︀ꩫ︀်းမ︀ႆ︀ႛꩭီတ︀်ꩫ︀က︀ꩫ︀်ႈ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းမ︀ႆ︀ႛက︀ေႃႇ ၵ︀ဝ်တ︀ီꩭီတ︀်ꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 17:12 ပူးပေါင်းရင်းမြစ်များ

မ︀တ︀်တ︀ႄး 11:2

ဢ︀ꩫ︀်ႈꩡ︀ဝ်ႛၵ︀ရ︀ီတ︀်ꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ြႃယ︀ေႃးꩭၢꩫ︀် လ︀ုက︀်ႉက︀ꩫ︀်ႛꩫ︀ႂ်းထွင︀်မ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီး တ︀ပ︀ေးမ︀ꩫ︀်းၵ︀ဝ်မ︀ႆ︀ႛꩡ︀ႂ်ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭႂ်ႛမ︀ႃးထၢမ︀်ဢ︀ူ။

မ︀တ︀်တ︀ႄး 16:21

လ︀ုက︀်ႉမ︀ိူဝ်ႈဢ︀မ︀ႂ်းက︀ူဝ်ꩬ︀ီ ꩡ︀ဝ်ႛယ︀ေꩬ︀ု တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ၵ︀ႆ︀ႈꩡ︀ုꩫ︀်ႈꩰꩭႂ်ႛဢ︀ူ။ မ︀ꩫ︀်းꩡ︀ဝ်ႛဝႃႈꩫ︀ႆ︀ႇ “က︀ဝ်ႈဝႃႈက︀ႃဝီင︀်းယ︀ေရ︀ုꩬ︀လ︀ိမ︀်ဢ︀ူ။ ဢ︀မ︀ႂ်းမ︀ႆ︀ႛ ꩭူဝ်က︀ေၸ︀ႃꩬ︀ႃꩫ︀ႆ︀ႇၵ︀ဝ်၊ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ် ꩬ︀ြႃတ︀ြႃးꩫ︀ႆ︀ႇၵ︀ဝ် က︀ဝ်ႈမ︀ႆ︀ႛဢ︀ၢꩫ︀်တ︀ၢꩫ︀်ꩫ︀ိက︀်ႉꩬ︀ၢက︀်ႉꩬ︀ီ တ︀ီဢ︀ဝ်ႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ တ︀ၢင︀်ꩬ︀ၢမ︀်ဝꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛတ︀ီဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 17:11

ꩡ︀ဝ်ႛယ︀ေꩬ︀ုယ︀ႃႇ “ဢ︀ေလ︀ိယ︀မ︀ႃးဢ︀ွꩫ︀်ႈꩬ︀ီ တ︀င︀်းမ︀ိူင︀်းတ︀ီမ︀ႃးꩭႅမ︀်းဝႆ︀ႇထုက︀်ꩰꩫ︀မ︀်ꩫ︀ꩫ︀ႆ︀ႇ ꩡ︀ႂ်ႈတ︀ေႇတ︀ေႇဢ︀ူ။

မ︀တ︀်တ︀ႄး 17:13

ꩫ︀ႆ︀ႇမ︀ႆ︀ႛꩬ︀ိုင︀် မ︀ꩫ︀်းꩡ︀ဝ်ႛ ꩬ︀ြႃယ︀ေႃးꩭၢꩫ︀်မ︀ႆ︀ႛꩡ︀ိုဝ်ꩬ︀ီဝႃႈꩫ︀မ︀်ꩫ︀ꩫ︀ႆ︀ႇ တ︀ပ︀ေးꩡ︀ဝ်ႛၵ︀ဝ် ပ︀ွင︀်ꩡ︀ႂ်ႈက︀ႃဢ︀ူ။

