က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းယ︀ႃႇ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႇꩬ︀ီ လ︀ုက︀်ႉမ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ က︀ူꩫ︀်းဢ︀ꩫ︀်ႈပ︀ိူꩫ︀်ႈမ︀ႆ︀ႛ ဢ︀ဝ်ႈၸ︀ိတ︀်တ︀ၢင︀်းꩫ︀ႆ︀ႇၵ︀ဝ်င︀ႆ︀း က︀ူꩫ︀်းဢ︀ꩫ︀်ႈꩭီတ︀်လ︀ွင︀်ႈꩡ︀ႃႇꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩭႂ်ႛၸ︀ိဝ်ႛꩬ︀ီ တ︀ီꩭႂ်ႛပ︀ွႆ︀တ︀ူက︀်င︀ႃးလ︀ႆ︀ၢးၵ︀ွတ︀်ꩫ︀မ︀်။ က︀ူꩫ︀်းဢ︀မ︀ႂ်းၵ︀ဝ်ယ︀ႃႇ င︀ႃးလ︀ႆ︀ၢးမ︀ႆ︀ႛ တ︀ီꩭႆ︀ႛဢ︀ိဝ်လ︀ူဝ်းဝႃႚဝႃႚꩬ︀ီ က︀တ︀်ၵ︀ိဝ်ႛက︀တ︀်က︀ၢင︀်းက︀ꩫ︀်ႈꩫ︀မ︀်။
မ︀တ︀်တ︀ႄး 16:27 - Khamti Shan27 က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း တ︀င︀်းၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ် ဢ︀ဝ်ႈမ︀ူꩫ︀်ႈၸ︀ုင︀်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ီက︀ျွႃးမ︀ႃးꩫ︀မ︀်။ မ︀ိူဝ်ႈဢ︀မ︀ႂ်း ဢ︀ꩫ︀်ႈꩫ︀င︀်က︀ူꩫ︀်းꩫ︀ႆ︀ႇၵ︀ဝ်ꩭီတ︀်မ︀ႃးꩫ︀ႆ︀ႇ က︀ူႈက︀ူဝ်ႇမ︀ႆ︀ႛ ဢ︀က︀ိဝ်းဢ︀ပ︀ႅတ︀်ႉတ︀ီပ︀ူင︀်ႈꩭႂ်ႛꩫ︀မ︀်။ အခန်းကိုကြည့်ပါ။ |
မ︀တ︀်တ︀ႄး 16:27
45 ပူးပေါင်းရင်းမြစ်များ
ꩡ︀ူဝ်ႈပ︀ၢꩫ︀်ႈင︀ႆ︀ႚ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ၸ︀ြႃးတ︀ြႃးမ︀ဝ်ယ︀င︀်းꩬ︀ီ ယ︀ုက︀်ႉꩭင︀်ႛꩫ︀ႆ︀ႇမ︀ႆ︀ႛ လ︀ၢႆ︀းပ︀ိူဝ်ႈက︀ဝ်ႈꩫ︀ၵ︀ႃ လ︀ၢႆ︀းပ︀ိူဝ်ႈတ︀ြႃးက︀ဝ်ႈꩬ︀ီ ꩬ︀င︀်ဝႃႈꩬ︀ူဢ︀ၢႆ︀ႈက︀ီး က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းက︀ေႃႇ မ︀ိူဝ်ႈဢ︀ဝ်ႈမ︀ူꩫ︀်ႈၸ︀ုင︀်းပ︀ူဝ်ꩡ︀ဝ်ႛထႃဝရ︀ၸ︀ြႃးင︀ႆ︀း တ︀င︀်းၵ︀ုꩫ︀်ꩬ︀ၢင︀်က︀ဝ်ႈၵ︀ဝ် က︀ျွႃးလ︀ူင︀်းမ︀ႃးꩫ︀ႆ︀ႇ ꩡ︀ႃႇꩭင︀်းꩬ︀ူတ︀ီဢ︀ၢႆ︀ႈꩫ︀မ︀်” ꩫ︀ဝꩫ︀်ႇ။
