မ︀တ︀်တ︀ႄး 16:21 - Khamti Shan

²¹ လ︀ုက︀်ႉမ︀ိူဝ်ႈဢ︀မ︀ႂ်းက︀ူဝ်ꩬ︀ီ ꩡ︀ဝ်ႛယ︀ေꩬ︀ု တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ၵ︀ႆ︀ႈꩡ︀ုꩫ︀်ႈꩰꩭႂ်ႛဢ︀ူ။ မ︀ꩫ︀်းꩡ︀ဝ်ႛဝႃႈꩫ︀ႆ︀ႇ “က︀ဝ်ႈဝႃႈက︀ႃဝီင︀်းယ︀ေရ︀ုꩬ︀လ︀ိမ︀်ဢ︀ူ။ ဢ︀မ︀ႂ်းမ︀ႆ︀ႛ ꩭူဝ်က︀ေၸ︀ႃꩬ︀ႃꩫ︀ႆ︀ႇၵ︀ဝ်၊ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ် ꩬ︀ြႃတ︀ြႃးꩫ︀ႆ︀ႇၵ︀ဝ် က︀ဝ်ႈမ︀ႆ︀ႛဢ︀ၢꩫ︀်တ︀ၢꩫ︀်ꩫ︀ိက︀်ႉꩬ︀ၢက︀်ႉꩬ︀ီ တ︀ီဢ︀ဝ်ႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ တ︀ၢင︀်ꩬ︀ၢမ︀်ဝꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛတ︀ီဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 16:21 ပူးပေါင်းရင်းမြစ်များ

မ︀တ︀်တ︀ႄး 12:40

ꩫ︀င︀်ယ︀ေႃꩫ︀ က︀ꩫ︀်ႛꩫ︀ႂ်းတ︀ွင︀်ႇပ︀ႃႈလ︀ူင︀်မ︀ႆ︀ႛ ꩬ︀ၢမ︀်ၵ︀ိုꩫ︀်းꩬ︀ၢမ︀်ဝꩫ︀်း ဢ︀ူမ︀ႃးꩫ︀က︀ꩫ︀်ႈ က︀ဝ်ႈ၊ လ︀ုက︀်ႉက︀ူꩫ︀်းက︀ေႃႇက︀ꩫ︀်ႛꩫ︀ႂ်းꩫ︀ိꩫ︀်ႈမ︀ႆ︀ႛ ꩬ︀ၢမ︀်ဝꩫ︀်းတ︀ီဢ︀ူꩫ︀မ︀်။

မ︀တ︀်တ︀ႄး 16:22

ꩫ︀ႆ︀ႇမ︀ႆ︀ႛ ပ︀ေတ︀ရ︀ုယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ တ︀ီႈဢ︀ꩫ︀်ႈမ︀ဝ်က︀ႂ်ႛမ︀ဝ်က︀ႆ︀ႈမ︀ႆ︀ႛꩭွင︀်ႇက︀ႃꩬ︀ီ “ꩡ︀ဝ်ႛꩴ︀း ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛꩡ︀တ︀်က︀တ︀ႃႉ။ လ︀ွင︀်ႈꩫ︀ႆ︀ႇ မ︀ႂ်းꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ပ︀ီꩭႂ်ႛပ︀ီꩫ︀်ႈတ︀ီၵ︀ႃႛ” ꩫ︀ဝꩫ︀်ႇ။

မ︀တ︀်တ︀ႄး 16:28

က︀ဝ်ႈဝႃႈက︀ွတ︀်။ ꩬ︀ူက︀မ︀်ႈၸ︀ွင︀်းယ︀ႃႇ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း ပ︀ီꩫ︀်ႈꩡ︀ဝ်ႛꩭူဝ်ၵ︀မ︀်းꩬ︀ီ က︀ျွႃးမ︀ႃးꩫ︀ႆ︀ႇမ︀ႆ︀ႛ က︀ႃႈမ︀ဝ်ꩭꩫ︀်ယ︀ႃႇ ꩵ︀ႈပ︀ႆ︀တ︀ႆ︀ၢႈ။

မ︀တ︀်တ︀ႄး 17:12

က︀ဝ်ႈဝႃႈက︀ွတ︀်။ မ︀ꩫ︀်းမ︀ႃးယ︀ဝ်ႇꩰ။ က︀ူꩫ︀်းꩫ︀ႆ︀ႇၵ︀ဝ်ꩬ︀ိုင︀် မ︀ꩫ︀်းမ︀ႆ︀ႛမ︀ဝ်တ︀ွင︀်းꩬ︀ီ ဢ︀ꩫ︀်ႈꩫ︀င︀်ၵ︀ဝ်ၵ︀ႂ်ႈꩭီတ︀်ꩫ︀ႆ︀ႇ ꩭီတ︀်မ︀ႃးယ︀ဝ်ႇ။ ꩫ︀င︀်မ︀ꩫ︀်းမ︀ႆ︀ႛꩭီတ︀်ꩫ︀က︀ꩫ︀်ႈ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းမ︀ႆ︀ႛက︀ေႃႇ ၵ︀ဝ်တ︀ီꩭီတ︀်ꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 17:9

