34 ꩡ︀ဝ်ႛယ︀ေꩬ︀ု မ︀ိူဝ်ႈၸ︀ုင︀်က︀ူꩫ︀်းမ︀ႆ︀ႛ ꩬ︀င︀်ꩬ︀ွꩫ︀်ꩫ︀ႆ︀ႇ ပ︀ုင︀်ၵ︀ိူင︀်ႈၵ︀ၢမ︀်းꩫ︀ႆ︀ႇၵ︀ဝ်တ︀ိုဝ်းꩬ︀ီ ꩬ︀ွꩫ︀်ꩭႂ်ႛꩫ︀မ︀်။ ပ︀ုင︀်ၵ︀ိူင︀်ႈၵ︀ၢမ︀်းမ︀ဝ်လ︀ွေႛꩬ︀ီ မ︀ꩫ︀်းꩡ︀ဝ်ႛက︀ꩬ︀င︀်က︀ေႃႇꩵ︀ႈꩬ︀ွꩫ︀်။
က︀ဝ်ႈဢ︀ဝ်ႈပ︀ုင︀်ၵ︀ိူင︀်ႈၵ︀ၢမ︀်းဝႃႈꩫ︀ႆ︀ႇယ︀ႃႇ က︀ွပ︀်ႉပ︀ိူဝ်ႈၵ︀ဝ် ဢ︀ꩫ︀်ႈက︀ဝ်ႈꩭီတ︀်ꩫ︀ႆ︀ႇၵ︀ဝ်မ︀ႆ︀ႛꩫ︀ူႈꩬ︀ီက︀ေႃႇ မ︀ဝ်ပ︀ွင︀်ꩡ︀ႂ်ႈတ︀ေႇတ︀ေႇ။ ဢ︀ꩫ︀်ႈက︀ဝ်ႈဝႃႈမ︀ႆ︀ႛထွမ︀်ꩬ︀ီက︀ေႃႇမ︀ဝ်ပ︀ွင︀်ꩡ︀ႂ်ႈတ︀ေႇတ︀ေႇꩬ︀ီꩫ︀မ︀်။
မ︀ိူဝ်ႈဢ︀မ︀ႂ်း မ︀ꩫ︀်းꩡ︀ဝ်ႛ ပ︀ုင︀်ၵ︀ိူင︀်ႈၵ︀ၢမ︀်းꩫ︀ႆ︀ႇၵ︀ဝ်တ︀ိုဝ်းꩬ︀ီ ၵ︀ဝ်မ︀ႆ︀ႛလ︀ွင︀်ႈဢ︀ၢꩫ︀်တ︀ၢꩫ︀်ꩬ︀ွꩫ︀်ꩭႂ်ႛဢ︀ူ။ မ︀ꩫ︀်းꩡ︀ဝ်ႛဝႃႈꩫ︀ႆ︀ႇ “က︀ူꩫ︀်းက︀ူဝ်ႇလ︀ိူင︀်ႈ က︀ႃဝၢꩫ︀်ꩭွေၸ︀ꩫ︀်းဢ︀ူ။
ꩡ︀ဝ်ႛယ︀ေꩬ︀ု ပ︀ုင︀်ၵ︀ိူင︀်ႈၵ︀ၢမ︀်းꩫ︀ႆ︀ႇဝႃႈꩫ︀က︀ေႃႇ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ တ︀ီႈပ︀ွင︀်ပ︀ုင︀်ၵ︀ိူင︀်ႈၵ︀ၢမ︀်းꩫ︀ႆ︀ႇꩵ︀ႈတ︀ွင︀်း။
ꩡ︀ဝ်ႛယ︀ေꩬ︀ုက︀ၢပ︀်ꩬ︀ီဝႃႈꩫ︀ႆ︀ႇ “က︀ဝ်ႈꩬ︀ူမ︀ႆ︀ႛ ပ︀ုင︀်ၵ︀ိူင︀်ႈၵ︀ၢမ︀်းတ︀ိုဝ်းꩰꩬ︀ီဝႃႈမ︀ႃးဢ︀ူ။ ꩫ︀ႆ︀ႇꩫ︀က︀ေႃႇ မ︀ဝ်ꩭိုင︀်က︀ꩬ︀င︀် က︀ဝ်ႈပ︀ုင︀်ၵ︀ိူင︀်ႈၵ︀ၢမ︀်းမ︀ဝ်တ︀ိုဝ်းꩬ︀ီ လ︀ွင︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ႆ︀ႈꩡ︀ုꩫ︀်ႈꩰꩫ︀မ︀်။
ꩫ︀ႆ︀ႇမ︀ႆ︀ႛတ︀ပ︀ေးꩡ︀ဝ်ႛၵ︀ဝ်ယ︀ႃႇ “ꩡ︀ဝ်ႛꩴ︀း လ︀ႃႉꩫ︀ႆ︀ႇမ︀ႂ်းꩡ︀ဝ်ႛ ပ︀ုင︀်ၵ︀ိူင︀်ႈၵ︀ၢမ︀်းꩫ︀ႆ︀ႇၵ︀ဝ်မ︀ဝ်တ︀ိုဝ်းꩬ︀ီ ဝႃႈꩡ︀ုꩫ︀်ႈꩰတ︀ီၵ︀ႃႛမ︀ႃးယ︀ဝ်ႇ။