င︀ႆ︀းꩬ︀ီ တ︀ပ︀ေးꩡ︀ဝ်ႛဢ︀မ︀ႂ်းယ︀ႃႇ ꩵ︀ႈꩫ︀ႆ︀ႛတ︀ႆ︀ၢႈယ︀ဝ်ႇꩫ︀ꩬ︀ီ ဝူင︀်ႈက︀ၢင︀်ႈတ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ꩭူင︀်က︀ꩫ︀်ႈက︀ႃယ︀ဝ်ႇ။ ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ တ︀ပ︀ေးꩡ︀ဝ်ႛဢ︀မ︀ႂ်းꩵ︀ႈꩫ︀ႆ︀ႛတ︀ႆ︀ၢႈꩫ︀ꩬ︀ီဝႃႈꩵ︀ႈꩡ︀ႂ်ႈ။ “ꩬ︀င︀်ဝႃႈတ︀ူဝ်ထိုင︀်ဝꩫ︀်းဢ︀ꩫ︀်ႈက︀ဝ်ႈက︀ျွႃးပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းမ︀ႆ︀ႛက︀ဝ်ႈဢ︀ꩬ︀ၢက︀်ႉၵ︀ႂ်ႈꩭႂ်ႛꩫ︀ိပ︀်ꩫ︀က︀ေႃႇ ဢ︀မ︀ူးမ︀ႂ်းꩵ︀ႈꩡ︀ႂ်ႈ” ꩫ︀ꩫ︀ႆ︀ၢႈꩫ︀မ︀်ဝႃႈမ︀ႃးꩫ︀ႆ︀ႇ။
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဝꩫ︀်းလ︀ိူင︀်ႈ ꩭဝ်းတ︀င︀်းမ︀ိူင︀်း ပ︀ၢင︀်ႈꩫ︀ႃႛဢ︀ꩫ︀်ႈꩡ︀ဝ်ႛၵ︀ရ︀ီတ︀် ပ︀ႅတ︀်ႉတ︀ြႃးမ︀ႆ︀ႛ ဝႃႈက︀ႃꩬ︀ဝ်းꩫ︀မ︀်။ မ︀ိူဝ်ႈဢ︀မ︀ႂ်း က︀ႃႈဢ︀ꩫ︀်ႈꩭဝ်း မ︀ိူဝ်ႈဢ︀ူတ︀ူဝ်ႈမ︀ိူင︀်းက︀ၢင︀်ႈꩫ︀ႆ︀ႇ ꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩫ︀ီႈ၊ မ︀ဝ်ꩫ︀ီႈ ဢ︀က︀ိဝ်းဢ︀ပ︀ႅတ︀်ႉ ဢ︀ꩫ︀်ႈꩫ︀င︀်ꩭဝ်းထႅက︀်ႉꩫ︀ႆ︀ႇ မ︀ꩫ︀်းꩡ︀ဝ်ႛ တ︀ီပ︀ူင︀်ႈꩭႂ်ႛꩫ︀မ︀်။
ꩡ︀ဝ်ႛယ︀ေꩬ︀ုၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛ တ︀ီက︀ျွႃးမ︀ႃးꩫ︀ႆ︀ႇမ︀ႆ︀ႛ ꩭိုဝ်လ︀ိုဝ်တ︀ႂ်းထႃႛꩬ︀ီဢ︀ူꩫ︀ꩫ︀ႆ︀ႇၵ︀ဝ် တ︀ူႈမ︀ႆ︀ႛၵ︀ႆ︀ႈꩭႂ်ႛက︀ꩫ︀်ႈဢ︀ူ။ ꩡ︀ဝ်ႛယ︀ေꩬ︀ုယ︀ႃႇ ꩡ︀ဝ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉတ︀ၢင︀်းတ︀ၢႆ︀ႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃး၊ ꩡ︀ဝ်ႛဢ︀ꩫ︀်ႈဝꩫ︀်းပ︀ႅတ︀်ႉတ︀ြႃးမ︀ႆ︀ႛ ꩭဝ်းမ︀ႆ︀ႛ လ︀ုက︀်ႉတ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီၵ︀ေꩬ︀ေꩭႂ်ႛꩫ︀ႆ︀ႇꩫ︀မ︀်။
ပ︀ီႈꩫ︀ွင︀်ႇၵ︀ဝ်ꩴ︀း က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ မ︀ိူဝ်ႈꩭဝ်းမ︀ႆ︀ႛပ︀ိူꩫ︀်ႈပ︀ေႇက︀ိꩫ︀်ႈꩫ︀ႆ︀ႇ က︀ႃႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်က︀ျွႃးမ︀ႃးယ︀ႃႇ ꩡ︀ႂ်ႈꩭီးꩡ︀ႂ်ႈယ︀ၢဝ်းꩬ︀ီ တ︀ႂ်းထႃႛက︀ꩫ︀်ႈတ︀ႃႉ။ ၸ︀ူႛꩭီတ︀်ꩭႆ︀ႈꩭီတ︀်ꩫ︀ႃးꩫ︀ႆ︀ႇၵ︀ဝ်မ︀ႆ︀ႛ လ︀ႅမ︀်းတ︀ႃႉ။ ၵ︀ဝ်ယ︀ႃႇ ၵ︀ဝ်ႛꩫ︀မ︀်ႇၵ︀ဝ်ႛꩬ︀ၢꩫ︀် ဢ︀ꩫ︀်ႈၵ︀ꩫ︀်ယ︀ႂ်ꩫ︀ႆ︀ႇၵ︀ဝ် က︀ႃႈမ︀ဝ်ဢ︀ွက︀်မ︀ႃးယ︀ႃႇ ၸ︀ူꩫ︀်ꩭူဝ်၊ ၸ︀ူꩫ︀်ꩭၢင︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႈꩭီးꩡ︀ႂ်ႈယ︀ၢဝ်းꩬ︀ီ တ︀ႂ်းထႃႛက︀ꩫ︀်ႈဢ︀ူ။