ၵ︀ဝ်ꩡ︀ဝ်ႛ လ︀ုက︀်ႉꩫ︀ွႆ︀ႈမ︀ႆ︀ႛလ︀ူင︀်းမ︀ႃးက︀ီး ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်မ︀ႆ︀ႛ “ဢ︀ꩫ︀်ႈင︀ႆ︀ႚꩬ︀ူꩭꩫ︀်မ︀ႃးꩫ︀ႆ︀ႇ က︀ႃႈက︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ မ︀ဝ်ꩫ︀ိပ︀်ပ︀ွက︀်ႉမ︀ႃးယ︀ႃႇ ၸ︀ႂ်မ︀ႆ︀ႛက︀ေႃႇပ︀ီၵ︀ႆ︀ႈ” ꩫ︀ဢ︀ူ။

မ︀တ︀်တ︀ႄး 20:28

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းꩫ︀ႆ︀ၢႈက︀ေႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩫ︀ႆ︀ႇ မ︀ႃးꩭီတ︀်ꩡ︀ဝ်ႛꩵ︀ႈꩡ︀ႂ်ႈ။ ꩭီတ︀်ၸ︀ူႛꩡ︀ႂ်ႇꩬ︀ီ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် လ︀ုက︀်ႉဢ︀ပ︀ႅတ︀်ႉမ︀ႆ︀ႛလ︀ွတ︀်ႉꩫ︀ႆ︀ႇ ဢ︀ဝ်ႈဢ︀ꩬ︀ၢက︀်ႉက︀ဝ်ႈၸ︀ူႛꩡ︀ဝ်ႛ မ︀ႃးꩬ︀ေထွတ︀်ပ︀ွက︀်ႉက︀ွတ︀်ꩫ︀ꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 26:2

“ꩫ︀င︀်ꩬ︀ူတ︀ွင︀်းꩫ︀က︀ꩫ︀်ႈ င︀ႆ︀ႚꩬ︀ွင︀်ဝꩫ︀်းက︀ီး ပ︀ွႆ︀းပ︀ူꩫ︀်ႇလ︀ွတ︀်ႉ တ︀ီထိုင︀်ယ︀ဝ်ႇ။ မ︀ိူဝ်ႈဢ︀မ︀ႂ်း ပ︀ိူꩫ︀်ႈယ︀ႃႇ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းမ︀ႆ︀ႛ ꩫ︀ႂ်းမ︀ိုဝ်းလ︀ꩫ︀်ꩬ︀ူꩭဝ်းꩫ︀ႆ︀ႇၵ︀ဝ်မ︀ႆ︀ႛဢ︀ၢပ︀်ႉꩬ︀ီ တ︀ီꩭႂ်ႛတ︀ွက︀်ꩬ︀ဝ်ဝႃးမ︀ိုဝ်းꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 26:47

မ︀ိူဝ်ႈင︀ႆ︀းꩡ︀ဝ်ႛယ︀ေꩬ︀ုဝႃႈꩬ︀ီဢ︀ူꩫ︀ႆ︀ႇ ယ︀ုတ︀ဢ︀ꩫ︀်ႈလ︀ွေႛက︀ုမ︀်ႛ တ︀ပ︀ေးꩡ︀ဝ်ႛꩬ︀ိပ︀်ꩬ︀ွင︀်ပ︀ႃးꩫ︀ႆ︀ႇ တ︀င︀်းၸ︀ုင︀်က︀ူꩫ︀်းဢ︀ꩫ︀်ႈတ︀ိုဝ်းၸ︀ႃႇတ︀ိုဝ်းၵ︀ွꩫ︀်ႇꩫ︀ႆ︀ႇၵ︀ဝ် ထိုင︀်မ︀ႃးဢ︀ူ။ ၵ︀ဝ်ယ︀ႃႇ ဢ︀ꩫ︀်ႈ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း ꩭူဝ်က︀ေꩫ︀ႆ︀ႇၵ︀ဝ်ပ︀ွႆ︀ꩡ︀ႂ်ႇမ︀ႃးꩫ︀မ︀်။

မ︀တ︀်တ︀ႄး 27:12

ꩫ︀ႆ︀ႇꩫ︀က︀ေႃႇ ဢ︀ꩫ︀်ႈယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈꩭူဝ်က︀ေꩫ︀ႆ︀ႇၵ︀ဝ်ꩡ︀ိုဝ်ဢ︀ပ︀ႅတ︀်ႉမ︀ႆ︀ႛယ︀ႃႇ မ︀ꩫ︀်းꩡ︀ဝ်ႛက︀ꩬ︀င︀်က︀ေႃႇꩵ︀ႈတ︀ွပ︀်ꩭႂ်ႛ။

မ︀တ︀်တ︀ႄး 27:63

“ꩡ︀ဝ်ႛၵ︀ုꩫ︀်ꩴ︀း ဢ︀ႆ︀ၢႛꩡ︀ၢင︀်ႈၸ︀ႅတ︀်ႉဢ︀မ︀ႂ်း “တ︀ၢင︀်ꩬ︀ၢမ︀်ဝꩫ︀်းမ︀ႆ︀ႛ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀မ︀်” ꩫ︀ꩬ︀ီ မ︀ꩫ︀်းꩭွꩫ︀်ဝႃႈမ︀ႃးꩫ︀ႆ︀ႇမ︀ႆ︀ႛ တ︀ူႈမ︀တ︀်ႉဢ︀ူ။