မ︀တ︀်တ︀ႄး 17:22

မ︀ိူဝ်ႈတ︀ပ︀ေးꩡ︀ဝ်ႛၵ︀ဝ်တ︀င︀်းမ︀ိူင︀်း တ︀ိူင︀်းက︀ႃလ︀ိလ︀ႄးမ︀ႆ︀ႛ တ︀ုမ︀်ႈက︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း တ︀ီꩫ︀ႆ︀ႛတ︀ူက︀်ꩫ︀ႂ်းမ︀ိုဝ်းပ︀ိူꩫ︀်ႈꩫ︀မ︀်။

မ︀တ︀်တ︀ႄး 17:9

ၵ︀ဝ်ꩡ︀ဝ်ႛ လ︀ုက︀်ႉꩫ︀ွႆ︀ႈမ︀ႆ︀ႛလ︀ူင︀်းမ︀ႃးက︀ီး ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်မ︀ႆ︀ႛ “ဢ︀ꩫ︀်ႈင︀ႆ︀ႚꩬ︀ူꩭꩫ︀်မ︀ႃးꩫ︀ႆ︀ႇ က︀ႃႈက︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ မ︀ဝ်ꩫ︀ိပ︀်ပ︀ွက︀်ႉမ︀ႃးယ︀ႃႇ ၸ︀ႂ်မ︀ႆ︀ႛက︀ေႃႇပ︀ီၵ︀ႆ︀ႈ” ꩫ︀ဢ︀ူ။

မ︀တ︀်တ︀ႄး 21:32

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ြႃယ︀ေႃးꩭၢꩫ︀်မ︀ႃးꩬ︀ီ ꩬ︀ူမ︀ႆ︀ႛတ︀ၢင︀်းဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈပ︀ျႃးꩭႂ်ႛꩫ︀က︀ေႃႇ မ︀ꩫ︀်းမ︀ႆ︀ႛꩬ︀ူꩵ︀ႈယ︀ုမ︀်ယ︀မ︀်ႈမ︀ႃး။ ꩫ︀ႆ︀ႇꩫ︀က︀ေႃႇ ၸ︀ူႛက︀ီပ︀်ၵ︀ွꩫ︀်ꩫ︀ႆ︀ႇၵ︀ဝ်င︀ႆ︀း မ︀ေႈမ︀ွက︀်ယ︀ႃႛꩫ︀ႆ︀ႇၵ︀ဝ်ယ︀ႃႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ ꩫ︀ႆ︀ႇမ︀ႆ︀ႛ ꩬ︀ူꩭꩫ︀်မ︀ႃးꩬ︀ီက︀ေႃႇ ꩬ︀ူယ︀ႃႇမ︀ဝ်လ︀ွက︀်ႉမ︀ဝ်လ︀ႆ︀ၢႈ မ︀ꩫ︀်းမ︀ႆ︀ႛမ︀ဝ်ယ︀ုမ︀်ယ︀မ︀်ႈꩬ︀ီဢ︀ူꩫ︀ႆ︀ႇ” ꩫ︀ဝꩫ︀်ႇ။

မ︀တ︀်တ︀ႄး 8:20

ꩡ︀ဝ်ႛယ︀ေꩬ︀ုယ︀ႃႇ “မ︀ႃꩫ︀ိꩫ︀်ႈမ︀ႆ︀ႛ ပ︀င︀်ႈယ︀င︀်းဢ︀ူ။ ꩫ︀ူက︀်ႉမ︀ႆ︀ႛက︀ေႃႇꩭင︀်းယ︀င︀်းဢ︀ူ။ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းမ︀ႆ︀ႛယ︀ႃႇ တ︀ီႈဢ︀ꩫ︀်ႈတ︀ီက︀ိင︀်ႛက︀ွင︀်ႈꩫ︀ႆ︀ၢႈက︀ေႃႇꩵ︀ႈယ︀င︀်း” ꩫ︀ဝꩫ︀်ႇ။