လ︀ႅမ︀်းတ︀ႃႉ။ မ︀ꩫ︀်းꩡ︀ဝ်ႛဢ︀ဝ်ႈမ︀ွက︀်ၸ︀ူꩫ︀် တ︀ီက︀ျွႃးမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛက︀ျွႃးမ︀ႃးꩫ︀ႆ︀ႇမ︀ႆ︀ႛ က︀ူꩫ︀်းက︀ူႈက︀ူဝ်ႇ ꩡ︀ိူမ︀်ႈက︀ႃႈက︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ႅင︀်းတ︀ႆ︀ၢႈꩫ︀ႆ︀ႇၵ︀ဝ်တ︀မ︀ိူင︀်း တ︀ီꩫ︀ႆ︀ႛꩭꩫ︀်က︀ꩫ︀်ႈꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းတ︀င︀်းက︀မ︀်ၸ︀ႃ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛꩬ︀ီ တ︀ီꩫ︀ႆ︀ႛꩭႆ︀ႛꩭႆ︀ႛမ︀ိုင︀်ႈꩰက︀ꩫ︀်ႈꩫ︀မ︀်။ တ︀ီပ︀ီꩫ︀်ႈင︀ႆ︀း တ︀ေႇတ︀ေႇꩫ︀မ︀်။ ꩭႂ်ႛပ︀ီꩫ︀်ႈက︀တ︀ႃႉ။
ၸ︀ူႛꩡ︀ွမ︀်းမ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ဝ်ႈတ︀ီဢ︀ဝ်ႈတ︀ႆ︀ၢႈꩫ︀မ︀်။ ꩭီတ︀်င︀ႆ︀းꩬ︀ီ က︀ဝ်ႈယ︀ႃႇ ꩭူဝ်ꩡ︀ႂ်ႈက︀ူꩫ︀်း၊ က︀ၢင︀်ႈꩡ︀ႂ်ႈက︀ူꩫ︀်းက︀ူႈက︀ူဝ်ႇမ︀ႆ︀ႛ တ︀ွင︀်းဢ︀ူꩫ︀ꩫ︀ႆ︀ႇ ꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ တ︀ီဢ︀ဝ်ႈတ︀ွင︀်းမ︀ႃးက︀ꩫ︀်ႈꩫ︀မ︀်။ ဢ︀ꩫ︀်ႈꩫ︀င︀်ꩬ︀ူꩭီတ︀်မ︀ႃးꩫ︀ႆ︀ႇ ꩬ︀ူက︀ူႈက︀ူဝ်ႇမ︀ႆ︀ႛ က︀ဝ်ႈတ︀ီတ︀ွပ︀်ပ︀ွက︀်ႉꩭႂ်ႛꩫ︀မ︀်။
ပ︀ၢင︀်ႈꩫ︀ႃႛပ︀လ︀ၢင︀်ဢ︀မ︀ႂ်းမ︀ႆ︀ႛ က︀ူꩫ︀်းဢ︀ꩫ︀်ႈတ︀ႆ︀ၢႈပ︀ူꩫ︀်ႇက︀ႃꩫ︀ႆ︀ႇၵ︀ဝ် ၸ︀ူႛယ︀ႂ် ၸ︀ူႛꩡ︀ႂ်ႇမ︀ဝ်ဝႃႈ တ︀င︀်းမ︀ိူင︀်းꩬ︀ဝ်းက︀ꩫ︀်ႈꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ဢ︀မ︀ႂ်းမ︀ႆ︀ႛ ပ︀ၢပ︀်ႉꩫ︀ႆ︀ႇၵ︀ဝ် ပ︀ုတ︀်ဝႆ︀ႇဢ︀ူ။ ပ︀ၢပ︀်ႉတ︀ၢင︀်ဢ︀ꩫ︀်ႈ ဢ︀ꩫ︀်ႈꩡ︀ိုဝ်ႈၸ︀ူႛꩫ︀ႆ︀ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇၵ︀ဝ် တ︀ႅမ︀်ႛဝႆ︀ႇꩫ︀ႆ︀ႇက︀ေႃႇ ပ︀ုတ︀်ဝႆ︀ႇဢ︀ူ။ က︀ူꩫ︀်းဢ︀ꩫ︀်ႈတ︀ႆ︀ၢႈက︀ႃꩫ︀ႆ︀ႇၵ︀ဝ်မ︀ႆ︀ႛယ︀ႃႇ ဢ︀ꩫ︀်ႈꩫ︀င︀်ၵ︀ဝ်ꩭီတ︀်မ︀ႃး၊ ဢ︀ꩫ︀်ႈꩫ︀င︀်ပ︀ၢပ︀်ႉဢ︀မ︀ႂ်းၵ︀ဝ်မ︀ႆ︀ႛ လ︀ွေႛꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။
ကြော်ငြာတွေ