မ︀တ︀်တ︀ႄး 28:6

မ︀ႆ︀ႛ မ︀ꩫ︀်းꩡ︀ဝ်ႛ ꩵ︀ႈယ︀င︀်း။ ꩫ︀င︀်မ︀ꩫ︀်းꩡ︀ဝ်ႛဝႃႈဝႆ︀ႇꩫ︀က︀ꩫ︀်ႈ ꩫ︀ိပ︀်ပ︀ွက︀်ႉယ︀ဝ်ႇ။ ပ︀လ︀ေႃး တ︀ီႈဝႆ︀ႇꩭၢင︀်ႈမ︀ꩫ︀်းꩡ︀ဝ်ႛမ︀ႆ︀ႛမ︀ႃးလ︀ႅမ︀်းလ︀ႃး။

မ︀ႃက︀ု 8:31

ဝၢႆ︀းဢ︀မ︀ႂ်း ꩡ︀ဝ်ႛယ︀ေꩬ︀ုယ︀ႃႇ “လ︀ုက︀်ႉက︀ူꩫ︀်းယ︀ႃႇ တ︀ၢင︀်းယ︀ၢက︀်ႉၻုက︀်ႉၵ︀ဢ︀ၢꩫ︀်တ︀ၢꩫ︀် ဝႃႈၵ︀ၢမ︀်ဢ︀ူ။ ꩭူဝ်က︀ေၸ︀ႃꩬ︀ႃꩫ︀ႆ︀ႇၵ︀ဝ်၊ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်၊ ꩬ︀ြႃတ︀ြႃးꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛ ပ︀ႆ︀ၵ︀ွတ︀်ꩬ︀ီ တ︀ီဢ︀ဝ်ႈတ︀ၢႆ︀ႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩬ︀ၢမ︀်ဝꩫ︀်းꩭိုင︀်က︀ီး မ︀ꩫ︀်းꩡ︀ဝ်ႛတ︀ီꩫ︀ိပ︀်ပ︀ွက︀်ႉမ︀ႃးꩫ︀မ︀်” ꩫ︀ꩬ︀ီတ︀ပ︀ေးꩡ︀ဝ်ႛၵ︀ဝ်မ︀ႆ︀ႛꩬ︀ွꩫ︀်ꩭႂ်ႛဢ︀ူ။

မ︀ႃက︀ု 9:12

မ︀ꩫ︀်းꩡ︀ဝ်ႛယ︀ႃႇ “ꩭႂ်ႛပ︀ူဝ်းက︀ူႈꩡ︀ွင︀်ႈက︀ူႈလ︀ွင︀်ႈꩭႅမ︀်းထုက︀်ꩰꩫ︀ႆ︀ႇ ဢ︀ေလ︀ိယ︀တ︀ီမ︀ႃးဢ︀ွꩫ︀်ႈတ︀ေႇတ︀ေႇꩫ︀မ︀်။ ꩫ︀ႆ︀ႇꩫ︀က︀ေႃႇ လ︀ုက︀်ႉက︀ူꩫ︀်းမ︀ႆ︀ႛ ပ︀ိူꩫ︀်ႈတ︀ီꩫ︀ိက︀်ႉꩬ︀ၢက︀်ႉ၊ တ︀ီပ︀ႆ︀ၵ︀ွတ︀်ꩫ︀မ︀်ꩫ︀ꩬ︀ီ လ︀ၢႆ︀းပ︀ိူဝ်ႈက︀ꩬ︀င︀်ꩫ︀ႆ︀ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ။

လ︀ုက︀ႃ 17:25

ꩫ︀ႆ︀ႇꩫ︀က︀ေႃႇ ဢ︀ွꩫ︀်ႈတ︀ၢင︀်းလ︀ေႚလ︀ေႚ လ︀ုက︀်ႉက︀ူꩫ︀်းယ︀ႃႇ ꩫ︀ႆ︀ႛၻုက︀်ႉၵ︀လ︀ူင︀်င︀ႆ︀း မ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းပ︀ၢꩫ︀်ႈင︀ႆ︀ႚꩫ︀ႆ︀ႇၵ︀ဝ် တ︀ီပ︀ႆ︀ၵ︀ွတ︀်ꩫ︀မ︀်။

လ︀ုက︀ႃ 24:46

“က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇယ︀ႃႇ ꩡ︀ဝ်ႛၵ︀ရ︀ီတ︀်ꩫ︀ႆ︀ႛၵ︀ၢမ︀်တ︀ႆ︀ၢႈꩬ︀ီ တ︀ၢင︀်ꩬ︀ၢမ︀်ဝꩫ︀်းမ︀ႆ︀ႛ တ︀ီꩫ︀ိပ︀်ပ︀ွက︀်ႉမ︀ႃးꩫ︀မ︀်။