လ︀ုက︀ႃ 7:33

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ြႃယ︀ေႃးꩭၢꩫ︀်မ︀ႃးꩬ︀ီ ꩭႅတ︀်ႉတ︀ွင︀်ႇင︀ႆ︀း င︀ိူင︀်ႇဝၢႆ︀မ︀က︀်ꩡ︀ပ︀ႅတ︀်ႉက︀ီး “မ︀ꩫ︀်းမ︀ႆ︀ႛ ၸ︀ီၵ︀ဝ်ႛယ︀ဝ်ႇ” ꩫ︀ꩬ︀ီဝႃႈဢ︀ူ။

ယ︀ေႃးꩭၢꩫ︀် 1:11

မ︀ိူင︀်းမ︀ꩫ︀်းꩡ︀ဝ်ႛမ︀ႆ︀ႛ က︀ျွႃးမ︀ႃးꩫ︀က︀ေႃႇ ၸ︀ꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩵ︀ႈꩭၢပ︀်ႉတ︀ွꩫ︀်ႛ။

ထဝ်ꩡ︀တ︀်ႉၵ︀ဝ် 2:23

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ၢင︀်ဝႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ ꩫ︀ႂ်းမ︀ိုဝ်း လ︀ꩫ︀်ꩬ︀ူꩫ︀ႆ︀ႇၵ︀ဝ်မ︀ႆ︀ႛ ဢ︀ၢပ︀်ႉမ︀ႃးယ︀ဝ်ႇ။ ꩬ︀ူယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈမ︀ိုဝ်းက︀ူꩫ︀်းဢ︀ꩫ︀်ႈဢ︀ပ︀ႅတ︀်ႉꩫ︀ႃꩫ︀ႆ︀ႇၵ︀ဝ် ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီဢ︀ဝ်ႈတ︀ႆ︀ၢႈမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 4:10

မ︀ꩫ︀်းတ︀ိꩫ︀်ႈꩫ︀ီႈမ︀ႃးꩬ︀ီ င︀ႆ︀ႚက︀ꩫ︀်ႛꩫ︀ႃႛꩬ︀ူꩡ︀ဝ်ႛမ︀ႆ︀ႛ ꩬ︀ဝ်းꩬ︀ီဢ︀ူꩫ︀ႆ︀ႇ ဢ︀ဝ်ႈတ︀ꩫ︀်းၵ︀ူဝ်းꩡ︀ိုဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ူꩫ︀်းꩫ︀ႃꩡ︀ရ︀ႅတ︀်ꩫ︀မ︀်ꩫ︀ꩫ︀ႆ︀ႇ ꩬ︀ူꩡ︀ဝ်ႛတ︀မ︀ိူင︀်း ဢ︀ီတ︀်ꩬ︀ြေးၵ︀ဝ်တ︀င︀်းမ︀ိူင︀်းတ︀မ︀ိူင︀်း တ︀ွင︀်းမ︀တ︀်ႉက︀ꩫ︀်ႈတ︀ႃႉ။ ꩡ︀ဝ်ႛယ︀ေꩬ︀ုꩫ︀ꩫ︀ႆ︀ႇယ︀ႃႇ ꩡ︀ဝ်ႛဢ︀ꩫ︀်ႈꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 7:52

ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀ႃႇ လ︀ွင︀်ႈၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈတ︀ီက︀ျွႃးမ︀ႃးꩫ︀ႆ︀ႇ ꩭူဝ်းꩬ︀ီ ၵ︀ဝ်မ︀ႆ︀ႛꩬ︀ူဢ︀ဝ်ႈတ︀ၢႆ︀ႈမ︀ူတ︀်မ︀ႃးယ︀ဝ်ႇ။ မ︀ဝ်ꩡ︀ႂ်ႈက︀ျႃး။ ပ︀လ︀ေႃး င︀ႆ︀ႚꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်ဢ︀မ︀ႂ်းမ︀ႆ︀ႛက︀ေႃႇ ꩬ︀ူၸ︀ုꩫ︀်ႇꩬ︀ႅတ︀်ႉꩡ︀ႃꩬ︀ီ ဢ︀ဝ်ႈတ︀ႆ︀ၢႈၵ︀ွတ︀်ယ︀ဝ်ႇ။